Monitor - 18.10.2012, Blaðsíða 4

4 MONITOR FIMMTUDAGUR 18. OKTÓBER 2012
Agnes Björt Andradóttir er
virkilega spennt fyrir kom-
andi Airwaves-hátíð en
þar mun hún koma fram
ásamt piltunum þremur
sem ásamt Agnesi skipa
hljómsveitina Sykur
Dansar
í strætó
Þú vinnur í Fatamarkaðnum við Hlemm.
Eru allur sviðs-klæðnaðurinn þinn
þaðan? Mikið af honum alla vega, það
koma oft alls konar skrýtin og fl ippuð föt
til mín sem virka vel á sviði.
Þú ert þekkt fyrir villta og rokkaða
framkomu. Væri þetta hundleiðinlegt ef
þú stæðir bara kyrr með lokuð augun?
Þetta væri náttúrulega ómögulegt ef ég
stæði kyrr með lokuð augun, þá gæti ég
ekki sungið eða tjáð mig eins og ég vildi.
Ég á erfi tt með að hreyfa mig ekki þegar
ég heyri tónlist, stundum til dæmis gríp
ég sjálfa mig við að dansa í strætó við
lag í útvarpinu en þegar ég er að spila
þá margfaldast þessi tilfi nning og ég
næ fullkominni útrás. Tónlist er ekki
bara eitthvað sem þú heyrir, heldur líka
hvernig þú skynjar orkuna frá tónlistinni.
Þið hafi ð spilað hér og þar á íslenskri og
erlendri grundu. Hvar var besta giggið
og hvar var það sísta? Besta giggið að
mínu mati var á Nasa á laugardeginum á
Airwaves 2011. Það voru allir í svo miklu
stuði og góðu skapi. Það var eins og það
myndaðist rafmagn á milli okkar og fólks
úti í sal, það var svo gott orkufl æði. Einu
sinni spiluðum við á bar í Kefl avík, og
það var svo hryllilegt gigg að staðurinn
brann.
Er einhver munur á því að spila erlendis
og hérlendis? Mér fi nnst eins og að
margir útlendingar séu oft opnari fyrir að
hlusta á nýja tónlist og fylgjast með þótt
þeir kunna ekki textann eða þekkja ekki
laglínuna en þegar Íslendingar komast í
fíling þá verður ekki aftur snúið og þeir
sleppa sér frekar en annað fólk. Það er
fallegt að sjá.
Eru Kristján og Halldór alltaf með mörg
járn í eldinum? Já, þeir þurfa að hamra
járnið meðan það er heitt.
Hvað er framundan hjá Sykri? Airwaves
og svo ætlum við að kíkja til Noregs og
spila á nokkrum tónleikum þar. Við erum
líka að vinna að nýju efni sem er allt
rosalega spennandi.
Þetta er þín önnur hátíð en strákarnir
hafa spilað oftar. Hver er snilldin við
Airwaves? Snilldin við Airwaves er
stemningin sem myndast við að fara
saman, með fullt af skemmtilegu fólki,
á 5 daga tónlistarhátíð. Mér fi nnst líka
spenningurinn rosalega skemmtilegur.
Hvað ætlar þú að sjá á Airwaves? Allt
sem ég kemst yfi r að sjá.
Nú er blaðamaður ekki að reyna að vera
fyndinn en heyrst hefur úr nokkrum
áttum að til sé fólk sem haldi að textinn
í Reykjavík sé „Reykjavík þú rekur við.“
Er það áfall fyrir ykkur sem hljómsveit?
Ég hef heyrt margar útgáfur af textanum
í Reykjavík. Reykjavík þú rekur við, rekur
mig, drepur mig, leikur mig, lepur mig
og svo framvegis en við hlæjum bara
að þessu öllu saman og leiðréttum fólk
vinsamlega ef þess er óskað.
AGNES BJÖRT
Fyrstu sex: 230691
Uppáhaldshljóðfæri: Öll
hljóðfæri. Það sem skiptir máli
er hvernig fl ytjandinn glæðir
það lífi .
Sími: Huawei, ég kalla hann
„who are we.“ Þetta er gamli
síminn minn en ég er byrjuð
að nota hann aftur eftir að
iphone-inum mínum var stolið.
Lag á heilanum núna: Ebony
and Ivory. Ég var að horfa á
fóstbræður í gær.
Tónlist er: Besta útrásin
Rafmagnað stuðkvöld
Mynd/Ómar