Morgunblaðið - 27.10.2012, Blaðsíða 68

LAUGARDAGUR 27. OKTÓBER 301. DAGUR ÁRSINS 2012
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 699 ÁSKRIFT 4390 HELGARÁSKRIFT 2750 PDF Á MBL.IS 4190 I-PAD ÁSKRIFT 4190
VEÐUR » 8 www.mbl.is
»MEST LESIÐ Á mbl.is
1. Komi í veg fyrir gjaldþrot Íslands
2. Skipta á milli sín 10 milljónum kr.
3. Penthouse-íbúð við Klapparstíg
4. Hin íslenska Angela nýtur …
 Íslenskur titill á skáldsögu J.K.
Rowling, The Casual Vacancy, er
fundinn: Hlaupið í skarðið. Útgefandi
bókarinnar, Bjartur, efndi til sam-
keppni um besta titilinn og hann átti
Smári Pálmarsson.
AFP
Hlaupið í skarðið
varð fyrir valinu
 Um 7.000 gest-
ir munu sækja
tónlistarhátíðina
Iceland Airwaves
sem hefst um
miðja næstu viku,
að meðtöldu tón-
listarfólki, fjöl-
miðlamönnum,
starfsfólki og öðr-
um úr tónlistargeiranum. Um 5.000
miðar hafa verið seldir á hátíðina og í
fyrsta sinn í sögu hennar eru erlendir
gestir fleiri en innlendir, skv. upplýs-
ingum frá skipuleggjendum.
Erlendir gestir
fleiri en innlendir
 Music Hack Day nefnist viðburður
sem fer fram í Háskólanum í Reykja-
vík í dag og stendur í sólarhring. Þar
koma saman forritarar, hönnuðir og
listamenn og vinna að nýsköpunar-
verkefnum sem tengjast tækni og
tónlist. Slíkir viðburðir hafa verið
haldnir allt frá árinu 2009 og hátt í
30 talsins. 100 manns munu taka
þátt í viðburðinum í HR og
verður afrakst-
urinn
kynntur
undir lok
hans.
Music Hack Day í Há-
skólanum í Reykjavík
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Vestan 8-13 m/s S- og V-lands. Rigning eða súld, en slydda eða
snjókoma fyrir norðan síðdegis. Hiti 0 til 8 stig. Slydda eða snjókoma á N- og A-landi.
Á sunnudag Minnkandi norðanátt og léttir víða til, en dálítil él NA-til framan af degi.
Frost 0 til 8 stig. Snýst í vestan 5-13 um kvöldið og þykknar upp V-lands.
Á mánudag V 5-13 í fyrstu, en lægir síðan. Súld í fyrstu SV- og V-lands, annars skýjað
með köflum og yfirleitt þurrt. Hiti 0 til 7 stig, mildast syðst, en vægt frost á N- og A-landi.
„Þessi árangur liðsins er gríðarlega
mikilvægur fyrir grasrótina. Það kom
mikill kippur í kvennafótboltann þeg-
ar liðið komst á EM fyrir þremur ár-
um og ég held að það gerist aftur
nú,“ segir Geir Þorsteinsson, formað-
ur Knattspyrnusambands Íslands,
eftir að kvennalandsliðinu í knatt-
spyrnu tókst að tryggja sér keppn-
isrétt á EM næsta sumar. »1
Árangurinn mikilvægur
fyrir grasrótina
Keflavík vann sinn fyrsta
sigur í úrvalsdeild karla í
körfuknattleik, Dominos-
deildinni, í gærkvöld þegar
liðið lagði nýliða KFÍ að
velli, 79:69, á heimavelli Ís-
firðinganna. Keflvíkingar
léku í búningum frá KFÍ þar
sem búningar suðurnesja-
manna urðu eftir fyrir
sunnan. Á sama tíma
vann Skallagrímur
ÍR, 80:71. »4
Unnu á Ísafirði í
lánsbúningum
Hjörtur Logi Valgarðsson, bakvörð-
urinn snjalli sem leikur með sænska
liðinu IFK Gautaborg, segir að ekkert
þýði að fara í fýlu þótt hann hafi ekki
verið valinn í íslenska landsliðið fyrir
leikina í undankeppni HM í
haust. Hann segist
stefna á að endurheimta
sæti sitt í liðinu. »3
Ætlar sér að komast í
landsliðið á nýjan leik
Steinþór Guðbjartsson
steinthor@mbl.is
„Við erum eiginlega orðnir góðir
en einn er samt enn á sýklalyfj-
um,“ segir Jens Kristinn Gíslason,
fyrirliði íslenska landsliðsins í
krullu, sem varð í 5. sæti í C-
keppni Evrópumótsins í krullu fyrr
í mánuðinum. Liðið stefndi á að
vinna sér sæti í B-keppninni en
liðsmennirnir fengu allir mat-
areitrun og hún gerði þeim lífið
leitt.
