Morgunblaðið - 09.10.2012, Blaðsíða 11

þess að fara lóðbeint í persónulegt
gjaldþrot.
Opnað verður fyrir skráningar
í hlaupið 2013, sem fer fram síðustu
helgina í september skv. venju, 25.
október næstkomandi. Oft fyllist
hlaupið á aðeins sex vikum en
40.000 hlauparar að hámarki mega
taka þátt í hlaupinu.
Vont að lenda í kösinni
Flest varðandi Berlínarmara-
þonið var í samræmi við væntingar
en ýmislegt kom þó á óvart.
Líkt og mörgum í öðrum
stórum maraþonhlaupum er hlaup-
urum skipað á ráslínuna í samræmi
við fyrri maraþontíma. Þetta hefur
þann kost að góðir hlauparar lenta
ekki aftast í kösinni en þann aug-
ljósa ókost að þeim sem eru góðir,
en hafa ekki hlaupið maraþonhlaup
áður, er skipað í hóp með hlaup-
urum sem ætla sér bara að hlaupa í
rólegheitum. Raðað er í hólf eða
réttir en greinilegt var á hlaupadag
að fremur lítið mál er að troða sér
framar í hópinn. Önnur aðferð við
að skipa fólki á ráslínuna er að fara
eftir áætluðum hlaupatíma en sú
aðferð hefur líka augljósa galla því
mörgum hættir til, viljandi eða
óviljandi, að ofmeta getu sína en
þar með fá þeir pláss framar í
hlaupinu.
Brautin í Berlín er fræg fyrir
að vera flöt og þar hafa fjölmörg
heimsmet verið sett. Hún er hins
vegar ekkert sérlega breið, hóp-
urinn getur því verið þéttur og þar
af leiðandi er erfitt að taka fram úr,
hafi hlaupari verið of aftarlega í
startinu. Jafnframt getur verið
mikið at á vatnsstöðvum.
Þetta eru þó minniháttar gall-
ar. Berlínarmaraþonið er að flestu
leyti frábært hlaup og sannarlega
óhætt að mæla með því við alla sem
hafa áhuga á að hlaupa maraþon.
Ljósmynd/BERLIN-MARATHON/Jiro Mochizuki
JÁ! Áður en komið er í mark er hlaupið í gegnum Brandenborgar-hliðið.
Endasprettur Blaðamaður gerir
misheppnaða tilraun til að brosa.
Ljósmynd/ABK
DAGLEGT LÍF 11
MORGUNBLAÐIÐ ÞRIÐJUDAGUR 9. OKTÓBER 2012
Íslandsbanki | Kirkjusandi | 155 Reykjavík | Sími 440 4900 | vib@vib.is | www.vib.is
VÍB er eignastýringarþjónusta Íslandsbanka
Fylgstu með beinni útsendingu frá fundi VÍB með John Dizard,
fjármálasérfræðingi og greinahöfundi hjá Financial Times.
Miðvikudagur 10. október kl. 12.00-13.00
Framtíð Evrópu og evrusamstarfs er ein mikilvægasta forsenda allra
áætlana og stefnu Íslendinga til næstu ára.
Á fundinum mun John Dizard fjalla um helstu áskoranir sem Evrópa
tekst nú á við og hver sé líkleg þróun í álfunni á næstu árum.
Nánari upplýsingar í síma 440 4900 og á vib.is.
Framtíð evrusvæðisins og helstu áskoranir
Á vib.is má fylgjast með fundinum
í beinni útsendingu eða horfa á
upptöku af honum síðar.
E
N
N
E
M
M
/
S
ÍA
/
N
M
5
4
7
3
4
Mér leið ömurlega. Þetta var rosa-
lega erfitt og um leið algjörlega til-
gangslaust. Til hvers að vera að
þessu? Er eitthvert vit í því að bjóða
líkamanum upp á þetta? Þessar
hugsanir læstu sig í huga minn þeg-
ar ég var búinn að hlaupa um 37
kílómetra af Berlínarmaraþoninu.
Ég var lentur á „veggnum“ sem
maraþonhlauparar þekkja svo vel.
Og það harkalega. Þetta var sjálfur
Berlínarmúrinn með sínum gadda-
vír og dauðasvæðum. Þótt ég hefði
drukkið vatn eða orkudrykk á nán-
ast öllum drykkjarstöðvum og tekið
nokkrar saltpillur á leiðinni til að
draga úr vökvatapinu var það
greinilega ekki nóg – slæmur
krampi var kominn aftan í hægra
lærið, sársaukinn nísti um merg og
bein og orkan var á þrotum.
