Morgunblaðið - 02.02.2013, Blaðsíða 25

FRÉTTIR 25Erlent
MORGUNBLAÐIÐ LAUGARDAGUR 2. FEBRÚAR 2013
Hundruð þúsunda Kambódíumanna söfnuðust saman á götum
Phnom Penh í gær til að fylgjast með því þegar lík Norodoms
Sihanouks, fyrrv. konungs Kambódíu, var flutt frá konungshöll-
inni í líkbrennsluhús í borginni. Líkinu er hér komið fyrir í
vagni sem notaður var til að flytja það.
Sihanouk lést í Peking í október, 89 ára að aldri. Hann var
krýndur konungur árið 1941 en Rauðu khmerarnir neyddu hann
til að segja af sér og settu hann í stofufangelsi árið 1976 þótt
hann hefði stutt þá þegar hann komst til valda. Hann fór í útlegð
til Kína árið 1979 og varð aftur konungur árið 1993. Hann afsal-
aði sér völdum ellefu árum síðar. Þrátt fyrir stuðning Sihanouks
við Rauðu khmerana naut hann mikilla vinsælda í Kambódíu.
Áætlað er að a.m.k. 1,5 milljónir manna hafi verið drepnar eða
dáið úr hungri og illri meðferð á valdatíma Rauðu khmeranna.
AFP
Hundruð þúsunda Kambódíumanna kveðja Sihanouk
Yfirvöld í rúss-
nesku borginni
Volgograd hafa
samþykkt að hún
fái sitt gamla nafn,
Stalíngrad, sex
daga ársins þegar
minnst er orrust-
unnar um borgina í
seinni heimsstyrj-
öldinni. Orrustan
var með afdrifa-
ríkari atburðum
styrjaldarinnar og
stöðvaði framsókn
þýskra hersveita á
austur-
vígstöðvunum. Í dag er þess minnst að 70 ár eru liðin frá
því að hermenn, undir forystu þýska herforingjans Frie-
drichs von Paulus, gáfust upp fyrir sovéskum hersveitum
sem vörðu borgina.
Borgin var skírð eftir Stalín árið 1925 en fékk nafnið
Volgograd 1961 eftir að Níkíta Khrústsjov afhjúpaði
ógnarstjórn hans. Borgarstjórnin hefur nú samþykkt að
nota eigi heitið „hetjuborgin Stalíngrad“ 2. febrúar ár
hvert og fimm aðra daga þegar stríðsins er minnst, meðal
annars „sigurdaginn“ 9. maí.
Flokkurinn Sameinað Rússland, sem er stærstur á
þingi landsins, er með meirihluta í borgarstjórninni.
Fulltrúar hans segja að nafnbreytingin hafi verið sam-
þykkt vegna „fjölda áskorana“ frá gömlum hermönnum.
Andstæðingar flokksins segja að markmiðið með breyt-
ingunni sé að auka fylgi hans fyrir kosningar sem fram
fara í september. Þeir segja breytinguna lið í tilraunum
Vladímírs Pútíns Rússlandsforseta og bandamanna hans
til að hampa Stalín sem miklum stríðsleiðtoga. „Það er
svívirðilegt að endurskíra þessa miklu borg eftir blóð-
þyrstum harðstjóra sem drap milljónir manna og olli rúss-
nesku þjóðinni óbætanlegu tjóni,“ sagði Níkolaj Levítsjev,
einn af þingmönnum rússnesku stjórnarandstöðunnar.
Kommúnistar segja að 35.000 manns hafi skrifað undir
áskorun um að borgin verði endurskírð Stalíngrad til
frambúðar. bogi@mbl.is
Orrustunnar minnst Stríðs-
minjasafn skoðað í Volgograd.
AFP
Heitir Stalín-
grad í sex daga
Dermicore® - einstakar lífrænar brokkolí serum-húðvörur
Bylting í vörn gegn öldrun húðarinnar!
Sulforaphane, sérvirka efnið úr brokkolí, kann að vera lykillinn
að heimsins áhrifaríkustu vörn gegn hrörnun húðfruma og
ótímabærri öldrun húðarinnar!
Virkjar eigin andoxunarframleiðslu húðfrumanna!
Dermicore inniheldur sulforaphane úr lífrænt rækt-
uðum brokkolí-spírum sem virkjar húðfrumurnar til
að auka framleiðslu eigin andoxunarefna - það er
ein áhrifamesta og langvirkasta leiðin til að verjast
ótímabærri öldrun húðarinnar og stuðla að
endurnýjun hennar.
Heiðar Jónsson snyrtir
„Brokkolí áhrifin virka eins og náttúruleg
fegrunaraðgerð á húðina“
Heiðar verður á staðnum og veitir
viðskiptavinum sérfræðiráðgjöf:
Laugardaginn 2. febrúar kl. 10-14
Mánudaginn 4. febrúar kl. 15-18
Kynningar-
tilboð
25% afsláttur
Dermicore® - brokkolí húðvörudagar
1.-9. febrúar í Heilsuveri og
Lyfjaveri, Suðurlandsbraut 22
www.brokkoli.is