Morgunblaðið - 06.11.2012, Qupperneq 2

2 FRÉTTIRInnlent
MORGUNBLAÐIÐ ÞRIÐJUDAGUR 6. NÓVEMBER 2012
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Sigurður Sigmundsson
Hrunamannahreppur | Sauðfjárrækt-
arfélag Hrunamanna hélt lamb-
hrútasýningu í Reiðhöllinni á Flúð-
um síðastliðinn sunnudag. Sýningin
var haldin í tilefni 65 ára afmælis fé-
lagsins en það eru 20 ár síðan síðast
var haldin sameiginleg sýning. Um
32 lambhrútar voru skráðir til leiks
og sjö forystusauðir fengu að fljóta
með til gamans. Vegleg verðlaun
voru í boði fyrir bestu fimm hrútana í
flokki hvítra hyrndra og í flokki mis-
litra.
Mikil spenna var í fólki þegar verið
var að velja fimm bestu hrútana úr
tíu hrúta hóp og mátti heyra saumnál
falla þegar úrslitin lágu fyrir. Það
var Ágúst Ketilsson frá Brúnastöð-
um í Flóahreppi sem var dómari og
sést hann hér meta hrútana. Fyrstu
og önnur verðlaun í flokki hvítra
hyrndra fengu hrútar frá Steinari og
Írisi í Auðsholti, þriðju verðlaun fóru
til Bjarna Vals og Gyðu í Skipholti,
fjórðu verðlaun fóru í Miðfell til Þor-
valds Loga og fimmtu verðlaun til
bræðranna Þorsteins og Magnúsar í
Haukholtum. Einungis þrír hrútar
voru skráðir í flokki mislitra og röð-
uðust þeir upp þannig að fyrstu verð-
laun fékk hrútur frá Haukholtum,
önnur verðlaun fóru í Hrepphóla og
þriðju verðlaun að Sólheimum.
Almenn ánægja var með sýn-
inguna og nokkuð ljóst að önnur sýn-
ing verður haldin að ári.
Bestu hvítu hyrndu lambhrútarnir
Morgunblaðið/Sigurður Sigmundsson
Baldur Arnarson
baldura@mbl.is
„Mætingin á þessa fundi hefur verið
langt umfram væntingar. Það voru
haldnir tveir fundir í Reykjavík og
síðan fundir á Akureyri, Egilsstöð-
um og Ísafirði sem voru allir vel
sóttir. Ég gæti trúað því að þetta
væru um þrjú hundruð manns,“
segir Aðalsteinn Þorsteinsson, for-
stjóri Byggðastofnunar, um áhuga á
umsóknum um IPA-styrki.
Um er að ræða nýja lotu slíkra
styrkja upp á 8,3 milljónir evra, alls
1.350 milljónir króna á núverandi
gengi, og eru að þessi sinni styrkt
verkefni á sviði atvinnuþróunar,
byggðamála og velferðar- og vinnu-
markaðsmála. Alls hefur fram-
kvæmdastjórn ESB samþykkt að
verja sem nemur 4.781 milljón
króna í íslensk IPA-verkefni 2011-
2013. Er fénu ætlað að styrkja
stjórnsýslu og styðja við tilrauna-
verkefni vegna undirbúnings fyrir
þátttöku í uppbyggingarsjóðum
ESB.
Horft til sjávarútvegsins
Aðalsteinn segir fundargesti m.a.
hafa horft til verkefna sem miði að
auknu samstarfi milli landshluta.
Þá velti menn fyrir sér ýmiss kon-
ar þróunarverkefnum, til dæmis á
sviði sjávarútvegs þar sem horft sé
til vöruþróunar, nýrra afurða og
bættrar meðferðar á fiski. Fulltrúar
ferðaþjónustunnar hafi einnig mætt.
„Eitt af markmiðunum með þess-
um styrkjum er að koma á samstarfi
milli svæða. Það er svið sem bent
hefur verið á að mætti styrkja hér.“
Snorri Björn Sigurðsson, for-
stöðumaður þróunarsviðs hjá
Byggðastofnun, segir stofnunina
ekki sjá um umsóknirnar. Ráðgjaf-
ar Rannís og ESB sjái um mats-
ferlið.
