Morgunblaðið - 20.11.2012, Blaðsíða 8

BAKSVIÐ
Andri Karl
andri@mbl.is
„Ákæruvaldið fer fram á að frétta-
flutningur verði bannaður af
skýrslutökum á meðan þær fara
fram,“ sagði Karl Ingi Vilbergsson
aðstoðarsaksóknari snemma á
fyrsta degi aðalmeðferðar í máli
ákæruvaldsins gegn Annþóri Krist-
jáni Karlssyni, Berki Birgissyni og
átta öðrum karlmönnum. Fjölskip-
aður dómur féllst á kröfuna og var
fjölmiðlum því bannað að fjalla um
það sem fram fór í dómsal í gær.
Burtséð frá banninu er óhætt að
greina frá því, án þess að hljóta fyrir
það sekt, að dagskráin gekk vonum
framar á fyrsta degi. Skýrslutökur
yfir sakborningum hófust án vand-
ræða og þeim lauk á undan áætlun.
Sakborningar í málinu hafa ekki
allir gott orð á sér þegar kemur að
því að haga sér samkvæmt reglum í
dómsal og var einn þeirra dæmdur í
sex mánaða fangelsi nýverið fyrir að
sýna dómara mikla óvirðingu. Þar
sem þannig bar við var lögregla höf-
uðborgarsvæðisins með mikinn við-
búnað við Héraðsdóm Reykjaness,
þar sem aðalmeðferðin fer fram,
auk þess sem dómsformaður las yfir
sakborningum reglurnar og sagði
að þeim yrði vikið úr dómsal ef þeir
trufluðu vinnufrið. Reyndar tók
dómari fram að sakborningar fengju
fyrst áminningu en svo rautt spjald.
Þá er hugsanlegt að dómþingið
hafi farið svo friðsamlega fram
vegna þess að dómari féllst á kröfu
ákæruvaldsins um að sakborningar
fengju ekki að hlýða á framburð
hver annars. Varð það til þess að að-
eins einn sakborningur var í dóm-
salnum á hverjum tíma og því fá
tækifæri fyrir fíflalæti sem ein-
kenndu þingsetningu málsins, en þá
voru allir sakborningar saman
komnir og æstu hver annan upp.
Í málinu er ákært fyrir þrjár sér-
staklega hættulegar árásir, frelsis-
sviptingu, tilraun til fjárkúgunar og
ólögmæta nauðung. Á morgun eiga
að mæta fyrir dóminn og gefa
skýrslu fórnarlömb í málinu og vitni.
Verjendur í málinu virtust þó ekk-
ert sérlega bjartsýnir á að allir
myndu mæta á réttum tíma og því
mætti gera ráð fyrir einhverri rösk-
un á dagskrá. Verði svo lengist jafn-
framt takmörkun á fréttaflutningi,
en fyrst eftir að skýrslutökum lýkur
má greina frá því sem komið hefur
fram.
Takmörkuð umfjöllun um dómsmál
Morgunblaðið/Júlíus
Í járnum Börkur Birgisson fékk lítið að hreyfa sig í gær án fylgdarmanna.
 Aðalmeðferð hófst í máli ákæruvaldsins gegn Annþóri Kristjáni Karlssyni,
Berki Birgissyni og átta öðrum  Fyrsti dagur af fjórum gekk framar vonum
8 FRÉTTIRInnlent
MORGUNBLAÐIÐ ÞRIÐJUDAGUR 20. NÓVEMBER 2012
Andríki vekur athygli á þeim orð-um Kristrúnar Heimisdóttur
að það sé „áberandi þversögn falin í
því hjá forsætisráðherra að biðja
um lögtæknilega úttekt en nefna út-
tektina engu að síð-
ur degi síðar lög-
fræðilegan
gæðastimpil“.
  
Hér á Kristrúnvið það að
stjórnvöld fengu
starfshóp lögfræð-
inga til að fara tæknilegum höndum
um tillögu „stjórnlagaráðs“ að nýrri
stjórnarskrá fyrir Ísland.
  
