Morgunblaðið - 09.02.2013, Blaðsíða 35

MINNINGAR 35
MORGUNBLAÐIÐ LAUGARDAGUR 9. FEBRÚAR 2013
✝ Halldór Jó-hannesson
fæddist á Sandá í
Svarfaðardal 21.
apríl 1922. Hann
lést 2. febrúar 2013
í Dalbæ, Dalvík.
Foreldrar hans voru
Kristín Sigtryggs-
dóttir, f. 10. júní
1877, d. 31. ágúst
1964, og Jóhannes
Stefánsson, f. 14.
október 1881, d. 24. október
1964. Systkini Halldórs voru
Anna Steinunn, f. 26. júní 1908,
Sigtryggur Stefán, f. 25. októ-
ber 1909, Arnfríður Guðrún, f.
12. ágúst 1911, Kristín Margrét,
f. 30. október 1913, Arngrímur,
f. 12. mars 1916, og Kristján
Hólm, f. 16. nóvember 1918.
Halldór var yngstur systk-
inanna en þau eru nú öll látin.
eru Diljá María og Emil Nói.
Halldór ólst upp á Sandá í
Svarfaðardal. Hann stundaði
nám í Héraðsskólanum á Laug-
um í tvo vetur, frá 1941 til 1943
og lauk námi frá Íþróttakenn-
araskólanum á Laugarvatni vor-
ið 1944. Eftir útskrift starfaði
Halldór einn vetur við kennslu í
Reykjanesi við Ísafjarðardjúp en
fluttist síðan til Dalvíkur og bjó
þar með eiginkonu sinni síðan.
Hann starfaði hjá Kaupfélagi Ey-
firðinga á Dalvík í rúmlega 40 ár
við verslunar- og skrifstofustörf.
Halldór tók virkan þátt í fé-
lagsstörfum, starfaði með Lions-
klúbb Dalvíkur í áratugi og söng
lengi með Karlakór Dalvíkur,
Kirkjukór Dalvíkur og Kór aldr-
aðara á Dalvík.
Útför Halldórs fer fram frá
Dalvíkurkirkju í dag, 9. febrúar
2013, og hefst athöfnin kl. 13.30.
Halldór kvæntist
eftirlifandi eiginkonu
sinni Steinunni Daní-
elsdóttur frá
Syðra-Garðshorni, f.
8. janúar 1919, hinn
20. nóvember 1948.
Dóttir þeirra er Anna
María, f. 23. júlí 1951.
Hennar maður er Jó-
hann Jóhannsson.
Börn þeirra eru: 1)
Halldór, f. 4. ágúst
1972, eiginkona hans er Erla
Árnadóttir. Börn þeirra eru
Kristinn Þeyr og Anna Þyrí. 2)
Helga Magnea, f. 25. maí 1977,
eiginmaður hennar er Sigurður
Arnar Jónsson. Börn þeirra eru;
Tómas Karl, Daníel Orri og Kar-
ólína. 3) Jóhann Steinar Jó-
hannsson, f. 5. september 1982,
sambýliskona hans er Íris Björk
Gunnlaugsdóttir. Börn þeirra
Mér tregt er um orð til að þakka þér,
hvað þú hefur alla tíð verið mér.
Í munann fram myndir streyma.
Hver einasta minning er björt og blíð,
og bros þitt mun fylgja mér alla tíð,
unz hittumst við aftur heima.
Ó, elsku pabbi, ég enn þá er
aðeins barn, sem vill fylgja þér.
Þú heldur í höndina mína.
Til starfanna gekkstu með glaðri lund,
þú gleymdir ei skyldunum eina stund,
að annast um ástvini þína.
Þú farinn ert þangað á undan inn.
Á eftir komum við, pabbi minn.
Það huggar á harmastundum.
Þótt hjörtun titri af trega og þrá,
við trúum, að þig við hittum þá
í alsælu á grónum grundum.
