Morgunblaðið - 02.02.2013, Blaðsíða 24

24 FRÉTTIRErlent
MORGUNBLAÐIÐ LAUGARDAGUR 2. FEBRÚAR 2013
Að minnsta kosti átta biðu bana og þrettán slösuðust
þegar brú hraðbrautar nálægt borginni Sanmenxia í
miðhluta Kína hrundi í gær. Fréttir af slysinu voru
mjög óljósar, en kínversk sjónvarpsstöð sagði að
minnst 25 bílar hefðu eyðilagst. Sprenging varð í flutn-
ingabíl, sem var hlaðinn flugeldum, og minnst tveir
aðrir flutningabílar eyðilögðust. Brúin var 30 metra há
og á lengsta þjóðvegi Kína.
Nokkrar brýr hafa hrunið á síðustu árum í Kína
vegna of mikils álags eða byggingargalla.
AFP
Brú hraðbrautar hrundi
Forstjóri olíufyrirtækisins Pemex í
Mexíkó sagði í gær að 32 hefðu beðið
bana í sprengingu sem varð í höfuð-
stöðvum fyrirtækisins í Mexíkóborg
í fyrradag. Um 120 manns slösuðust
í sprengingunni og þar af voru 52
enn á sjúkrahúsi í gær. Talið var að
fólk væri enn á lífi í rústunum og um
500 björgunarmenn leituðu þess.
Orsök ókunn
Ekki var vitað hvað olli sprenging-
unni. Byggingin er 54 hæðir og fólk,
sem lifði sprenginguna af, sagði að
hún hefði skekist til og frá eins og
jarðskjálfti hefði riðið yfir.
Innanríkisráðherra landsins sagði að
erlendir og innlendir sérfræðingar
yrðu skipaðir í nefnd sem ætti að
rannsaka hvað olli sprengingunni.
Emilio Loyoza, forstjóri Pemex,
sagði að rannsókn málsins væri
„flókin“ en taldi að ekki væri hægt að
útiloka að sprengjuárás hefði verið
gerð á bygginguna.
Að sögn fréttavefjar BBC er þetta
mannskæðasta sprenging sem orðið
hefur í Mexíkóborg.
Leitað að fólki
í rústunum
 Tugir fórust í sprengingu í höfuð-
stöðvum olíufyrirtækis í Mexíkóborg
AFP
Björgunarstarf Her-, lögreglu- og slökkviliðsmenn að störfum við rústir
höfuðstöðva ríkisrekna olíufyrirtækisins Pemex í Mexíkóborg.
Stjórn Bandaríkjanna fordæmdi í
gær sprengjuárás sem gerð var á
sendiráð landsins í Ankara, höfuð-
borg Tyrklands. Árásarmaðurinn
og tyrkneskur öryggisvörður biðu
bana í sprengingunni og nokkrir
særðust.
Talið er að tilræðismaðurinn hafi
verið í marxistahreyfingu sem hef-
ur gert nokkrar sprengjuárásir í
Tyrklandi á síðustu áratugum.
AFP
Tilræði Særður maður fluttur í sjúkra-
bíl eftir sprenginguna í Ankara.
Sprengjuárás á
sendiráð fordæmd
TYRKLAND
Bogi Þór Arason
bogi@mbl.is
Bandarísku dagblöðin The Wall
Street Journal og The New York Tim-
es hafa sakað kínverska hakkara um
að hafa brotist inn í tölvukerfi þeirra,
að því er virðist til að njósna um blaða-
menn sem fjalla um Kína. Sérfræðing-
ar telja að tölvuárásum frá Kína hafi
fjölgað á síðustu árum og þær beinist
einkum að stofnunum, fyrirtækjum og
kínverskum andófsmönnum. Þeir
segja að á þriðja fjórðungi liðins árs
hafi um það bil þriðja hver tölvuárás,
sem vitað er um, verið gerð frá Kína,
að því er fram kemur á fréttavef CNN.
Lykilorðum stolið
The Wall Street Journal skýrði frá
því á fimmtudag að brotist hefði verið
inn í tölvukerfi blaðsins, „að því er
virðist í þeim tilgangi að hafa eftirlit
með umfjöllun blaðsins um Kína“.
Blaðið sakaði Kínverja um víðtækar
njósnir um fjölmiðla í Bandaríkjun-
um.
Áður hafði The New York Times
greint frá því að hakkarar, hugsan-
lega á vegum kínverska hersins,
hefðu brotist inn í tölvukerfi blaðsins
eftir að það skýrði frá gífurlegri auð-
söfnun fjölskyldu Wen Jiabao, for-
sætisráðherra Kína. Hakkararnir
hefðu meðal annars stolið lykilorðum
53 starfsmanna blaðsins á síðustu
fjórum mánuðum. Árásirnar beindust
meðal annars að fréttariturum blaðs-
ins í Peking og Sjanghæ.
Blaðið sagði að sérfræðingar teldu
að árásirnar hefðu verið gerðar úr
sömu tölvum og áður hefðu verið not-
aðar í árásum á verktaka bandaríska
hersins.
Kínverska varnarmálaráðuneytið
hafnaði ásökunum blaðanna. „Kín-
verski herinn hefur aldrei stutt nein-
ar tölvuárásir,“ sagði ráðuneytið.
The New York Times sagði að kín-
verskir hakkarar hefðu einnig brotist
inn í tölvukerfi fréttastofunnar
Bloomberg eftir að hún birti frétt um
auðsöfnun fjölskyldu Xi Jinping, sem
varð leiðtogi kínverska kommúnista-
flokksins í nóvember. Fréttaritari
kanadíska blaðsins Globe and Mail
sagði að brotist hefði verið inn í tölvu
hans árið 2011 til að skoða skjöl um
kínversk málefni.
Saka Kína um víð-
tækar tölvunjósnir
 Kínverjar sagðir hafa brotist inn í tölvukerfi fjölmiðla
Árásunum hefur fjölgað
» Hillary Clinton utanríkis-
ráðherra segir að tölvuárásum
á stofnanir og fyrirtæki í
Bandaríkjunum hafi fjölgað.
» Bandaríkjastjórn þurfi að
gera Kína og fleiri ríkjum grein
fyrir því að hún líti árásirnar al-
varlegum augum og sé stað-
ráðin í að stöðva þær.
Hlíðasmára 11 · 201 Kópavogur · Sími: 534 9600 · heyrn.is
Heyrirðu fuglana syngja?
eða ertu að fara á mis við hljóð sem skipta miklu máli?
Komdu í
greiningu hjá
faglærðum
heyrnarfræðingi
Hugsaðu þér að þú getir auðveldlega fylgst með sérhverju samtali,
skynjað á réttan hátt hljóðin í kring um þig og getir án óþæginda verið í mjög mismunandi hávaða.
Eða með öðrum orðum getir á eðlilegan hátt hlustað á það sem þú vilt heyra.
Þetta er allt mögulegt með Verso, sem eru nýjustu og fullkomnustu heyrnartækin frá ReSound.
fáanleg
á ný!
www.forlagid.is – alvöru bókabúð á netinu