Margir mættu á námskeiðin
Áhuginn hafi komið á óvart.
„Það sem kom okkur kannski
fyrst og fremst á óvart er hvað það
mættu margir á upphaflegu kynn-
ingarfundina og í framhaldi af því á
námskeiðin. Við héldum þrjá kynn-
ingarfundi og í framhaldi af því var
boðið upp á vinnufundi þar sem var
farið nánar yfir hvernig vinna á um-
sóknir.
Í þriðju fundaröðinni var betur
farið yfir hvernig eigi að vinna um-
sóknir og svo jafnframt hvernig á
að standa að framkvæmdum ef
menn fá styrk. Það kom okkur
verulega á óvart hversu margir
mættu á þessar seinni fundaraðir.
Þetta eru háar upphæðir. Maður
gæti ímyndað sér að það yrði erfitt
fyrir einhverja að ná hreinlega upp
í lágmarksupphæðir styrkja,
200.000 evrur, ríflega 30 milljónir
króna. Kostnaðaráætlun verkefna
þarf því að vera minnst um 40 millj-
ónir,“ segir Snorri Björn en um-
sækjendur leggja sjálfir til að lág-
marki fjórðung kostnaðar. Hæstu
styrkir í þessari lotu geta orðið ein
milljón evra, rúmar 163 milljónir
króna.
Hundruð vilja ESB-styrki
 ESB veitir 1.350 milljóna styrk til atvinnu-, byggða-, velferðar- og vinnumála
 Styrkirnir eru svo háir að sumir eiga fullt í fangi með að ná lágmarksupphæð
„Mætingin á þessa
fundi hefur verið
langt umfram
væntingar.“
Aðalsteinn Þorsteinsson
Kjartan Kjartansson
kjartan@mbl.is
Hart hefur verið deilt í utanrík-
ismálanefnd Alþingis um orðalag á
afstöðu Íslands til kafla í viðræðum
við Evrópusambandið sem fjallar
meðal annars um matvælaöryggi,
innflutning á lifandi dýrum og hráu
kjöti.
Hefur mótun afstöðunnar verið á
borði nefndarinnar í um fjóra mán-
uði án þess að hún hafi verið af-
greidd þrátt fyrir að svo virðist sem
enginn efnislegur ágreiningur sé á
milli nefndarmanna um að krefjast
áfram banns við innflutningi.
Að sögn Ragnheiðar Elínar
Árnadóttur, fulltrúa Sjálfstæðis-
flokksins í nefndinni, vill meirihluti
nefndarinnar, fulltrúar stjórnarand-
stöðuflokkanna auk Jóns Bjarnar-
sonar, þingmanns VG, taka sterkar
til orða í afstöðunni til samnings-
kaflans.
Hún og fleiri nefndarmenn voru
ósátt við að Steingrímur J. Sigfús-
son, ráðherra landbúnaðarmála,
hefði í óundirbúnum fyrirspurnar-
tíma á Alþingi í gær greint frá
samningsmarkmiðum Íslands en
þau eru trúnaðarmál þar til þau eru
kynnt fyrir fulltrúum ESB. Hún
hefur því farið fram á opinn fund í
utanríkismálanefnd til að ræða af-
stöðuna.
Tali hreint út í afstöðunni
Ragnheiður segir að orðalag af-
stöðunnar hafi batnað í meðförum
nefndarinnar en hún sé ekki enn
komin á þann stað sem hún og fleiri
telji að hún eigi að vera.
„Við þurfum bara að segja hlut-
ina eins og þeir eru og vera skýr í
þeim kröfum sem við teljum óum-
semjanlegar,“ segir hún.
Mörður Árnason, annar varafor-
maður utanríkismálanefndar, segist
ekki minnast þess að eitt samnings-
afstöðuplagg hafi tekið svo langan
tíma í meðförum nefndarinnar frá
því hann tók sæti í henni.
„Fyrir minn hatt hafa þessi fund-
arhöld verið óþarflega mikil og
ágreiningur mjög takmarkaður, ef
nokkur. Það hefur verið deilt mjög
um orðalag en enginn efnislegur
ágreiningur er, hvorki á milli nefnd-
armanna né við utanríkisráðherra.
