Morgunblaðið - 27.10.2012, Blaðsíða 48
48 MINNINGAR
MORGUNBLAÐIÐ LAUGARDAGUR 27. OKTÓBER 2012
Litbrigði lífsins birtast okkur
á þessum haustdögum. Þá verður
okkur ljóst hversu lífið er við-
kvæmt og stutt. Góður vinur og
söngfélagi til margra ára varð
bráðkvaddur á Þingvallavatni
síðastliðinn föstudag. Hlýja og
kærleikur eru fyrstu orðin sem
koma upp í hugann þegar minnst
er Sveinbjarnar Jóhannessonar
bónda á Heiðarbæ í Þingvalla-
sveit. Sveinbjörn var stór maður
og sterklegur en einstök hlýja,
birta og hógværð einkenndu alla
hans framgöngu. Hann var öð-
lingur í bestu mynd þess orðs en
jafnframt traustur, áræðinn og
fylginn sér. Mín fyrstu kynni af
Sveinbirni voru þegar ég hóf
söng með karlakór haustið 1985
þá voru þeir nafnar frá Heiðarbæ
burðarmenn í Stefni og tóku þeir
nýgræðinginn ásamt fleiri góðum
söngmönnum undir sinn vernd-
arvæng. Sveinbjörn hafði af-
bragðsgóða tenórrödd. Hann bjó
yfir einstöku næmi og lagði
áherslu á fágaðan og agaðan
söng. Seinna áttum við samleið í
Karlakór Kjalnesinga og þar
munaði mjög um hann en rödd
hans gaf tenórnum fyllri og
bjartari tón. Ég lærði margt af
Sveinbirni í kórsöng og fyrir þá
leiðsögn þakka ég nú. Sveinbjörn
var jafnframt góður félagi og
kunni að gleðjast á góðri stund
og þá var gjarnan tekið lagið og
þá oftar en ekki „Nú sefur jörð-
in“.
Tengdafaðir minn Bjarni
Bjarnason og Sveinbjörn voru
nánir vinir og mikill samgangur á
milli heimilisfólksins á Hraða-
stöðum og Heiðarbæ. Það hefur
verið ljúft að fylgjast með því
hversu náin og traust vinátta hef-
ur ávallt verið með þeim enda um
margt líkir og deildu sömu kjör-
um. Bjarni sér nú á eftir traust-
um vini og félaga eftir áratuga
ánægjuríka samfylgd og vináttu
sem aldrei bar skugga á.
Sveinbjörn og Steinunn voru
bændur í fremstu röð og ber um-
hirða og natni á Heiðarbæ um
það fagurt vitni, snyrtimennska
og búsæld hvert sem litið er.
Sveinbjörn nytjaði einnig Þing-
vallavatn til veiði og eru þeir ófá-
ir sem fengið hafa vænan silung
eða murtu í soðið frá Sveinbirni
en hann hafði einmitt nýlokið að
vitja um þegar hann var kallaður
í sína hinstu för.
Liljan lifir
Dofnar birta, degi hallar,
daggir lífsins falla í svörð.
Samt hún lifir Liljan vallar,
líknar, græðir von á jörð.
Far þú í friði og þökk,
fram í vorið hlýja.
Við kveðjum þig af trega klökk,
kallaður í dögun nýja.
Við biðjum þér blessunar Drottins,
og birtu kærleikans.
Þig umvefji ljósið lífsins,
og leiði til frelsarans.
(Ólafur M. Magnússon)
Ég vil fyrir hönd okkar Sig-
rúnar, foreldra minna og fjöl-
skyldunnar á Hraðastöðum
þakka Sveinbirni allt það góða
sem hann stóð fyrir.
Um leið og við kveðjum Svein-
Sveinbjörn
Jóhannesson
✝ Sveinbjörn Jó-hannesson
fæddist í Heiðarbæ
í Þingvallasveit 10.
júlí 1937 og átti þar
heima alla sína tíð.
Hann varð bráð-
kvaddur 19. októ-
ber 2012.
