Kjarninn - 18.09.2014, Blaðsíða 53

04/04 tónlist
owen Pallett – in Conflict
Eftir hina frábæru plötu Heart-
land (2010) sendir Owen pallett
(áður Final Fantasy) nú frá sér
ekki slakari grip, In Conflict.
pallett er einstakur lagasmiður
á heimsmælikvarða og það sést
greinilega á þessari plötu. Sem fyrr
er fiðlan í fyrirrúmi og nú hefur
Brian Eno bæst í hópinn – blanda
sem virkar vel.
Sun Kil Moon – benji
Benji hefur trónað á helstu topp-
listum ársins hingað til og ekki
að furða. Á plötunni syngur Mark
Kozelek, fyrrum forsprakki Red
House painters, um atburði úr eig-
in lífi, sem flestir hverjir eru helst
til dapurlegir. platan er þó aldrei
yfirþyrmandi þung – þvert á móti
er húmorinn aldrei langt undan.
Swans – to be Kind
Það er magnað að skoða sögu
Swans sem hljómsveitar og nýjustu
afurðir sveitarinnar sem eru hver
annarri betri, ár eftir ár. Feyki-
nógur ferskleiki einkennir þessa
goðsagnakenndu sveit sem er búin
að vera að í meira en þrjá áratugi
og hefur enn margt til málanna að
leggja.
timber timbre – Hot dreams
Það er eitthvað óvenju heillandi
við að skyggnast inn í hugarheim
Timber Timbre á Hot Dreams.
Lögin tíu leyna heldur betur á sér
og platan býður upp á hlaðborð
af stefnum og straumum sem
saman mynda hljóðræna heild og
verða bara betri og betri við hverja
hlustun.
Ana tijoux - vengo
Ana Tijoux semur fjölbreytta tón-
list sem tvinnar saman hinar ýmsu
stefnur og áhrif eins og ekkert sé.
Aukinheldur eru lögin broddum
hlaðin og innihalda samfélagslega
ádeilu, ekkert er henni heilagt eða
óviðkomandi.
Sharon van Etten - Are We there
ą4ISTPIWE]-ăQESRILMX[SRHIV Ć
syngur Sharon Van Etten á lokalagi
Are We There. Hún er þekkt fyrir
hreinskilna og brothætta texta
og lagasmíðar sem byggja oftar
en ekki á eigin lífi, en óhætt er að
búast við að enginn muni fullyrða
hið fyrrnefnda eftir að hafa heyrt
þessa frábæru plötu.