Fyrir mér er hefur þessi deila stað-
ið um keisarans skegg, að minnsta
kosti á síðari stigum,“ segir Mörð-
ur.
„Deilt um keisarans skegg“
 Afstaða Íslands til samningskafla um matvælaöryggi á borði utanríkismála-
nefndar í fleiri mánuði  Meirihluti nefndarinnar vill herða orðalag afstöðunnar
Ragnheiður Elín
Árnadóttir
Mörður
Árnason
„Á síðustu stigum þessarar óheilla-
ferðar veðsettu menn hjúkrunar-
heimilið Eir fyrir einum og hálfum
milljarði. Við eig-
um eftir að semja
um það hvernig
staðið verður að
endurgreiðslu
þess láns. Það lán
er í sjálfu sér ekki
í neinni hættu frá
sjónarhóli kröfu-
hafans, vegna
þess að rekst-
urinn og húsið
stendur fyllilega undir þessu veði.
Þannig að manni þykir líklegt að
komast megi að samningum um ein-
hvers konar útfærslu á endur-
greiðslu þess,“ segir Stefán Bene-
diktsson, stjórnarmaður í
hjúkrunarheimilinu Eir.
„Menn voru búnir að nota allar
fjármögnunarleiðir sem til greina
komu. Það má sjálfsagt skrifa það að
einhverju leyti á örvæntingu. Þegar
það var búið voru öll sund lokuð,“
segir Stefán um aðdragandann.
Milljarðar í skuldir
Auk áðurnefnds veðs skuldar fé-
lagið lífeyrissjóðum 3 milljarða,
Íbúðalánasjóði 3 milljarða og íbúum
á Eir 2 milljarða og segir Stefán að
um helmingur vistmanna eigi þar í
hlut. Fólkið hafi greitt ævileigu fyrir-
fram án þess að hafa veð.
Stefán telur félagið ráða við lánin.
„Ef við finnum færa leið til að
endurgjalda íbúðarréttarhöfunum
þessa tvo milljarða á næstu fimm til
sjö árum ættu eignir að öðru leyti að
standa undir því sem eftir væri, um
sex milljörðum króna.“
Stjórn Eirar stóð fyrir fundum
með vistmönnum í gær og leitaði þar
samþykkis þeirra fyrir því að Stefán
Árni Auðólfsson lögfræðingur myndi
gæta hagsmuna þeirra.
„Það tengist því að það hefur orðið
til óformlegt kröfuhafaráð. Þar koma
að málum lífeyrissjóðir, sem Virðing
Réttlæti er í forsvari fyrir, og Íbúða-
lánasjóður, auk Stefáns Árna sem
fulltrúa íbúðaréttarhafa. Svo eru þar
ráðgjafar okkar frá KPMG og Lex
lögmannsstofu, ásamt fram-
kvæmdastjóra Eirar,“ segir Stefán
og hefur eftir Stefáni Árna að horft
sé til þess að leysa málið á nokkrum
vikum. baldura@mbl.is
„Öll sund
voru
lokuð“
Stefán
Benediktsson
 Stjórnarmaður
ræðir vanda Eirar
Stjórnvöld stefna að því að strand-
siglingar geti hafist í mars eða apríl
á næsta ári. Þetta kom fram í svari
Ögmundar Jónassonar innanríkis-
ráðherra við fyrirspurn frá Ásmundi
Einari Daðasyni, þingmanni
Framsóknarflokksins, á Alþingi í
gær.
Málið hefur verið í umsagnarferli
hjá Eftirlitsstofnun EFTA (ESA) og
tafist vegna þess að sögn Ögmundar
en starfshópur á vegum ráðuneytis
hans lagði til í byrjun ársins að sett
yrði af stað tilraunaverkefni til
nokkurra ára um strandsiglingar.
Þegar ESA hefði afgreitt málið fyrir
sitt leyti yrðu siglingarnar boðnar út
í „snarhasti“.
Þá kom fram í máli Ögmundar að
gert væri ráð fyrir siglingu í kring-
um landið einu sinni í viku með fastri
viðkomu á höfuðborgarsvæðinu,
Vestfjörðum, Norðurlandi og Aust-
fjörðum og að um yrði að ræða að
lágmarki 50 ferðir á ári.
Boða strand-
siglingar