Morgunblaðið - 12.04.2013, Síða 54

54 MENNING
MORGUNBLAÐIÐ FÖSTUDAGUR 12. APRÍL 2013
Styrkir voru veittir úr Minning-
arsjóði Vilhjálms Vilhjálmssonar í
gær og hlutu þá þrír söngnemar,
þau Ingibjörg Fríða Helgadóttir,
Davíð Ólafsson og Jóna G. Kolbrún-
ardóttir. Markmið sjóðsins er að
styrkja framúrskarandi söngvara
eða söngnema til söngnáms og
munu styrkirnir standa straum af
skólagjöldum þeirra við háskóla-
deildir Söngskólans í Reykjavík og
Tónlistarskóla FÍH veturinn 2012-
2013. Ingibjörg er 21 árs og stefnir
að framhaldsprófi í djasssöng frá
FÍH um næstu áramót. Jafnframt
hyggst hún stunda nám við Listahá-
skóla Íslands næsta vetur og flétta
saman djass og klassíska tónlist.
Davíð er 19 ára, hefur stundað
söngnám við Söngskólann í Reykja-
vík í fjögur ár, stefnir að því að
ljúka framhaldsprófi frá skólanum í
vor og áfanga til burtfararprófs
vorið 2014. Jóna er tvítug og hefur
stundað söngnám við Söngskólann í
Reykjavík frá 2006, lauk í nóv-
ember 2011 framhaldsprófi frá
skólanum og nemur við háskóla-
deild hans. Hún mun ljúka áfanga
til burtfararprófs í vor og stefnir að
því að ljúka burtfararprófi frá skól-
anum vorið 2014.
Morgunblaðið/Kristinn
Styrkt Nemarnir þrír við styrkveitinguna í Söngskóla Reykjavíkur í gær.
Framúrskarandi
söngnemar styrktir
 Veitt úr minningarsjóði Vilhjálms
Silja Björk Huldudóttir
silja@mbl.is
„Hugmyndin um hina eilífu ást er
mjög dramatísk í sjálfu sér. Mér
fannst því heillandi að takast á við
þetta viðfangsefni,“ segir Sig-
tryggur Magnason um leikrit sitt
Nú er himneska sumarið komið í
leikstjórn Unu Þorleifsdóttur sem
frumsýnt verður í Dillons húsi á Ár-
bæjarsafni annað kvöld kl. 20.
Spurður um val á sýningarstað
sem er fremur óvenjulegur segir
Sigtryggur að safnið hafi hentað
innihaldinu vel. „Árbæjarsafnið er
yndislegur staður þar sem tíminn
stendur í stað, enda er þetta ekki
bara safn um hús heldur líka tím-
ann,“ segir Sigtryggur og bendir á
að það sé raunar ekkert nýtt að leik-
rit hans séu sett upp á óvenjulegum
stöðum. Þannig var leikritið Yfirvof-
andi frumsýnt á Listahátíð í Reykja-
vík 2007 á heimili leikskáldsins og
verkið Trans á kampavínsklúbbnum
Strawberries á Listahátíð sl. vor.
Aðspurður segir Sigtryggur mörg
ár síðan hugmyndin að verkinu
kviknaði. „Það var hins vegar ekki
fyrr en ég kynntist unnustu minni
sem ég fann loks leikkonu sem mér
fannst að gæti miðlað þessu efni,“
segir Sigtryggur og vísar þar til
Svandísar Dóru Einarsdóttur sem
leikur annað tveggja hlutverka leik-
ritsins á móti Hjalta Rögnvaldssyni.
Innblásinn af
persónulegri sögu
Að sögn Sigtryggs fjallar verkið
um unga konu sem orðið hefur fyrir
áföllum í tengslum við ástina. Þann-
ig hafa ástarmál hennar flækst sam-
an við dauðann og sökum þessa er
hún orðin hrædd við lífið og sér enga
aðra lausn en að segja skilið við ást-
ina. Hún leitar ásjár hjá afa sínum,
sem lifir með minningum sínum.
Með aldrinum er hann orðinn
hræddur um að konan sem hann hef-
ur alla tíð elskað og haft samskipti
við yfir mörk lífs og dauða sé ein-
ungis ímyndun hans og að hann
muni ekki hitta hana aftur þegar
hann deyr. Saman hjálpa þau hvort
öðru að komast í samband við lífið
aftur.
