Morgunblaðið - 15.03.2013, Blaðsíða 43
MINNINGAR 43
MORGUNBLAÐIÐ FÖSTUDAGUR 15. MARS 2013
✝ Björk Líndalfæddist á Rauf-
arhöfn 4. júní 1950.
Hún lést á líkn-
ardeild Landspít-
alans í Kópavogi
laugardaginn 9.
mars sl.
Björk var dóttir
Bergljótar Ragn-
heiðar Láru Þor-
finnsdóttur, f. 30.
apríl 1933. Sam-
býlismaður Bergljótar er Einar
Magnússon, f. 29. september
1928. Systir Bjarkar og sam-
mæðra er Edda Bára Guðbjarts-
dóttir, f. 27. september 1961, gift
Ingólfi Jóhannessyni, f. 7. júlí
1955.
Björk giftist Atla Magnússyni,
f. 26. júlí 1944, hinn 4. júní 1970.
Þau skildu. Sonur þeirra er
Grímur Atlason, f. 6. desember
1970. Fyrri kona Gríms er Soffía
Bjarnadóttir, f. 12. maí 1975,
þeirra dóttir er Eva, f. 10. ágúst
1995. Kona Gríms er Helga Vala
Helgadóttir, f. 14.
mars 1972. Börn
þeirra eru Ásta Júl-
ía, f. 22. febrúar
2001, og Arnaldur,
f. 3. október 2002.
Dóttir Helgu Völu
er Snærós Sindra-
dóttir, f. 21. október
1991.
Björk giftist
Nicholas Paschalis,
f. 28. janúar 1957,
hinn 2. október 1985. Þau skildu.
Dóttir þeirra er Bergljót Eleni
Nikulásdóttir Paschali, f. 18. apr-
íl 1985.
Björk ferðaðist um heiminn,
gekk á fjöll, synti í Laugardals-
lauginni, bjó í Grikklandi og
vann margvísleg störf. Eftir
Grikklandsárin hóf hún sjúkra-
liðanám og starfaði sem slík
fram í andlátið, lengst af á
Landakotsspítala.
Útför Bjarkar fer fram frá
Dómkirkjunni í dag, 15. mars
2013, kl. 13.
Það var ekki leiðinlegt að vera
í félagsskap mömmu. Málamiðl-
anir fáar og lítið um innpakkað
skrúð. Mamma byggði hús fyrir
Kastró á Kúbu fyrir 36 árum.
Gekk Keflavíkurgöngur og synti
alltaf í hádeginu í Laugardals-
lauginni. Hún las þrjár bækur á
viku allt sitt líf og var með opin
augun fyrir heiminum. Ferðaðist
um Taíland, Mexíkó, Evrópu,
Grænland, Marokkó og helstu
borgir heimsins. Það var ekkert
sérstakt logn á þessum árum í
kringum Björk Líndal. Svo var
hún líka svona undurfögur alltaf!
Ég fékk að fara með henni á
fjöll og til staða eins og Marra-
kesh, Luleå, Alambrahallarinnar
á Spáni og síðast en ekki síst á
Hraunsnefsöxl. Við ferðuðumst
saman um Grikkland síðsumars
1983, spiluðum rommí og syntum
í Eyjahafinu. Kynntumst yndis-
legu fólki á Skiathos hvar við
veiddum fisk og grilluðum í fjöru-
borðinu. Þetta góða fólk varð síð-
ar tengdaforeldrar mömmu þeg-
ar hún yfirgaf 100% verðbólguna
og hefðbundið verðtryggingar-
basl ársins 1983 og settist að í
Aþenu. Þaðan færði hún okkur
öllum hana Beggu systur og
tækifæri til þess að baða sig í
Eyjahafinu og borða souvlaki.
Það er alveg ótrúlegt að hugsa
til þess að hún var aðeins 62 ára
þegar hún kvaddi þennan heim.
Mér finnst við eiginlega hafa ver-
ið jafn gömul. En hún kom reynd-
ar meiru í verk en flestir og ævi
hennar er efni í mörg bindi í bók.
Hún færði mér svo ótal margt:
Þórbergur þó helstur og auðvitað
kaldhæðnin líka.
Þegar hún veiktist ákvað hún
að berjast við veikindin af alefli
en jafnframt nota og njóta þess
tíma sem hún fengi hér úthlut-
aðan. Hápunkturinn fyrir okkur
öll var án efa ferðin til Grikklands
þar sem við héldum afmælið
hennar með sex klukkutíma
veislu þar sem við vorum öll sam-
an – mamma, Begga, ég, Helga
Vala og börnin. Algjörlega stór-
kostlegt ævintýri sem við öll
geymum.
