Morgunblaðið - 11.12.2012, Blaðsíða 12
12 FRÉTTIRInnlent
MORGUNBLAÐIÐ ÞRIÐJUDAGUR 11. DESEMBER 2012
Grunnfjárhæðir fjárhagsaðstoðar Reykjavíkurborgar munu hækka um
3,9% þann 1. janúar.
Grunnfjárhæð fyrir einstakling sem rekur heimili hækkar úr 157.493 kr.
í 163.635 kr. á mánuði. Grunnfjárhæð til hjóna/sambúðarfólks hækkar úr
236.240 kr. í 245.453 kr. á mánuði. Grunnfjárhæð til einstaklings sem býr
með öðrum, leigir húsnæði án þinglýsts leigusamnings eða hefur ekki að-
gang að húsnæði hækkar úr 132.696 kr. í 137.871 kr. á mánuði. Grunn-
fjárhæð til einstaklinga sem búa í foreldrahúsum hækkar úr 78.747 kr. í
81.818 kr. á mánuði. Viðmiðunarmörk fyrir aðstoð sem hægt er að veita
foreldrum sem fá fjárhagsaðstoð vegna barna á þeirra framfæri hækkar
einnig um 3,9% eða úr 12.640 kr. í 13.133 kr. á mánuði.
Fjárhagsaðstoð hækkar hjá Reykjavík
Heimir Snær Guðmundsson
heimirs@mbl.is
Matvælastofnun afturkallaði nýverið
starfsleyfi tveggja kúabúa á Vestur-
landi. Kúabúin sem um ræðir eru
Brúárreykir í Borgarfirði og Ing-
unnarstaðir í Reykhólahreppi.
Í bréfi Matvælastofnunar til Brú-
árreykja ehf. kemur fram að þrátt
fyrir ítrekaðar kröfur um úrbætur
og aðvaranir um afleiðingar hafi ver-
ið brugðist við seint, illa eða alls
ekki. Jafnframt segir að ljóst sé að
þéttleiki gripa sé brot á reglugerð og
hafi áhrif á matvælaöryggi þar sem
skítur hleðst hratt upp í húsinu og
óþrifnaður almennur. Fram kemur
að húsið hafi átt að ráða við 64 gripi
en þeir hafi hinsvegar verið um 90.
Athugasemdir í upphafi árs
Í eftirlitsskýrslu Matvælastofnun-
ar frá 8. nóvember voru m.a. gerðar
athugasemdir við aðstöðu til hand-
þvottar, þrifa á mjaltaþjóni, lélega
umgengni og þrifa í mjólkurhúsi,
merkingu gripa og hreinleika gripa.
Þá kemur einnig fram að sumar áð-
urnefndra athugasemda hafi verið
gerðar áður, n.t.t. í upphafi árs.
Staðarhaldari fékk viku til að bæta
úr en þegar eftirlitsaðilar fram-
kvæmdu skoðun kom í ljós að úrbæt-
ur voru ekki með fullnægjandi hætti
vegna neinna áðurnefndra athuga-
semda að undanskildu því að bætt
hafði verið úr aðstöðu til handþvott-
ar.
Í bréfi Matvælastofnunar dag-
settu 20. nóvember s.l. segir m.a.
„Mjaltaþjónn er ennþá skítugur,
þótt mokað hafi verið út er for upp
um alla veggi og fjósið almennt
óþrifalegt og gripir drulluskítugir.“
Þá segir að legubásar séu svo fáir að
gripir leggist í forina með tilheyr-
andi áhættu fyrir matvælaöryggi.
Brúárreykjum var gert að hætta að
afhenda mjólk eða sláturgripi frá og
með 1. desember.
Í tilfelli Ingunnarstaða voru gerð-
ar sambærilegar athugasemdir.
Sumar þeirra hafa komið fram allt
frá 2008. Að mati Matvælastofnunar
var aðeins brugðist við kröfum um
úrbætur vegna flórs og kröfum um
að taka vatnssýni. Einnig segir að
fyrir liggi niðurstöður frá heilbrigð-
iseftirliti sem sýni saurgerla í vatni.
