Morgunblaðið - 26.03.2013, Page 22

22 FRÉTTIRViðskipti | Atvinnulíf
MORGUNBLAÐIÐ ÞRIÐJUDAGUR 26. MARS 2013
Helgi Vífill Júlíusson
helgivifill@mbl.is
Rekstur Hampiðjunnar gekk vel
árið 2012, að sögn Jóns Guðmanns
Péturssonar, forstjóra fyrirtækis-
ins. Mikill meirihluti tekna sam-
stæðunnar kemur að utan í formi
erlendrar starfsemi fyrirtækja inn-
an samstæðunnar eða útflutnings
móðurfélagsins á Íslandi. „Megin-
starfsemi fyrirtækja samstæðunn-
ar er að framleiða veiðarfæri fyrir
sjávarútveg“ segir hann. Helsti
markaður Hampiðju-samstæðunn-
ar er Norður-Atlantshafið með öfl-
ugar veiðarfæragerðir á Íslandi,
Írlandi og Danmörku. Þá hefur sal-
an aukist í ofurköðlum til fyrir-
tækja sem starfa innan olíugeirans,
bæði við olíuleit en einnig við olíu-
vinnsluna sjálfa. Þá höfum við líka
selt ýmsar ólíkar útfærslur af of-
urköðlum til annarra atvinnugreina
eins og í skútur, heri og fleira.“
60% eiginfjárhlutfall
Jón Guðmann segir að árið 2012
hafi verið þriðja árið í röð sem
fyrirtækið hafi vaxið með innri
vexti. Rekstrarhagnaður félagsins
hafi á þeim árum tvöfaldast, vaxta-
berandi skuldir lækkað um tæp-
lega þriðjung og hlutfall eigin fjár
hækkaði úr 48 í 60%. Rekstrar-
tekjur jukust um 6% á milli áranna
2012 og 2011 og námu 45,2 millj-
ónum evra eða 7,3 milljörðum
króna. Vergur rekstrarhagnaður
(EBITDA) af reglulegri starfsemi
jókst um 13% í 7,8 milljónir evra
eða 1,3 milljarða króna. Hagnaður
dróst saman um 24% milli ára, nam
5,5 milljónum evra eða 884 millj-
ónum króna. Jón Guðmann segir
að það sé vegna liða utan reglu-
legrar starfsemi félagsins, en á
árinu 2011 seldi Hampiðjan tog-
hlerastarfsemi sína og innleysti af
því söluhagnað ásamt því að hlut-
deildarhagnaður frá HB Granda,
en Hampiðjan á tæplega 10% hlut í
því félagi, hafi verið verulega minni
árið 2012 en árið áður. Hampiðjan
mun greiða 30% af nafnverði hluta-
fjár í arð til hluthafa, en Jón Guð-
mann segir að félagið hafi nánast
undantekningarlaust greitt hlut-
höfum árlegan arð undanfarna ára-
tugi.
Sjávarútvegurinn í gíslingu
Jón segir að góðæri í sjávar-
útvegi undanfarin ár hafi ekki
smitað út frá sér eins og slík góð-
æri gerðu hér áður fyrr. „Það á sér
skýringar í því hvernig stjórnvöld
hafa kosið að halda þessari mik-
ilvægu atvinnugrein allt þetta kjör-
tímabil í gíslingu hótana um þjóð-
nýtingu, en vonandi sér fyrir
endann á því fljótlega. Sjávarút-
vegurinn þarf vitaskuld að kaupa
veiðarfæri en það er augljóst að
hann fjárfestir síður í nýjungum
sem krefjast langtímahugsunar.
Það skiptir okkur og marga aðra
miklu máli að heimamarkaðurinn
sé öflugur, framsækinn og upp-
spretta vöruþróunar og nýjunga
eins og hann hefur löngum verið
þeim íslensku iðnfyrirtækjum sem
þjónusta hann,“ segir Jón Guð-
mann.