Sveinbjörn var
jarðsunginn frá
Grafarvogskirkju í
Reykjavík 26. októ-
ber 2012. Jarðsett var í Þing-
vallakirkjugarði.
björn Jóhannesson
þá erum við þess
fullviss að honum
verður tekið með
sömu hlýju og kær-
leika og hann sýndi
samferðamönnum
sínum hér á jörð.
Við sendum Stein-
unni, fjölskyldu
hans, vinum og
vandamönnum inni-
legar samúðar-
kveðjur á kveðjustund.
Minningin lifir.
Ólafur Magnús Magnússon,
Eyjum í Kjós.
Kær samferðamaður er fallinn
frá og langar okkur að minnast
hans með nokkrum rituðum lín-
um. Það var hlýtt handtakið hans
Bangsa á Heiðarbæ. Kynni okk-
ar Bangsa urðu fyrst þegar feður
okkar hittumst við ævistörf sín,
við sauðfjárbúskap og þá helst
við smalamennskur og skilaréttir
Kjalarnes- og Þingvallasveitar-
bænda. Það urðu því ávallt fagn-
aðarfundir þegar ég átti þess
kost að taka með mér föður minn
og föðurbróður, Þorgeir í Gufu-
nesi, þegar ég flutti áburð fyrir
Heiðarbæjarbúið. Jóhannes, fað-
ir Bangsa, fagnaði þeim ákaflega,
bauð þeim í bæinn, staup tekin
fram og rætt um búskap og
íþróttir. Við Bangsi tókum
áburðinn af bílnum og gáfum
okkur góðan tíma til þess svo að
gömlu mennirnir gætu rætt sem
mest saman og glaðst. En sá sem
hafði hve mesta ánægju af þess-
um heimsóknum var Bangsi
sjálfur, þegar hann sá hve vel fór
á með körlunum. Samskipti mín
við Bangsa héldu áfram og
tengdi Steinunn í Kollafirði, eig-
inkona hans, okkur enn sterkari
böndum enda vorum við næstu
nágrannar og svo til jafnaldrar.
Áratuga fjölskyldukynni mín við
Heiðarbæjarhjónin fram að dán-
ardegi Bangsa hafa verið okkur
hjónum í Varmadal eftirminnileg
og góð.
Þá er að minnast á eitt helsta
áhuga- og tómstundamál okkar
kæra félaga, sönginn. Við Bangsi
sungum með Karlakórnum
Stefni í Mosfellsbæ um áraraðir.
Björt tenórrödd hans var eftir-
sótt í kórstarfi og því var strax
leitað til hans við stofnun Karla-
kórs Kjalnesinga árið 1991.
Söngmenn voru aðallega úr ná-
grannasveitum og litið á kórinn
sem bændakór. Í kórnum starf-
aði Bangsi í mörg ár sem virkur
félagi og síðan okkar traustasti
bakhjarl sem áheyrandi á tón-
leikum okkar fram á síðasta dag.
Þá er ótalið það þarfaverk Heið-
arbæjarfólksins að kynna kór-
starfið svo vel í fjölskyldu sinni
að nær tugur góðra nústarfandi
söngmanna Karlakórs Kjalnes-
inga er kominn þar fyrir tilstilli
Bangsa og Steinunnar, niðjar og
frændgarður. Kórstarfið gaf
Bangsa mikið. Það þurfti sterkt
afl til að fá bóndann úr Þingvalla-
sveitinni um háannatíma sumars-
ins til að fara í tíu daga söng-
ferðalag um Bandaríkin og til
Gimli í Kanada á Íslendingadag-
inn en söngáhuginn og fé-
lagsþroskinn höfðu yfirhöndina
og ferðin varð honum og okkur
öllum til mikillar ánægju og
ævarandi minningasjóður.
Bangsa er sárt saknað af
söngfélögum Karlakórs Kjalnes-
inga, mökum og öðrum vinum
okkar.
Deyr fé,
deyja frændur,
deyr sjálfur ið sama;
en orðstír
deyr aldregi,
hveim er sér góðan getur.