Síðustu vikur hafa verið erfið-
ar en jafnframt yndislegar. Líkn-
ardeildin í Kópavogi er dásam-
legur staður og mér til efs að
betri staður finnist til að kveðja
þennan heim með reisn. Ég er
óendanlega þakklátur fyrir þá
hlýju og umönnun sem mamma
og við öll fengum þennan tíma.
Þú kvaddir í sólarljósi og birtu.
Begga hélt í aðra höndina og ég í
hina. Þú varst jafn falleg og fín
eins og ég man þig fyrst. Við
Begga ætlum að fara með þér í
ferðalag í dag til Raufarhafnar
þar sem þú ætlar að leggja þig
hjá Finnsa afa og ömmulín.
Elsku mamma mín, sofðu rótt og
mundu:
Ef þú ferð á undan mér
yfrí sælli veröld,
taktu þá á móti mér
með þín sálarkeröld.
(Þórbergur Þórðarson)
Grímur Atlason.
Gangstéttin við Holtsgötu og
árið er 1993. Ég er 18 ára og lík-
lega er þetta að hausti. Björk
vindur sér að mér nokkuð hvöss
til augna, tekur þéttingsfast í
hönd mína, kynnir sig og bætir
svo við: „Við eigum nú eftir að
kynnast.“ Ég er hálfsmeyk og
stíg eitt skref afturábak.
Björk var mér alltaf mikil ráð-
gáta. Hún var mögnuð kona og
ólík öllum öðrum manneskjum
sem ég hef kynnst síðastliðin
tuttugu ár. Alþýðleg heimskona,
gáfuð, sterk, full af réttlætis-
kennd, örlát, traust, skemmtileg
og húmórísk með eindæmum.
Svo bar hún með sér þessa fjar-
lægð og sársauka innra með sér
sem hún yrti aldrei. Björk var sí-
lesandi og þegar kom að bók-
menntum og heimsmálum kom
maður aldrei að tómum kofunum.
Við kynntumst eins og hún vissi,
tengdumst fjölskylduböndum og
urðum góðar vinkonur. Hún var
amma Evu, dóttur minnar. Kall-
aði mig ávallt tengdadóttur þrátt
fyrir að ég hefði í raun aðeins ver-
ið tengdadóttir hennar í fimm ár
fyrir langalöngu. En Björk sagði:
„Hva, við vorum ekki að skilja, er
það?“ Þetta er mjög lýsandi fyrir
Björk. Við erum öll ein stór fjöl-
skylda í þessu lífi.
Björk bjó í fimmtán ár í Grikk-
landi og mér hefur alltaf fundist
Grikkland vera hennar heima-
staður. Í síðasta sinn sem ég hitti
hana var hún aðallega að velta því
fyrir sér hvað hún gæti gert fyrir
mig og stelpurnar mínar. Útvega
mér húsnæði á Grikklandi og
redda einhverjum til að sækja
mig á flugvöllinn. „Við reddum
þessu bara.“ Af líknardeildinni
fór ég að sjálfsögðu heim með
heilandi krem sem hún gaf mér.
Þannig var Björk. Börn hennar
Grímur og Begga hafa til að bera
þetta sama sérstaka örlæti.
Breyskan klett kýs ég að kalla
hina miklu grísku Björk. Ég er
ótrúlega þakklát fyrir að hafa
fengið að kynnast svo víðsýnni og
merkilegri manneskju. Ég trúði
því að hún myndi lifa allt af, því
hún var ein af þeim ósigrandi og
hafði gengið margslunginn veg.
Ég á margar góðar minningar
um Björk, bæði á Grikklandi og á
Íslandi. Ein minning er mjög
minnisstæð. Hún hefur þá ný-
greinst með krabbamein og er á
Landspítalanum. Við röltum okk-
ur með súrefniskútinn niður í
lyftunni og út starfsmannainn-
ganginn í smók. Ég er uggandi
um hana en hún stendur þar
kankvís, tekur upp rettuna og
segir með sínu skoplega æðru-
leysi að það sé of seint að hætta
að reykja úr þessu, þeir geti ekki
bannað henni það. Sólin skín á
hana með sígarettuna logandi í
munnvikinu og hún er hin róleg-
asta yfir veröldinni.
