Morgunblaðið - 26.03.2013, Blaðsíða 2
2 FRÉTTIRInnlent
MORGUNBLAÐIÐ ÞRIÐJUDAGUR 26. MARS 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Pétur Blöndal menning@mbl.is Íþróttir Víðir
Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Baldur Arnarson
baldura@mbl.is
Ekkert miðaði í viðræðum stjórnar-
flokkanna og stjórnarandstöðunnar
um þinglok í gær. Þingfundur hófst
klukkan 13.30 og stóð yfir í skamma
stund. Umræðu um sjö þingmál lauk
og atkvæðagreiðslu var frestað. Svo
frestaði þingforseti þingfundi ítrek-
að allt fram til ellefu í gærkvöldi til
að forysta flokkanna gæti reynt til
þrautar að semja um þinglok.
Morgunblaðið ræddi við fjölda
þingmanna og vörðust flestir fregna,
af ótta við að ummælin gætu skaðað
samningsstöðu þeirra flokka.
Þrýst á nýju formennina
Nýir formenn stjórnarflokkanna
voru undir miklum þrýstingi af hálfu
eigin þingmanna og varð það til að
gera flókna stöðu erfiðari.
Hjá Samfylkingu lögðu nokkrir
þingmenn hart að Árna Páli Árna-
syni, formanni flokksins, að gefa
ekki eftir í stjórnarskrármálinu.
Þarf Árni Páll jafnframt að sætta
ólík sjónarmið flokksmanna sinna.
Hluti þingflokksins styður frumvarp
sem gerir kleift að breyta stjórnar-
skránni á næsta kjörtímabili, án þess
að rjúfa þing, en aðrir þingmenn
flokksins vilja ganga lengra og jafn-
vel samþykkja stjórnarskrárfrum-
varp á grundvelli tillagna stjórnlaga-
ráðs. Nokkrum þingmönnum
flokksins er einnig mjög umhugað
um að náttúruverndarlögin verði
samþykkt og neita að styðja frum-
vörp um uppbyggingu á Bakka nema
það verði samþykkt. Lýsti einn þing-
maður í stjórnarandstöðunni, sem
komið hefur að samningaviðræðum
um þinglok, stöðunni svo að þarna
væru á ferð þingmenn sem hefðu
engu að tapa. Þeir hefðu beðið lægri
hlut í prófkjörum eða væru að
óbreyttu á útleið af þingi.
Hjá VG þrýsta þingmenn flokks-
ins mjög á samþykkt náttúruvernd-
ar- og vatnalaga, frumvörp sem
hvorki sjálfstæðismenn né fram-
sóknarmenn eru tilbúnir að styðja í
óbreyttri mynd. Hafa fulltrúar VG í
samningaviðræðunum lagt óveru-
lega áherslu á stjórnarskrármálið,
skv. öruggum heimildum Morgun-
blaðsins. Þá eru frumvörpin um upp-
byggingu á Bakka VG erfið.
Vildu þingmenn í hvorugum
stjórnarflokkanna gefa eftir mál í
samningum við stjórnarandstöðuna.
Þrjár tillögur enn í myndinni
Fulltrúar stjórnarflokkanna og
Bjartrar framtíðar og Hreyfingar
funduðu tvívegis í gær. Álfheiður
Ingadóttir, þingflokksformaður VG,
sat fundinn, ásamt formanni VG og
varaformanni, og sagði hún enn
stefnt að því að afgreiða þrjár breyt-
ingartillögur um stjórnarskrána.
Hvorki Sjálfstæðisflokkur né
Framsóknarflokkur lýsa sig reiðu-
búna til að styðja tillögurnar.
Formenn flokkanna funduðu tví-
vegis og skiluðu þær viðræður litlu.
Ekki náðist í formenn ríkisstjórnar-
flokkanna. Þá funduðu þingflokkar
stjórnarflokkanna nokkrum sinnum
og stóðu þau fundarhöld langt fram
eftir kvöldi.
Rembihnútur herðist frekar
Ekkert miðar í viðræðum stjórnarflokkanna og stjórnarandstöðu um þinglok
Nýir formenn stjórnarflokkanna þurfa að sætta ólík sjónarmið í eigin flokkum
Morgunblaðið/Golli
Á Alþingi Stungið saman nefjum.
Kristján H. Johannessen
khj@mbl.is
Þyrla Landhelgisgæslunnar var köll-
uð út í gær til þess að hjálpa til við að
ráða niðurlögum mikils sinuelds sem
geisaði við bæinn Gröf í Lundar-
reykjadal í Borgarfirði. Á tímabili
voru byggingar í mikilli hættu af eld-
inum.
„Gamli bærinn var í hættu og það
var bara slembilukka að hann fór
ekki. Einnig var kominn eldur í tómt
hesthús og tókst okkur að drepa í
því,“ sagði Bjarni Kristinn Þorsteins-
son, slökkviliðsstjóri hjá slökkviliði
Borgarbyggðar í gærkvöldi. Alls tók
á þriðja tug slökkviliðsmanna þátt í
slökkvistarfinu og voru þrír dælubíl-
ar sendir á vettvang.