Staðarhaldara var gert að hætta að
afhenda mjólk frá 12. nóvember.
Ekki einsdæmi
Að sögn Steinþórs Arnarsonar,
lögfræðings hjá Matvælastofnun,
eru þessi tvö tilvik þau einu á árinu
þar sem kúabú hafa verið svipt
starfsleyfi. Hann segir þó að dæmi
séu annars eins en í öðrum tilfellum
hafi menn hinsvegar bætt úr og
brugðist við áður en málið færi
lengra.
Tvö kúabú svipt starfsleyfi
vegna óþrifnaðar
Sinntu ekki kröfum Matvælastofnunar um úrbætur „For upp um alla veggi“
Ljósmynd/Matvælastofnun
Óþrifnaður Í bréfi frá Matvælastofnun kemur fram að um 90 gripir hafi verið í fjósinu á Brúárreykjum en það ráði
hinsvegar ekki við nema 64 gripi og skítur safnist hratt upp. Þéttleiki gripa komi niður á matvælaöryggi.
Ljósmynd/Matvælastofnun
Úrbætur Sumar athugasemda við aðbúnað á Brúárreykjum eru frá 2. febr-
úar á þessu ári. Þrátt fyrir kröfur um úrbætur var ekki brugðist við.
„Það eru töluvert margir sem eru
farnir til útlanda og flakka milli
landa, vinna í törnum og koma aftur
heim,“ segir Kristján Þórður Snæ-
bjarnarson, formaður Rafiðnaðar-
sambandsins. Aðspurður hvort raf-
iðnaðarmönnum færi fækkandi hér
á landi.
Hann sagðist heyra oftar nú að
fólk færi til útlanda, þar af leiðandi
teldi hann það algengara.
„Það er erfitt að átta sig á því
hvað þetta eru margir því við höfum
engin gögn yfir þessa hópa. Þetta er
falinn hópur og það er áhyggjuefni,“
segir Kristján en taldi að þetta væru
á bilinu 300 til 500 manns, sem ynnu
erlendis eða væru fluttir alveg úr
landi.
Jafnframt segir hann að fyrir
hrunið 2008, hafi rafiðnaðarmenn
lítið sótt út fyrir landsteinana en eft-
ir hrunið hafi þeir sótt í ríkari mæli
út.
„Staðan hér heima virðist vera
nokkuð góð. Það er skortur á rafiðn-
aðarmönnum. Ástæðan fyrir því að
menn leita utan er fyrst og fremst
bætt kjör. Það eru ágætislaun fyrir
störf erlendis, í íslenskum krónum
talið. Það er að stórum hluta það
sem menn eru að sækjast eftir. Oft
og tíðum eru þetta eftirsóttir menn
sem sækja í vinnu erlendis,“ segir
Kristján Þórður. thorunn@mbl.is
Morgunblaðið/Jim Smart
Vinna Rafiðnaðarmenn eru eft-
irsóttir hérlendis sem erlendis.
Skortur á
rafiðnað-
armönnum
Menn sækja í
vinnu erlendis
Polarolje
Við Hárlosi
Mýkir liðina
Betri næringarupptaka
Fyrirbyggir exem
Betri og sterkari fætur
Pöntunarsímar 698 7999 og 699 7887
„Hundurinn minn var búinn að
vera í meðferðum hjá dýralækni
í heilt ár vegna húðvandamála
og kláða, þessu fylgdi mikið
hárlos. Hann var búinn að vera á
sterum án árangus. Reynt var að
skipta um fæði sem bar heldur ekki
árangur. Eina sem hefur dugað
er Polarolje fyrir hunda. Eftir að
hann byrjaði að taka Polarolje
fyrir hunda hefur heilsa hans tekið
stakkaskiptum. Einkennin eru horfin
og hann er laus við kláðann og
feldurinn orðinn fallegur.“
Sigurlín Birgisdóttir, hundaeigandi