Monitor - 18.10.2012, Side 9
9 FIMMTUDAGUR 18. OKTÓBER 2012 MONITOR
eltihrelli
Á kínverskan
Þ
að muna efl aust einhverjir lesendur
Monitor eftir Atla123 sem vakti athygli
á frumdögum YouTube með hressum
vídjóblogginnslögum. Í dag er Atli123,
eða Atli Óskar Fjalarsson, vaxinn úr
grasi og orðinn einn efnilegasti leikari
landsins. Hann birtist landsmönnum í
burðarhlutverki í kvikmyndunum Óróa
og Gauragangi auk þess sem hann fór með aðalhlutverk
í stuttmynd Rúnars Rúnarssonar, Smáfuglar. Atli, sem
stefnir á að læra leiklist á erlendri grundu þegar fram
líða stundir, leikur nú í Pressu sem fór af stað á Stöð 2
um síðastliðna helgi.
Blaðamaður Monitor settist niður með Atla Óskari og
ræddi við hann um undirheimakarakterinn Ísak, Bláa
mánann, Steven Seagal og síðast en ekki síst, kínverska
eltihrellinn hans.
Einhverjir lesendur Monitor muna sennilega eftir hin-
um barnunga vídjóbloggara, Atli123. Hvað fékk þig
til að byrja að fl ippa fyrir framan myndavél
og setja myndböndin á YouTube?
Ég byrjaði að fi kta með vídjókameru
pabba míns þegar ég var bara átta
eða níu ára en þá var YouTube
ekki einu sinni komið svo
myndböndin fóru ekkert
lengra. Síðan þegar ég var
svona þrettán ára fékk ég
iMac-tölvu í ferming-
argjöf og þá fór ég að
taka upp og klippa
myndbönd með það
í huga að setja þau
á netið.
Þetta var bara
einhvers konar
tjáningar-
þörf eða
athyglissýki sem maður var með og þarna var maður með
vettvang til að fá útrás fyrir það allt.
Fylgir þetta nafn þér enn í dag, Atli123?
Já, alveg klárlega. Þegar ég fékk bílprófi ð mitt keypti ég
mér meira að segja einkanúmerið ATL123 og svo er ég
með tölustafi na „123“ húðfl úraða á mér. Ég notast samt
ekki beint við það svona dagsdaglega.
Mér skilst að þú hafi r verið uppátækjasamur sem
krakki. Kannast þú við að hafa framleitt þín eigin spil og
selt skólasystkinum þínum?
Já, það var þannig að þegar Pokémon-æðið var í
hámarki þá bjó ég eiginlega til mína eigin hliðstæðu af
Pokémon-spilum sem hétu Fransamyndir. Þær voru sem
sagt nefndar í höfuðið á yngri bróður mínum, Frans, og
gengu út á það að ég teiknaði hann við alls kyns fyndnar
aðstæður. Þarna voru goðsagnakenndar myndir eins
og „Frans verður forseti“, „Frans í kassa“ og svona. Ég
fór síðan með þetta í skólann og var að reyna að selja
einhverjum krökkum þetta og þetta rokseldist alveg. Ég er
reyndar hræðilegur teiknari en það kom greinilega ekki að
sök (hlær).
Það skemmtilega við þetta var síðan að þegar spilið var
spilað, þá var ég sá eini sem kunni reglurnar og maður gat
þar af leiðandi hagrætt þeim sér í hag og svona.
Síðast þegar þú varst í viðtali hér í blaðinu varst þú að
kynna Bláa mánann, dálítið óhefðbundinn hátíðisdag
sem haldinn var 13. ágúst síðastliðinn. Hvernig tókst til?
Það tókst bara rosalega vel til, þetta fór fram úr mark-
miði okkar sem var að fá 300 manns
til að mæta. Ég held að það hafi 350
manns komið eða eitthvað. Þetta var
á mánudagskvöldi á Lebowski-bar
og eigandinn sagðist hreinlega aldrei
hafa séð jafnmarga inni á staðnum.
Þetta var geggjað, Úlfur Úlfur, RetRo-
Bot og Young and Carefree spiluðu og
svo eftir lokun fórum við í Hjartar-
garðinn og spiluðum brennibolta.
Má búast við því að hátíðin verði
aftur haldin að ári?
Alveg klárlega. Þá er mark-
miðið að fá 3.000 manns. Við
verðum bara að leigja Hörpu þá
eða eitthvað.
Þessa dagana birtist þú fólki sem
hinn 19 ára Ísak Egilsson í þriðju
seríu Pressu. Hvernig er upplifunin
að sjá sjálfan sig í sjónvarpi?
Hún er bara rosalega fín, mér fannst
fyrsti þátturinn koma mjög vel út.
Það er virkilega gaman fyrir mig að
horfa á þetta því þetta eru þannig
þættir að þó svo að ég leiki
ágætlega stórt hlutverk í þessu
sjálfur, þá eru þetta svo margar
sögur sem fl éttast saman,
svo maður hefur ekki séð
næstum því allt sjálfur. Maður
var náttúrlega ekki á tökustað nema í svona einn
fi mmta af tökutímabilinu. Þó svo að maður sé
kannski búinn að lesa handritið og allt það, þá er
gaman að sjá útfærsluna á þessu öllu saman.
