Morgunblaðið - 06.04.2013, Blaðsíða 11
Hugmyndaauðgi Draumafangarar
hanga í gluggunum hjá Kristínu. Hún býr
þá til úr ýmsu sem fellur til.
áhuga á henni en fullorðið fólk sýnir
töskunum líka mikinn áhuga þetta
eru náttúrlega umbúðir sem allir
þekkja.“ Kristín hefur stefnt að því
í einhvern tíma að koma sér upp
Facebook-síðu en segir það varla
borga sig. „Ég er svo lengi að safna
í eina tösku þannig að ég er alltaf að
gera bara eina og eina tösku og þær
seljast yfirleitt strax. En ég fór upp
í SS sem flytur inn M&M og talaði
við starfsfólkið þar og það ætlar að
safna fyrir mig pokum.“
Stíft og óþjált efni
Kristín hefur aðeins verið að
selja þessar töskur en mestmegnis
hefur hún saumað til gjafa.
„Tengdamamma notar þetta sem
sundtösku en það er hentugt því
pokinn verður ekki blautur. Það er
bara svo mikið vesen að safna þess-
um Capri Sonne-umbúðum, bæði
tekur það langan tíma og svo er svo
leiðinlegt að þvo þær að innan og
hreinsa af þeim límið sem rörið er á.
Núna er samt fullt af fólki að safna
fyrir mig þannig að ég get farið að
sauma þegar það verður minna að
gera í náminu.“
Það er Kristínu mikilvægt að
kaupa ekkert nema tvinnann í
saumaskapinn og því endurnýtir
hún líka hálsbönd fyrir vinnu-
skírteini frá hinum ýmsu fyr-
irtækjum í handföng á töskurnar.
Kristín vill ekki meina að það fari illa
með saumavélina að nota þetta ein-
kennilega efni og segist sjaldan
brjóta nál. „Það er samt svolítið mál
að sauma úr þessu. Þetta er svo stíft
og óþjált og maður getur auðvitað
ekkert fest neitt saman með títu-
prjónum.“
Sköpunarferlið jafnmikil-
vægt og verkferlið
Kristín hefur miklar skoðanir á
textílkennslu og þykir hún allt of
formföst í flestum grunnskólum í
dag. „Textílkennsla er ekki bara
verkþáttur heldur líka sköpun og
mig langar svo að leggja áherslu á
hvernig við fáum hugmynd og hvað
við gerum við hugmyndina. Ferillinn
er nefnilega alveg jafn mikilvægur
og afurðin þó að afurðin sé þessi
hvatning sem maður þarf til að halda
áfram. Mér finnst of mikil áhersla
lögð á verkfærni í skólum í dag og að
allir geri eins. Maður fær sömu
verkefni heim frá börnunum sínum
ár eftir ár. Það væri kannski allt í
lagi ef það væri einstaklingsmunur á
verkefnunum en ekki bara sami
kaktusinn og sami púðinn sem kem-
ur heim. Þetta er svolítið mikil færi-
bandavinna.“
Saumar með systur sinni
Heimili Kristínar ein-
kennist af sköpunarkrafti
hennar en í einum glugga
hangir draumafangari
sem hún gerði og í öðrum
órói úr hnífapörum. Í sóf-
anum er púði sem hún saumaði upp
úr gamalli lopapeysu af manni sín-
um. Hún á líka hálsmen sem hún
gerði úr pappaperlum og svo hannar
hún kjóla úr gömlum skyrtum í sam-
vinnu við systur sína Jennýju. „Ég
prófaði bara að taka tvær hvítar
skyrtur sem ég setti saman og svo
litaði ég þær. Ég og systir mín sem
er kjólameistari erum að byrja að
sauma svona skyrtukjóla og selja þá.
