Morgunblaðið - 12.04.2013, Side 52

52 DÆGRADVÖL
MORGUNBLAÐIÐ FÖSTUDAGUR 12. APRÍL 2013
Stjörnuspá
21. mars - 19. apríl 
Hrútur Þér finnst hægt miða með starfs-
framann en vertu rólegur, það mun ganga
vel. Gleymdu bara ekki að öllu gamni fylgir
nokkur alvara.
20. apríl - 20. maí 
Naut Þú þarft á allri þinni þolinmæði að
halda til þess að koma þínum málum í
framkvæmd. Þú verður kraftmeiri en venju-
lega næstu vikurnar.
21. maí - 20. júní 
Tvíburar Dund er ekki málið fyrir þig! Þú
ert í banastuði og munt framleiða heil
ósköp og gefa góð ráð. Kapp er best með
forsjá.
21. júní - 22. júlí 
Krabbi Þótt allt virðist slétt og fellt á yfir-
borðinu skaltu ekki láta blekkjast. Láttu það
ekki trufla þig og haltu þig að verki en
reyndu að temja þér meiri þolinmæði.
23. júlí - 22. ágúst 
Ljón Þú hefur haldið þig til hlés í ákveðnu
máli en nú kemstu ekki lengur hjá því að
taka afstöðu og láta hana í ljós við viðkom-
andi. Gefðu þér tíma til að hafa samband
við þá sem málið varðar.
23. ágúst - 22. sept. 
Meyja Þú elskar fólk og fólk bregst vel við
þeirri afslöppuðu athygli sem þú veitir því.
Eignir þínar, andlegar eða veraldlegar, gætu
borið ríkulegan ávöxt.
23. sept. - 22. okt. 
Vog Oft var þörf en nú er nauðsyn á því að
halda vel utan um fjármálin. Það er einhver
óróleiki í þér, sem þú átt erfitt með að finna
orsök að. Ekki flokka allt sem gott eða vont.
23. okt. - 21. nóv.
Sporðdreki Það er nauðsynlegt að eyða
tíma með ungviðinu og um leið að finna
barnið í sjálfum sér. Gefðu þér samt nægan
tíma til að skoða málið.
22. nóv. - 21. des.

Bogmaður Þið þurfið ekki að láta hugfallast
þótt á móti blási um stund. Leyfðu hug-
anum að reika og horfa á fegurð náttúrunn-
ar.
22. des. - 19. janúar 
Steingeit Þú ert áhugalaus og hefur enga
burði til að leysa málin. Sjáðu til þess að
ekkert og enginn trufli þig, þú mátt ekki við
því.
20. jan. - 18. febr. 
Vatnsberi Yfirboðaðar eru gagnrýnir á þig í
dag, einhverra hluta vegna. Ræddu hug-
myndir þínar við fólk sem er í sömu sporum
því betur sjá augu en auga.
19. feb. - 20. mars