Ísland tók fyrst þátt í Evr-
ópukeppninni 2007. Ekki var sent
lið til keppni árið eftir vegna fjár-
skorts en síðan 2009 hefur Ísland
verið með. EM fór að þessu sinni
fram í Erzurum í Tyrklandi og
kepptu sjö lið um að komast í B-
keppnina síðar á árinu.
Aðeins á Akureyri
Hérlendis er krulla eingöngu
stunduð á Akureyri og má ætla að
um 50 manns, mest karlmenn, æfi
íþróttina, en undanfarin ár hafa um
átta lið tekið þátt í Íslandsmótinu.
Íslandsmeistararnir hverju sinni
taka þátt í EM fyrir hönd Íslands
og Mammútar frá krulludeild
Skautafélags Akureyrar voru
fulltrúar landsins í Tyrklandi.
„Þetta gekk hörmulega,“ segir
Jens Kristinn. „Við vorum ekki
upp á okkar besta í leikjunum
vegna matareitrunar-
innar. Við vorum orku-
lausir og þetta setti
okkur út af laginu.“
Kvöldið fyrir fyrsta
leik var boðið upp á
kjúkling á hótelinu,
þar sem liðin dvöldu,
og í kjölfarið veiktust
liðsmenn flestra liða
nema heimamanna. Jens
Kristinn segir að allir fimm
leikmenn íslenska hópsins hafi ver-
ið veikir alla keppnisdaga en önnur
lið hafi sloppið betur og heimamenn
best.
Framfarir
„Þetta var mjög erfitt og við nut-
um þess ekki að spila,“ segir fyr-
irliðinn um ástandið í Tyrklandi, en
liðið spilaði tvo leiki á dag. „Við vor-
um veikir á svellinu og spiluðum
með hita. Eftir seinni leikinn á
fyrsta leikdegi skriðum við undir
sæng, titruðum allir og skulfum, en
ástandið var verst morguninn eftir.“
Jens Kristinn byrjaði að æfa
krullu 2006 og segir að Íslendingum
fari fram með hverju árinu. „Mað-
ur er alltaf að læra en vandamálið
er að hinum liðunum fer líka
fram þannig að árangurinn hjá
okkur er alltaf svipaður.“
Veikir á svellinu í Tyrklandi
 Íslenska lands-
liðið hefur náð sér
eftir matareitrun
Ljósmynd/Haraldur Ingólfsson
Krulla Jens Kristinn Gíslason í Mammútum var fyrirliði landsliðs Íslands á Evrópumótinu í Tyrklandi.
Fyrst var keppt í krullu (e. curling) á vetrarólympíuleikunum
1998, en aðild Íslands, fyrir tilstilli bandarísku hjónanna
Sophie og Tims Wallace 1992, að alþjóðakrullusambandinu
gerði útslagið. Árið 1995 fóru fjórir Íslendingar til Gimli í
Manitoba í Kanada til þess að læra íþróttina hjá fólki af ís-
lenskum ættum í þessum vinabæ Akureyrar. Fyrsta Ís-
landsmótið fór fram 2002 og var Íslandsbikarinn tileink-
aður Wallace-hjónunum.
Þegar Skautahöllin á Akureyri var formlega opnuð árið 2000
komu hjónin Alma og Raymond Sigurdson frá Gimli og gáfu
heimamönnum Gimli-bikarinn, en næsta keppni um hann hefst á
mánudag.
Handtökin lærð á Gimli
KRULLA TILTÖLULEGA NÝ ÍÞRÓTT Á ÍSLANDI