Morgunblaðið - 06.04.2013, Blaðsíða 60

LAUGARDAGUR 6. APRÍL 96. DAGUR ÁRSINS 2013
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
5 6 9 0 9 0 0 0 0 0 9 0 0
Í LAUSASÖLU 699 ÁSKRIFT 4390 HELGARÁSKRIFT 2750 PDF Á MBL.IS 4190 I-PAD ÁSKRIFT 4190
VEÐUR » 8 www.mbl.is
»MEST LESIÐ Á mbl.is
1. Það er hreinlega allt reynt
2. Búið að bera kennsl á manninn
3. Fangi fannst látinn ...
4. Flokkurinn heitir Sturla Jónsson
 Fjórða þáttaröð bandarísku sjón-
varpsþáttanna Game of Thrones
verður tekin upp hér á landi í sumar,
líkt og þær tvær síðustu. Greint er frá
þessu á vefnum News of Iceland og
segir þar að framleiðendur þáttanna
séu að skoða mögulega tökustaði hér
á landi og hafi í huga að koma hingað
að sumri til.
Game of Thrones í
þriðja sinn á Íslandi
 Tónlistarmaður-
inn síkáti, Eiríkur
Fjalar, hefur sent
frá sér plötu sem
hefur að geyma
öll þau lög sem
gefin hafa verið út
með honum. Plat-
an ber titilinn The
Very Best Off og
hefur að geyma eitt áður óútgefið
lag, túlkun Eiríks á hinu sígilda lagi
Eyjólfs Kristjánssonar „Draumur um
Nínu“ sem var framlag Íslands í Evr-
óvisjón árið 1991.
Öll lög Eiríks Fjalars
komin út á plötu
 Á sýningunni HönnunarHlemmur
sem umhverfis- og skipulagssvið
Reykjavíkurborgar hélt á Hlemmi í
mars sl. gátu gestir komið með til-
lögur að framtíð biðstöðvarinnar.
Miðstöð Strætós flyst á næstu árum
frá Hlemmi yfir á Umferðar-
miðstöðina við Hringbraut.
Meðal hugmynda var að
opnað yrði kaffihús eða
markaður í húsinu
og að sett yrðu
fiskabúr í
glerrými við
innganga.
Kaffihús, markaður
eða fiskabúr?
FÓLK Í FRÉTTUM
VEÐURÍÞRÓTTIR
SPÁ KL. 12.00 Í DAG Heldur hægari og úrkomulítið á morgun. Frost 0 til 8 stig á N- og
A-landi, annars hiti 0 til 5 stig SV-lands.
Á sunnudag og mánudag Hæg breytileg átt og bjartviðri, en skýjað NV-til og stöku él.
Frost 0 til 6 stig en hiti 0 til 4 stig með SV-ströndinni yfir daginn.
Á þriðjudag Suðvestan 3-10 m/s og bjartviðri, vaxandi norðaustanátt á Vestfjörðum síð-
degis og þykknar upp með snjókomu N- og NV-lands. Hiti um frostmark, 0 til 5 stig S-til.
Stjarnan jafnaði metin gegn Snæfelli
í undanúrslitum Íslandsmóts karla í
körfuknattleik í gærkvöld með því að
vinna annan leik liðanna, 90:86, í Ás-
garði. Staðan er því 1:1 og þriðji leik-
urinn fer fram í Stykkishólmi á mánu-
dagskvöld. Justin Shouse var frábær
í fyrri hálfleiknum með Stjörnunni og
hann skoraði samtals 31 stig í leikn-
um. »3
Stjarnan jafnaði
metin gegn Snæfelli
FH-ingar hyggjast tefla
Ásdísi Sigurðardóttur
fram gegn ÍBV í átta
liða úrslitum Íslands-
móts kvenna í hand-
knattleik í dag, þrátt
fyrir að hún hafi í gær
verið úrskurðuð í eins
leiks bann. FH-ingar
telja að reglugerð HSÍ
hafi verið brotin í mál-
inu og una ekki niður-
stöðunni. »2
FH hundsar úr-
skurð aganefndar
Ísland getur á morgun tryggt sér
sæti í úrslitakeppni Evrópumótsins í
handknattleik karla. Íslendingar taka
á móti Slóvenum í Laugardalshöllinni
og sigur gulltryggir liðinu EM-sætið,
enda þótt þá verði enn tveir leikir eft-
ir í undankeppninni. Aron Krist-
jánsson landsliðsþjálfari segir að
laga þurfi varnar-
leik liðsins frá
fyrri leiknum í
Slóveníu. »1
Ísland getur tryggt sér
sæti á EM í handbolta
Þórunn Kristjánsdóttir
thorunn@mbl.is
„Það er ekkert meira viðeigandi en
að spila lagið „When I’m Sixty four“
með Bítlunum á Obladí Bítlabar með
meiru á afmælisdaginn,“ segir Andr-
ea Jónsdóttir, plötusnúður og rokk-
ari, sem fagnar sextíu og fjögurra
ára afmæli sínu á morgun. Hún hefur
víst beðið lengi eftir þessum merkis-
degi en lagið góða hefur lifað lengi
með bítlakynslóðinni sem nálgast nú
óðfluga sextíu og fjögur árin.
