Kjarninn - 04.09.2014, Blaðsíða 22

03/04 ViðSKipti
annars horft til þess að rýmka eða afnema fjármagnshöft.
Á meðal þeirra sem vinna að þessu fyrir stjórnvöld er Lee
Buchheit, lögmaðurinn sem var íslenskum stjórnvöldum til
ráðgjafar í Icesave-deilunni við Hollendinga og Breta.
mikil stærðarhagkvæmni
Í fjármálageiranum er stærðarhagkvæmni augljóslega
eftirsóknarverð, ekki síst þegar kemur að fjárfestingarbanka-
starfsemi og eignastýringu. Möguleg sameining Virðingar og
MP, og jafnvel Íslenskra verðbréfa sömuleiðis, yrði ekki síst
gerð á forsendum þess að styrkja rekstrargrunninn og efla
fjárfestingarbankastarfsemi og eignastýringu.
Ljóst er að stjórnir íslenskra lífeyrissjóða munu ráða
miklu um hvernig fer, þar sem þeir eru stórir hluthafar í öll-
um fyrrnefndum félögum, Virðingu, MP banka og Íslenskum
verðbréfum. Þá eiga félagasamtök einnig hluti í félögunum.
Hjá Virðingu, sem varð til í núverandi mynd með samein-
ingu við Auði Capital, eiga lífeyrissjóðirnir Lífeyrissjóður
verzlunar manna, Sameinaði lífeyrissjóðurinn, Stafir lífeyris-
sjóður og Lífeyrissjóður verkfræðinga samtals ríflega 25
prósent hlutafjár. Þar af eiga Lífeyrissjóður verzlunarmanna
og Sameinaði lífeyrissjóðurinn ríflega átta prósenta hlut
hvor. Stærsti eigandi Virðingar er KP Capital, félag stjórnar-
formannsins Kristínar Pétursdóttur, með ríflega níu prósenta
hlut.
Lífeyrissjóður verzlunarmanna er einnig meðal stórra
hluthafa í MP banka, á 9,74 prósenta hlut. Samkvæmt heim-
ildum Kjarnans hafa nokkrar umræður átt sér stað á milli
þeirra sem stýra lífeyrissjóðunum um hvernig best sé að haga
málum ef til sameiningar kemur. Hjá Íslenskum verðbréfum
eru lífeyrissjóðir einnig á meðal stærstu hluthafa og við-
skiptavina sömuleiðis. Íslandsbanki er stærsti hluthafinn
með 27 prósenta hlut, en Stapi lífeyrissjóður á 15 prósent og
Lífeyrissjóður starfsmanna sveitarfélaga 14,4 prósent. Þessir
tveir sjóðir fara því með tæplega þrjátíu prósenta hlut í
félaginu. Rekstur Íslenskra verðbréfa hefur verið stöðugt já-
kvæður frá árinu 2002, samkvæmt upplýsingum frá félaginu,