Morgunblaðið - 15.12.2012, Blaðsíða 6

6 FRÉTTIRInnlent
MORGUNBLAÐIÐ LAUGARDAGUR 15. DESEMBER 2012
Ómar Friðriksson
omfr@mbl.is
Reyndir forystumenn í verkalýðs-
hreyfingunni sem rætt er við minnast
þess ekki að á síðari tímum hafi
myndast önnur eins gjá á milli Al-
þýðusambandsins og ríkisstjórnar-
innar og núna blasir við. Þó oft hafi
kastast í kekki, eiga þau hörðu orða-
skipti á milli forystumanna ríkis-
stjórnarflokkanna og forseta ASÍ sér
fá ef nokkur fordæmi á seinni árum.
Gagnrýni Steingríms J. Sigfússon-
ar atvinnuvegaráðherra og Jóhönnu
Sigurðardóttur forsætisráðherra á
Gylfa Arnbjörnsson, forseta ASÍ, í
kjölfar auglýsingar ASÍ í Frétta-
blaðinu í fyrradag, hefur vakið at-
hygli. Þar tiltók ASÍ dæmi um loforð
sem launþegasamtökin telja að
stjórnvöld hafi svikið. Núna er þol-
inmæði verkalýðsforystunnar greini-
lega þrotin. Fjölmennur formanna-
fundur ASÍ ákvað í fyrradag að
hreyfingin ætti ekkert vantalað við
þessa ríkisstjórn.
Í sömu sporum og SA
Samtök atvinnulífsins hafa sem
kunnugt er einnig átt í útistöðum við
stjórnvöld og gáfust í fyrra upp á að
ræða við ríkisstjórnina um skuldbind-
andi loforð af hálfu stjórnvalda.
,,Þeir gefast upp árinu seinna en
við,“ segir Vilhjálmur Egilsson, fram-
kvæmdastjóri SA, um ákvörðun ASÍ
að ræða ekki frekar við ríkisstjórnina.
,,Við gáfumst upp á því fyrir ári síðan
að reyna að kreista út einhver ný lof-
orð frá ríkisstjórninni vegna kjara-
samninganna, sem hvorki var vilji né
geta til að efna,“ segir hann.
SA hafa þrátt fyrir þetta átt sam-
skipti við stjórnvöld um ýmis mál og
tekið þátt í störfum ef fulltrúar þeirra
hafa verið boðaðir til funda. ,,En við
töldum alveg tilgangslaust að reyna
að kreista út einhver ný loforð, sem
myndu aldrei standast. Núna er Al-
þýðusambandið í sömu sporum og við
vorum þá.“
Sumarliði Ísleifsson sagnfræðing-
ur er að ljúka ritun sögu Alþýðusam-
bandsins. Hann segir að mörg dæmi
megi finna í þeirri sögu á liðinni öld,
sérstaklega fyrir 1990, um hörð átök á
milli ASÍ og ríkisstjórnar, þar sem
ASÍ hafi jafnvel tekið þátt í að fella
ríkisstjórnir. Mun færri dæmi séu um
svo hörð átök á síðustu tveimur ára-
tugum. Sumarliði vill þó ekki leggja
dóm á hvað hin hvössu orðaskipti sem
nú ganga á milli rista djúpt. „Það er
held ég alveg ljóst að það er ekki fullt
traust þarna á milli og hefur ekki ver-
ið undanfarin ár en á meðan reyk-
urinn er ekki hjaðnaður er erfitt að
leggja dóm á hvort menn munu
standa við stóru orðin.“
Harkalega tekist á
Steingrímur og Gylfi tókust harka-
lega á í Speglinum í Ríkisútvarpinu í
fyrradag og aftur í Kastljósi um
kvöldið og gengu ásakanir á báða
bóga. Jóhanna hafði einnig uppi stór
orð við upphaf þingfundar á Alþingi í
gær en Bjarni Benediktsson, formað-
ur Sjálfstæðisflokksins, beindi þeirri
spurningu til Jóhönnu hvort ekki
væri tímabært fyrir ríkisstjórnina að
„skila lyklunum“. Bjarni vitnaði til
ASÍ um að ríkisstjórnin hefði sett
heimsmet í svikum. Eina svar stjórn-
arinnar væri að segja ASÍ ljúga.
