Morgunblaðið - 20.09.2012, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 20. SEPTEMBER 2012
Guðný Ásbjörnsdóttir er 105 ára í
dag. Hún er fædd 20. september
1907 á Hellissandi. Guðný er fjórði
elsti Íslendingurinn á lífi, en eldri en
hún eru þrjár konur fæddar árið
1906. Alls eru nú á lífi fimmtíu
manns 100 ára og eldri, þar af eru 43
konur og 7 karlar samkvæmt vefsíð-
unni Langlifi.is.
Foreldrar Guðnýjar voru Ásbjörn
Gilsson, útvegsbóndi frá Öndverðar-
nesi á Snæfellsnesi, og Hólmfríður
Guðmundsdóttir frá Purkey á
Breiðafirði. Guðný er næstyngst tíu
systkina og ein eftirlifandi. Meðal-
aldur systkinanna er hár en Guðrún
systir hennar náði því að verða
hundrað ára og Þórunn systir henn-
ar varð 95 ára. Þá voru tvö systkina
hennar komin hátt á níræðisaldur-
inn er þau létust.
Eiginmaður Guðnýjar var Krist-
jón Árnason en hann lést 1992, þá ní-
ræður. Synir þeirra eru Svavar sem
lést í vor, 84 ára að aldri, og Þórir
fæddur 1932. Afkomendur Guðnýjar
og Kristjóns eru orðnir 45 talsins.
Guðný og Kristjón bjuggu á
Hellissandi en fluttu til Reykjavíkur
árið 1944, þar bjuggu þau á Hring-
braut og í Stóragerði. Guðný flutti á
Hrafnistu upp úr 1990 og hefur búið
þar síðan. Andleg heilsa Guðnýjar er
góð en líkaminn og heyrnin farin að
gefa sig að sögn Þóris sonar hennar.
ingveldur@mbl.is
Fjórði elsti Íslend-
ingurinn á 105 ára
afmæli í dag
 Guðný Ásbjörnsdóttir er við góða
andlega heilsu  Langlífi í ættinni
Stórafmæli Guðný Ásbjörnsdóttir á
104 ára afmælinu fyrir ári.
Kjartan Kjartansson
kjartan@mbl.is
Hærri fjársýsluskattur á launa-
greiðslur fjármálafyrirtækja þýðir
að verið er að færa álögur af erlend-
um kröfuhöfum yfir á íslenska launa-
menn. Þetta segir Friðbert Trausta-
son, formaður Samtaka starfsmanna
fjármálafyrirtækja (SSF).
Í fjárlagafrumvarpi næsta árs er
gert ráð fyrir að fjársýsluskattur á
launagreiðslur fjármálafyrirtækja
sem settur var á í lok síðasta árs
verði hækkaður um um það bil helm-
ing.
Að sögn Friðberts gerði frum-
varpið um skattinn sem lagt var
fram í fyrra upphaflega ráð fyrir
10,5% skatti á
launagreiðslurn-
ar. Það hlutfall
var hins vegar
lækkað í 5,45% í
frumvarpinu sem
var samþykkt en í
staðinn var lagð-
ur á 6% viðbótar-
tekjuskattur á
hagnað fyrirtækj-
anna sem nema
meira en milljarði króna.
Nú er hins vegar gert ráð fyrir í
fjárlagafrumvarpinu að hækka
launaskattinn í það sem upphaflega
stóð til en leggja niður skattinn á
hagnað. Ástæðan er meðal annars
sögð sú að framkvæmd viðbótar-
tekjuskattsins sé erfið. „Þetta er það
vitlausasta af öllu vitlausu. Það er
verið að aflétta álögum af eigendum
bankanna sem eru að mestu erlendir
kröfuhafar en taka í staðinn af ís-
lenskum launamönnum. Það er verið
að fækka atvinnutækifærum á Ís-
landi,“ segir hann.
Störfum í bönkum hafi þegar
fækkað um 2.000 frá hruni. Það segi
sig sjálft að hærri skattur á launa-
greiðslur geti kostað fleiri banka-
starfsmenn vinnuna.
Stöðvi endurreisn sparisjóða
Þessar skattabreytingar koma
sérstaklega niður á minni fjármála-
stofnunum að sögn Friðberts. Þær
hafi sloppið við viðbótartekjuskatt-
inn þar sem hagnaður þeirra hafi
ekki náð milljarði króna.
„Nú á að hækka launaskattinn á
þessi fyrirtæki eins og önnur. Það
kemur sennilega í veg fyrir að hægt
verði að endurreisa sparisjóðakerfið
og gerir litlu fyrirtækjunum sem eru
að berjast við þau stóru í samkeppni
erfitt fyrir. Þetta er algalin hug-
mynd að öllu leyti.“
Þá segir Friðbert að skattahækk-
unin eigi eftir að stuðla að því að
útibúum fækki enn frekar á landinu
en þeim hafi þegar fækkað um helm-
ing á undanförnum árum.
„Kostnaður við rekstur á útibúi er
fyrst og fremst launakostnaður. Á
þessum minni stöðum verður enginn
rekstrargrundvöllur fyrir þeim.“
Færi álögur á íslenska launamenn
 Formaður SSF gagnrýnir fyrirhugaða hækkun fjársýsluskatts á launagreiðslur fjármálastofnana
Fjársýsluskattur
» Nú er lagður 5,45% fjár-
sýsluskattur á launagreiðslur
fjármálafyrirtækja og 6% við-
bótartekjuskattur á hagnað yf-
ir milljarði króna.
» Hærri skattur á launa-
greiðslur á að skila 5,9 millj-
örðum króna til ríkisins á
næsta ári.
