Morgunblaðið - 26.10.2012, Side 4

4 FRÉTTIRInnlent
MORGUNBLAÐIÐ FÖSTUDAGUR 26. OKTÓBER 2012
Eyjafjarðarsveit – Þessi myndarlega álft var ásamt stórum hópi fugla að
gæða sér á afgangs korni og káli á akri við bæinn Tjarnargerði í Eyja-
fjarðarsveit. Álftirnar voru frekar spakar
og þessi lét nægja að baða út vængjunum en lagði ekki í flugtak fyrr
en hún var komin á góðan völl á næsta túni. Hálmstubbarnir eru mjög
stífir og geta því verið skeinuhættir þunnum búk, það skynjar álftin og
tekur enga áhættu. Veit líka að hún er alfriðuð og fugla fegurst, hvað
er þá að óttast?
Morgunblaðið/Benjamín Baldursson
Álftirnar leggja ekki í flugtak fyrr en komið er á góðan völl
Hálmstubbarnir
geta verið
skeinuhættir
Rúnar Pálmason
runarp@mbl.is
„Þá ítrekar bankinn að viðskiptavin-
ir glata ekki betri rétti þó að þeir
nýti sér úrræði bankans,“ segir í til-
kynningu sem birt var á vef Arion
banka í júlí 2010 og fjallaði um að
þeir sem voru með erlend húsnæð-
islán gætu greitt 5.000 krónur af
hverri milljón sem þeir skulduðu.
Í svari Arion banka frá því í fyrra-
dag kom hins vegar fram að nálgast
þyrfti endurútreikning lána hjá þeim
sem nýttu sér úrræði með öðrum
hætti en þeirra sem gerðu það ekki.
Samkvæmt upplýsingum frá Arion
banka í gær ber ekki að skilja þau
svör sem svo að bankinn ætli sér
ekki að standa við það sem hann hef-
ur áður sagt varðandi betri rétt.
Nánari skýringar á því hvers vegna
nálgast þyrfti endurútreikning með
öðrum hætti fengust ekki.
Í svari Arion banka við spurning-
um Morgunblaðsins um áhrif vi-
kugamals gengislánadóms Hæsta-
réttar kom fram að við fyrstu skoðun
væri grunnniðurstaða bankans sú að
dómurinn ætti við um gengistryggð
lán „þar sem lántakinn var í skilum
með lánið samkvæmt upphaflegum
skilmálum lánsins.“ Ljóst væri að
bankinn þyrfti að endurskoða end-
urútreikning gengistryggðra lána,
að minnsta kosti yfir það tímabil sem
þau voru í skilum samkvæmt upp-
haflegum lánaskilmálum.
Í svarinu kom fram að varðandi
framkvæmd endurútreikningsins
lægi aðeins fyrir „á þessum tíma-
punkti“ hvernig haga skyldi
endurútreikningi varðandi þann hóp
lántaka sem stóð í skilum allan tím-
ann samkvæmt upphaflegum lána-
skilmálum. Undirbúningur við end-
urreikning þeirra lána væri hafinn.
Unnið væri að því að skýra með
hvaða hætti rétt væri að nálgast end-
urútreikninginn í öðrum tilfellum,
t.d. þegar lántakinn „fékk frystingu
eða greiddi ákveðna upphæð af
hverri milljón.“
Í október 2010 kom fram að um
3.000 manns höfðu nýtt sér úrræði
bankans varðandi íbúðalán.
Samskonar úrræði hjá öðrum
Arion banki var alls ekki eina fjár-
málastofnunin sem bauð viðskipta-
vinum sem höfðu tekið gengislán
sérstök úrræði, enda urðu afborgan-
ir af slíkum lánum gríðarháar við
gengishrunið haustið 2008. Lands-
bankinn og Glitnir buðu upp á svipuð
eða samskonar úrræði, m.a. að bjóða
fólki að greiða 5.000 krónur af hverri
milljón og tóku fram að að viðskipta-
vinir myndu ekki glata betri rétti.
Úrræði myndu ekki ónýta betri rétt
 Arion banki telur ljóst að nýr dómur eigi við um lán sem voru í skilum miðað við
upphaflega lánaskilmála  Þarf að skýra endurútreikninga annarra sérstaklega
Morgunblaðið/Kristinn
Banki Arion er að endurreikna.
Hæstiréttur hefur staðfest héraðs-
dóm yfir Magnúsi Guðmundssyni,
fyrrverandi forstjóra Kaupþings í
Lúxemborg. Magnús þarf að endur-
greiða Kaupþingi 717 milljónir
króna, auk dráttarvaxta, vegna láns
sem hann fékk til hlutabréfakaupa.
Magnús fékk árið 2005 lán til að
kaupa hlutabréf í Kaupþingi, en lán-
ið var í erlendum gjaldmiðlum. Hann
fékk síðan á árinu 2007 þrívegis lán
til að kaupa meira af hlutabréfum.