Þetta krefst þess svolítið að taka
hverja skyrtu fyrir sig og skoða hana
og þetta er mikið púsluspil. Ég hef
reyndar mjög gaman af því að púsla
og mér finnst líka bara svo gaman að
sjá hlutina verða til eins og þegar ég
saumaði þennan kjól var ég ekki með
neitt snið eða neitt ákveðið í huga í
upphafi. Ég bara prófaði mig áfram
og fór í hann og klippti hann í sundur
aftur og saumaði saman.“
Kristín segir samstarfið við
systur sína ganga vel þar sem önn-
ur er lærð kjólameistari og kann
tæknina og býr yfir verkþekking-
unni á meðan hin er óhrædd við að
prófa ýmislegt óhefðbundið. Við er-
um nú samt bara rétt á byrj-
unarstigi en við erum búnar að fara
í Rauða krossinn og fá fullt af skyrt-
um svo nú förum við að geta fram-
leitt.“
Nýtni Hálsmen úr pappaperl-
um, annað úr sníðapappír og
hitt úr B.ed. ritgerð Kristínar.
Órói Kristín fékk verkefni í skól-
anum að skila silfurlitu og svörtu
verki, þessi órói var útkoman.
Endurvinnsla
M&M-
buddurnar end-
ast vel.
Litagleði Töskurnar
hennar Kristínar
vekja kátínu
margra.
DAGLEGT LÍF 11
MORGUNBLAÐIÐ LAUGARDAGUR 6. APRÍL 2013
Landsvirkjun hefur um áratugaskeið
starfrækt sumarvinnuflokka ungs
fólks. Hóparnir sinna viðhaldi,
uppbyggingu og fegrun starfsstöðva
Landsvirkjunar og vinna jafnframt að
ýmsum samstarfsverkefnum víða um
land. Samvinna sumarvinnuflokka
Landsvirkjunar og félagasamtaka,
sveitarfélaga og stofnana hefur skilað
sér í auknum umhverfisgæðum og betri
aðstöðu til útivistar og ferðamennsku.
Í boði er vinnuframlag sumarvinnu-
flokka og flokksstjórn yfir þeim.
Verkefnin lúta að ræktun, hreinsun,
viðhaldi og öðrum umhverfisbótum
ásamt ýmsum samfélagsverkefnum.
Óskað er eftir að samstarfsaðilar
leggi fram vel skilgreind verkefni.
Umsóknareyðublað með nánari
upplýsingum er að finna á vef
Landsvirkjunar, www.landsvirkjun.is.
Nánari upplýsingar í síma 515 9000,
og hjá thora.maria.gudjonsdottir@
landsvirkjun.is
Umsóknarfrestur rennur út 30. apríl.
Umsóknareyðublöð er að finna á
landsvirkjun.is
Landsvirkjun auglýsir eftir samstarfs-
aðilum að verkefninu Margar hendur
vinna létt verk sumarið 2013.
Á hóteli einu í Las Vegas hefur verið
bryddað upp á þeirri nýjung að
hundar megi koma með eigendum
sínum á barinn. Heimsóknartími
hundanna er þó einskorðaður við svo-
kallað „yappy hour“ einu sinni í mán-
uði. Tvífætlingar kaupa miða sem
kostar um 1.300 krónur íslenskar en
með honum fær eigandinn drykk og
voffi gjafapoka með hundakexi.
Þessi óvenjulega hamingjustund er
haldin í ákveðnum hluta hótelgarðs-
ins og þar geta hundarnir hlaupið um
að vild og leikið sér á meðan eigend-
urnir fá sér hressingu. Um leið er þó
hver eigandi beðinn að hafa auga
með sínum hundi og sjá til þess að
hann hegði sér skikkanlega. Hefur
viðburðurinn verið vel sóttur en 175
manns mættu í síðasta mánuði.
Hundar sem eru verr staddir en þeir
sem geta skemmt sér í fínum hótel-
garði njóta einnig góðs af en hluti að-
göngueyrisins rennur til starfsemi
hundaskýlis í borginni.
Kannski ekki svo ýkja galin hug-
mynd en um þetta má lesa nánar í
frétt á vefsíðu Los Angeles Times.
Nýjung í Las Vegas
Morgunblaðið/Sigurgeir S.
Leikur Flestir hundar væru örugglega til í að hlaupa um í fínum hótelgarði.
Hundapartí í hótelgarðinum