Ísak er ekki beint neinn engill. Hvernig var að leika
hann?
Ísak er þessi týpíska Adidas-spíttgallatýpa. Hann er
í röngum félagsskap, eldri bróðir hans er höfuðpaur í
ákveðnu handrukkaragengi sem hann er sjálfur hluti af
og hann er bara ekki á réttri grein í lífi nu, greyið.
Það var mjög áhugavert að leika hann og sérstaklega
gaman að taka upp öll þessi hasaratriði. Maður fékk að
taka þátt í bílasenum, handleika byssur og læti.
Myndir þú segja að hann væri „grjótharður“, eins og
menn segja?
Hann lítur kannski út fyrir að vera það en þegar fólk
kynnist honum þá sér það mjúku hliðina hans. Ég er viss
um að fólk taki eftir því ef það heldur áfram að fylgjast
með þáttunum.
Það er klassískt að spyrja leikara eftir þeir hafa túlkað
svona undirheimakarakter hvort þeir hafi unnið
einhverja rannsóknarvinnu. Á það við um þig?
Þegar maður er svona ungur þá er svo rosalega lítið bil
á milli þeirra sem eru á „rangri braut“ og „réttri braut“
í lífi nu. Maður er ennþá í miklu návígi við fólk sem er
kannski ekki beint á réttri braut. Þegar maður verður eldri,
kominn með fjölskyldu og einhverja ákveðna atvinnu,
þá er maður kannski ekki beint í tengslum við Jón stóra
eða eitthvað. Í mínu tilfelli fi nnst mér
ég ennþá þekkja einhverjar svona
týpur sem voru kannski með manni í
skóla áður eða eitthvað og það fi nnst
mér auðvelda manni að setja sig inn
í þá stemningu. Þar af leiðandi þurfti
ég ekki beint að leggjast í einhverja
rannsóknarvinnu sem slíka.
Þú ert ómenntaður leikari, enn sem
komið er. Gefur það þér mikið að
leika á móti fl inkum leikurum, eins
og Birni Thors og fl eiri?
Já, það er bara geggjuð reynsla. Það
er í raun alveg ólýsanlegt að fá að leika
á móti leikara eins og Birni og svo að
vera í leikstjórn Óskars Jónassonar.
Bjössi er frábær mótleikari sem ég
ber mikla virðingu fyrir og svo er
hann bara líka virkilega almennilegur.
Hann lítur á alla sem jafningja og er á
sama tíma mjög duglegur við að segja
manni til og kenna manni.
Langar þig að verða leikari þegar þú
verður stór?
Já, alveg klárlega. Ég er að klára MH
núna, það er að segja ég útskrifast
vonandi þaðan næsta vor, og að því
loknu stefni ég bara út í leiklistarnám.
Mig langar rosalega að fara í Juilliard,
það er búið að vera draumur í mörg ár.
Annars væri ég sáttur við að læra bara einhvers staðar í
Bandaríkjunum eða Bretlandi.
Þú ert viðriðinn Morfís-ræðulið MH, ekki satt?
Ég var sem sagt í liði MH um daginn þegar við kepptum
æfi ngakeppni við MS en það á eftir að velja formlegt Morf-
ís-ræðulið. Ég hef ekki tekið mikinn þátt í ræðumennsku
í menntaskóla en datt inn í innanskólakeppni í Kvennó í
fyrra. Félagi minn var sem sagt í Kvennó og ég mátti taka
þátt í keppninni með honum. Það gekk mjög vel og svo
labbaði ég eiginlega bara fyrir tilviljun framhjá einhverj-
um Morfísprufum í MH og ákvað að taka þátt.
Texti: Einar Lövdahl einar@monitor.is
Myndir: Styrmir Kári Erwinsson styrmirkari@mbl.is
…þá svöruðum við að
Steven Seagal léki í
myndinni og ég væri að leika
ungan Seagal sem væri að
þjálfa sig upp í að hefna dauða
foreldra sinna.
ATLI ÓSKAR
Á 30 SEKÚNDUM
Fyrstu sex: 100892.
Það sem gleður mig mest þessa
stundina: Að ég sé að fara að
klára prófi n mín, að Pressa hafi
verið skemmtileg í
sjónvarpinu og að ég
sé að fara til Akureyrar
í tvær vikur.
Það sem veldur mér
helst hugarangri:
Síðustu tvö prófi n sem ég er að fara
í á eftir og hvernig ég á að kjósa í
þjóðaratkvæðagreiðslunni.
Það fyndnasta
sem ég hef séð á
netinu: Það er svo
margt. Mér fi nnst
Dolan-teiknimyndirnar
ótrúlega fyndnar. Það
eru ótrúlega súrar teiknimyndasögur
með mjög illa teiknuðum útgáfum af
karakterunum úr Andabæ.
Uppáhaldssjónvarpsþáttapersóna: Ari
Gold í Entourage.
Æskuátrúnaðargoð: Ég leit alltaf mikið
upp til Bubba Morthens og fi nnst hann
enn mjög fl ottur.
Atli Óskar Fjalarsson túlkar vandræðagemsann Ísak í spennuþáttaröðinni
Pressu. Monitor yfi rheyrði hann um framtíðardrauminn, Atla123, „douche
bag-krukkuna“ og æstan aðdáanda frá Kína.