Morgunblaðið - 03.11.2012, Page 6

6 FRÉTTIRInnlent
MORGUNBLAÐIÐ LAUGARDAGUR 3. NÓVEMBER 2012
Heimir Snær Guðmundsson
heimirs@mbl.is
Að Sunnuflöt 48 í Garðabæ stend-
ur eitt stærsta einbýlishús lands-
ins. Húsið veglega er fokhelt og er
til sölu fyrir 93 milljónir króna. Á
fasteignavef Mbl.is kemur fram að
húsið sé heilir 932 fm, þar af bíl-
skúr 63 fm. Húsið stendur á fal-
legum stað innst í botnlanga við
Sunnuflöt í Garðabæ, er tvær hæð-
ir og hannað af Gassa arkitektum.
Magnús Geir Pálsson sölumaður
hjá Eignamiðlun sem hefur húsið
til sölu segir Landsbankann ný-
lega hafa eignast húsið. „Við feng-
um eignina á skrá núna í vikunni.
Ég myndi halda að kostnaðurinn
við að klára húsið sé 150-250 millj-
ónir. Það er alveg ljóst að kaup-
verð hússins, 93 milljónir, er mjög
langt frá byggingarkostnaði. Eftir
því sem ég hef heyrt gæti hann
staðið í 300 milljónum króna,“ seg-
ir Magnús.
Líkamsrækt, baðrými með
sundlaug og heitum potti
Samkvæmt samþykktum teikn-
ingum eru ellefu herbergi í húsinu,
þar af fjögur svefnherbergi. Til
viðbótar eru stofur, fataherbergi,
skrifstofa, þvottaherbergi, tóm-
stundaherbergi og vínkjallari.
Einnig er gert ráð fyrir líkams-
ræktarherbergi, baðrými með
sundlaug og heitum potti, búnings-
herbergi með salerni, sturtum,
köldum potti og gufubaði. Í húsinu
er einnig gert ráð fyrir lyftu. Í
auglýsingu Eignamiðlunar kemur
fram að lóðin við húsið sé 1.590 fm
og sé afgirt með steypuvirki. Þá
gera áætlanir ráð fyrir sjálfvirkri
lokun inn á bílastæði.
Í fundargerð byggingarnefndar
Garðabæjar frá því í júlí 2007
kemur fram byggingarfulltrúi
samþykki að veita Írisi Björk Ta-
nyu Jónsdóttur leyfi til að byggja
einbýlishús á Sunnuflöt 48. Í sept-
ember árið áður hafi Tanya fengið
leyfi byggingarfulltrúa til að rífa
hús sem stóð á lóðinni. Í nóvember
2007 samþykkti byggingarfulltrú-
inn í Garðabæ erindi Arnars
Sölvasonar um stækkun og breytt
skipulag kjallara hússins að
Sunnuflöt 48. Samkvæmt heim-
ildum Morgunblaðsins byggði Arn-
ar húsið.
Magnús segir að enn sem komið
er hafi hann ekki orðið var við
áhuga hugsanlegra kaupenda á
húsinu. „Húsið er nýkomið á skrá,
ég er búinn að senda nokkrum að-
ilum sem hugsanlega gætu haft
áhuga upplýsingar,“ segir Magnús.
Hinsvegar sé lítið mál að selja
400-500 fm hús á góðum stað á
150-200 milljónir um þessar mund-
ir.
Hús af slíkri gerð og
stærð nær óþekkt hér
„Húsið er náttúrulega óheyri-
lega stórt. Rekstrarkostnaðurinn
verður töluverður á slíku húsi með
sundlaug, heitum potti, gufubaði
og stýrikerfið sem fylgir slíku er
ekkert smáræði,“ segir Magnús.
Hann bætir við að hann muni ekki
eftir að einbýlishús jafn stórt
þessu hafi verið til sölu hjá Eigna-
miðlun áður. Þá segir Magnús að
erfitt sé að meta söluferlið þar
sem hús af slíkri gerð og stærðar-
gráðu séu nær óþekkt hér á landi.
Morgunblaðið/Árni Sæberg
Óklárað Verðandi eigendur eiga margt eftir ógert til að koma húsinu í íbúðarhæft ástand eins og sjá má.
Fokhelt einbýlishús
til sölu á 93 milljónir
 Mikill íburður og steypuvirki girðir 1590 fm lóðina af
Ljósmynd/Gassa Arkitektar
Einbýli Húsið að Sunnuflöt er vissulega glæsilegt á að líta á teikningum.
Húsið er heilir 932 fm að stærð og í því eru ellefu herbergi auk bílskúrs.
Baldur Arnarson
baldura@mbl.is
Guðfríður Lilja Grétarsdóttir, odd-
viti VG í Suðvesturkjördæmi, ætlar
ekki að gefa kost á sér til áframhald-
andi þingsetu í alþingiskosningunum
næsta vor. Hún sagðist í yfirlýsingu
hafa ákveðið að fara í stjórnmál til að
berjast fyrir betra samfélagi og virð-
ingu fyrir náttúru Íslands. Hún
bindur vonir við að geta áfram látið
gott af sér leiða með öðrum hætti.
Guðfríður Lilja kvaðst ekki
mundu ræða við fjölmiðla, þegar til
hennar var leitað vegna tíðindanna.
Hún lýsir í tilkynningu yfir von-
brigðum með starfshætti á Alþingi.
