Morgunblaðið - 20.12.2012, Blaðsíða 4
4 FRÉTTIRInnlent
MORGUNBLAÐIÐ FIMMTUDAGUR 20. DESEMBER 2012
Mannúðarsjónarmið liggja til
grundvallar öllum undanþágum
sem veittar eru til ríkisborg-
araréttar, segir Björgvin G. Sig-
urðsson, formað-
ur allsherjar- og
mennta-
málanefndar Al-
þingis. Í frum-
varpi
nefndarinnar um
veitingu rík-
isborgarréttar,
sem lagt var
fram á þriðjudag,
er lagt til að 38
einstaklingar fái ríkisborgarétt,
þar af 13 flóttamenn frá Kólumbíu
sem dvalið hafa á Íslandi um nokk-
urra ára skeið.
„Það eru alltaf einhver mann-
úðarsjónarmið á bak við hverja
einustu undanþágu sem er veitt.
Það er leiðarljósið,“ segir Björgvin.
„Þetta er fólk sem er hérna af
ákveðnum ástæðum, vegna erf-
iðleika annars staðar, og hefur ver-
ið hér og fest rætur, börn og full-
orðið fólk. Það er alltaf einhver
brýn ástæða að baki hverri einustu
undanþágu.“
Alþingi var íhaldssamara
Björgvin segir að í þeim tilfellum
sem fólki sé synjað sé það vegna
þess að það hafi ekki uppfyllt ein-
hver grunnskilyrði en það sé ekki
þar með sagt að umsóknir þeirra
verði ekki samþykktar síðar.
„Síðustu tvö, þrjú ár hafa þetta
verið heldur fleiri [veitingar] en áð-
ur. Alþingi var íhaldssamara hér
áður fyrr en í tíð þessa Alþingis,
því það er þverpólitísk samstaða
um þetta, þá hefur fólk verið frek-
ar frjálslynt og mannúðarsjón-
armið verið ríkjandi í þessu,“ segir
Björgvin.
Mannúð til
grundvallar
undanþágu
Björgvin G.
Sigurðsson
Jólasveinar létu sig síga niður Laugarneskirkju og voru svo sannarlega ekki
tómhentir þegar niður var komið því þeir afhentu Hjálparstarfi kirkjunnar
myndarlega peningagjöf sem er hluti af veltu Jólasveinaþjónustu Skyrgáms.
Sigu sælir niður turninn
Morgunblaðið/Árni Sæberg
Jólasveinar létu sig síga niður turn Laugarneskirkju
Guðni Einarsson
gudni@mbl.is
Hækki álögur á bílaeldsneyti eins og
lagt er til í bandorminum, frumvarpi
um ráðstafanir í ríkisfjármálum,
mun bensínlítrinn hækka um 3,77
krónur um næstu áramót, að mati
FÍB. Runólfur Ólafsson, fram-
kvæmdastjóri FÍB, telur að dísilolía
muni hækka eitthvað svipað.
Með elstu bílum í Evrópu
FÍB lýsir áhyggjum sínum af aldri
íslenska bílaflotans í umsögn um
bandorminn. Félagið telur eðlilegt
að lækka alla vörugjaldaflokka bíla
til þess að tryggja eðlilega endurnýj-
un bílaflota heimilanna, enda sé með-
alaldur bíla hér mun hærri en í sam-
anburðarlöndum í Evrópu. „Um
helmingur fólksbíla er 10 ára og
eldri. Þetta hlutfall er áhyggjuefni
þar sem nýjustu bílarnir eru best
búnir öryggistækjum og verja þar
með ökumenn, farþega og aðra veg-
farendur mun betur en eldri árgerð-
ir. Það er einnig staðreynd að nýrri
árgerðir fólksbifreiða eru mun
neyslugrennri á eldsneyti og þar
með minna mengandi en eldri ár-
gerðir. Bílar framleiddir eftir árið
2007 eyða að meðaltali 25% minna
eldsneyti en eldri árgerðir. Með ör-
ari endurnýjun bílaflotans er verið
að vinna að auknu öryggi, heilbrigði
og lýðheilsu og einnig að draga úr
slysum og draga úr kostnaði við heil-
brigðiskerfið,“ segir í umsögn FÍB.
Tafla frá ACEA, Samtökum evr-
ópskra bílaframleiðenda, sýnir að
meðalaldur bíla í Evrópusamband-
inu var 8,3 ár árið 2010. Þá voru elstu
bílarnir í Eistlandi (12 ára), Finn-
landi (11,9 ára) og Slóvakíu (11,5
ára). Ísland er á svipuðum slóðum
með 11 ára meðalaldur allra bíla,
samkvæmt Umferðarstofu.
„Við teljum það orðið tímabært að
huga að hækkun á eyðingargjöldum
gamalla bíla. Þau eru nú 15.000 kr.
Nágrannalöndin hafa mörg gripið til
þess ráðs. Það yrði tímabundin ráð-
stöfun svo fólk sæi sér hag í að setja
úr sér gengna bíla í eyðingu og það
yrði hvati til endurnýjunar. Það
myndi auka öryggi og umhverfis-
hæfni bílaflotans,“ sagði Runólfur.
