Morgunblaðið - 12.04.2013, Page 22

VIÐTAL
Baldur Arnarson
baldura@mbl.is
Það leynir sér ekki að Sjálfstæðis-
flokkurinn er í kosningaham þegar
Hanna Birna Kristjánsdóttir, varafor-
maður flokksins, tekur á móti blaða-
manni í Valhöll. Nokkrir þingmanna
flokksins ráða ráðum sínum og starfs-
fólk gengur milli herbergja. Áætlanir
vegna kosningabaráttunnar eru list-
aðar upp á töflu.
Samtalið hefst með spurningu um
nýja könnun sem MMR gerði fyrir
Viðskiptablaðið en hún bendir til þess
að 44% þeirra sem ætla sér að kjósa
Framsókn í kosningunum myndu
kjósa Sjálfstæðisflokkinn ef Hanna
Birna væri formaður í stað Bjarna
Benediktssonar.
„Ég er auðvitað þakklát fyrir
traustið sem fólk sýnir mér. Þessi
könnun sýnir hins vegar mjög svipaða
hluti og slíkar mælingar hafa sýnt áð-
ur. Það sem hefur breyst frá síðustu
mælingum er að ég er nú í framboði
til Alþingis, er varaformaður
Sjálfstæðisflokksins og tilheyri því
forystu flokksins. Ég vona þess vegna
að sá stuðningur við mig sem birtist í
þessari könnun muni endurspeglast í
fylgi Sjálfstæðisflokksins.“
Sýnir styrkleika hópsins
– Veikir það flokkinn í kosninga-
baráttunni að svona könnun skuli
birtast svo skömmu fyrir kosningar?
„Nei. Hún sýnir að Sjálfstæðis-
flokkurinn hefur á að skipa mörgum
öflugum einstaklingum og það skiptir
mestu.“
– Hvernig meturðu möguleika
flokksins í kosningunum?
„Ef þörfin fyrir jákvæðar breyt-
ingar, uppbyggingu og raunhæfar
lausnir ræður för í þessum kosn-
ingum á flokkurinn að ná góðri niður-
stöðu.“
– Hefur staða Bjarna Benedikts-
sonar sem formanns veikst eftir
fylgishrunið í könnunum?
„Bjarni Benediktsson hefur fjórum
sinnum verið kjörinn formaður á
landsfundi Sjálfstæðisflokksins og
var kjörinn með 80% stuðningi á síð-
asta landsfundi. Kannanir eru ekki
kosningar en þá mun almenningur
vonandi ekki aðeins kjósa um til-
tekna frambjóðendur, heldur fram-
tíðina og farsælar lausnir.“
– Morgunblaðið birti í vikunni
könnun sem Félagsvísindadeild Há-
skóla Íslands vann fyrir blaðið en hún
bendir til þess að Sjálfstæðis-
flokkurinn hafi 18,9% fylgi. Þetta er
langt undir ykkar markmiðum. Kall-
ar þessi niðurstaða og sambærilegar
kannanir að undanförnu á plan b hjá
Sjálfstæðisflokknum í kosninga-
baráttunni?
„Þessar kannanir kalla á það að
Sjálfstæðisflokkurinn og þjóðin öll
hafi áhyggjur af framhaldinu. Þessar
tölur eru auðvitað algjörlega óvið-
unandi fyrir Sjálfstæðisflokkinn og
ekki niðurstaða sem við gætum verið
sátt við eða nýtt til að byggja hér upp
betra samfélag. En það er auðvitað
þjóðarinnar að velja og ákveða.
Við sem í stjórnmálum störfum
verðum að kunna að taka slíkri niður-
stöðu, ef hún yrði.
Hún væri hins vegar í engu sam-
ræmi við það mikla erindi sem hug-
sjónir flokksins eiga við þjóðina núna
eða hversu raunhæfar, mikilvægar
og farsælar þær lausnir sem við nú
berum fram eru. Þess vegna yrði slík
niðurstaða mikil vonbrigði.“
Fara til Framsóknarflokksins
– Hverjar eru skýringarnar?
„Kjósendur virðast vera að fara frá
Sjálfstæðisflokknum til Framsókn-
arflokksins. Könnun ykkar sýnir það.
Einhver getur sagt að þeir séu ein-
faldlega að bjóða betur en við, að þeir
séu að bjóða eitthvað sem er í huga
almennings stærra og meira en við
getum boðið. Ég er þeirrar skoðunar
að Sjálfstæðisflokkurinn geti ekki
farið í slík yfirboð.
Það segi ég bæði vegna þess að
viðfangsefnið er flóknara en svo að
ein lausn leysi það, en einnig vegna
þess að Sjálfstæðisflokkurinn og aðr-
ir flokkar eiga að hafa lært það af
hruninu að lofa ekki meiru en við telj-
um okkur geta staðið við. Við eigum
að segja hvernig staðan er og við eig-
um ekki, eins og kom fram í rann-
sóknarskýrslu Alþingis, að bjóða eitt-
hvað sem við vitum innst inni að við
getum ekki 100% staðið við.“
Stjórnmálin eru ekki slagorð
– Er ekki málið það að afskriftar-
leið Framsóknarflokksins til handa
heimilum í skuldavanda nær í gegn
og kemst til skila – hún virkar mjög
einföld – en að það sem þið leggið til í
sömu efnum nær ekki jafn vel í gegn,
sýnist of flókið?
„Stjórnmál eru ekki slagorð. Það
er ekki hægt að bjóða upp á eina
setningu eða einfalda leið við flóknu
vandamáli. Nú ætla ég ekki að fella
neina dóma um leiðir Framsóknar.