Fiskar Þú finnur líklega frekar fyrir innri
stöðugleika og rausnarskap ef skilgrein-
ingum þínum á árangri er mætt. Ekki bíða
eftir því að eitthvað gerist.
Kerlingin á Skólavörðuholtinusendi Vísnahorninu kveðju í
bréfi: „Karlinn á Laugaveginum
tjáði sig um heimsókn til mín í
Vísnahorninu þann 8. apríl. Ég vil
endilega að mín hlið á málinu komi
fram:
Ég var út um glugga að gá
gröm og herðasigin,
kunnuglega kempu sá
kjaga upp Frakkastíginn.
Langt var síðan leit hann þar.
Lítið um það mæli,
fyrir austan víst hann var
vistaður á hæli.
Tröppur mínar karlinn kleif,
kvíðinn virtist gæinn.
Strax ég mig til dyra dreif,
dró hann inn í bæinn.
Yfir ruminn renndi fljótt
rannsakandi augum,
þá ég fann og skildi skjótt,
skekinn var á taugum.
Þrjótur hafði þynnst á kinn,
þversum tapað máli,
enda hafði eyminginn
aðeins nærst á káli.
Vesældarlegt vok og fát
var á mínum gesti
þar til hamslaus, æstur át
allt sem tönn á festi.
Gríðarlega af góðri list
gleypti í sig helling,
bollur, tertur, brauð úr rist,
bjúgu, flot og velling.
Ekki kaus ég endalaust
inni í bæ að hanga,
því á krána, trygg og traust
tók mig heitt að langa.
Lokkandi ég leit hann á,
létt var karl að æsa
og hann vildi ólmur fá
á mig víni splæsa.“
Þessari djörfu og æsispennandi
frásögn verður fram haldið í Vísna-
horninu á morgun. Erlendur Sig-
urður Baldursson sendi Vísnahorn-
inu skemmtilega kveðju:
„Eftirfarandi limra varð til hjá mér
þegar ég heyrði af síðustu skoð-
anakönnun:
Ég hitt́eitt sinn drukkinn dósent
sem drakk þar til átti hann no cent.
Hann sagði með ekka
ég hætti að drekka
fái Sigmundur sextíu %.“
Ólafur Briem þýddi vísu þá á
esperanto sem Þórbergur Þórð-
arson orti sem grafskrift sína:
Þórbergs hér hvílir hold
hulið í jarðar mold,
í volaðra veröld bjó,
í vitlausra heimi dó.
Pétur Blöndal
pebl@mbl.is
Vísnahorn
Af fundi karls og kerlingar
Í klípu
„SJÁÐU BARA, LÆKNARNIR GÁFUST UPP
FYRIR LÖNGU. ÉG ÆTLA AÐ FARA NÚNA,
ÞÚ ÆTTIR KANNSKI AÐ GERA ÞAÐ LÍKA.“
eftir Mike Baldwin eftir Jim Unger
„HANN TÓK EKKI EINU SINNI EFTIR
EYRNALOKKUNUM MÍNUM.“
Hermann
Ferdinand
Hrólfur hræðilegi
Grettir
... að hjúkra honum.
VIÐ HVAÐ STARFAR
ÞÚ, ÓKUNNUGI
MAÐUR?
ÉG STEL FRÁ ÞEIM
FÁTÆKU OG GEF
ÞEIM RÍKU.
HA? HVERS
KONAR STARF
ER ÞAÐ?
ÉG VINN HJÁ
BANKA.
SEGÐU MÉR FRÁ
TILFINNINGUM
ÞÍNUM, JÓN.
FRÁ
HVERJU?
TILFINN-
INGUM! TJA...
SVO LÉT ÉG
SEM LIÐI
YFIR MIG.
ÞAÐ ER GÓÐ
FLÓTTALEIÐ.
Margrét Sverrisdóttir, fyrrver-andi framkvæmdastjóri Frjáls-
lynda flokksins, stendur í stappi við
flokkinn sem neitar að borga henni
laun. Hún upplýsti í því sambandi í
viðtali á dögunum að kvenmanns-
mánaðarlaun væru 614.000 kr. eða
hefðu verið það 2009.
x x x
Þingfararkaup er rúmar 630.000kr. á mánuði, en á heimasíðu
Hagstofunnar kemur fram að reglu-
leg laun fullvinnandi launamanna á
íslenskum vinnumarkaði voru 402
þúsund krónur að meðaltali árið
2012. Um 18% launamanna voru
með 300 til 350 þúsund krónur í
regluleg laun á mánuði og um 65%
launamanna með regluleg laun undir
400 þúsund krónum á mánuði.
Regluleg laun fullvinnandi karla
voru 436 þúsund krónur að meðaltali
á mánuði en kvenna 367 þúsund
krónur.
Samkvæmt lífskjararannsókn
Hagstofunnar 2012 áttu 48,2% heim-
ila erfitt með að ná endum saman.
Fyrrnefndur launamunur skýrir
kannski fjöldann sem gengur með
þingmann í maganum fyrir kosning-
arnar í lok mánaðarins.
x x x
Formaður Þingvallanefndar ereinn þeirra þingmanna sem óska
eftir endurkjöri en skaut sig illilega í
fótinn, þegar hann ætlaði að slá sig
til riddara um liðna helgi með því að
banna næturveiðar í Þingvallavatni
og sagði ástæðuna drykkjuskap og
ólæti veiðimanna. Talsmenn þeirra
svöruðu að bragði og í gær var til-
kynnt að hætt væri við bannið.
Hroki og yfirgangur ganga greini-
lega ekki í kosningabaráttu.
x x x
Íbúakosningu um verkefni í Reykja-víkurborg lauk í gær, en í kosn-
ingunni var boðið upp á ótrúlegustu
hluti. Einna hæst bar valmöguleika
um að setja upp bekk á gatnamótum
Hagamels og Furumels fyrir litlar
500.000 krónur. Ekki kemur á óvart
að Melhaga og Hofsvallagötu verði
breytt í göngugötur í kjölfarið, en
Víkverji hefur reyndar ekki séð
kostnaðaráætlun í því sambandi.
víkverji@mbl.is
Víkverji
Innan skamms mun heimurinn ekki
sjá mig framar. Þér munuð sjá mig
því ég lifi og þér munuð lifa.
(Jóhannesarguðspjall 14:19)
PAPPÍR • POKAR • RÚLLUR
Sérprentanir í minni eða stærri upplögum!
PAPPÍR HF • Kaplahrauni 13 • 220 Hafnarfirði • Sími 565 2217 • pappir@pappir.is • www.pappir.is
Íslensk
framleiðsla