Hampiðjan var stofnuð árið 1934
og eru afkomendur stofnendanna
enn áberandi á hluthafalistanum að
sögn Jón Guðmanns. Fyrirtækið er
skráð á First North-hliðarmarkað
Kauphallarinnar. Markaðsvirði
Hampiðjunnar er fimm milljarðar
króna, samkvæmt upplýsingum frá
Euroland. Starfsmenn samstæð-
unnar eru um 500, þar af um 75 á
Íslandi. First North er hugsaður
fyrir minni og meðalstór fyrirtæki.
Þar eru ekki gerðar jafn miklar
kröfur og á aðalmarkaðnum, t.d.
verða fyrirtæki að birta uppgjör á
hálfs árs fresti en ekki fjórum
sinnum á ári.
Rekstrarhagnaður
tvöfaldast á 3 árum
 Mikill meirihluti tekna Hampiðjunnar kemur frá útlöndum
Morgunblaðið/Kristinn
Sjávarútvegur Jón Guðmann Pétursson, forstjóri Hampiðjunnar, segir að
góðæri í sjávarútvegi undanfarin ár hafi ekki smitað út frá sér.
Fimm milljarða
markaðsvirði
» Markaðsvirði Hampiðjunnar
er fimm milljarðar króna en
það er skráð á First North-
hliðmarkað Kauphallarinnar.
» First North er hugsaður fyrir
minni og meðalstór fyrirtæki.
» Starfsmenn samstæðunnar
eru um 500, þar af um 75 á Ís-
landi.
Stjórnendur sjávarútvegsfyrirtækja
spá því að fjárfesting dragist saman
á næsta ári samkvæmt niðurstöðu
könnunar um framtíðarhorfur á Ís-
landi, samkvæmt frétt á heimasíðu
LÍÚ.
Langflestir þeirra telja að horfur
séu á að ástandið í efnahagslífinu
eigi ekki eftir að batna á næstu 6
mánuðum og telja að framlegð fyrir-
tækja muni dragast verulega saman
á sama tíma. Einungis 11% sjá fram
á fjölgun starfa.
Könnunin er gerð árlega af Sam-
tökum atvinnulífsins og Seðlabanka
Íslands og snýst um mat stærstu
fyrirtækja landsins á framtíðar-
horfum á Íslandi.
Í könnuninni kemur fram að 60%
stjórnenda sjávarútvegsfyrirtækja
telja að fjárfesting verði nokkuð eða
miklu minni á árinu 2013 en árið á
undan. Þar af telja 25,7% þeirra að
fjárfesting verði miklu minni en
34,3% telja að hún verði nokkuð
minni. 37,1% þeirra sem tóku þátt í
könnuninni telur að fjárfestingar
verði svipaðar árið 2013 og þær voru
árið 2012 en aðeins 3% telja að fjár-
festingar eigi eftir að aukast.
Morgunblaðið/Styrmir Kári
Svartsýnir Í könnuninni kemur fram að 60% stjórnenda í sjávarútvegi telja
að fjárfesting verði nokkuð eða miklu minni á árinu 2013 en árið á undan.
Spá minni fjárfest-
ingu sjávarútvegs
 Aðeins 11% sjá fram á fjölgun starfa
Tærleiki sem varir
ClarvistaTM glerið er húðað
með sérstöku efni sem lokar yfirborði
þess og myndar verndarhjúp
ClarvistaTM glerið helst
sem nýtt um ókomna tíð
Auðvelt að þrífa
ARINGLER
BORÐPLÖTUR
EINANGRUNARGLER
ELDVARNARGLER
HAMRAÐ GLER
SJÁLFHREINSANDI
SKJÓLVEGGIR
SÓLVARNARGLER
SPEGLAR
STURTUGLER
ALLT
Í GLERI HANDRIÐ
K-GLER
MILLIVEGGIR
SANDBLÁSIÐ
VEGGKLÆÐNING
ÞAKGLER
ÞAKSKYGGNI
ÖRYGGISGLER
O.FL. O.FL.
smiðjuvegi7 • kópavogi
54 54 300
GLER OG SPEGLAR
NÝJUNG Á ÍSLANDI
Clarvista™Gler
fyrirSTURTUKLEFANN
CE
VO
TT
UÐ
FR
AM
LE
IÐ
SL
A
Aukablað alla
þriðjudaga