Jóhanna sagði ríkisstjórnina hafa
þurft að sitja undir eilífum svika-
brigslum af hálfu ASÍ sem séu orðin
svo tíð að þau geti vart talist mark-
tæk. „Ég er sannfærð um það að ef
svo illa fer í kosningunum í vor að
sjálfstæðismenn taki við völdum, þá
mun forysta ASÍ þakka fyrir þann
tíma sem hún hefur haft með fé-
lagshyggjustjórn síðastliðin ár,“ sagði
hún.
Hefur enga forystu sýnt
Vilhjálmur tekur í sama streng og
Gylfi í gagnrýni á ríkisstjórnina, sem
hafi lofað að skapa öll skilyrði fyrir og
ýta undir meiri fjárfestingar í at-
vinnulífinu. Þær væru meginforsenda
þess að gengið gæti hækkað og verð-
bólgan yrði í samræmi við markmið
Seðlabankans. „Þetta hefur ekkert
gengið eftir og ríkisstjórnin hefur ná-
kvæmlega enga forystu sýnt í því máli
og unnið gegn auknum fjárfestingum
t.d. með þessum endalausa hernaði á
hendur sjávarútveginum,“ segir
hann.
Í skugga þessara átaka er unnið að
endurskoðun kjarasamninga og
næstkomandi mánudag munu samn-
inganefnd ASÍ og framkvæmdastjórn
SA koma saman.
Eldar loga milli ASÍ og ríkisstjórnar
 Gjáin breikkar á milli ASÍ og stjórnvalda sem ekki eru dæmi um á síðari tímum  ,,Þeir gefast upp
árinu seinna en við,“ segir framkvæmdastjóri SA um ákvörðun ASÍ að slíta samskiptin við ríkisstjórn
Skjáskot úr Kastljósi.
Ásakanir Steingrímur J. Sigfússon og Gylfi Arnbjörnsson deildu harkalega í Kastljósþætti Ríkissjónvarpsins.
’
Ég er nú farinn að halda að vanda-
málið í þessu samstarfi sé að Gylfi
Arnbjörnsson kann ekki mannasiði.
Steingrímur J. Sigfússon í Speglinum
’
Það auðvitað hljómar ágætlega að
ég sé bara frekur. Jú, ég er það
vafalaust […]. Ég hygg að Steingrímur
hefði bara gott af því að hlusta á hvað
er að gerast hjá þjóðinni.
Gylfi Arnbjörnsson í Speglinum
’
Þetta er með endemum ósvífin,
órökstudd og ósönn auglýsing sem
er Alþýðusambandsforystunni eða
Gylfa Arnbjörnssyni til lítils sóma.
Steingrímur J. Sigfússon í Kastljósi
’
Ég bara skil ekki með nokkrum
hætti hvernig þessi ríkisstjórn,
þessir flokkar, geta talið að ein-
staklingar með 150-160 þúsund í bætur
frá almannatryggingum eigi eitthvað
hliðstætt við hátekjuhópa.
Gylfi Arnbjörnsson í Speglinum
’
Það er endemis ósvífni að kenna
þessari ríkisstjórn um sem við erf-
iðar aðstæður hefur gert hvað hún get-
ur
Steingrímur J. Sigfússon í Speglinum
’
Er búið að skipa hana [nefnd um
peningamálastefnu]? Hafið þið
gert eitthvað í málinu? Það hefur bara
ekkert verið gert í málinu.
Gylfi Arnbjörnsson í Kastljósi
’
Sigmar, á ég ekki bara að koma í
næsta þátt?
Steingrímur J. Sigfússon í Kastljósi
’
Ég er hér að koma fram fyrir hönd
hundrað þúsund manna hreyfingar.
Það getur vel verið að Steingrími finnist
ég vera leiðinlegur. Það verður bara að
hafa það.
Gylfi Arnbjörnsson í Speglinum
’
Ert þú einn í þættinum?
Steingrímur J. Sigfússon í Speglinum
Orðrétt
Gylfi Arnbjörnsson, forseti ASÍ,
sagði sig í gær úr Samfylkingunni.
