Kjarninn - 04.09.2014, Blaðsíða 24

04/04 ViðSKipti
en hagnaðurinn nam 138 milljónum króna í fyrra og voru
eignir í stýringu 112 milljarðar í lok þess árs.
Skýrari staða hjá Straumi
Eins og greint var frá í Kjarnanum í síðustu viku hafa
óformlegar samræður um mögulega sameiningu MP banka
og Straums átt sér stað í allt sumar, en eins og mál standa
nú eru minni líkur á að Straumur og MP banki sameinist en
var á fyrri stigum viðræðnanna. Frá þessu var meðal annars
greint í fylgiriti Morgunblaðsins um viðskipti, Viðskipta-
mogganum, fyrir viku. Staða Straums hefur einnig skýrst
nokkuð eftir að bankinn fékk alíslenskt eignarhald þegar
einkafjárfestar keyptu um 65 prósenta hlut í Straumi af
ALMC á dögunum. Félögin sem eiga hlutinn eru Sigla ehf.,
Ingimundur hf., Varða Capital ehf. og Eignarhaldsfélagið
Mata hf., að því er kom fram í tilkynningu vegna viðskipt-
anna. Þeir fjárfestar sem eru í forsvari fyrir félögin eru
Tómas Kristjánsson og Finnur Reyr Stefánsson fyrir Siglu,
Ármann Ármannsson og Ármann Fr. Ármannsson fyrir
Ingimund og Grímur Garðarsson og Jónas Hagan fyrir Vörðu
Capital. Guðný, Eggert, Halldór og Gunnar Gíslabörn standa
á bak við Eignarhaldsfélagið Mata hf., að því er fram kom í
tilkynningu. Starfsmenn bankans eiga afgang hlutafjárins.