En þá rankaði ég við mér. Mundi
að maraþonhlaup er ekki bara lík-
amleg þrekraun heldur líka andleg.
„Andlegi þátturinn, maður,“ hugs-
aði ég og byrjaði að muldra fyrir
munni mér „mér líður vel, mér líður
vel, mér líður vel“. Og það virkaði.
Ég komst aftur í gang og skánaði
svo heilmikið þegar ég komst á
næstu drykkjarstöð. Ég hafði í
augnablik misst einbeitinguna,
hugsanlega vegna orkuleysis. Og á
meðan á andlega ójafnvæginu stóð
hafði ég misst af hérunum sem ég
hafði fylgt fram að því. Mínir hérar
komust í mark á innan við 3:15, líkt
og lofað var á blöðrunum sem
héngu í þeim, en þótt þeir væru að-
eins nokkuð hundruð metrum und-
an mér var ekki séns að auka hrað-
ann til að ná þeim aftur. Ég náði þó
að hlaupa á þokkalegum hraða,
reyndi að bera mig vel þegar ég fór
í gegnum Brandenborgarhliðið og
yfir marklínuna sem er um 200
metrum eftir að farið er í gegnum
hliðið. Ég var náfölur, að sögn sjón-
arvotta og mig svimaði. En ánægj-
an og vellíðanin sem helltist yfir
mig var engu lík. Hlauparar eru
stundum kallaðir endorfín-fíklar
því við mikla og langvarandi
áreynslu hleypir líkaminn endorfíni
út í blóðið til að gera líðanina bæri-
legri. Og í þetta sinn fékk ég há-
marksskammt – það var eins og ég
svifi um á bleiku skýi.
Ég hafði komist í mark á 3:17,
tveimur mínútum lakari tíma en ég
hafði ætlað mér. Tíminn er samt
ekki slæmur í sjálfu sér og pínulitli
tíma-bömmerinn minn er líklega
bara hluti af maraþonblúsnum (e.
post-marathon-blues-disorder),
öðrum þekktum fylgifiski maraþon-
hlaupa.
Berlínarmúrinn reis á nýjan
leik á maraþonbrautinni
ÖMURLEGT, ROSALEGA ERFITT, SÁRSAUKAFULLT OG VITLAUST
Muna Flögur skal festa á skó.
Berlín er ein skemmtilegasta höf-
uðborg Evrópu og hún hlýtur að
höfða sérstaklega vel til Íslendinga
sem þurfa að greiða fyrir allt í út-
löndum með hruninni krónu.
Matur, bæði í verslunum og á veit-
ingastöðum er sérlega ódýr. Það
vakti líka athygli að skammtarnir
eru einstaklega vel útilátnir.
Hægt er að mæla sérstaklega með
víetnömsku veitingastöðunum Mon-
sieur Vuong og Good Morning Viet-
nam. Sömuleiðis er strandbarinn á
Ampelmann-restaurant afskaplega
góður. Þar er hægt að sitja úti, með
flísteppi ef það er kalt, og horfa
mannlífið við ána Spree. Góður aðal-
réttur og bjór kostar um 15 evur, um
2.000 krónur. Allir þessir veitinga-
staðir eru í Mitte-hverfinu, skammt
frá Hackescher Markt en þar stoppa
lestir og sporvagnar.
Ótal söfn og minnismerki eru í
Berlín, m.a. Pergamon-safnið sem
kennt er við Pergamon-altarið
fræga en hýsir mun fleiri ómet-
anlega forngripi. Heimsókn í Gyð-
ingasafnið mun vera ógleymanleg og
DDR-safnið er sniðugt og höfðar til
unglinga og barna.
Frelsi Á East-side gallery er varðveittur langur kafli af Berlínarmúrnum og
ýmsir listamenn hafa verið fengnir til að skreyta hann.
Morgunblaðið/Rúnar Pálmason
Ógn Sýningin Topographie des terrors rekur hvernig nasistar komust til
valda í Þýskalandi. Sýningin er bæði utandyra og innan. Ókeypis aðgangur.
Hryllingur Minnismerkið um helför-
ina er einfalt en áhrifaríkt.
Margt að sjá og gott
og ódýrt að borða úti