Þú þreyttur varst orðinn og þrekið smátt,
um þrautir og baráttu ræddir fátt
og kveiðst ekki komandi degi.
(Hugrún)
Þín dóttir,
Anna María.
„Það gera fimmtíu krónur“ var
oft viðkvæðið hjá þér þegar við
þökkuðum þér eitthvert viðvikið.
Og vissulega höfum við haft þér
nóg að þakka – ökukennslan aust-
ur á Sandi, boltaleikirnir í Smára-
veginum, ferðirnar inn í dal og
aurarnir sem þú otaðir að okkur
þegar amma sá ekki til, svo dæmi
séu tekin. Umfram allt erum við
þakklát fyrir þá einlægu og nærri
áþreifanlegu hlýju og væntum-
þykju sem þú sýndir okkur með
athöfnum þínum og orðum alla tíð.
Þér þótti auðsjáanlega ákaflega
vænt um litlu fjölskylduna þína og
það hefur verið okkur mikil hvatn-
ing hversu stoltur þú varst ætíð af
okkur. Það duldist engum að þú
sóttir auð þinn í fjölskylduna og
samskipti við þitt samferðafólk.
Húmorinn og góðlátleg stríðnin
var aldrei langt undan og verður
áfram með okkur um ókomna tíð í
þeim ótal ljóðum og limrum sem
eftir þig liggja.
Þú hafðir einstakt lag á því að
beina athyglinni frá sjálfum þér.
Þín eigin heilsa og hagur sat und-
antekningarlaust á hakanum fyrir
hag og heilsu annarra. Þannig
varstu stoð og stytta ömmu í
gegnum hennar veikindi allt fram
í andlát þitt. Heilsubrest með
þverrandi þrótti tókst þú á við af
einstöku æðruleysi. Jafnvel undir
það síðasta lýstir þú veikindum
þínum sem „einhverri lumbru“
svo að amma hefði ekki áhyggjur
af þér, vitandi vits í hvað stefndi.
Hjartahlýja, trygglyndi og ein-
lægni þín hefur verið okkur inn-
blástur og mótað okkar persónu.
Það eru forréttindi að hafa fengið
að kynnast þér og við fáum þér
aldrei nógsamlega þakkað fyrir
allt sem þú kenndir okkur með því
einfaldlega að vera þú sjálfur. Við
þökkum þér, afi, fyrir samfylgdina
og samveruna, þú hefur gert okk-
ur að betri manneskjum.
Guð sá að þú varst þreyttur
og þrótt var ekki að fá,
því setti hann þig í faðm sér
og sagði: „Dvel mér hjá“.
Harmþrungin við horfðum
þig hverfa á annan stað,
hve heitt sem við þér unnum
ei hindrað gátum það.
Hjarta, úr gulli hannað,
hætt var nú að slá
og vinnulúnar hendur
verki horfnar frá.
Guð sundur hjörtu kremur
því sanna okkur vill hann
til sín hann aðeins nemur
sinn allra besta mann.
(Þýð. Á.Kr. Þorsteinsson)
Afabörnin
Halldór, Helga Magnea,
Jóhann Steinar og fjölskyldur.
Frændi bjó á Smáravegi 10
með frænku og þar vorum við
systur tíðir gestir. Hann vann í
Kaupfélaginu á Dalvík og fannst
okkur það mjög merkilegt sér-
staklega vegna þess að þar komu
jólasveinarnir alltaf á svalirnar
fyrir jólin. Þegar við vorum litlar
keyrði hann um á bláum Moskvíts
og var alltaf með hatt. Hann var
okkur einstaklega góður og um-
hyggjusamur og sýndi okkur allt-
af áhuga og ræktarsemi. Þegar
börnin okkar fæddust breiddi
hann vængi sína yfir þau líka og
fylgdist með þeim af áhuga. Þau
fundu fljótt eins og við hversu gott
var að vera í návist frænda. Við
minnumst hans í Syðra-Garðs-
horni hjá afa og ömmu, í útilegu
með okkur, syngjandi með Garðs-
hornsstrákunum og hinu Svarf-
dælska söltunarfélagi þar sem
hann fór á kostum í skáldskap og
vísnagerð. Við munum skemmti-
legu vísurnar hans sem alltaf
prýddu jólakortin frá honum og
frænku. Við minnumst hans á
Smáraveginum að kveðja okkur í
þvottahúsinu, við minnumst hans
taka á móti okkur á Dalbæ með
gleðisvip og glettni í augum. Við
minnumst þessa hógværa og
hjartahlýja manns sem við feng-
um að kalla frænda með þakklæti
og gleði og biðjum góðan Guð að
geyma frænda okkar.
