Morgunblaðið - 12.04.2013, Blaðsíða 18
BAKSVIÐ
Andri Karl
andri@mbl.is
„Það er ljóst að dómurinn á ekki ann-
an kost en að leysa þessa tvo verj-
endur frá starfanum, þrátt fyrir synj-
un. Þeir eru leystir frá verjenda-
störfum.“ Þetta sagði Pétur
Guðgeirsson, dómsformaður í Al-
Thani-málinu svonefnda þar sem
ákært er fyrir markaðsmisnotkun og
umboðssvik í starfsemi Kaupþings
banka. Aðalmeðferð átti að hefjast í
Héraðsdómi Reykjavíkur í gærmorg-
un en sökum þess að tveir verjendur
af fjórum gengu úr skaftinu hefur
málinu verið frestað um ótilgreindan
tíma. Hefst aðalmeðferðin því líklega
ekki fyrr en næsta haust.
Sitt sýnist hverjum um þá ákvörð-
un Gests Jónssonar og Ragnar H.
Hall, verjenda Sigurðar Einarssonar,
fyrrverandi stjórnarformanns Kaup-
þings, og Ólafs Ólafssonar, sem var
stór hluthafi í bankanum, að segja sig
frá verjendastörfum. Einnig eru í
málinu ákærðir Hreiðar Már Sig-
urðsson, fyrrverandi forstjóri Kaup-
þings, og Magnús Guðmundsson,
fyrrverandi forstjóri Kaupþings í
Lúxemborg.
Lögmennirnir báru við að máls-
meðferðin færi í bága við lög og sak-
borningar nytu því ekki réttlátrar
málsmeðferðar. Og þrátt fyrir að
dómsformaður hefði hafnað kröfu
þeirra um að segja sig frá málinu
ákváðu lögmennirnir að mæta ekki
við upphaf aðalmeðferðarinnar. Því
átti dómurinn ekki annan kost en að
leysa þá frá verjendastörfum og
skipa þeim Sigurði og Ólafi nýja verj-
endur, þá Ólaf Eiríksson og Þórólf
Jónsson.
Lögmenn og sérfræðingar í réttar-
fari vildu fæstir tjá sig um málið í
samtali við blaðamann og alls ekki
undir nafni. Helst var það þannig að
þeir sem gagnrýndu ákvörðun Gests
og Ragnars vildu ekki koma fram
undir nafni. Meðal annars var sagt að
þetta kæmi sakborningum illa, lög-
mennirnir færu gegn skyldum sínum
og að þetta kæmi illa út fyrir lög-
mannastéttina. Einnig að þetta kynni
að skapa fordæmi, þó aðrir tækju
fram að þeir hefðu ekki trú á því að
nokkrir aðrir myndu gera þetta aftur.
Einn þeirra sem voru tilbúnir að
tjá sig um málið undir nafni var Jón
Þór Ólason, lektor í refsirétti við Há-
skóla Íslands. Hann sagðist telja eðli-
legt að fram fari málefnaleg umræða
um þau atriði sem liggja að baki
ákvörðun lögmannanna, enda séu
mikilvæg mannréttindasjónarmið
þar undir. „Þetta eru reyndir og góð-
ir lögmenn og þekkja málið mun bet-
ur en þeir lögmenn sem hafa verið að
gagnrýna ákvörðun þeirra. Þeir eru
það reyndir í faginu að þeir fara ekki
út í svona aðgerð nema þeir telji það
þjóna hagsmunum umbjóðenda
sinna. Hlutverk lögmanna er m.a. að
efla rétt og að hrinda órétti en ekki að
standa í einhverri vinsældakosningu
úti í samfélaginu.“
„Dómurinn á ekki annan kost“
Verjendur tveggja sakborninga í Al-Thani-málinu voru í gær leystir frá störfum og nýir skipaðir
Aðalmeðferðinni var því næst frestað í ótilgreindan tíma svo nýir verjendur geti kynnt sér gögnin
Morgunblaðið/Ómar
Mættir Hreiðar Már Sigurðsson og Sigurður Einarsson, sem voru æðstu stjórnendur Kaupþings banka, voru mættir
við það sem átti að vera upphaf aðalmeðferðar vegna ákæru á hendur þeim um markaðsmisnotkun og umboðssvik.
Talar út Ólafur Ólafsson ræddi við fjölmiðla eftir að málinu var frestað og
greindi meðal annars frá því að rangur sími var hleraður við rannsóknina.