Hann segir að þingflokkur Samfylk-
ingarinnar hafi snúið baki við hags-
munum launafólks á almennum
vinnumarkaði. „Tel ég þetta svo al-
varlegt að ég vil ekki lengur sem for-
ustumaður innan verkalýðshreyfing-
arinnar og sem jafnaðarmaður bera
á þessari stefnu þá ábyrgð sem felst í
aðild minni að flokknum. Ég segi mig
því hér með formlega úr Samfylking-
unni,“ segir Gylfi í yfirlýsingu sem
hann sendi frá sér.
Gylfi segist hafa í fyrsta skipti á
ævinni gengið í stjórnmálaflokk við
stofnun Samfylkingarinnar þar sem
hann hafi talið að með stofnun henn-
ar hefði loksins orðið til það afl á
vettvangi stjórnmálanna þar sem
grunngildi hinnar norrænu jafn-
aðarmennsku, sem á rætur sínar í
grunngildum verkalýðshreyfing-
arinnar um jafnrétti og bræðralag,
ættu sér skjól og öflugan málsvara á
vettvangi stjórnmálanna.
Hafa snúið baki við hagsmunum
almenns launafólks
„Jafnframt bauð ég mig til starfa á
vettvangi flokksins og vildi með því
taka þátt í að móta stefnu hans og
deila langri reynslu af þátttöku í bar-
áttunni fyrir hagsmunum launafólks.
Smátt og smátt hef ég þó dregið mig
út úr þessu starfi og eftir að flokk-
urinn komst til valda árið 2007 hefur
það ítrekað gerst að Samfylkingin
hefur í verki fjarlægst þau grundvall-
arsjónarmið sem ég tel að flokkurinn
eigi að byggja stefnu sína og aðgerð-
ir á,“ segir í yfirlýsingu Gylfa.
Hann segist hafa hætt með öllu
beinum afskiptum af starfi flokksins
eftir að hann varð forseti ASÍ. „Það
gerði ég bæði vegna ítrekaðra
árekstra um einstök mál sem Al-
þýðusambandið hefur lagt áherslu á
og eins vegna þess að mér fannst það
ekki lengur samræmast stöðu minni
að vera virkur í flokksstarfi.
Nú er hins vegar svo komið að ég
get ekki lengur varið það gagnvart
samvisku minni og þeim hagsmunum
sem ég hef helgað starfsferil minn að
vera flokksbundinn í Samfylking-
unni. Það afskiptaleysi, áhugaleysi,
skilningsleysi og á stundum bein
andstaða flokksforystunnar við mik-
ilvæga hagsmuni almenns launafólks
hefur fyllt mælinn. Hér á m.a. í hlut
hik og aðgerðaleysi í atvinnusköpun,
endurteknar skerðingar á réttindum
elli- og örorkulífeyrisþega og at-
vinnuleitenda og nú síðast skattlagn-
ing á lífeyrisréttindi almenns launa-
fólks á sama tíma og réttindi
ráðherra, þingmanna, æðstu emb-
ættismanna og þeirra opinberu
starfsmanna sem eiga aðild að op-
inberu lífeyrissjóðunum eru varin
með ábyrgð ríkis og sveitarfélaga,“
segir Gylfi. Í öllum þessum málum
hafi forysta og þingflokkur Samfylk-
ingarinnar snúið baki við hags-
munum launafólks á almennum
vinnumarkaði.
Gagnrýnir aðgerðaleysi
forystu Samfylkingarinnar
 Gylfi Arnbjörnsson sagði sig úr Samfylkingunni í gær
Morgunblaðið/Árni Sæberg
Úrsögn Gylfi Arnbjörnsson hefur
verið í Samfylkingunni frá stofnun.
Kringlan 4-12 | s. 577-7040 • loccitane.com
L’Occitane en Provence - Ísland
Ilmpoki 35 g - 990 kr. • Sturtusápa 250 ml - 2.230 kr. •
Ilmsápa 100 g - 660 kr. • Húðmjólk 250 ml - 3.630 kr.
ö
r
tö frandi gjafir
FRá PROVENCE
VERBENA
5.990kr.
Verð áður:7.51
0 k
r.
GJAFAKASSI