Bryndís, Hrafnhildur og
Sigríður Birna Björnsdætur.
Halldór Jóhannesson
 Fleiri minningargreinar
um Halldór Jóhannesson bíða
birtingar og munu birtast í
blaðinu næstu daga.
✝ Ástríður Ást-mundsdóttir
fæddist í Reykja-
vík 25. júlí 1938.
Hún lést á Heil-
brigðisstofnun
Suðurlands 1.
febrúar 2013. For-
eldrar hennar
voru Ástmundur
Sæmundsson,
bóndi á Eystri-
Grund, Stokkseyr-
arhreppi, f. 23. október 1910, d.
28. júlí 1985, og Ingibjörg Magn-
úsdóttir, húsfreyja á Eystri-
Grund, Stokkseyrarhreppi, nú
búsett á Eyrarbakka, f. 20. júlí
1923. Systkini Ástríðar eru:
Magnea Ragnheiður Ástmunds-
dóttir, f. 1945, Sæmundur Ást-
mundsson, f. 1949, Sigríður Ást-
mundsdóttir, f. 1954 og Sævar
Ástmundsson, f. 1961.
dóttir, f. 1969. Barn þeirra er
Ragnheiður, f. 2009. Fyrir á
Magnús Hönnu Karítas, f. 2003.
Sesselja á fyrir Veroniku Sesselju
Lárusdóttur, f. 2000.
Ástríður ólst upp hjá foreldr-
um sínum á Eystri-Grund og
gekk í barnaskóla á Stokkseyri
en fór síðar í Húsmæðraskólann á
Laugarvatni. Hún stofnaði heim-
ili með Ársæli á Skálholtsbraut 1
í ágúst 1963 og bjó þar alla tíð.
Ástríður gegndi ýmsum störf-
um, meðal annars í þvottahúsi,
mötuneyti, fiskvinnslu og við
verslunarstörf. Hún var virk í fé-
lagsstörfum, var í Kvenfélagi Þo-
lákshafnar um tíma, Félagi eldri
borgara og í söng- og tónlistar-
hópnum Tónar og trix.
Útförin fer fram frá Þorláks-
kirkju í Þorlákshöfn í dag, 9.
febrúar 2013, og hefst athöfnin
kl. 13.30.
Ástríður giftist 21.
desember 1963 Ársæli
Guðmundssyni, f. 15.
maí 1939. Börn þeirra
eru: (1) Guðmundur
Ragnar, f. 1962, maki
hans er Sigrún Rún-
arsdóttir, f. 1965.
Börn þeirra eru: Rún-
ar, f. 1985, Ársæll, f.
1987, og Ásta Björk, f.
1991, (2) Ingibjörg, f.
1964, sambýlismaður
hennar er Zóphonías Már Jóns-
son, f. 1959. Börn hennar eru:
Nikulás Guðmundur Torfason, f.
2000, og Örvar Hugason, f. 1987,
sambýliskona hans er Elín Dögg
Haraldsdóttir, f. 1985. Barn
þeirra er Haraldur Aron, f. 2011.
