Morgunblaðið - 18.08.2012, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 18. ÁGÚST 2012
 


   
 


 
 

   
 




! "
#
$ 
 % & 


  
  
 
$ 

&  
 

   
  
 
$ 
 $%&   
  

 

  
 $ 
 &
 
  !

"  


   
 ## "  
'  "  
       BAKSVIÐ
Rúnar Pálmason
runarp@mbl.is
Tré, lúpína og annar hárreistur
gróður kemur víða í veg fyrir að
þeir sem fara um göngu- og hjól-
reiðastígana í Elliðaárdal sjái um-
ferð sem kemur á móti. Svipaðar
aðstæður eru raunar víðar á höf-
uðborgarsvæðinu. Að mati blaða-
manns sem þetta ritar er slysahætt-
an í Elliðaárdal augljós. Það bætir
ekki úr skák að samkvæmt upplýs-
ingum frá Reykjavíkurborg hefur
verið töluvert um að göngufólk
kvarti undan of miklum hraða hjól-
reiðamanna á þessari leið.
Stígurinn sem um ræðir liggur
sunnan við og meðfram Elliðaánum,
það er að segja Breiðholtsmegin, og
fer m.a. framhjá Árbæjarstíflunni.
Stígnum var á sínum tíma skipt
þannig að þriðjungur hans var
merktur sem hjólarein en afgang-
urinn er ætlaður gangandi vegfar-
endum. Þegar farið er upp dalinn er
hjólareinin hægra megin á stígnum.
Reykjavíkurborg hefur raunar
hætt að halda hjólareininni við en
línan sem skiptir stígnum er engu
að síður ágætlega greinileg og lang-
flestir sem fara þarna um virða
hana – reyndar þannig að stundum
gengur virðingin fyrir skiptingunni
fram úr hófi. Það hefur blaðamaður
margoft fengið að reyna en hann
hjólar stíginn nánast daglega.
Þannig er býsna algengt þeir sem
hjóla niður dalinn – og eru því
vinstra megin á stígnum miðað við
stefnu – víki seint og illa fyrir þeim
sem eru að hjóla upp dalinn og eru
hægra megin á stígnum miðað við
stefnu. Það er eiginlega eins og
sumir hjólreiðamenn haldi að þeir
megi ekki hjóla nema á hjólarein-
inni.
Eykur hættu á árekstri
Ekkert af þessu myndi þó skipta
miklu máli ef útsýn yfir stíginn væri
góð en svo er alls ekki. Á all-
mörgum stöðum við stíginn skyggir
gróður svo á stíginn að hann býr til
blindbeygjur og jafnvel blindhæðir.
Vegna þess hversu illa sést fram á
stíginn er augljóslega meiri hætta á
að hjólreiðamenn skelli saman og
þetta hlýtur einnig að auka hættuna
á árekstri hjólreiðamanna og gang-
andi vegfaranda. Slíkt er ekkert
grín, sérstaklega ekki þar sem á
stígnum er ágætlega brött brekka
en eins og allir vita fara hjól aldrei
hraðar en þegar þeim er hjólað nið-
ur brekkur. Þar að auki eru ým-
iskonar farartæki þarna á ferð, m.a.
rafmagnsvespur og kraftmikil raf-
magnsreiðhjól. Verulega mætti
bæta ástandið og auka öryggið með
því einu að fella nokkur tré, klippa
önnur og slá lúpínubreiðurnar sem
vaxa við stíginn.
Ofvaxinn gróður skyggir á stíginn
Morgunblaðið/Sigurgeir S.
Þröngt Á þessum stað, skammt neðan við Árbæjarstíflu er útsýni mjög skert vegna gróðurs. Hjólareinin er hægra
megin á myndinni en sést illa á blautum stígnum. Algengt er að þeir sem hjóla niður stíginn haldi sig á hjólareininni.
 Gróður við göngu- og hjólastíg í Elliðaárdal býr til blindbeygjur og -hæðir  Kvartað undan hraða
 Hjóla eftir mjórri hjólarein þótt borgin sé hætt að halda merkingum við  Þyrfti að fella tré
Morgunblaðið/Rúnar Pálmason