(Úr Hávamálum)
Kæra Steinunn og fjölskylda,
okkar innilegustu samúðarkveðj-
ur.
F.h. Karlakórs Kjalnesinga,
Jón Sverrir Jónsson,
Varmadal, Kjalarnesi.
Kær fjölskylduvinur Svein-
björn Jóhannesson, bóndi og
veiðimaður á Heiðarbæ í Þing-
vallasveit varð bráðkvaddur við
umvitjun á Þingvallavatni 19.
október sl.
Söknuður kveður að og góðar
minningar rifjast upp um traust-
an og skemmtilegan samferða-
mann.
Sveinbjörn eða Bangsi eins og
hann var kallaður í daglegu tali
var mikill heiðursmaður eins og
stórfjölskyldan öll.
Bangsi var góður bóndi og
mikill veiðimaður sem setti
sterkan svip á mannlífið í Þing-
vallasveit.
Ég nefndi hann í afmælis-
skveðju á sjötugsafmælinu sem
ókrýndan veiðikóng Þingvalla-
vatns og hafði lagt til að hann
yrði sæmdur orðu fyrir verndun
og eflingu á lífríki Þingvallavatns
sem og fyrir elju hans við veiðar í
vatninu og þá oft við erfiðar að-
stæður t.d. við murtuveiðar á
haustin.
Ég minnist t.d. þeirrar stund-
ar sem við fórum með urriðaseiði
og slepptum suður með vatni og
víðar sem nú eru uppistaða á urr-
iðastofni Þingvallavatns.
Það var vart ekið niður Stíga á
veiðitímabilinu hverju sinni
nema að bátur sæist á vatninu og
var Bangsi þá þar á ferð og
Steinunn jafnvel með í för við
murtu- eða bleikjuveiðar.
Samheldin heiðurshjón til
allra verka.
Stöku sinnum sást Bangsi
einnig við veiðar niður um ís og
þá aðallega sér til gamans.
Bangsi var kær vinur Nesja-
vallafjölskyldunnar eins og heið-
urshjónin foreldrar hans, Jó-
hannes Sveinbjörnsson og
Margrét Þórðardóttir, blessuð sé
minnig þeirra.
Móðir mín fór gjarnan með
eftirfarandi setningu úr vísu ef
Bangsi hafði ekki komið á bæ um
tíma,
Langt er síðan sá ég hann,
sannlega fríður var hann,
allt sem prýða mátti einn mann,
mest af lýðum bar hann.
(Vatnsenda-Rósa.)
Þessi vísnaorð lýsa vel hvaða
mann Bangsi hafði að geyma í
huga móður minnar sem var afar
mannglögg kona.
Hann unni fjölskyldu sinni
mjög og var hreykinn af börnum
sínum og barnabörnum, enda um
mannvænlegan hóp að ræða.
Bangsi undi sér best á Heið-
arbæ við fjárbúskapinn, heyskap
og smölun sem og við veiðar í
Þingvallavatni með tignarlegan
fjallahringinn allt í kring og
drottningu Þingvallafjalla
Skjaldbreið í norðri og vatnið
spegilslétt baðað fjallatoppum
Þingvalla-og Grafningsfjalla í
tærbláma vatnsins.
Til að auka fegurðina enn meir
sat þröstur gjarnan á birkigrein
við vatnsborðið og söng sinn
fagra vorsöng og himbriminn
boðaði blíðviðri með velli sínu út
á vatninu við undirleik lóu og
spóa við heiðarbrún.
Á slíkum stundum var Bangsi
í essinu sínu og naut sín mjög í
sveitinni fögru sem hann unni
mjög.
Minningarnar eru margar um
traustan nágranna og vin og væri
hægt að skrifa um þær margar
síður t.d. um réttir, veiðar, tafl-
mennsku sem annað.
Bangsi var söngmaður góður
og röddin sterk þegar raddir
Heiðarbæjarmanna fengu að
njóta sín á góðri stundu.
