Morgunblaðið - 27.10.2012, Blaðsíða 18
18 FRÉTTIRInnlent
MORGUNBLAÐIÐ LAUGARDAGUR 27. OKTÓBER 2012
Málþing með notendum Faxaflóahafna
Mánudaginn 29. október, kl. 16:00 í þjónustumiðstöðinni á Skarfabakka
Til þess að kynna það sem efst er á baugi hjá Faxaflóahöfnum sf. og fræðast
um starfsemina á hafnarsvæðum fyrirtækisins boða Faxaflóahafnir sf. til
málþings mánudaginn 29. október í þjónustumiðstöðinni á Skarfabakka.
Dagskrá málþingsins á að snerta málefni sem flestra á hafnarsvæðum
Faxaflóahafna sf. og verður sem hér segir:
Ávarp: Hjálmar Sveinsson, formaður stjórnar Faxaflóahafna sf. –•
skipulagsmál.
Gísli Gíslason, hafnarstjóri - rekstur og framkvæmdir á vegum•
Faxaflóahafna sf. árið 2013.
Þór Sigfússon – Íslenski sjávarklasinn.•
Sigvaldi Jósafatsson – höfnin, togarar og ferðaþjónusta.•
Svanbjörg Hróðný Einarsdóttir – Viðey og tengslin við höfnina.•
Umræður og fyrirspurnir.•
Fundurinn er opinn öllum, en þeir sem eru með starfsemi á hafnarsvæðum
Faxaflóahafna sf. eru sérstaklega hvattir til að mæta. Á fundinum gefst
tækifæri til þess að koma með fyrirspurnir og ábendingar um það sem
varðar hafnarrekstur, þjónustu og aðstöðu fyrir viðskiptavini.
Gísli Gíslason,
hafnarstjóri
Nýr leikskóli í Austurkór í Kópa-
vogi, með rými fyrir 130 börn, verð-
ur tekinn í notkun í ársbyrjun 2014.
Verksamningur milli Kópavogs-
bæjar og verktakafyrirtækisins
Eyktar var undirritaður í vikunni
af þeim Ármanni Kr. Ólafssyni bæj-
arstjóra og Pétri Guðmundssyni,
forstjóra Eyktar. Kostnaður nemur
tæpum 307 milljónum króna.
Sex aðilar tóku þátt í lokuðu alút-
boði í sumar og voru tilboð opnuð í
byrjun september. Tilboð Eyktar í
byggingu og hönnun leikskólans
var hagstæðast. Framkvæmdir
hefjast von bráðar.
Leikskólinn verður um 870 fer-
metrar að stærð og er ráðgert að
þar verði sex deildir. Þegar hann
verður tekinn í notkun verður 21
leikskóli í bænum.
Leikskólaplássum í bænum var í
haust fjölgað um 42 og hafa öll börn
sem fædd eru árið 2010 fengið
pláss. Þá voru innrituð börn sem
fædd eru í ársbyrjun 2011 en út-
hlutunum fyrir þetta ár er lokið.
Nýr leikskóli fyrir
130 börn í Kópavogi
Á morgun, sunnudaginn 28. október, verður slegið
upp balli fyrir alla fjölskylduna í Húnabúð, Skeif-
unni 11, frá kl. 14:30-16:30. „Hér er tækifæri fyrir
pabba og mömmu, afa og ömmu og börnin að koma
saman, taka lagið og/eða dansa gömlu dansana,“
segir í tilkynningu frá Gleðihringnum, sem stendur
að samkomunni.
Harmonikuhljómsveitin Neistabandið mun ásamt
söngkonunni Ingibjörgu Jónsdóttur halda uppi fjör-
inu.
Sigvaldi Þorgilsson danskennari stýrir dansinum og verður danskennsla
í boði fyrir þá sem það þurfa.
Áhersla verður lögð á gömul og góð íslensk lög sem allir þekkja og er
fólk sérstaklega hvatt til að taka undir sönginn með Ingibjörgu og munu
textablöð liggja frammi.
Miðaverð er kr. 1.200 en frítt fyrir börn að 16 ára aldri.
Samkoma kynslóðanna í Húnabúð
Ball Nikkan verður
þanin í Húnabúð.
Í dag, laugardaginn 27. október,
halda félagar í Félagi íslenskra
gullsmiða (FÍG) hátíðlegan gull-
smiðadaginn í annað sinn.
Markmið gullsmiðadagsins er að
vekja athygli á fagmennsku í grein-
inni og fræða almenning um störf
gullsmiða og mikilvægi þess að
versla við faglærða.
Þetta árið ætla gullsmiðir að
leggja áherslu á þrif og almennt
viðhald á skartgripum og bjóða
gestum og gangandi að koma með
uppáhaldsskartgripinn sinn, fá létt
þrif á honum og spjalla við fag-
manninn. Gullsmiðir verða til taks í
verslunum og verkstæðum sínum
og svara þeim spurningum sem
brenna á vörum gesta.
Gullsmiðir opna
verkstæði sín í dag
Líf, styrktarfélag, sem styður við
konur og fjölskyldur þeirra á
kvennadeild Landspítalans, býður
til opins fræðslufundar um konur
og kynheilsu í barneignaferli og
langvarandi veikindum.