Að sögn Sigtryggs leitaði hann
innblásturs í ástarsögu langafa og
langömmu sinnar, þó að verkið ger-
ist í nútímanum. „Langamma mín
lést úr berklum aðeins 28 ára gömul
árið 1933. Hún skildi eftir sig eig-
inmann og tvo syni. Í eiginhandarriti
frá því um 1970 lýsir langafi minn
því að skömmu eftir andlát lang-
ömmu hafi hann setið við borð með
blað og blýant þegar hönd hans hafi
allt í einu byrjað að hreyfast og
skrifa. Fyrstu orðin voru titill verks-
ins, þ.e. „Nú er himneska sumarið
komið“ og undir var ritað nafn lang-
ömmu. Hann hélt sambandi við hana
alla ævi með ósjálfráðri skrift, eins
og spíritistar gerðu gjarnan. Þetta
var eins og ástarsambandið sem
ímynda hefði mátt sér að hefði
þróast ef Rómeó hefði ekki dáið,“
segir Sigtryggur og bendir á að
hann hafi alist upp við sögurnar af
þessu eldheita ástarsambandi sem
náði út yfir gröf og dauða.
„Ég er alinn upp hjá afa mínum og
ömmu á bænum þar sem þetta gerð-
ist í Suður-Þingeyjarsýslu,“ segir
Sigtryggur sem var aðeins þriggja
ára þegar langafi hans lést. „Þannig
að þessi saga stendur mér nærri.“
Leikstjóri uppfærslunnar er Una
Þorleifsdóttir, en þau Sigtryggur
kynntust þegar hún leikstýrði eftir
hann Bráðum hata ég þig á vegum
Nemendaleikhússins árið 2010. „Við
náðum mjög vel saman, enda ríkir
mikið traust á milli okkar. Una er
mjög skarpur greinandi og góður
dramatúrg, auk þess sem hún hefur
mikið hugrekki til að fylgja eigin
innsæi. Hún hefur góða tilfinningu
fyrir leikritum. Það er því hrein un-
un að vinna með henni.“
Þess má að lokum geta að aðeins
eru fyrirhugaðar sex sýningar á
næstu níu dögum, en sýningarnar
verða 14., 17., 19., 20. og 21. apríl kl.
20. Tekið er við miðapöntunum á
netfanginu: himneska@gmail.com,
en sætaframboð er takmarkað þar
sem aðeins komast tæplega 30 gestir
fyrir í Dillons húsi á hverri sýningu.
Sýningin er um 90 mínútur að lengd
og leikin án hlés. Allar nánari upp-
lýsingar má finna á Facebook-síðu
um uppsetninguna.
Þegar ástin nær
út yfir gröf og dauða
 Sigtryggur Magnason frumsýnir á Árbæjarsafninu
Ljósmynd/Baldur Kristjánsson
Ást Svandís Dóra Einarsdóttir og Hjalti Rögnvaldsson í hlutverkum sínum.
Langtímaleiga
www.avis.is
52.100 kr. á mánuði og allt
innifalið nema bensín!*
Hafðu endilega samband við okkur í síma 591 4000 eða
kíktu á avis.is og sjáðu hvað við getum gert fyrir þig.
*Hyundai l10, árgerð 2011, í 36 mánaða leigu.
Komdu í langtímaleigu Avisog láttu dæmið ganga upp!
… Heilsurækt fyrir konur
Þarabakki 3 ~ 109 Reykjavík ~ sími 566 6161 ~ curves.is
Oddný Sigríður Nicolaidóttir – 82 ára
Ég byrjaði að æfa í Curves vorið 2009. Æfingarnar
henta mér afar vel. Ég mæti 4x í viku og held þannig
líkamanum í góðu formi þrátt fyrir gigt og fleira sem
fylgir mínum aldri. Eftir skurðaðgerð nýlega fór ég í
6 vikna geislameðferð og meðan á meðferðinni stóð
stundaði ég líkamsræktina 4x í viku. Félagsska-
purinn, stuðningurinn og ekki síst það frábæra starfs-
fólk sem Curves hefur upp á að bjóða er ómetanlegt.
Þarna hef ég eignast góðar vinkonur og sleppi helst
aldrei úr tíma. Stærsti kosturinn er að ég get mætt
þegar mér hentar.
Æfingin hjá okkur
tekur aðeins
30 mínútur
Hringdu og fáðu frían prufutíma
Bjóðum einnigupp á trimform
Inga Hildur Yngvadóttir - 48 ára snyrti- og
fótaaðgerðafræðingur.
Ég er búin að vera í Curves í 7 ár og líkar mjög vel ég
mæti alltaf 3 í viku. Mér finnst gott að ráða hvenær ég
kem og hversu oft . Mér finnst mikill kostur að þurfa
ekki að stilla tækin og að ég sé að taka á öllum helstu
vöðvahópum. Mér líður mjög vel á eftir og ekki er
verra að halda kílóunum í skefjum og vera styrkari og
liprari. Frábær stöð sem er bara fyrir konur og þarna er
skemmtilegt starfsfólk og mjög góður andi.