Hár meðalaldur íslenska bílaflotans
FÍB telur að bílaeldsneyti hækki um
3,77 kr. lítrinn um áramót vegna skatta
Meðalaldur bíla í árum
12
10
8
6
4
2
0
Eistland
12,0
Finnland
11,9
Slóvakía
11,5
Grikkl.
10,7
Portúgal
10,1
Svíþjóð
9,8
ESB
8,3
Þýskal.
8,3
Frakkl.
8,2
Belgía
8,0
Austurr.
7,5
Bretland
7,3
Ísland
11,0
Írland
6,3
„Mikil aðsókn var í úthlutanirnar í
dag [í gær] og ég myndi halda að
það væru ívið fleiri sem hafa komið í
ár en verið hefur,“ segir Ragnhildur
Guðmundsdóttir, formaður Mæðra-
styrksnefndar.
Fyrsta jólaúthlutun Mæðra-
styrksnefndar var í gær, að Foss-
hálsi 7. Tvær jólaúthlutanir eru eft-
ir, í dag og á morgun; föstudaginn
21. desember. Sú síðasta er fyrir þá
sem ekki hafa skráð sig.
Ragnhildur sagði að flestir þeirra
sem höfðu skráð
sig í jólaúthlutun
hefðu mætt í
gær.
„Við reynum
að halda utan um
þetta með skrán-
ingum svo við vit-
um hvað við höf-
um í höndunum,“
segir Ragnhildur.
Fjórða jólaúthlutun hjá Fjöl-
skylduhjálpinni fór einnig fram í
Reykjavík gær. „Þetta er ekki betra
í ár. Það komast ekki allir að sem
þurfa aðstoð. Þetta er alls ekki
gott,“ segir Ásgerður Jóna Flosa-
dóttir, formaður Fjölskylduhjálp-
arinnar.
Ásgerður sagði að úthlutunin
hefði gengið vel og margir hefðu
fengið sér jólaklippingu í leiðinni.
Þeir sem óska eftir að fá jólaút-
hlutun geta leitað til fyrrgreindra
hjálparsamtaka og skráð sig. thor-
unn@mbl.is
Fleiri sækja jólaúthlutanir
Mikil aðsókn til Mæðrastyrksnefndar og Fjölskylduhjálpar
Ragnhildur G.
Guðmundsdóttir
Skúli Hansen
skulih@mbl.is
Reykjavíkurborg ber að greiða
Frjálslynda flokknum 6,7 milljónir
auk vaxta, þetta er niðurstaða
Hæstaréttar sem staðfesti í gær
dóm héraðsdóms Reykjavíkur í máli
Frjálslynda flokksins gegn Reykja-
víkurborg er varðaði ágreining um
hver ætti að fá framlag borgarinnar
vegna framboðs til borgarstjórnar.
Reykjavíkurborg greiðir fjár-
framlag til stjórnmálasamtaka en
slíkt framlag er lögbundið sam-
kvæmt lögum um fjármál stjórn-
málasamtaka og frambjóðenda. Í
maí 2006 sótti Ólafur F. Magnússon
um framlagið, í umsókn hans kom
fram að framboðslistinn væri borinn
fram af Frjálslynda flokknum og
bæri nafnið F-listi frjálslyndra og
óháðra. Borgin greiddi Frjálslynda
flokknum 2,8 milljónir í febrúar árið
2007.
Í júní 2008, eftir að Ólafur hafði
sagt skilið við flokkinn, greiddi borg-
in hinsvegar tæplega 3,4 milljónir
inn á reikning Borgarmálafélags F-
listans sem var undir umráðum
Ólafs. Ekki var á það fallist með
Reykjavíkurborg að Ólafur hefði
haft stöðuumboð til að ráðstafa um-
ræddri greiðslu, þá var heldur ekki
fallist á að borgin hefði verið
grandalaus um að Ólaf skorti heim-
ild rétthafa greiðslunnar til þess að
ákveða hvert henni yrði ráðstafað og
var því borginni gert að greiða
Frjálslynda flokknum fjárframlagið.
Var viss með niðurstöðuna
„Við erum náttúrlega búnir að
vera vissir með þessa niðurstöðu
lengi, hver hún yrði og það kom álit
frá innanríkisráðuneytinu um að
leita ætti sátta fyrir löngu, áður en
farið var út í þessi dómsmál og mér
finnst miður að forystumenn borg-
arinnar hafi ekki séð sóma sinn í því
að leysa þetta áður en þetta þurfti að
fara þessa leið,“ segir Sigurjón
Þórðarson, formaður Frjálslynda
flokksins, spurður út í fyrstu við-
brögð vegna dómsins.
Að sögn Sigurjóns mun upphæðin
renna til Frjálslynda flokksins en
flokkurinn er í dag aðildarfélag að
Dögun. „Þessir fjármunir fara nú
kannski fyrst og fremst í það að
standa skil á skuldbindingum
Frjálslynda flokksins.“
Greiða Frjálslynd-
um tæpar 7 milljónir
Varðar fjárframlag frá árinu 2008
Ólafur F.
Magnússon
Sigurjón
Þórðarson