Fundurinn verður haldinn
þriðjudaginn 30. okt. í Háskólanum
í Reykjavík (HR), stofu M 209, 2.
hæð og hefst kl. 12.00.
Erindi flytja Edda Sveinsdóttir
og Hilda Friðfinnsdóttir ljósmæður
og kynfræðingarnir Áslaug Krist-
jánsdóttir og Sigríður Dögg Arn-
ardóttir.
Rætt um kynheilsu
STUTT
ÚR BÆJARLÍFINU
Svanhildur Eiríksdóttir
Reykjanesbær
Það berast góð tíðindi frá
fræðsluyfirvöldum í Reykjanesbæ.
Árangur í samræmdu prófum 10.
bekkja í íslensku, stærðfræði og
ensku hefur aldrei verið jafn góður
og nú.
Flestir skólanna voru yfir
landsmeðaltali í tveimur fögum en
Njarðvíkurskóli náði þeim einstaka
árangri að vera yfir landsmeðaltali
í öllum fögunum þremur.
Leik- og grunnskólar bæj-
arins vinna nú samkvæmt stefnu-
mótun sem fræðslusvið Reykjanes-
bæjar hóf fyrir um ári og vann
þrotlaust að allan síðasta vetur, að
sögn Gylfa Jóns Gylfasonar,
fræðslustjóra í Reykjanesbæ.
Um er að ræða framtíðarsýn
fyrir bæði skólastigin þar sem sér-
stök áhersla er lögð á að leggja
grunn að bættum árangri barna í
læsi og stærðfræði. Þá er einnig
lögð áhersla á aukna samvinnu milli
leikskóla og annarra skólastiga.
Lestur er grunnur að góðum
námsárangri, það hefur lengi verið
vitað. Í kynningu á framtíðarsýn
leik- og grunnskóla Reykjanes-
bæjar er bent á að hverjum ein-
staklingi sé nauðsynlegt að ná góð-
um tökum á lestrarfærni, það skipti
sköpum fyrir lífsgæði hvers og
eins.
Bókasafn Reykjanesbæjar hef-
ur verið með útibú í flestum leik-
skólum bæjarins frá árinu 2007 og
nú streyma inn á Bókasafnið nýjar
bækur, stundum nefnt jólabókaflóð.
Öll börn fá ókeypis bókasafns-
skírteini á almenningsbókasafninu
til 18 ára aldurs, gegn ábyrgð for-
eldris eða forráðamanns. Nú eiga
allir að geta farið eftir tilmælum
fræðsluyfirvalda og lesið fyrir börn-
in.
Leynist í barninu ljóðskáld?
Ljóðasamkeppnin, Ljóð unga fólks-
ins, sem haldin hefur verið fyrir 9-
16 ára börn um allt land fyrir til-
stuðlan samstarfshóps skóla- og al-
menningsbókasafna, er nú haldin í
sjöunda sinn.
Umsjónarmenn í ár er sam-
starfshópur í Kópavogi, en börn í
Reykjanesbæ geta komið ljóðum til
síns skólabókasafns eða beint á al-
menningsbókasafnið, sem sér um
að koma ljóðunum til Kópavogs.
Ljóðskáldum er skipt niður í 2
hópa eftir aldri, 9-12 ára og 13-16
ára. Verðlaun og viðurkenningar
eru veitt fyrir bestu ljóðin. Skila-
frestur er til 1. desember nk.
Erlendir ferðamenn eru nokk-
uð duglegir að heimsækja Reykja-
nesbæ yfir vetrartímann, ef marka
má nýlega könnun Ferðamálastofu
meðal erlendra ferðamanna sem
dvöldu á landinu síðastliðinn vetur.
Þar er Reykjanesbær í 6. sæti af
þeim 35 stöðum sem spurt var um.
Úrtakið var 4.512 manns, en net-
föngum hafði verið safnað með
skipulögðum hætti á komu- og
brottfarasvæði Flugstöðvar Leifs
Eiríkssonar. Svarhlutfall var 52,6%.
Bæjaryfirvöld hafa ákveðið að
veita stuðning í baráttu SÁÁ undir
heitinu „Betra líf“. Fjármunir til
verkefnisins eru til í gegnum áfeng-
isgjald sem þegar er innheimti, að
því er fram kom á bæjarráðsfundi
sl. fimmtudag.
Markmið SÁÁ er að gerbylta
lífsgæðum þeirra sem þjást vegna
áfengis- og vímuefnavands og bæta
þar með samfélagið allt.
Engin afsökun fyrir plássleysi
er nú tekin gild þegar kemur að
líkamsrækt innanhúss.
Tvær nýjar líkamsrækt-
arstöðvar hafa verið opnaðar í
Reykjanesbæ og bætast við flóruna
sem fyrir er. Sporthúsið í íþrótta-
húsinu á Ásbrú og Metabolic-stöð á
Smiðjuvöllum, þar sem Húsasmiðj-
an var áður til húsa.
Morgunblaðið/Svanhildur Eiríksdóttir
Árangur erfiðisins Þessar námsmeyjar úr Njarðvíkurskóla undu glaðar við sitt þegar niðurstöður samræmdra
prófa komu í hús. Skólinn náði þeim einstaka árangri að vera yfir landsmeðaltali í öllum fögunum þremur.
Sögulegur árangur í samræmdum prófum