Frá 2005-2008 fékk hann 207 millj-
ónir í arð af hlutabréfaeign sinni.
Kaupþing höfðaði mál gegn Magn-
úsi og krafðist riftunar þeirrar
ákvörðunar fyrrverandi stjórnar
Kaupþings að fella niður ábyrgð
Magnúsar á lánum sem hann hafði
tekið hjá bankanum. Magnús krafð-
ist ómerkingar hins áfrýjaða dóms
þar sem héraðs-
dómari hafði ekki
hafnað frávísun-
arkröfu hans með
úrskurði heldur
ákvörðun. Hæsti-
réttur taldi þenn-
an formgalla ekki
valda ómerkingu
málsins. Héraðs-
dómari hefði fært rök fyrir niður-
stöðu sinni og dregið hana saman í
ályktarorð eins og um úrskurð væri
að ræða.
Með vísan til ákvæða í lánssamn-
ingnum sjálfum féllst Hæstiréttur
ekki á þau rök Magnúsar fyrir frá-
vísunarkröfu sinni að málið væri
höfðað á röngu varnarþingi. Þá var
hvorki fallist á með Magnúsi að
Kaupþing væri ekki eigandi kröf-
unnar né að Magnús hefði verið lofað
skaðleysi af hlutabréfakaupunum.
Gjafatilgangur
Talið var að gjafatilgangur hefði
búið að baki ákvörðun fyrrverandi
stjórnar Kaupþings og að fyrirtæk-
inu hefði því verið heimilt að rifta
ráðstöfuninni á grundvelli laga um
gjaldþrotaskipti. Var því fallist á
endurgreiðslukröfu Kaupþings.
Magnús þarf því að greiða bank-
anum 717.334.575 krónur, ásamt
dráttarvöxtum. Ennfremur var stað-
fest kyrrsetningargerð sýslumanns-
ins í Reykjavík um kyrrsetningu
20% eignarhluta stefnda í Hvítsstöð-
um ehf., en það félag á jarðir sem
liggja að Langá á Mýrum. Aðrir eig-
endur félagsins eru nokkrir fyrrver-
andi stjórnendur Kaupþings.
Endurgreiði 717 milljónir
vegna hlutabréfaláns
Hvorki Umboðs-
maður skuldara né
Lýsing birta nöfn
starfsmanna sinna
á vefsíðum sínum
til þess að minnka
líkur á að þeir
verði fyrir ónæði
og hótunum, líkt
og dæmi eru um.
Vefur umboðsmanns skuldara fór
í loftið í ágúst 2010 en nöfn starfs-
manna voru fjarlægð nokkrum vik-
um seinna. Svanborg Sigmarsdótt-
tir, upplýsingafulltrúi Umboðs-
manns skuldara, segir að ástæðan
sé sú að embættið vilji að erindum
sé beint að því en ekki einstökum
starfmönnum, a.m.k. til að byrja
með, og hins vegar til að koma í veg
fyrir áreiti á starfsmenn.
„Starfsmenn hafa fengið hótanir
og þess háttar,“ segir hún. Það hafi
einkum gerst með tölvupóstssend-
ingum, ýmist til einstakra starfs-
manna í tengslum við mál sem þeir
eru að vinna úr en einnig með
handahófskenndum hætti í kjölfar
fjölmiðlaumfjöllunar um embættið.
Nöfn starfsmanna Lýsingar voru
fjarlægð fyrir um tveimur árum í
kjölfara hótana og leiðinda, sam-
kvæmt upplýsingum frá Lýsingu.
Birta ekki
nöfn á vef-
síðunum
 Starfsmönnum
hótað og þeir áreittir
Slagdagurinn 2012
Þekktu Púlsinn þinn!
Taktu púlsinn í 60 sekúndur einu sinni
í mánuði til að kanna hvort þú sért
með gáttatif. Það getur dregið verulega
úr hættunni á SLAGI
Laugardaginn 27. október
frá kl. 13 til 10 í Kringlunni,
Smáralind og á Glerártorgi
Í júlí 2010 bauð Arion banki ein-
staklingum með erlend íbúða-
lán hjá bankanum að greiða
mánaðarlega 5.000 kr. af hverri
milljón upphaflegs höfuðstóls
lánsins. „Með þessu vill Arion
banki koma til móts við við-
skiptavini sína sem skulda er-
lend íbúðalán þar til fordæm-
isgefandi hæstaréttardómar
falla um lán bankans. […] Þá
ítrekar bankinn að við-
skiptavinir glata ekki betri rétti
þó að þeir nýti sér úrræði bank-
ans,“ sagði í tilkynningunni.
Gátu beðið
eftir fordæmi
5.000 AF HVERRI MILLJÓN