Morgunblaðið - 18.08.2012, Blaðsíða 20

20 FRÉTTIRInnlent
MORGUNBLAÐIÐ LAUGARDAGUR 18. ÁGÚST 2012
FÆST Á REDKEN HÁRGREIÐSLUSTOFUM
GET INSPIRED. SEE YOUR STYLIST.
SÉRSTAKAR ÞARFIR. EINFALDAR LAUSNIR
VERND OG GLANS FYRIR LITAÐ HÁR
NÝJA COLOR EXTEND
LÍNAN FYRIR LITAÐ HÁR
Vernd gegn útfjólubláum
geislum, lengir líftíma litarins
og styrkir hárið.
Inniheldur: UV-filter sem
verndar, prótein og seramíður
sem styrkja, trönuberjaolíu
sem nærir og gefur glans.
SÖLUSTAÐIR
REDKEN
BEAUTY BAR
FAGFÓLK
HJÁ DÚDDA
HÖFUÐLAUSNIR
MEDULLA
MENSÝ
N-HÁRSTOFA
PAPILLA
SALON REYKJAVÍK
SALON VEH
SCALA
SENTER
Dreifing:
HÁR EHF
s. 568 8305
har@har.is
REDKEN Iceland á
VIÐTAL
Björn Jóhann Björnsson
bjb@mbl.is
Samgönguminjasafnið í Stóragerði
í Skagafirði hefur tekið miklum
stakkaskiptum eftir að sýning-
arskáli var stækkaður, nýtt verk-
stæði byggt, gestamóttaka stækk-
uð og veitingasala sett upp þar
sem kaffi og hjartastyrkjandi
drykkir eru í boði. Út úr barborð-
inu kemur framstykki af Chevr-
olet-bíl, árgerð 1978, en nóg er af
ökutækjum á safninu af öllum
stærðum og gerðum.
„Ég er ekkert að gefa nánari
upplýsingar um þennan bíl, veit
ekki hvað maðurinn sem átti hann
myndi þá segja,“ segir Gunnar Kr.
Þórðarson, sem rekur safnið ásamt
fjölskyldu sinni. Hann segir bar-
borðið hafa vakið athygli gesta en
það er hannað þannig að hægt er
að skipta um framstykki á bílum.
„Næst verður það kannski Ford
eða Cadillac sem koma ónýtir að
aftan til okkar. Ekki tímir maður
að ráðast á heila bíla og búta þá
niður,“ segir Gunnar, kátur í
bragði.
Fólk kemur alls staðar frá
Hann lætur taugahrörn-
unarsjúkdóminn MND ekki aftra
sér við dagleg störf. Greindist
hann með sjúkdóminn fyrir fimm
árum, um það leyti sem safnið
byggðist upp. Í dag fer hann um
allt í hjólastól en getur enn staðið
við iðju sína ef með þarf.
Aðspurður segist Gunnar vera
mjög ánægður með aðsóknina í
sumar. Safnið fær til sín árlega
hátt í 4.000 gesti og bílaáhuga-
menn eru einnig duglegir að leggja
safninu til ökutæki til sýnis og
endurgerðar.
„Við fáum fólk til okkar alls
staðar af landinu og einnig útlend-
inga. Verst er hvað sumarið er
stutt. Við náum að lengja aðeins
tímabilið með heimsóknum skóla-
krakka á vorin og á haustin er
mikið um vinnustaðahópa sem
koma. Ungu fólki sem hingað kem-
ur finnst merkilegt að sjá hvernig
bílarnir hafa þróast. Gömlu karl-
arnir eru mjög áhugasamir og kon-
urnar vilja ekki síður gleyma sér á
safninu þegar þær sjá allar drossí-
urnar og fara að rifja upp róm-
antísk augnablik fyrri tíma, með
glampa í augum,“ segir Gunnar.
Þegar hann er að endingu
spurður hvað ökutækin á safninu
séu orðin mörg segir hann þetta
vera eins og með hrossin í Skaga-
firði; fjöldi þeirra sé ekki gefinn
upp.
„Ég gæti vel talið þá bíla sem
eru innandyra til sýnis en fyrir ut-
an er ég með alls konar dót sem
ég gríp í; varahluti og bíla sem
bíða aðgerða,“ segir Gunnar, sem
er jafnan með nokkra bíla í einu í
vinnslu í Stóragerði. Safnið er í al-
fararleið um Óslandshlíðina, um
það bil miðja vegu milli Sauð-
árkróks og Hofsóss.
Safnið stækkar í Stóragerði
 Hátt í fjögur þúsund manns sækja Samgönguminjasafnið í Stóragerði í Skagafirði árlega heim
 Sýningarskáli stækkaður og nýtt verkstæði byggt  Gestamóttaka stækkuð og bar opnaður
Ljósmynd/Samgönguminjasafnið
Fornbílar Margir dýrgripirnir eru til sýnis í Stóragerði og aðstaðan hefur batnað til muna eftir stækkun sýningarskálans. Ökutækin eru sögð óteljandi.
Morgunblaðið/Björn Björnsson
Veitingar Gunnar Kr. Þórðarson safnvörður við nýja veitingabarinn sem
skartar Chevrolet árgerð 1978 að framanverðu. Við hæfi á þessum stað. Eins og sönnu samgönguminjasafni sæmir koma gestirnir ekki eingöngu
akandi í bílum og rútum heldur einnig fljúgandi og lenda á túninu í
Stóragerði.
Jónas, sonur Gunnars, er flugmaður og útbjó hann túnið hæft til lend-
ingar með 400 metra langri braut. Þannig lenti Twin-Otter vél frá Nor-
landair á túninu í sumar með nokkra gesti og fleiri vélar hafa lent þarna.
„Það verður að hafa allar samgöngur í lagi hérna. Næst er það
kannski þyrlupallur,“ segir Gunnar og hlær.
Gestirnir koma fljúgandi
AÐSTAÐA TIL LENDINGAR Á TÚNINU Í STÓRAGERÐI
Vél Norlandair á túninu
í Stóragerði í sumar.
Kannabisefni og tvær loftskamm-
byssur fundust í íbúðarhúsnæði í
Reykjanesbæ á miðvikudag. Lög-
reglan á Suðurnesjum fór í hús-
leit á staðinn, að fengnum dóms-
úrskurði, og fann þá lítilræði af
kannabis, auk byssanna. Fíkni-
efnaleitarhundur var með í för
og vísaði hann á staðina þar sem
efnin voru falin.
Nær níræður sviptur
Lögreglan á Suðurnesjum
stöðvaði bifreið í umdæminu
fyrradag, þar sem grunur lék á
að ökumaðurinn væri ölvaður.
Lögreglumenn voru við umferð-
areftirlit þegar sást til bílsins
sem ekið var yfir á öfugan veg-
arhelming, þannig að bifreið sem
kom á móti þurfti að hægja á sér
og víkja.
Ökumaðurinn, tæplega níræður
karlmaður, reyndist vera ölvaður.
Hann var handtekinn og færður á
lögreglustöð þar sem hann var
sviptur ökuréttindum.
Kannabis og tvær
loftskammbyssur