Kjarninn - 21.08.2014, Blaðsíða 67

03/06 menning
í hversdagslegum hlutum með því að flytja saman frumsamið
verk á nýstárleg hljóðfæri sín. Þátttakendur búningasmiðj-
unnar sköpuðu skringilegar skepnur sem ráfuðu um þorpið
og vöktu ýmsar spurningar. Rafsorp varð að hinum ýmsu
innsetningum og listaverkum auk trúnaðarvélar sem gleypir
leyndarmál og tætir þau í sig og býður þar með eiganda
leyndarmálsins nýtt upphaf. Danssmiðja hátíðarinnar fékk
allan áhorfendaskarann með sér í spunaverk þar sem sann-
kallað dansfrelsi ríkti og vídeósmiðjan sýndi brot úr staf-
rænum verkum sínum frá hátíðarvikunni.
Lokatónleikar við bakka norðursíldar
Auk þessa var efnt til listasýningar í Norðursíld rétt utan
alfaraleiðar þar sem hinir ýmsu listamenn höfðu tekið
höndum saman og breytt rými í lítið listasafn yfir helgina.
Mátti þar virða fyrir sér ýmiss konar myndlist, hlýða á
tónverk og skoða ljósmyndasýningar, hönnun og gjörninga
eftir unga og upprennandi alþjóðlega listamenn. Einnig voru
minni tónleikar og alls kyns uppákomur yfir hátíðardagana.
Rúsínan í pylsuenda hátíðarinnar var svo lokatónleikar
við bakka Norðursíldar þar sem einvalalið íslenskra sveita
tróð upp á sviði búnu til úr viðarplötum sem helst leit út eins
og risavaxið hreiður, varið utanaðkomandi áreiti af fjöllun-
um allt í kring.
Já, LungA hátíðin var vel heppnuð og eiga aðstandendur
hrós skilið. Skipulagshópurinn breytist með árunum en þó
er ein manneskja sem hefur staðið vaktina frá upphafi og
virðist beita sér sérstaklega fyrir auknu lista- og menningar-
lífi á Seyðisfirði og Austurlandi – Björt Sigfinnsdóttir – sem
auk þess að vera ein af stofnendum LungA hátíðarinnar er
nýrokin af stað með nýtt og jafnvel enn meira spennandi
verkefni – LungA skólann.
Byggir á sömu gildum
LungA skólinn byggir á sömu gildum og LungA hátíðin en
sækir jafnframt innblástur í lýðháskólakerfið sem á vinsæld-
um að fagna í Skandinavíu og þá helst í Danmörku. Námið