Takk, elsku Björk mín, fyrir
gjafir þínar. Ég sé þig fyrir mér
sitja í friðsælum skugganum
undir sólhlífinni, sólbrúna og fal-
lega með sígarettuna logandi og
þykkan doðrant í kjöltunni. Þetta
er líklegast fantasía sem þú ert
niðursokkin í. Svo líturðu upp
sposk á svip og gantast að þessu
öllu saman.
Minning ömmu Bjarkar mun
lifa.
Kærar samúðarkveðjur til
Beggu langömmu og Einars,
Eddu Báru, kæra Gríms og
Helgu Völu, yndis Beggu, Systu
vinkonu og allrar fjölskyldunnar.
Soffía Bjarnadóttir.
Sumarið 1977 lagði fríður
flokkur Íslendinga af stað til
Kúbu til að kynnast landi og þjóð,
pólitík, tónlist, mataræði, Fidel,
rommi og dansi – og til að stunda
húsbyggingar. Þetta var Íslands-
deild Brigada Nordica og í henni
voru Binni og Mulli, Beta, Erna
Dóra, Guðrún, Marta, Systa og
síðast en ekki síst Björk. Konurn-
ar hafa síðan haldið hópinn þrátt
fyrir að búa um lengri eða
skemmri tíma í ýmsum löndum
og fást við ólík viðfangsefni.
Kúbuferðin varð okkur minnis-
stæð enda hafði engin okkar
komið í hitabeltið áður eða til
þriðja heimsins, hvað þá sósíal-
ísks ríkis. Við kynntumst því
strax að frá hinni glaðværu Björk
var ekki aðeins að vænta hláturs
og klingjandi kátínu, heldur ekki
síður beinskeyttra athugasemda
hvort sem var um athæfi sósíal-
ískra smákónga af víkingakyni,
einstaklega vel straujaðra
skyrtna kúbanskra karlmanna
eða framferði grænna froska.
Björk var ævintýragjörn, tók
lífinu opnum örmum, var áræðin
og að loknu sumarleyfi á grísku
eyjunni Sciathos ákvað hún að
söðla um, seldi íbúðina sína og
flutti til Grikklands. Þegar hún
svo kom heim aftur tók hún sig til
og settist á skólabekk, þá um
fimmtugt, og lauk sjúkraliðaprófi
með láði enda fluggreind og
skipulögð. Síðustu árin vann hún
á heilabilunardeild Landakots.
Skopskyn, væntumþykja og bar-
áttuandinn fyrir þeim sem minna
mega sín kom berlega í ljós þegar
hún ræddi aðstæður skjólstæð-
inga sinna. Hún gerði kröfur til
barna sinna og var stolt af þeim
eins og heyrðist greinilega á
henni þegar hún talaði um þau.
Skömmu eftir að Björk greind-
ist með krabbamein sagði hún
sínum nánustu að hún byggist við
að eiga fimm ár eftir ólifuð þótt
læknar hafi gert ráð fyrir mun
skemmri tíma. Hún skipulagði líf
sitt með tilliti til þessa, hélt mikla
og ógleymanlega afmælisveislu á
grísku eyjunni með fjölskyld-
unni, gekk frá sínum málum og
gerði það sem hana langaði til.
Það var gefandi og skemmtilegt
að vera Björk samferða. Við vott-
um aðstandendum samúð okkar.
Elísabet Gunnarsdóttir,
Erna Dóra Bragadóttir,
Guðrún Bjarnadóttir,
Marta Konráðsdóttir og
Valgerður Katrín Jónsdóttir.
Björk Líndal
✝
Elskulegur eiginmaður minn, faðir og
tengdafaðir,
KÁRI HERMANNSSON,
Austurbyggð 17,
Akureyri,
sem lést miðvikudaginn 6. mars,
verður jarðsunginn frá Akureyrarkirkju
mánudaginn 18. mars kl. 13.30.
Blóm eru vinsamlegast afþökkuð en þeim sem vilja minnast
hans er bent á öldrunarheimilið Hlíð, Akureyri.
.
Hólmfríður Ellertsdóttir,
Ellert Kárason, Helga Gunnarsdóttir,
Hildur Káradóttir, Þórarinn Sigurðsson
og fjölskyldur.
✝
AÐALSTEINN KR. GUÐMUNDSSON,
Sléttuvegi 11,
Reykjavík,
andaðist þriðjudaginn 12. mars á Hrafnistu.
Útförin auglýst síðar.
Guðmundur Y. Pálmason, Jónína Líndal.
✝
Elskuleg systir okkar og frænka,
JÓHANNA GUÐRÚN SIGURÐARDÓTTIR,
Mýrum,
Flóahreppi,
verður jarðsungin frá Selfosskirkju laugar-
daginn 16. mars kl. 11.00.