Fjölskyldan mun minnast
Bangsa um ókomna tíð með þökk
fyrir öll góðu árin.
Steinunni og fjölskyldu vott-
um við innilega samúð og biðjum
Guð að gefa þeim styrk og ljós til
framtíðar.
Guð blessi minningu Svein-
björns Jóhannessonar, bónda á
Heiðarbæ, með þökk fyrir allt.
Fyrir hönd fjölskyldunnar á
Nesjavöllum,
Ómar G. Jónsson.
Það var sumarið 1978 sem ég
var svo heppinn að fá að dvelja í
fyrsta sinn hjá Bangsa og Stein-
unni á Heiðarbæ. Þar var ég
einnig næstu þrjú sumur á eftir.
Þessi tími reyndist mér gott
veganesti út í lífið og fyrir hann
er ég þakklátur.
Þær eru margar stundirnar
sem koma í hugann þegar ég
hugsa til áranna á Heiðarbæ.
Bangsi hafði einstakt lag á að
laða það besta fram í hverjum
manni og fá fólk með sér í vinnu
og leik. Hann var harðduglegur
og nýtti hverja stund sem gafst.
Bangsi umgekkst alla af mikilli
virðingu, nærgætni og hlýju.
Fyrir nokkrum árum fór ég
með Bangsa á vatnið að vitja um,
þar sá ég vel hvernig hann var
partur af náttúru og umhverfi
Þingvallavatns. Hann benti mér
á nokkrar tegundir af fuglum,
sem hann hafði mikinn áhuga á,
hann sá hvað þeir voru að hugsa.
Við sögðum hvor öðrum veiðisög-
ur um stóra silunga. Það var
gaman að ganga frá aflanum og
koma heim með nokkra bakka
fulla af ísuðum fiski.
Einu sinni sem oftar þegar ég
kom á Heiðarbæ að kaupa silung,
þá voru þau Bangsi og Steinunn
að ganga frá afla dagsins, sem
hafði veiðst fyrr um daginn, hann
flakaði og snyrti flökin, en Stein-
unn pakkaði og gekk frá jafnóð-
um. Mér varð þá hugsað til þess
hvað þau unnu vel saman og voru
samrýnd, svo ég spurði Bangsa:
„Hvernig er þetta með ykkur
Steinunni, rífist þið aldrei?“
Bangsi hugsaði sig um í smátíma
og svaraði svo: „Jú, það gerum
við en við látum ekki nokkurn
mann heyra til okkar ef við þurf-
um þess.“ Svo einlæg samskipti
hafði hann við fólk að einstakt
var.
Elsku Steinunn, Magga, Jói,
Helga, Kolbeinn og fjölskyldur.
Ykkar missir er mikill. Innilegar
samúðarkveðjur til ykkar allra.
Guðmundur Gíslason.
Heiðursmaðurinn Sveinbjörn
Jóhannesson frá Heiðarbæ í
Þingvallasveit hefur kvatt þetta
jarðlíf.
Ég kynntist Bangsa eins og
hann var alltaf kallaður, fyrir
rúmum 30 árum. Ég fann strax
þá miklu hlýju, umhyggju og
tryggð sem hann gaf frá sér.
Það var yndislegt að vera ná-
granni Bangsa og Steinunnar.
Þar bar aldrei skugga á, ég fann
fyrir miklu öryggi að vita af þeim
„handan lækjar“ eins og við
sögðum. Á veturna, oft í slæmu
veðri og ófærð þegar við vorum á
ferðinni var Bangsa kunnugt um
ferðir okkar, hann fylgdist vel
með sínu fólki og kom oftar en
einu sinni til móts við okkur að
aðstoða eða huga að hvort ekki
væri allt í lagi. Á þeim tíma voru
ekki farsímar. Ef eitthvað sér-
stakt var verið að gera var
Bangsi alltaf tilbúinn að rétta
hjálparhönd.