» Stefnt er að því að taka upp
tvö þrep í fjársýsluskattinum
eftir því hversu há launin eru.
Friðbert
Traustason
Guðni Einarsson
Egill Ólafsson
„Mönnum verður svo vel ljóst á
svona erfiðum tímum hvað máttur
samfélagsins er mikill og samstaðan
og samkenndin,“ sagði Guðrún
María Valgeirsdóttir, sveitarstjóri
Skútustaðahrepps. Hún sagði að
heimamenn hefðu fjölmennt á fund-
inn í Skjólbrekku í Mývatnssveit í
gær og eins voru þar fulltrúar
stjórnvalda, stofnana, félaga og fyr-
irtækja.
Svavar Pálsson, sýslumaður á
Húsavík, sagði að íbúar hefðu borið
fram margar spurningar um stöðu
sína og afleiðingar óveðursins. Guð-
rún sveitarstjóri sagði að áhyggjur
bænda af stöðunni hefðu komið ber-
lega í ljós í Skjólbrekku og flestum
spurningum hefði verið beint til full-
trúa Bjargráðasjóðs. Fjártjón
bænda er aðallega þríþætt.
„Það sem menn hafa tapað af full-
orðnu fé, minnkandi fallþungi og
hvernig fé sem í þessu lenti reiðir af
svo síðar meir,“ sagði Guðrún. Hún
sagði að líta mætti á fullorðna féð
sem höfuðstól bænda sem þeir hafa
lengi ræktað og grunn að áfram-
haldandi ræktun. Það tekur a.m.k.
ein tvö ár þar til líflamb fer að
skila því sem fullorðin ær skilar.
Guðrún sagði það hafa komið fram í
máli Ólafs Jónssonar, héraðs-
dýralæknis norðausturum-
dæmis, að ekki væri mjög
mikið af líflömbum á lausu á
þessum tíma. Auk þess er
ekki hægt að sækja líflömb hvert
sem er á landinu vegna varnar-
svæða.
Bætur fyrir fjárskaða og fleira
Fram kom að Bjargráðasjóður
muni bæta það tjón á fé sem honum
ber. Svavar sýslumaður sagði að
fram hefði komið að sjóðurinn
mundi bæta bændum fjárskaða og
að einhverju leyti tjón á girðingum
og kostnað við björgun. Guðrún
sveitarstjóri benti á að stór hluti
girðinga væri girðingar Vegagerð-
arinnar meðfram þjóðvegum, land-
græðslugirðingar og girðingar sveit-
arfélaga á sveitarfélagamörkum.
Tjón á þeim er ekki bætt úr Bjarg-
ráðasjóði.
Á fundinum í Skjólbrekku komu
fram tilmæli til Veðurstofunnar um
að endurskoða staðsetningu veður-
stöðva í Mývatnssveit og athuga
með fjölgun þeirra. „Það kom í ljós
á fundinum að það var ekki hægt að
spá þessu veðri,“ sagði Guðrún.
„Þetta varð langt umfram allt sem
menn hefðu getað hugsað sér.“
Fulltrúar frá áfallateymi Heil-
brigðisstofnunar Þingeyinga og
Rauða krossinum voru á fundinum.
Guðrún sagði að Sigríður Jónsdóttir
hjúkrunarfræðingur hefði flutt mjög
gott erindi um viðbrögð við áföllum.
Heildartjón af völdum óveðursins
er ekki enn orðið ljóst. Svavar sýslu-
maður sagði að talsvert margt fé
væri enn á fjöllum og ekki vitað
hversu margt hefði drepist.
Fjölmenni var á fundinum í Að-
aldal, að sögn Hermanns Aðal-
steinssonar bónda. Fundarmenn
lýstu ánægju sinni með öflugt björg-
unarstarf og þökkuðu fyrir það.
Áhyggjur og þakkir
 Fjölmennir íbúafundir um afleiðingar óveðursins á Norð-
austurlandi haldnir í gær  Rætt um bætur og áfallahjálp
Ljósmynd/Hermann Aðalsteinsson
Fullsetið Margir voru á íbúafundunum í Þingeyjarsýslu í gær . Í Ýdölum í Aðaldal fengu ekki allir sæti.
Íbúafundir vegna afleiðinga óveðursins á Norðausturlandi í síðustu
viku voru haldnir í Skjólbrekku í Mývatnssveit, Ýdölum í Aðaldal og í
Stórutjarnaskóla í Ljósavatnsskarði í gær.
Meðal fundarmanna voru Steingrímur J. Sigfússon, atvinnuvega-
og nýsköpunarráðherra, og fleiri þingmenn, Svavar Pálsson, sýslu-
maður á Húsavík, fulltrúar frá Bjargráðasjóði, RARIK, Landsneti,
Veðurstofu, sveitarstjórnum, Búgarði, Bændasamtökunum,
héraðsdýralækni, Rauða krossinum og samráðshópi um
áfallahjálp.
Margir ráðamenn mættu
ÍBÚAFUNDIR UM AFLEIÐINGAR ÓVEÐURSINS
Guðrún María Valgeirsdóttir.
Niðurföll og rennur
í baðherbergi EVIDRAIN
Mikið úrval
– margar stærðir
COMPACT VERA 30cm
9.590,-
AQUA 35cm
13.990,-
Sími 412 2500 - sala@murbudin.is - www.murbudin.is
– Afslátt eða gott verð?
Reykjavík
Reykjanesbæ
Akureyri - Húsavík
Vestmannaeyjum
PROLINE NOVA 60 cm
23.990,-