Morgunblaðið - 12.04.2013, Side 27

FRÉTTIR 27Erlent
MORGUNBLAÐIÐ FÖSTUDAGUR 12. APRÍL 2013
AFP
Býflugnabændur og vísindamenn vestanhafs leita enn
svara við því hvers vegna þúsundir hunangsflugna, í
hunangsræktarbúum víðsvegar í Bandaríkjunum, hafa
drepist síðastliðin ár. Talið er að um einhvers konar
veiki sé að ræða en rannsóknir benda til þess að allt að
30% bústofna býflugnabænda hafi drepist frá 2007.
Eitthvað herjar á hunangsflugurnar
Öllum fyrrverandi forsetum Banda-
ríkjanna hefur verið boðið að vera
viðstaddir útför Margaret Thatcher,
fyrrverandi forsætisráðherra Bret-
lands, sem fram fer í næstu viku.
Gestalistinn fyrir útförina var gerð-
ur opinber í gær en á honum eru
nöfn yfir 2.000 einstaklinga.
Hvorki Nancy Reagan, ekkja
Ronalds Reagans, Mikhail Gorbac-
hev, fyrrverandi leiðtogi Sovétríkj-
anna, né Helmut Kohl, fyrrverandi
kanslari Þýskalands, verða viðstödd
sökum slæmrar heilsu.
Í samtali við breska dagblaðið
The Times sagði Kohl andstöðu
Thatcher við aukinn samruna innan
Evrópu meginorsök spennu milli
Breta og Evrópusambandsins. „Hún
vildi Evrópu en aðra Evrópu en þá
sem ég og flestir evrópskir kollegar
hennar vildum. Frá okkar sjónar-
horni einkennir þessi óvild breska
Evrópustefnu enn þann dag í dag.“
Á gestalistanum eru einnig meðal
annarra Hillary Clinton, fyrrver-
andi utanríkisráðherra Bandaríkj-
anna, Nelson Mandela, fyrrverandi
forseti Suður-Afríku, Jose Manuel
Barroso, forseta framkvæmda-
stjórnar ESB, og Mahathir Moha-
mad, fyrrverandi forsætisráðherra
Malasíu.
Talsmenn breska forsætisráðu-
neytisins staðfestu hins vegar við
fréttaveitu AFP að Cristinu Kirchn-
er, forseta Argentínu, yrði ekki boð-
ið en samskipti ríkjanna hafa verið
stirð vegna deilunnar um yfirráð yf-
ir Falklandseyjum.
Gestalistinn opinberaður
 Yfir 2.000 manns boðið í útför Margaret Thatcher
AFP
Kveðjur Angela Merkel, kanslari Þýskalands, ritar samúðarkveðjur vegna
fráfalls Thatcher í þar til gerða bók í breska sendiráðinu í Berlín í gær.
Utanríkisráðherrar G8-ríkjanna
samþykktu í gær að grípa til að-
gerða til að berjast gegn nauðg-
unum og kynferðisofbeldi í hernaði.
Ráðherrarnir hétu m.a. að veita 27
milljónum evra til baráttunnar en
utanríkisráðherra Breta, William
Hague, sagði um eitt mesta og þrá-
látasta óréttlæti veraldar að ræða
og líkti ofbeldinu við þrælahald.
„Það er mér mikil ánægja að til-
kynna að í dag höfum við, sem utan-
ríkisráðherrar G8-ríkjanna, náð
sögulegu samkomulagi: heitið því
að vinna saman að því að binda
enda á kynferðisofbeldi í átökum,“
sagði Hague. Hann sagði ráð-
herrana hafa skuldbundið viðkom-
andi ríki til að hafa uppi á ger-
endum og rétta yfir þeim.
Samkomulagið var unnið í sam-
starfi við leikkonuna Angelinu Jol-
ie, sérlegan sendiherra Sameinuðu
þjóðanna um málefni flóttamanna.
Hún sagði yfirlýsingu ráðherranna
löngu tímabæra og lofaði Hague
fyrir forystu sína. „Nauðganir eru
ekki kvennamál eða mannúðarmál,
þær eru alheimsmál og eiga heima
hér á borði alþjóðlegrar ákvarð-
anatöku, þar sem hann hefur sett
þær,“ sagði leikkonan.
Hún sagði að fórnarlömb nauðg-
ana hefðu löngum verið gleymd
fórnarlömb átaka en að raddir
þeirra hefðu heyrst í gær.
AFP
Heimsókn Angelina Jolie og William Hague ræddu við flóttamenn í Nzolo-
flóttamannabúðunum í Austur-Kongó í mars síðastliðnum.
Aðgerðir gegn kyn-
ferðisofbeldi í átökum
www.gilbert.is
FYRIR ERFIÐUSTU AÐSTÆÐUR
SIF BJÖRGUNARÚRIÐ
ÍSLENSKT 1000 METRA VATNSHELT OFURÚR
Lækjargötu og Vesturgötu