Morgunblaðið - 18.08.2012, Blaðsíða 23

FRÉTTIR 23Erlent
MORGUNBLAÐIÐ LAUGARDAGUR 18. ÁGÚST 2012
Mannréttindasamtök og vestræn stjórnvöld mótmæltu í
gær fangelsisdómi yfir þremur konum í pönksveitinni
Pussy Riot sem voru ákærðar fyrir óspektir í dómkirkju
rússnesku rétttrúnaðarkirkjunnar í Moskvu 21. febrúar.
Konurnar voru dæmdar í tveggja ára fangelsi fyrir að
efna til mótmæla í kirkjunni með því að hrópa „pönk-
arabæn“ til Maríu Guðsmóður, biðja hana um að losa
Rússa við ofurvald Vladímírs Pútíns forseta.
Hafa áhyggjur af tjáningarfrelsinu
Konurnar eru 22, 24 og 30 ára gamlar. Tvær þeirra eru
mæður ungra barna og hafa ekki fengið að hitta þau frá
því þær voru fangelsaðar í febrúar. Lögmaður kvennanna
sagði að þær myndu ekki biðja Pútín um að veita þeim
sakaruppgjöf.
Talsmaður bandaríska utanríkisráðuneytisins gagn-
rýndi fangelsisdóminn, sagði að hann væri of harður og
Bandaríkjastjórn hefði áhyggjur af því að hann hefði
„neikvæð áhrif á tjáningarfrelsið í Rússlandi“.
Stjórnvöld í Evrópuríkjum tóku í sama streng. Cather-
ine Ashton, yfirmaður utanríkismála hjá Evrópusam-
bandinu, sagði að fangelsisdómurinn vekti „alvarlegar
efasemdir“ um réttarfarið í Rússlandi og hvatti stjórn-
völd í Moskvu til að ógilda hann.
Mannréttindasamtökin Amnesty International sögðu
að réttarhöldin væru af pólitískum rótum runnin og kon-
urnar hefðu verið ranglega ákærðar fyrir lögleg mót-
mæli. Efnt var til mótmæla gegn fangelsisdómnum í
mörgum borgum, meðal annars London, Kíev, Sofíu,
Barcelona, Brussel og París. bogi@mbl.is
Fangelsisdómur fordæmdur
 Konurnar í Pussy Riot dæmdar í tveggja ára fangelsi fyrir mótmæli gegn Pútín
Yfirvöld sýni miskunn
» Rússneska rétttrún-
aðarkirkjan hvatti yfirvöld til
að sýna konunum miskunn
„innan ramma laganna“ eftir
að fangelsisdómurinn var
kveðinn upp.
» Konurnar voru ákærðar fyrir
„óspektir vegna trúarhaturs“
og guðlast.
AFP
Dæmdar Konurnar í Pussy Riot í dómsal í Moskvu í gær þegar þær voru dæmdar í tveggja ára fangelsi fyrir „óspektir vegna trúarhaturs“ í kirkju.
Bogi Þór Arason
bogi@mbl.is
Neyðarástand hefur skapast í tvenn-
um flóttamannabúðum í Suður-
Súdan og í öðrum þeirra deyja að
meðaltali fimm börn á dag, þar af
fjögur undir fimm ára aldri, að sögn
Lækna án landamæra.
Alls eru um 170.000 manns í fern-
um flóttamannabúðum í Suður-
Súdan eftir að hafa flúið átök og
matarskort handan landamæranna í
Súdan. Margir þeirra þurftu að
ganga vikum saman og voru mjög
veikburða þegar þeir komust loks í
búðirnar.
Ástandið er verst í tvennum
flóttamannabúðum. Í öðrum þeirra,
Yida, eru um 55.000 flóttamenn og
þar dóu að meðaltali fimm börn á
dag í júní og júlí. Dánartíðnin þar er
tvöfalt yfir þeim mörkum sem notuð
hafa verið þegar neyðarástand er
skilgreint, að sögn Lækna án landa-
mæra.
Helsta dánarorsök barnanna er
alvarleg niðurgangssýki en bráða-
vannæring hefur einnig stuðlað að
dauðsföllunum.
28% barnanna vannærð
Í flóttamannabúðum í Batil eru
um 34.000 manns, þar af 1.200 alvar-
lega vannærð börn. Tæp 28% allra
barnanna í búðunum eru vannærð
og um 10% þeirra þjást af alvarlegri
bráðavannæringu.
Vannæringin er enn meiri meðal
barna undir tveggja ára aldri í Batil-
búðunum. Um 44% þeirra eru van-
nærð, þar af 18% alvarlega.
Fólkið flúði yfir landamærin
vegna átaka milli stjórnarhersins og
uppreisnarmanna í tveimur hér-
uðum Súdans, Suður-Kordofan og
Bláu Níl. Uppreisnin hófst í Suður-
Kordofan í júní í fyrra og í Bláu Níl í
september. Átökin hafa valdið um
650.000 íbúum héraðanna búsifjum,
að sögn hjálparstofnana Sameinuðu
þjóðanna.
Að meðaltali deyja fimm
börn á dag í búðunum
 Neyðarástand í
flóttamannabúð-
um í Suður-Súdan
AFP
Börn í neyð Tveggja ára piltur, sem þjáist af malaríu, í sjúkraskýli Lækna
án landamæra í flóttamannabúðum í Suður-Súdan.
Jacob Zuma, for-
seti Suður-
Afríku, tilkynnti
í gær að hann
hefði ákveðið
opinbera rann-
sókn á skotárás
lögreglu á námu-
menn sem tóku
þátt í verkfalli og
mótmælum í platínunámu. Minnst
34 námumenn biðu bana og 78
særðust. Lögreglan segist hafa ráð-
ist til atlögu við verkfallsmennina í
sjálfsvörn og segir þá hafa verið
vopnaða. Þetta eru mannskæðustu
átök í Suður-Afríku frá því aðskiln-
aðarstefnan var numin úr gildi.
Um 260 námumenn hafa verið
handteknir við platínunámuna frá
því í fyrradag. Námumennirnir
hafa mótmælt frá 10. ágúst og vilja
að breskt fyrirtæki, sem rekur
námuna, þrefaldi laun þeirra. Lög-
reglumenn létu til skarar skríða
gegn mótmælendunum í skotheld-
um vestum og sumir þeirra voru á
hestbaki.
SUÐUR-AFRÍKA
Mannskæð árás
lögreglu á námu-
menn rannsökuð
Menningar-
málaráðherra
Bretlands hefur
sett tímabundið
bann við því að
eitt af mál-
verkum Picassos,
Barn með dúfu,
verði flutt úr
landi. Bannið
gildir þar til í desember og með því
gefst Bretum lokatækifæri til að
halda því í landinu. Verkið er álitið
hafa mikla sögulega þýðingu fyrir
Bretland, hefur verið sýnis frá átt-
unda áratugnum en var selt óþekkt-
um útlendingi á uppboði fyrr á
árinu. Talið er að kaupverðið hafi
verið um 50 milljónir punda, sem
svarar 9,4 milljörðum króna. Selj-
endurnir, fjölskylda í Wales, höfðu
átt verkið frá árinu 1947.
BRETLAND
Bannað að flytja
Picasso-verk úr
landi
Kaffi á könnunni og næg bílastæði
b ó k a b ú ð
f o r l a g s i n s
OPIÐ ALLA VIRKA DAGA
kl. 10–18
OG LAUGARDAGA
kl. 10–14
Fiskislóð 39
- nýr auglýsingamiðill
 569-1100finnur@mbl.is