Jarðsett verður í Villingaholtskirkjugarði í Flóa.
Kristinn Sigurðsson,
Sigríður Friðsemd Sigurðardóttir,
Margrét Sigurgeirsdóttir
og frændsystkini.
✝
Eiginkona mín, móðir okkar, tengdamóðir
og amma,
VALGERÐUR FREYJA FRIÐRIKSDÓTTIR
til heimilis
á Böggvisbraut 3,
Dalvík,
sem lést sunnudaginn 10. mars, verður
jarðsungin frá Dalvíkurkirkju laugardaginn
16. mars kl. 13.30.
Fyrir hönd fjölskyldunnar,
Anton Þór Baldvinsson.
✝
Elskuleg eiginkona mín, móðir okkar,
tengdamóðir, amma og langamma,
RAGNHEIÐUR ÞORVARÐARDÓTTIR,
Stella,
Áshamri 35,
Vestmannaeyjum,
lést á Heilbrigðisstofnun Vestmannaeyja
laugardaginn 9. mars.
Hún verður jarðsungin frá Landakirkju laugardaginn 16. mars
kl. 11.00.
Einar Jóhann Jónsson,
Reynir Elíesersson, Elísabet H. Einarsdóttir,
Gunnar R. Einarsson, Laufey Sigurðardóttir,
Jón Garðar Einarsson, Hrefna V. Guðmundsdóttir,
Anna Einarsdóttir,
barnabörn og barnabarnabörn.
✝
Ástkær móðir okkar, tengdamóðir, amma og
langamma,
SIGRÚN BJARNADÓTTIR,
Grænumörk 5,
áður Víðivöllum 5,
Selfossi,
lést laugardaginn 9. mars á Heilbrigðis-
stofnun Suðurlands, Selfossi.
Útförin fer fram frá Selfosskirkju föstudaginn 22. mars kl. 13.30.
Bjarni Sveinsson,
Júlíus Þór Sveinsson, Elín Gísladóttir,
Elsa Jóna Sveinsdóttir, Guðmundur Kristján Kristinsson,
barnabörn og barnabarnabörn.
✝
MARGRÉT GUÐMUNDSDÓTTIR
lést miðvikudaginn 13. mars á Hrafnistu
í Hafnarfirði.
Stefán Gunnlaugsson,
Gunnlaugur Stefánsson, Sjöfn Jóhannesdóttir,
Guðmundur Árni Stefánsson, Jóna Dóra Karlsdóttir,
Ásgeir Gunnar Stefánsson, Sigrún Björg Ingvadóttir,
barnabörn og barnabarnabörn.
✝
Innilegar þakkir fyrir auðsýnda samúð og
hlýhug við andlát elskulegrar móður okkar,
tengdamóður, ömmu og langömmu,
SIGRÍÐAR VILHJÁLMSDÓTTUR,
hjúkrunarheimilinu Eir.
Kristín María Kjartansdóttir, Ingólfur Hauksson,
Hannes Jóhannsson, Beth Moore,
barnabörn og barnabarnabörn.
✝
Eiginmaður minn, faðir okkar, tengdafaðir og
afi,
GUÐMUNDUR TÓMAS MAGNÚSSON
læknir,
Strikinu 2,
Garðabæ,
lést á hjartadeild Landspítalans
þriðjudaginn 12. mars.
Alfa Eyrún Ragnarsdóttir,
Jón Tómas Guðmundsson, Linghao Yi,
Magnús Ragnar Guðmundsson, Kristjana Kristinsdóttir,
Halldór Elías Guðmundsson, Jenný Brynjarsdóttir,
Guðrún Laufey Guðmundsdóttir, Þórir Benediktsson,
Eva Magnúsdóttir, Tinna Magnúsdóttir,
Guðmundur Tómas Magnússon, Jón Baldvin Magnússon,
Anna Laufey Halldórsdóttir, Tómas Ingi Halldórsson,
Benedikt Þórisson, Bjartur Þórisson.
Morgunblaðið birtir minningargreinar endurgjaldslaust alla
útgáfudaga.
Skil | Þeir sem vilja senda Morgunblaðinu greinar eru vinsamlega
beðnir að nota innsendikerfi blaðsins. Neðst á forsíðu mbl.is má finna
upplýsingar um innsendingarmáta og skilafrest. Einnig má smella á
Morgunblaðslógóið efst í hægra horninu og velja viðeigandi lið
Minningargreinar