(3) Jón Ásti, f. 1971, sambýliskona
hans er Sarah Seelinger, f. 1979,
(4) Magnús, f. 1975, sambýliskona
hans er Sesselja Theodórs Ólafs-
Elskuleg stóra systir, Ástríður.
Þú kvaddir þessa jarðvist mjög
snöggt. Ég er ánægð með að hafa
átt góða stund ein með þér kvöldið
áður en þú fórst. Það samtal var
okkur báðum gott.
Ásta systir, eins og ég kallaði
þig alltaf, þú varst sextán árum
eldri en ég og naut ég þess að eiga
þig sem vinkonu eða bara eins og
ég sagði stundum að þú værir eins
og önnur mamma mín. Þú eins og
þín kynslóð fórst ung að vinna,
stofnaðir heimili, eignaðist yndis-
legan eiginmann og börn.
Allan þinn búskap ertu í Þor-
lákshöfn og var oft gott að koma
til þín í dekur, spjall og fá að kynn-
ast börnunum þínum. Þú kenndir
mér trúlega það litla sem fylgdi
mér í minn búskap. Myndarlegri
húsmóður er varla hægt að finna,
allt gert upp á tíu. Handavinna var
leikur einn í höndum þínum, út-
saumur, prjón, hekl og svo má
ekki gleyma leirmununum sem þú
fórst að gera eftir að þú hafðir
meiri tíma til.
Afskaplega skapgóð varstu og
umburðarlynd og fróm við alla.
Það var gott að segja þér leyndó,
ekkert fór lengra. Traust þitt var
mikið. Með þér og þínum manni
Ársæli áttum við hjónin ánægju-
legar stundir við hlátur og gam-
ansögur á skemmtunum í Þor-
lákshöfn, í sumarbústað eða
heimsóknum. Okkur finnst erfitt
að kveðja svona snemma.
Takk fyrir allar samverustund-
ir, elsku systir. Vona ég að vel hafi
verið tekið á móti þér í sumarland-
inu.
Þín systir,
Sigríður, Sigmar
og fjölskylda.
Elsku amma mín. Mikið var
gott að hafa þig hjá mér þegar
mamma þurfti að vera í vinnunni
og þú komst heim til okkar og
passaðir mig. Þá keyptir þú mjög
oft pitsu, en það er ekki pitsan
sem ég sakna mest heldur þú af
því að þú varst alltaf svo góð þó að
ég væri ekki alltaf þægur og góður
við þig.
Svo finn ég núna hversu mikið
mér þykir vænt um þig þegar ég
get ekki lengur haft þig hjá mér.
Þú varst svo góð og skammaðir
mig aldrei þó ég kæmi of seint
heim á kvöldin og þú leyfðir mér
alltaf að æfa mig á gera tattú á
fæturna á þér þegar þú sast og
varst að prjóna. Elsku afi,
mamma, Gummi, Jón Ásti og
Maggi, ég get ekki ímyndað mér
hvað ykkur þykir leiðinlegt að
amma sé dáin.
Góða nótt, elsku amma.
Kveðja,
Nikulás.
Mér fannst sem stórt ský drægi
fyrir sólu þegar fréttin af andláti
Ástu barst mér.
Traustur, sannur vinur dáinn,
horfinn. Kynni okkar Ástu hófust
fyrir rúmlega 50 árum er við unn-
um saman í mötuneyti Meitilsins í
Þorlákshöfn. Þar bundumst við
þeim vináttuböndum sem aldrei
slitnuðu. Margs er að minnast en á
stundu trega og tómleika skortir
orð til að túlka og tjá. Þá er gott að
leita á náðir ljóða sem lýsa huga
manns.
Frá himnum svífa herskarar í nótt
og hugga þá sem gráta ofurhljótt.
Þau sýna okkur veröld þá sem var
og vísa áfram veg til framtíðar.
Við eigum þarna engla þú og ég
sem áttu sporin ljúf um æviveg.
Sem traustast ófu öll sín tryggðabönd
og trúföst alltaf réttu hjálparhönd.
