Morgunblaðið - 18.08.2012, Blaðsíða 41

MENNING 41
MORGUNBLAÐIÐ LAUGARDAGUR 18. ÁGÚST 2012
REMINGTON
merkið sem
fólkið treystir
Tæki til hársnyrtingar fyrir alla
Act Heildverslun - Dalvegi 16b - 201 kópavogur
577 2150 - avon@avon.is
FRUMSÝNING 20. OKTÓBER KL. 20
2. sýn: Föstudaginn 26. október
3. sýn: Laugardaginn 27. október
4. sýn: Sunnudaginn 4. nóvember
5. sýn: Laugardaginn 10. nóvember
6. sýn: Laugardaginn 17. nóvember
Miðasala í Hörpu og á www.harpa.is - sími 528 5050 - midasala@harpa.is
WWW.OPERA.IS
Júlía Margrét Alexandersdóttir
julia@mbl.is
„Elly slökkti á útvarpinu ef hún
heyrði í sér og það var í raun bara
eitt lag sem hún var alveg sátt við og
sagði að hún hefði „jú, bara sungið
nokkuð vel“, og það var Lítill fugl,“
segir Margrét Blöndal útvarpskona
sem skrifar ævisögu Ellyjar Vil-
hjálms. Bókarinnar er að vænta í
október en Sena gefur hana út. Elly
er ein dáðasta söngkona Íslands fyrr
og síðar og lögin hennar virðast allt-
af eiga sitt pláss í hjarta fólks. Elly
lést aðeins 59 ára að aldri úr krabba-
meini.
Auk þess sem farið er yfir söng-
feril Ellyjar er sagt frá sérstökum
persónuleika Ellyjar. Bæði var hún
mjög vandvirk, samviskusöm og
vönduð kona sem hélt einkalífi sínu
fyrir sig og veitti til að mynda fá við-
töl um ævina og ekki var því hlaupið
að því fyrir Margréti að finna heim-
ildir. En þá var Elly líka hvatvís og
uppátækjasöm og stundum hálf-
gerður hrekkjalómur að sögn Mar-
grétar.
„Ég brá á það ráð að tala við
margt fólk sem þekkti Elly til að fá
sem gleggsta mynd af persónuleika
hennar, fjölskyldu og meðal annarra
bestu vinkonu hennar. Þegar fólk
lýsir henni notar það sterk áherslu-
orð. Hún þótti bæði „einstaklega fal-
leg“, eldaði „óvenjugóðan mat“, „of-
boðslega dugleg og samviskusöm“.
Svo er virkilega gaman að heyra
sögurnar af uppátækjasemi hennar.
Í ferð sem hún fór til Taívans með
Svavari Gests, eiginmanni sínum,
varaði fararstjórinn ferðalanga sér-
staklega við því að heimsækja svo-
kallað „snákahverfi“ borgarinnar.
Þessar viðvaranir gerðu ekkert
nema kveikja áhugann hjá Elly og
svo fór að hún heimsótti hverfið og
gerði sér lítið fyrir og drakk snáka-
blóð. Þá var hún veðurglögg, ein-
staklega fiskin í veiðitúrum og má
segja að hún hafi verið hálfgöldrótt.“
Elly átti þrjá eiginmenn um æv-
ina. Fyrsta eiginmanni gafst hún
kornung en þegar hún giftist þriðja
Gat ekki hlustað á eigin söng
Einstök Söngkonan Elly Vilhjálms var einstakur persónuleiki, vönduð,
vandvirk og uppátækjasöm í senn, að sögn Margrétar Blöndal.
eiginmanni sínum, Svavari Gests,
lenti hún á milli tannanna á fólki og
sögur sem urðu til um hana tók hún
afar nærri sér að sögn Margrétar.
„Sögurnar sem gengu um hana voru
svakalegar. Hún var innan við þrí-
tugt þegar hún átti tvö börn og tvö
brotin hjónabönd að baki. Tíðarand-
inn tók á því að hún var sögð vera
djammandi og í partístandi enda-
laust. Þessar sögur finnast manni
ósanngjarnar því sannleikurinn var
annar.“ Þegar Elly tó saman við
Svavar var hann giftur og ástarsam-
band þeirra kom fólki líka til að tala
enn meira.
„Mér er farið að þykja ákaflega
vænt um Elly og auðvitað er þetta
vandmeðfarið verk. Ég þekkti hana
ekki umfram þá ímynd sem maður
hefur af henni sem söngkonu áður
en ég lagði í verkið og hef náð að
kynnast hennar fjölbreyttu hliðum
sem ég hlakka til að kynna fólki,“
segir Margrét.
 Ævisaga einnar dáðustu söngkonu Íslands, Ellyjar Vilhjálms, kemur út í haust
 Elly var sérstakur karakter sem tók sögur um einkalíf sitt nærri sér
Höfundurinn Margrét Blöndal er
höfundur ævisögu Ellyjar Vilhjálms
en Sena gefur bókina út.
Jazzhátíð Reykjavíkur hefst í dag
og stendur hún til 1. september.
Hátíðin hefst með upphitun og æf-
ingu kl. 18 í Kex Hosteli við
Skúlagötu fyrir skrúðgöngu sem
haldið verður í þaðan að Hörpu
um kl. 19. Öllum hljóðfæraleik-
urum er frjálst að taka þátt í
henni og mynda „Stærstusveit
Reykjavíkur“, eins og segir á vef
hátíðarinnar.
Kl. 20 verður hátíðin svo form-
lega sett í Hörpu með tónlist-
arflutningi og ávörpum. Ten-
órarnir þrír, þeir Jóhann Friðgeir
Valdimarsson, Gunnar Guðbjörns-
son og Snorri Wium, munu syngja
Hamraborgina og að því loknu
leikur tríó skipað Hilmari Jens-
syni, Skúla Sverrissyni og Jim
Black. Þá syngur Deborah Davis
nokkur lög en hún heldur tónleika
í Kaldalóni í Hörpu, mánudags-
kvöldið 20. ágúst kl. 20, ásamt
hljómsveit Jazzhátíðar Reykjavík-
ur og bera tónleikarnir yfirskrift-
ina Diplómatajazz.
Fyrr um kvöldið, kl. 19, verður
boðið upp á ördagskrár ungra og
upprennandi djassleikara, eins og
það er orðað á vef hátíðarinnar, í
Múlanum í Norræna húsinu og er
yfirskrift þess viðburðar Horft til
framtíðar.
Dagskrá hátíðarinnar má finna
á reykjavikjazz.is.
Á hátíð Deborah Davis syngur við
setningu Jazzhátíðar Reykjavíkur.
Skrúðganga og
setning Jazzhátíð-
ar í Hörpu í kvöld
Indverski listmálarinn Banipro-
sonno opnar sýningu á málverkum
og teikningum í Reykjavík Art Gall-
erí í dag kl. 16 og er hún hluti af
Menningarnótt. Tilefni sýningarinn-
ar er ást hans á Íslandi og jafnframt
stórafmæli en Baniprosonno er átt-
ræður. Hann er engu að síður síung-
ur, eins og segir í tilkynningu, hefur
komið nokkrum sinnum til Íslands til
að vinna að list sinni og hann og eig-
inkona hans, Putul, hafa haldið fjöl-
margar listasmiðjur fyrir börn hér á
landi og erlendis.
Sýningin verður opin alla daga til
2. september.
Málverk Baniprosonno
Kæti Baniprosonno og Putul með kátum krökkum í listasmiðju.