Bóndi á bænum hafði fengið leyfi
til að kveikja í sinu en eldurinn fór
hins vegar úr böndunum og lagði
þykkan reykjarmökk yfir nærliggj-
andi svæði af honum.
Aðeins mínútu
að hella vatninu
Aðstoð þyrlu Gæslunnar kom sér
vel en hún var útbúin með svo-
nefndri slökkviskjólu. Með henni
getur þyrlan sótt allt að þúsund
lítra af vatni og dembt yfir eld. Sótti
hún vatnið í Grímsá og tók það að-
eins eina mínútu að sækja vatn í
skjóluna, fljúga aftur að sinubrun-
anum og hella vatninu yfir eldhafið.
„Þetta er að klárast enda fór
þetta að ganga mjög vel eftir að
þyrlan kom. Það munar svo miklu
að geta varpað vatni af himnum of-
an,“ sagði Bjarni Kristinn.
Auk þyrlunnar lögðu bændur á
stórri dráttarvél með haugsugu
slökkviliðsmönnum lið í glímunni
við eldinn. Munaði um minna enda
var um 10.000 lítra haugsugu að
ræða.
Byggingar voru í hættu þegar
sinueldur fór úr böndunum
Ljósmynd/Pétur Davíðsson
Sviðin jörð Mikinn reyk lagði af sinueldinum yfir nærliggjandi svæði síðdegis í gær en mjög þurrt hefur verið á landinu undafarið. Á þriðja tug slökkviliðs-
manna á þremur dælubílum frá slökkviliðinu í Borgarbyggð tók þátt í að ráða niðurlögum eldsins. Leyfi hafði verið veitt til að kveikja í sinunni.
Slökkviliðsmenn fengu aðstoð frá þyrlu Gæslunnar og bændum í nágrenninu
Slökkvibúnaður Þyrla Landhelgisgæslunnar kom útbúin slökkviskjólu en
hún getur tekið allt að þúsund lítra af vatni. Vatnið var sótt í Grímsá.
Réttarmeina-
fræðingur lög-
reglunnar í
Pasco-sýslu í
Flórída hefur
komist að þeirri
niðurstöðu að allt
bendi til að um
slys hafi verið að
ræða þegar tveir
íslenskir fallhlíf-
arstökkvarar lét-
ust á laugardag. Þeir Örvar Arn-
arson og Andri Már Þórðarson
létust þegar þeir lentu á jörðinni.
Greint var frá niðurstöðunni á
fréttavefnum Tampa Bay Online í
gærkvöldi.
Rannsókn málsins er þó ekki lokið
en á meðal þeirra gagna sem skoðuð
verða er myndbandsupptaka af slys-
inu úr myndavél sem Örvar var með
á hjálmi sínum í stökkinu. Ekki
stendur til að birta upptökuna op-
inberlega fyrr en rannsókninni lýk-
ur að sögn lögreglu.
Flugmálastofnun Bandaríkjanna
mun einnig fara yfir búnaðinn sem
notaður var hjá Skydive City, fyr-
irtækinu sem Íslendingarnir fóru í
fallhlífarstökkið með, til að ganga úr
skugga um að hann hafi verið í lagi
og í samræmi við öryggisreglur.
Samkvæmt bandarískum lögum ber
fallhlífastökkvurum að fara yfir eig-
in búnað fyrir stökk.
Rannsókn
stendur
enn yfir
Létust þegar þeir
lentu á jörðinni
Höfuðstöðvar
Skydive City,
Karlmaður á fimmtugsaldri lést þeg-
ar jeppabifreið hans og dráttarvél
skullu saman á Skeiðavegi til móts
við Brautarholt í hádeginu í gær.
Samkvæmt upplýsingum lögregl-
unnar á Selfossi eru tildrög slyssins
óljós og málið í rannsókn.
Maðurinn var einn í bifreiðinni
þegar slysið átti sér stað. Ökumaður
dráttarvélarinnar slapp ómeiddur að
sögn lögreglu. Ekki er hægt að
greina frá nafni hins látna að svo
stöddu.
Banaslys á
Skeiðavegi
Kristján Þór
Júlíusson og
Tryggvi Þór
Herbertsson,
þingmenn
Sjálfstæð-
isflokksins í
Norðaustur-
kjördæmi,
lögðu fram
dagskrár-
breytingartillögu í gær.
Fól hún í sér að tvö frumvörp
um Bakka skyldu tekin fyrir við
upphaf næsta þingfundar.
Samkvæmt þingsköpum
verður þingforseti að bera til-
löguna upp áður en hann slítur
þingfundi.
Þingforseti sleit þingfundi
klukkan ellefu í gærkvöldi og
var atkvæðagreiðslunni um til-
löguna frestað, enda voru ekki
nógu margir þingmenn í þing-
salnum. Næsti þingfundur er
boðaður klukkan 13.30 í dag.
Tillaga um
Bakka
BREYTINGARTILLAGA
Kristján Þór
Júlíusson