Væntingar sem ekki rættust
„Það eru forréttindi að starfa á Al-
þingi í umboði þjóðarinnar og fá þar
tækifæri til að vinna að framgangi
mikilvægra mála. Ég hef í þingstörf-
um mínum reynt eftir megni að hafa
í heiðri þau gildi og loforð sem
Vinstrihreyfingin – grænt framboð
gaf kjósendum fyrir síðustu Al-
þingiskosningar.
Við gerðum okkur mörg hver von-
ir um nýja og breytta tíma en því er
ekki að leyna að þar hefur margt
valdið vonbrigðum. Vonandi bera
stjórnmálaflokkar, ríkisstjórn og Al-
þingi gæfu til þess í framtíðinni að
hafna einstefnumenningu hrunsins
og fagna þess í stað fjölbreyttum
sjónarmiðum. Ýmislegt hefur áunn-
ist þrátt fyrir erfiðleika og ég er stolt
af því að hafa tekið þátt í því sem til
framfara horfir.
Mikils er um vert fyrir litla þjóð að
muna eftir öllu því sem sameinar
okkur en ekki sundrar og það er ósk-
andi að þeir lærdómar sem dregnir
verða af þessu umbrotaskeiði verði
til góðs fyrir framtíðina,“ segir Guð-
fríður Lilja sem þakkar stuðnings-
mönnum VG stuðninginn.
Mikil eftirsjá að þingmanninum
Steingrímur J. Sigfússon, formað-
ur VG, harmar brotthvarf hennar.
„Það er að sjálfsögðu mikill
sjónarsviptir að henni og eftirsjá.
Hún er ung og hæfileikarík kona í
stjórnmálunum og það er leitt að sjá
hana hverfa af þeim vettvangi.
Margar hæfileikaríkar konur eru
greinilega að gera upp hug sinn og
ákveða að hverfa af vettvangi stjórn-
málanna. Þær eru allmargar sem
hafa ákveðið að gera það, bæði með
lengri þingreynslu og minni. Þetta
eru manneskjur eins og Guðfríður
Lilja, Ólöf Nordal, Siv Friðleifsdótt-
ir, Þorgerður Katrín Gunnarsdóttir
og Þuríður Backman. Það er visst
umhugsunarefni að það virðist vera
viss tilhneiging í þá átt að það séu
hraðari umskipti á meðal kvenna í
stjórnmálum en karla og að þær
staldri styttra við. Það er ástæða til
að velta fyrir sér af hverju það er.“
Guðfríður Lilja var í 1. sæti VG í
Suðvesturkjördæmi en Ögmundur
Jónasson annar. Ólafur Þór Gunn-
arsson var í þriðja sæti.
Guðfríður Lilja
segir skilið við
stjórnmálin
 Formaður VG segir sjónarsvipti að
henni og fleiri hæfileikaríkum konum
Guðfríður Lilja
Grétarsdóttir
Steingrímur J.
Sigfússon
Guðni Einarsson
gudni@mbl.is
Ekki viðrar til rjúpnaveiða í dag, hafi veð-
urspá frá því í gær gengið eftir. Betra veð-
urútlit var fyrir morgundaginn. Rjúpna-
veiðar voru leyfðar níu daga nú í haust, þar
á meðal í dag og á morgun. Næst má veiða
rjúpur tvær síðust helgar mánaðarins.
Skotveiðifélag Íslands (Skotvís) leitaði
eftir því í gær við samráðshóp um rjúpna-
veiðar hvort bæta eigi veiðimönnum upp
óveðursdagana. Elvar Árni Lund, formaður
Skotvís, sagði að í fyrra hefði verið rætt
óformlega um fjölgun veiðidaga við yfirvöld
veiða á villtum dýrum vegna slæms veðurs á veiði-
dögum. „Það var enginn vilji til þess að ræða þetta
þá,“ sagði Elvar. Hann sagði Skotvís hafa bent á að
við það að skera veiðitímann úr 18 dög-
um niður í níu daga kæmu óveð-
ursdagagarnir miklu harðar niður á
veiðimönnum.
„Ráðuneytið telur ekki koma til greina
að fjölga veiðidögum í ár vegna veðurs.
Það er engin nýlunda að válynd veður
hafi áhrif á veiðar á Íslandi og enn á eft-
ir að koma í ljós hvernig veður mun
þróast yfir helgina,“ segir í svari um-
hverfis- og auðlindaráðuneytisins við fyr-
irspurn um fjölgun veiðidaga. Það bendir
á að veðurspá sé mismunandi eftir svæð-
um og dögum og gera megi ráð fyrir að
einhverjir veiðimenn kjósi að fara til
veiða. „Það kemur því ekki til álita að mati ráðuneyt-
isins að fjölga veiðidögum með tilheyrandi auknu
álagi á rjúpnastofninn.“
Vilja uppbót á rjúpnadaga
 Það munar mikið um hvern dag, að sögn formanns Skot-
veiðifélagsins  Ráðuneytið aftekur að fjölga veiðidögum
Rjúpnaveiðar Veðrið
skiptir máli.
Glerverksmiðjan Samverk ehf
Eyjasandi 2, 850 Hella
Víkurhvarfi 6, 203 Kópavogi
sími: 488 - 9000
www.samverk.is
samverk@samverk.is
Söluskrifstofa og fagleg ráðgjöf
Víkurhvarfi 6, 230 Kópavogi