Það ylja góðar minningar sam-
verustundanna milli Heiðarbæj-
arfjölskyldnanna, bæði heima við
og í félagslífinu. Ég verð ævin-
lega þakklát fyrir að hafa kynnst
Bangsa og að fá að vera hluti af
fjölskyldu hans.
Handtakið hans, þykka, hlýja
höndin, þegar hann heilsaði eða
kvaddi, tryggðin, öryggið og ein-
læga vináttan er dýrmætur fjár-
sjóður að eiga.
Elskulega Steinunn, Magga,
Jói, Helga, Kolbeinn og fjöl-
skyldur, góðar minningar lifa
endalaust.
Innilegar samúðarkveðjur til
allra sem þótti vænt um Bangsa,
megi hann hvíla í friði.
Ingibjörg Jóna Steindórs-
dóttir (Bíbí).
Inger Steinsson
Inger Rós Ólafsdóttir
ÚTFARARÞJÓNUSTA
Vönduð og persónuleg
þjónusta
Sími: 551 7080 - 691 0919
athofn@athofn.is - Akralandi 1 - 108 Reykjavík
Þökkum auðsýnda samúð og hlýhug við
andlát og útför móður okkar og tengda-
móður,
RANNVEIGAR UNNAR SIGÞÓRSDÓTTUR,
áður til heimilis að Lindargötu 61.
Bjarnfríður Bjarnadóttir, Stefán Loftur Stefánsson,
Eyrún Magnúsdóttir, Gunnar Þór Finnbjörnsson.
✝
Hugheilar þakkir til allra þeirra sem auðsýndu
okkur samúð, hlýhug og vináttu við andlát og
útför elskulegs eiginmanns, föður, tengda-
föður, afa og langafa,
KARLS G. SIGURBERGSSONAR,
Suðurgötu 26,
Keflavík.
Guð blessi ykkur öll.
F.h. aðstandenda,
Valgerður Bjarnadóttir.
✝
Hjartans þakkir til allra sem auðsýndu okkur
samúð, hlýhug og vináttu við andlát og útför
ástkærrar móður okkar, tengdamóður, ömmu
og langömmu,
STEFANÍU ÓSKAR JÚLÍUSDÓTTUR,
Sólvallagötu 18,
Reykjavík,
áður til heimilis
á Eiðum á Fljótsdalshéraði.
Sveinn Þórarinsson, Ólöf Birna Blöndal,
Sigurjón Þórarinsson,
Alfreð Dan Þórarinsson, Sesselja Eiríksdóttir,
Sigríður Þórarinsdóttir, Magnús Sæmundsson,
Guðrún Þórarinsdóttir, Örn Þorbergsson,
Anna Þórarinsdóttir, Knut Lage Bö,
Ólöf Þórarinsdóttir, Örn Óskarsson,
Björg Þórarinsdóttir, Örn Arnþórsson,
Hallgrímur Þórarinsson, Ingunn Thorarensen,
Magnús Þórarinsson, Bryndís Skúladóttir,
ömmu- og langömmubörn.
✝
Innilegar þakkir fyrir auðsýnda samúð og
vinarhug við andlát og útför
HALLFRÍÐAR BÁRU HARALDSDÓTTUR,
Öldustíg 6,
Sauðárkróki,
sem lést 10. október.
Herbert K. Andersen.
✝
Innilegar þakkir færum við öllum þeim sem
sýndu okkur samúð og hlýhug vegna andláts
og útfarar elskulegrar eiginkonu minnar,
móður okkar, tengdamóður, systur, ömmu
og langömmu,
SIGURVEIGAR BRYNHILDAR
SIGURGEIRSDÓTTUR,
Gránufélagsgötu 37,
Akureyri.
Sérstakar þakkir til Heimahlynningar á Akureyri fyrir góða
umönnun.
Páll Jónsson,
Sigurgeir Pálsson, Jórunn Agnarsdóttir,
Rósa Pálsdóttir, Pálmi Vilhjálmsson,
Anna Kristín Pálsdóttir, Jón Frímann Ólafsson,
systur hennar, ömmu- og langömmubörn.