Umferð Aðstæður eru víða þannig að þeir sem eru að hjóla niður stíginn
sjást seint vegna mikils gróðurs. Ferðin getur líka verið töluverð.
Mótmæli vegna fyrirhugaðrar
hækkunar á virðisaukaskatti á gist-
ingu hafa á umliðnum dögum borist
frá fjölmörgum sem láta sig málefni
ferðaþjónustunnar varða. Stjórn
Ferðamálasamtaka Suðurnesja seg-
ir að slík hækkun muni orsaka veru-
legt bakslag í ferðaþjónustunni.
„Minnt skal á að opinberar rann-
sóknir á þessari mikilvægu atvinnu-
grein eru nánast engar sem er ekki í
neinu samræmi við það sem er í öðr-
um helstu atvinnugreinum þjóð-
arinnar. Forsendurnar á bak við
þessa hækkun eru því ekki til.
Ferðamálasamtökin skora á rík-
isstjórn Íslands og Alþingi að endur-
skoða hugmyndir um hækkun virð-
isaukaskatts úr 7 í 25,5%, annað
væri ábyrgðarlaust,“ segir þar. Bæj-
arráð Reykjanesbæjar hefur sam-
þykkt ályktun þar sem varað er við
afleiðingum hækkunar virð-
isaukaskattsins. Ályktunin var sam-
þykkt á fundi bæjarráðs með meiri-
hluta atkvæða fulltrúa Sjálfstæðis-
og Framsóknarflokks eða 4-1.
Fulltrúi Samfylkingar greiddi at-
kvæði gegn ályktuninni. „Hækkunin
mun koma niður á allri ferðaþjón-
ustu á Suðurnesjum sem veitir á
annað þúsund íbúum Suðurnesja at-
vinnu. Óhjákvæmileg afleiðing
skattahækkunar er samdráttur sem
mun hafa í för með sér fækkun
ferðamanna sem veldur fækkun
flugferða og minni þörf fyrir starfs-
fólk í ferðaþjónustu sem aftur leiðir
af sér aukið atvinnuleysi á Suð-
urnesjum,“ segir í ályktuninni.
Ferðamálasamtök Íslands skora á
ríkisstjórnina að endurskoða fyr-
irhugaða hækkun. „Það er furðulegt
að ríkisvaldið skuli með annarri
hendinni leggja fé í markaðsátakið
„Ísland allt árið“ til að örva við-
skiptin og dreifa gestum um landið
og með hinni hendinni stefna öllu í
uppnám með svo vanhugsuðum að-
gerðum,“ segir í yfirlýsingu. om-
fr@mbl.is
Segja hækkun
stefna öllu í uppnám
 Mótmæla fyrirhugaðri skattahækkun
Morgunblaðið/Eggert
Ferðaþjónusta Fyrirhugaðri
hækkun virðisaukaskatts mótmælt.
Skannaðu kóðann
til að sjá fleiri
myndir af stígn-
um.
Ábendingu um ofvöxtinn í
gróðrinum var komið til Reykja-
víkurborgar á miðvikudag.
Þórólfur Jónsson, garð-
yrkjustjóri borgarinnar, sagði að
sínir menn myndu skoða að-
stæður en bætti við að þeirra
hlutverk væri að sjá til þess að
gróður slútti hvorki yfir göngu-
og hjólreiðastíga né yxi inn á
þá. Þeir myndu ekki taka
ákvörðun um hvort fella ætti tré
eða snyrta gróður utan stíg-
anna, eingöngu til að bæta sjón-
línu fyrir hjólreiðamenn, heldur
félli slíkt undir verksvið umferð-
arsérfræðinganna.
Pálmi Freyr Randversson,
sérfræðingur í umferðarmálum
hjá umferðarsviði, sagði að mál-
ið yrði skoðað og metið hvernig
bæta mætti úr. Báðir þökkuðu
fyrir ábendinguna.
Við þetta má kannski bæta að
borgin leggur að íbúum að
halda gróðri á lóðum í skefjum.
„Trjágróður sem vex út fyrir lóð-
armörk getur skapað óþægindi
og jafnvel hættu fyrir gangandi
og akandi vegfarendur. Reykja-
víkurborg hvetur garðeigendur
til að klippa tré sín svo þau
hvorki hindri vegfarendur, hylji
umferðarskilti né dragi úr götu-
lýsingu,“ segir á vef borg-
arinnar.
Íbúar hvattir
til klippinga
FAGNA ÁBENDINGUM