18 FRÉTTIRInnlent
MORGUNBLAÐIÐ FÖSTUDAGUR 12. APRÍL 2013
„Hann var mjög sjokkeraður að
heyra þetta og mun leita réttar
síns,“ segir Ólafur Ólafsson,
einn ákærðu í Al-Thani-málinu,
en hann komst að því þegar
hann ætlaði að hlusta á upp-
tökur sérstaks saksóknara á
símtölum hans, að heimasími
hans í Sviss var ekki hleraður
heldur farsími karlmanns á Ak-
ureyri, sem engin tengsl hefur
við málið. Sérstakur saksóknari
sendi frá sér yfirlýsingu í gær-
kvöldi þar sem fram kom að
símafyrirtæki hefði gert mis-
tök.
Ólafur fékk aðstöðu hjá sér-
stökum saksóknara til að
hlusta á upptökurnar en fjöldi
þeirra kom honum á óvart. Tek-
in höfðu verið upp 554 símtöl.
„Í ljós kom að á þriðja hundrað
símtala voru símtöl manns sem
tengdist þessu máli á engan
hátt og hann er ekki nafni
minn; hvorki Ólafur né Ólafs-
son. Við urðum enda rasandi
að „hæfasta teymi landsins“
skuli hlera vitlausan síma.“
Sérstakur saksóknari skýrði
frá því í tilkynningu að emb-
ættið sjái ekki sjálft um fram-
kvæmdina heldur tæknideild
lögreglunnar á höfuðborgar-
svæðinu. „Rannsakendur máls-
ins hjá sérstökum saksóknara
fá upptökur af símtölunum til
skoðunar. Upptökur símtala
sem ekki snerta málið eru
lagðar til hliðar og verða ekki
hluti málsgagna.“
Þá segir að mistök símafyrir-
tækisins hafi ekki áhrif á máls-
meðferð eða málshöfðun í Al-
Thani-málinu.
Rangur sími
var hleraður
MISTÖK VORU GERÐ
Egill Ólafsson
Skúli Hansen
Umhverfis- og skipulagsráð Reykja-
víkurborgar gerir ekki athugasemd-
ir við að unnin verði breyting á deili-
skipulagi sem felur í sér stækkun á
flugstöðinni á Reykjavíkurflugvelli, í
samræmi við drög að samkomulagi
um endurbætur á aðstöðu fyrir bæði
farþega og þjónustuaðila á flugvell-
inum. Þá vill meirihluti ráðsins jafn-
framt að vinna verði hafin við deili-
skipulag á nýrri íbúðabyggð í
Skerjafirðinum.
Flugvöllurinn kosningamál
Gísli Marteinn Baldursson,
fulltrúi Sjálfstæðisflokksins í skipu-
lagsráði, og Hildur Sverrisdóttir,
varafulltrúi Sjálfstæðisflokksins í
skipulagsráði, bókuðu í ráðinu að það
væri fagnaðarefni að ríkið ætlaði
loksins að standa við gerða samninga
um lokun svokallaðrar norðaustur/
suðvestur-flugbrautar á Reykjavík-
urflugvelli. Segja þau Gísli og Hildur
að flugbrautin sé einungis notuð í 1%
tilvika á ári og að ríkið hafi í þrígang
í undirrituðum samningum lofað því
að loka flugbrautinni.
Þá bókaði Júlíus Vífill Ingvarsson,
fulltrúi Sjálfstæðisflokksins í skipu-
lagsráði, að kaup borgarinnar á landi
í Skerjafirði hefðu ekki áhrif á fram-
tíð flugvallarins í Vatnsmýrinni og
því sé mikilvægt, m.a. af flugöryggis-
ástæðum, að borgin liðki fyrir endur-
nýjun nauðsynlegra mannvirkja á
flugvallarsvæðinu. Jafnframt sé sér-
staklega aðkallandi að reist verði ný
flugstöð þar sem allir flugrekstrar-
aðilar í innanlandsflugi geti fengið
aðstöðu fyrir starfsemi sína.
Í samtali við mbl.is síðdegis í gær
sagði Júlíus Vífill að flugvallarmálið
yrði kosningamál í borgarstjórnar-
kosningunum á næsta ári.
Stækkun flug-
stöðvar heimiluð
Vilja hefja vinnu við deiliskipulag
Morgunblaðið/ÞÖK
Flugvöllurinn Skipulagsráð leggst
ekki gegn stækkun á flugstöðinni.