Kjarninn - 04.09.2014, Blaðsíða 16

13/15 alÞJóðamál
Samkvæmt síðasta samkomulagi greiddu EES-ríkin
tæpan milljarð evra, um 150 milljarða króna á verðlagi
dagsins í dag, í sjóðinn. Þar af greiða Norðmenn tæplega 95
prósent upphæðarinnar. Til viðbótar felur samkomulagið
um greiðslur EES-ríkjanna til Evrópusambandsins í sér að
Norðmenn greiða til hliðar í sérstakan Þróunarsjóð Noregs.
Alls borguðu Norðmenn tæpa 125 milljarða króna í hann á
tímabilinu. Þeir greiddu því um 260 milljarða króna fyrir
aðgöngu sína að innri markaðnum. Ljóst er að þorri þeirrar
fjárhagslegu byrðar sem greiðslurnar orsaka lendir á Norð-
mönnum. Ástæður þessa eru einfaldar. Þegar upphaflega
var samið um greiðslurnar var ákveðið að framlag hverrar
þjóðar fyrir sig myndi reiknast út frá landsframleiðslu og
höfðatölu. Norðmenn eru langríkasta og langfjölmennasta
EFTA-ríkið sem á aðild að EES-samningnum og borga þar af
leiðandi langmest.
Hitamál
Samband Íslands og Evrópu-
sambandsins er mikið hita-
mál. Andstæðingar aðildar að
sambandinu leggja oft áherslu
á mikilvægi EES-samningsins.