Starfshópurinn átti ekki aðleggja mat á gæði tillagnanna
eða bera saman hvort þær eða gild-
andi stjórnarskrá væru betri. Hópn-
um var sagt að vinna með tillög-
urnar sjálfar og fara yfir hluti eins
og innbyrðis samræmi og slíkt.
  
Og jafnvel með slíkt ör-umboðgerir hópurinn 75 breytingar-
tillögur við tillögurnar.
Þegar það liggur fyrir, láta spek-
ingur eins og Jóhanna Sigurð-
ardóttir og hófstilltur þingmaður
eins og Valgerður Bjarnadóttir,
eins og tillögurnar hafi fengið
„gæðastimpil“.
  
Það er svona svipað og ef tóbaks-fyrirtæki fengi hóp lungna-
lækna til að skila álitsgerð um það
hvenær dagsins sé hollast að reykja
sígarettur. Hópurinn mætti hins
vegar ekki bera saman hollustu
þess að reykja og þess að reykja
ekki. Læknarnir klóri sér í kollinum
en segi svo að það sé best í upphafi
vinnudags því lungun hreinsist
kannski við erfiði dagsins. Tals-
menn tóbaksfyrirtækja mæti svo í
fréttaviðtöl, að rifna úr stolti, og
segi: Nú er það staðfest, sígarettur
eru hollar. Sérstaklega á morgn-
ana.
Kristrún
Heimisdóttir
Gasalegur
gæðastimpill
STAKSTEINAR
Bjarni Þóroddsson
gefur kost á sér í
3.-6. sæti í forvali
Vinstrihreyfing-
arinnar – græns
framboðs í Norð-
austurkjördæmi
fyrir komandi al-
þingiskosningar.
Bjarni hefur verið félagi í hreyf-
ingunni frá 2007 og hefur sinnt
ýmsum trúnaðarstörfum á vegum
flokksins síðan þá.
Hann sat í stjórn Ungra vinstri
grænna á Akureyri 2007-2010,
2008-10 sem formaður. Jafnframt
var hann í kjördæmisráði Vinstri
grænna í Norðausturkjördæmi
2008-10. Bjarni sat í stjórn Ungra
vinstri grænna 2008-2010 sem með-
stjórnandi og 2011-12 sem varafor-
maður. Hann situr nú í landsstjórn
UVG og í miðlægri kosningastjórn
fyrir þeirra hönd. Hann stundar nú
nám í stjórnmálafræði við HÍ.
Gefur kost á sér í
3.-6. sæti hjá VG
Veður víða um heim 19.11., kl. 18.00
Reykjavík -2 léttskýjað
Bolungarvík -1 alskýjað
Akureyri -6 snjókoma
Kirkjubæjarkl. -4 léttskýjað
Vestmannaeyjar 2 léttskýjað
Nuuk -5 skýjað
Þórshöfn 4 skýjað
Ósló 2 skúrir
Kaupmannahöfn 6 heiðskírt
Stokkhólmur 5 heiðskírt
Helsinki 3 heiðskírt
Lúxemborg 11 skýjað
Brussel 10 skýjað
Dublin 12 skýjað
Glasgow 12 skýjað
London 10 léttskýjað
París 12 skýjað
Amsterdam 6 þoka
Hamborg 7 skýjað
Berlín 7 þoka
Vín 7 súld
Moskva -1 skýjað
Algarve 17 heiðskírt
Madríd 16 heiðskírt
Barcelona 17 léttskýjað
Mallorca 17 léttskýjað
Róm 15 léttskýjað
Aþena 16 skýjað
Winnipeg -2 léttskýjað
Montreal 2 léttskýjað
New York 5 léttskýjað
Chicago 7 alskýjað
Orlando 14 alskýjað
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
VEÐUR KL. 12 Í DAG
20. nóvember Sólarupprás Sólsetur
REYKJAVÍK 10:15 16:13
ÍSAFJÖRÐUR 10:42 15:56
SIGLUFJÖRÐUR 10:26 15:38
DJÚPIVOGUR 9:50 15:37
Meirapróf
21. nóvember 2012 ef næg þátttaka verður
Upplýsingar og innritun í síma 567 0300, 894 2737