Í draumum okkar staldra þau um stund
og styrkja þannig von um endurfund.
Frá brjóstum sindrar gullmolanna glit
og glæðir allan regnbogann með lit.
Er dagur rennur dögg er aftur ný
og dögun eilífðar er mjúk og hlý.
Í fangi sínu hefur frelsarinn
nú fólkið okkar, - líka himininn.
Svo demöntum er dreift um æviskeið
og dásamleg er farin litrík leið.
Frá himnum svífa herskarar í nótt
og hugga þá sem gráta ofurhljótt.
(Jóhanna H. Halldórsdóttir)
Ég vil þakka elskulegri vinkonu
minni samfylgdina alla. Elsku
Sæli og fjölskyldan öll. Góður Guð
verndi ykkur og styrki. Megi
minningin um mæta og góða konu
vera ykkur ljós og líf.
Guðbjörg Björgvinsdóttir.
Ástríður Ástmundsdóttir
Hinrik Davíð Jóhanna Óli Pétur
Sími 551 3485,
svarað allan
sólarhringinn.
Vefsíða www.udo.is
✝
Ástkær móðir okkar,
UNNUR GUÐBJÖRG ÞORKELSDÓTTIR
hárgreiðslumeistari,
Smáratúni 8,
Álftanesi,
lést á líknardeild Landspítalans mánudaginn
4. febrúar.
Útförin fer fram frá Garðakirkju mánudaginn
11. febrúar kl. 15.00.
Þeim sem vilja minnast hennar er bent á Krabbameinsfélag
Íslands.
Margrét Þóra Gylfadóttir,
Kristín Edda Gylfadóttir,
Unnur Kristbjörg Gylfadóttir,
Freyja Gylfadóttir,
Þorkell Snorri Gylfason.
✝
Systir mín,
AUÐUR ERLA ÓLAFSDÓTTIR,
lést á Droplaugarstöðum þriðjudaginn 22. janúar.
Jarðarförin hefur farið fram í kyrrþey.
Þakka auðsýnda samúð.
Katla Ólafsdóttir.
✝
Elskulegur eiginmaður minn og faðir,
GUÐJÓN HELGASON
húsasmíðameistari,
Hlíðarvegi 11,
Njarðvík,
lést þriðjudaginn 5. febrúar á Heilbrigðis-
stofnun Suðurnesja.
Jarðsungið verður frá Ytri-Njarðvíkurkirkju miðvikudaginn
13. febrúar kl. 14.00.
Sveinborg Daníelsdóttir,
Sunneva Guðjónsdóttir.
✝
Ástkær móðir okkar, tengdamóðir, amma og
langamma,
ÓLAFÍA G. ALFONSDÓTTIR
frá Hnífsdal,
Hæðargarði 29,
Reykjavík,
lést miðvikudaginn 6. febrúar.
Jarðarförin auglýst síðar.
Gréta Jóakimsdóttir, Odd T. Marvel,
Helga S. Jóakimsdóttir, Sigurður B. Þórðarson,
J. Gunnar Jóakimsson, Sólveig Þórhallsdóttir,
Kristján G. Jóakimsson, Sigrún Sigvaldadóttir,
Aðalbjörg Jóakimsdóttir,
barnabörn og barnabarnabörn.
✝
Elskuleg móðir okkar, tengdamóðir, amma
og langamma,
JÓHANNA MAGNÚSDÓTTIR,
Klapparstíg 5 A,
Reykjavík
andaðist á Landspítala, Landakoti, fimmtu-
daginn 7. febrúar.
Útförin verður gerð frá Grafarvogskirkju
föstudaginn 15. febrúar kl. 13.00.
Þórunn Ingólfsdóttir,
Georg Heide Gunnarsson, Hilda G. Birgisdóttir,
Hinrik Gunnarsson, Guðrún Sigurðardóttir,
barnabörn og barnabarnabörn.