Ef sá flokkur treystir sér í þær að-
gerðir sem hann boðar þá er það
hans að útfæra það. Við höfum lagt
mikla vinnu í að skoða hver er helsti
vandinn í íslensku samfélagi og við
erum þeirrar skoðunar að sá vandi
kristallist í því að heimilin ná ekki
endum saman um hver mánaðamót.
Helmingur heimila er í þeirri stöðu.
Þannig að helsti vandinn er ráð-
stöfunartekjur íslenskra heimila. Og
í því sambandi nægir ekki að hugsa
um skuldahliðina. Það þarf líka að
hugsa um tekjuhliðina og horfa á
verkefnið heildstætt,“ segir Hanna
Birna og tekur dæmi af því hvernig
lækkun skatta og tolla muni lækka
verð á vörum og þjónustu og þannig
auka kaupmátt heimilanna.
Afneita ekki forsendubresti
„Við afneitum því ekki að hér varð
ákveðinn forsendubrestur við banka-
hrunið þannig að lánin okkar ruku
upp úr öllu valdi. Við viljum vinna að
því í gegnum skattaafslátt og sér-
eignasparnað að höfuðstóll lána
lækki um 20% á næsta kjörtímabili.
Við teljum okkur geta staðið við það
miðað við þá hagsæld sem hér getur
orðið í gegnum aukinn vöxt í atvinnu-
lífinu,“ segir Hanna Birna og ítrekar
að Sjálfstæðisflokkurinn muni gæta
hagsmuna Íslands til hins ýtrasta í
samningum við erlenda kröfuhafa
föllnu bankanna og nýta ávinninginn
í þágu Íslands.
„Framsóknarflokkurinn er ekki
eini flokkurinn sem mun taka harðan
slag við kröfuhafa. Það munu allir
gera það. Við munum verja hagsmuni
Íslands alla leið við það borð. Það er
algerlega hægt að treysta því. Við
verðum hins vegar að hafa það fjár-
magn í hendi áður en við förum að
ráðstafa því. Því fjármagni verður að
ráðstafa til að greiða niður skuldir
hins opinbera og heimilanna.
Það er forgangsverkefni og um
það þarf að ná breiðri pólitískri sátt.
Ég er sannfærð um að það er hægt
og sannfærð um að við getum skapað
hér samfélag þar sem fólk þarf ekki
að kvíða mánaðamótum, framtíðinni
og hvað bíður fjölskyldna þeirra.“
Draga andstæðinga fyrir dóm
Hanna Birna segir ríkisstjórnina
hafa alið á sundrungu.
„Ríkisstjórnin hefur notað tæki-
færið til þess að draga skarpari línur
milli sín og pólitískra andstæðinga
sinna og hefur jafnvel gengið svo
langt að draga þá fyrir dóm. Þetta
hefur skaðað stjórnmálin og það sem
skiptir miklu meira máli er að þetta
hefur skaðað almenning. Þetta er
ekki tíminn, eins og ég hef margoft
sagt, fyrir draumaríki sósíalismans.
Og þetta er ekki heldur tíminn fyrir
draumaríki frjálshyggjunnar. Þetta
er tíminn þar sem við reynum að
vinna okkur út úr þessum erfið-
leikum í sameiningu, lærum af eigin
reynslu og annarra og geymum risa-
stór átakamál stjórnmálanna þar til
betur árar. Ég held að skattheimtan
á undanförnum fjórum árum hafi
lamað samfélagið, ekki bara fjöl-
skyldurnar í landinu heldur líka fyr-
irtækin, einstaklingana og allt sam-
félagið. Það hefur engin þjóð
skattlagt sig út úr kreppu. Jóhanna
Sigurðardóttir forsætisráðherra hef-
ur sjálf sagt að það komi ekki nægir
peningar inn í ríkiskassann. Það
skortir hins vegar þann skilning að
ástæðan er of mikil skattheimta og sú
ranga leið að skrúfa alla skatta í
botn.“
Stóðu ekki á hliðarlínunni
– Því er haldið fram að lands-
fundur og óánægja með framkvæmd
hans skýri að einhverju leyti minnk-
andi fylgi við Sjálfstæðisflokkinn?
„Ég held að menn ofmeti þátt
landsfundar í þessum breytingum.
Það er í eðli landsfundar, sem er
stærsta stjórnmálasamkoma lands-
ins, að þar takast menn á og ræða af
Sjálfstæðis-
menn snúi
aftur heim
 Hanna Birna telur meiri líkur en
minni á vinstristjórn eftir kosningar
22
MORGUNBLAÐIÐ FÖSTUDAGUR 12. APRÍL 2013
Við léttum þér lífið
F
A
S
TU
S
_H
_0
5.
01
.1
3
Komið í verslun okkar að Síðumúla 16. Opið mán - fös 8.30 - 17.00 | Síðumúli 16 | 108 Reykjavík | Sími 580 3900
WWW.FASTUS.IS
Stuðningshandföng Göngugrindur Griptangir Salernis- og sturtustólar
Fastus ehf. býður upp á heildarlausnir innan endurhæfingar, hjúkrunar og hjálpartækja. Í verslun Fastus að
Síðumúla 16, 2. hæð er að finna gott úrval af heilbrigðisvörum. Sérhæft fagfólk á sviði endurhæfingar, hjúkrunar
og hjálpartækja leggur metnað sinn í að finna lausnir og aðstoða við val á vörum fyrir einstaklinga og stofnanir.
Komdu og skoðaðu úrvalið
- við tökum vel á móti þér og finnum réttu lausnina fyrir þig.