„Þetta er eina afmælislagið sem ég
veit um sem nefnir einhvern tiltekinn
aldur, að minnsta kosti lag sem hefur
orðið jafnfrægt og raun ber vitni,“
segir Andrea og hlakkar til að eyða
afmælisdeginum í vinnunni þar sem
lagið fær að hljóma.
Besta vinnan um fimmtugt
„Ég segi oft: Maður getur dottið
niður á bestu vinnu í heimi um fimm-
tugt,“ segir Andrea og kveðst vera
lukkunnar pamfíll að vinna við
áhugamálið. Hún starfar sem dag-
skrárgerðarmaður á RÚV og þeytir
skífum um helgar, m.a. á Dillon og
Obladí, auk þess sem hún spilar í
stöku veislum. Andrea vann lengi á
Þjóðviljanum sem prófarkalesari og
byrjaði þar að skrifa um tónlist. Fyr-
ir tíu árum hafði hún atvinnu af því
að starfa sem DJ, þó svo að hún hafi
snemma mætt með plötuspilara í
partí.
„Ég er ekkert með eitthvert
ákveðið „sett“ eins og þar stendur.
Ég er bara hallærislegur DJ og
spila lög sem fólkið í salnum vill
heyra. Maður verður að gleyma
nördinum í sér. Ég lít á það
sem mitt hlutverk að
skemmta fólki en ég
spila þó aldrei neitt sem
mér þykir leiðinlegt,“
segir Andrea og bætir
við að oft vilji fólk heyra tiltekin lög
þegar það er við skál og bresti þá
gjarnan í söng. Henni þykir gaman
að verða við því; sá ræður sem dans-
ar eða að minnsta kosti sá sem er í
stuði.
„Ég er mjög heppin að hafa aldrei
þjáðst af nostalgíu. Ég segi það ekki
að ef ég set ákveðnar plötur á fóninn
þá kalla þær fram skemmtilegar
minningar en mig hefur aldrei langað
neitt til baka. Mér finnst lífið alltaf
mjög áhugavert og er spennt hvað
gerist næst. Svo er ég ákveðin í því
að ganga aftur ef það er hægt,“ segir
Andrea og hlær, þá hyggst hún fylgj-
ast með vinum og fjölskyldu. Sér
þyki þó verst að henni hafi verið sagt
að ekki sé hægt að grípa í taumana
en hver veit?
Spilar „When I’m Sixty four“
 Andrea þeytir
skífum á Bítla-
barnum á 64 ára
afmælisdaginn
Morgunblaðið/Golli
Afmælisbarnið „Ekkert eins viðeigandi og að spila lagið „When I’m Sixty four“ með Bítlunum á Obladí Bítlabar
með meiru á afmælisdaginn,“ segir Andrea Jónsdóttir plötusnúður, sem verður sextíu og fjögurra ára á morgun.
Lagið „When I’m Sixty-Four“ var
samið árið 1967 af Bítlunum og
kom fyrst á plötunni Sgt.
Pepper’s Lonely Hearts Club
Band. Paul McCartney og
John Lennon eru skrifaðir
fyrir laginu, þó er sá fyrr-
nefndi sagður aðalsmiður
þess og syngur það
einnig.
„Þetta er lag sem
mikið var gert grín að
á sínum tíma. Mörgum þótti lag-
ið hallærislegt því hann samdi
það fyrir pabba sinn,“ segir
Andrea, en faðir McCartneys
varð 64 ára árið sem þeir tóku
upp plötuna.
Lagið fjallar um ungan mann
sem syngur til kærustu sinnar
um hvernig þau eldast saman.
Lagið er eitt af þeim fyrstu sem
McCartney samdi en hann var
einungis sextán ára gamall.
Lag um föður McCartneys
„WHEN I’M SIXTY-FOUR“ MEÐ BÍTLUNUM
Paul McCartney