Morgunblaðið - 12.04.2013, Page 60
FÖSTUDAGUR 12. APRÍL 102. DAGUR ÁRSINS 2013
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 399 ÁSKRIFT 4390 HELGARÁSKRIFT 2750 PDF Á MBL.IS 4190 I-PAD ÁSKRIFT 4190
1. Fann veski með 10 milljónum
2. Kristrún Ösp pantaði flugmiða…
3. Lifði eins og útilegumaður í 27 ár
4. Kona fannst látin í íbúð
»MEST LESIÐ Á mbl.is
FÓLK Í FRÉTTUM
Leikkonan Andrea Ösp Karlsdóttir
starfar með brúðuleikhúshópnum
Wakka Wakka Productions í New York
og fjallar nýjasta verk hópsins, SAGA,
um mann sem upplifir efnahags-
hrunið á Íslandi. Verkið hefur fengið
þónokkra umfjöllun í New York, m.a. í
New York Times og The Village Voice.
Í verkinu koma m.a. við sögu íslensk-
ar lopapeysur og hestar, íslensk
kímni og Eyjafjallajökull.
Ljósmynd/John Stenersen
Brúðuverk um efna-
hagshrunið á Íslandi
Mynd- og tón-
listarmaðurinn
Curver Thorodd-
sen opnar sýn-
inguna The Fine
and Delicate Art
of Archival Pro-
cessing í Gallerí
Dvergi í kvöld kl.
20 og er hún hluti
af Sequences-listahátíðinni. Á sýn-
ingunni verður verk sem Curver vann
úr hljóðupptökum af öllum klósett-
ferðum sínum í febrúar árið 2009,
eins og hann lýsir því í tilkynningu.
Hljóðupptökur af kló-
settferðum Curvers
Verk eftir dans-
arann og danshöf-
undinn Margréti
Söru Guðjóns-
dóttur, S(trage-
dies), verður flutt
í kvöld á hátíðinni
Opera Showroom
2013 í óperuhús-
inu Folkoperan í Stokkhólmi. Verkið
flytja dansarinn Laura Siegmund,
finnski öskurkórinn Huutajat og
hljómsveit óperuhússins en Margrét
stýrir uppfærslunni.
Margrét stýrir
finnskum öskurkór
Á laugardag Austan og norðaustan 8-15 m/s. Snjókoma eða
slydda sunnantil og síðar rigning með suðurströndinni. Dálítil él
um landið norðanvert. Frost víða 0-5 stig, en hlánar syðst.
SPÁ KL. 12.00 Í DAG Norðan 8-13 m/s og él norðantil. Léttskýjað
að mestu sunnanlands, þó stöku él allra syðst. Austan 10-15 syðst
í kvöld og snjókoma. Frost 1-12 stig, mildast með suðurströndinni.
VEÐUR
Undir stjórn Elsu Sænýjar
Valgeirsdóttur fagnar nú
karlalið HK þeim áfanga að
vera handhafi allra bik-
aranna í blaki. Skammt er
síðan liðið varð bikar-
meistari, þá varð það
deildarmeistari fyrir
páska og nú hefur það
unnið Íslandsbikar-
inn eftir sigur á KA
í oddaleik í
Fagralundi í gær-
kvöld. »3
HK-ingar óstöðv-
andi hjá Elsu
Ásbjörn Friðriksson hefur fengið sig
lausan undan samningi við sænska
handknattleiksfélagið Alingsås og er
búinn að semja við FH-inga til næstu
þriggja ára. Ásbjörn kom til FH
að láni frá sænska lið-
inu í vetur og hefur
verið í stóru hlut-
verki. Þá hefur
Hafnarfjarðarfélagið
gert nýjan samning
við þjálfara
sinn, Einar
Andra Ein-
arsson. »1
Ásbjörn laus frá Svíþjóð
og samdi við FH-inga
Grindvíkingar leika til úrslita um Ís-
landsmeistaratitil karla í körfuknatt-
leik annað árið í röð eftir að hafa
sigrað KR-inga í fjórða leik liðanna í
Vesturbænum í gærkvöld. Þeir mæta
því annaðhvort Stjörnunni eða Snæ-
felli í úrslitaeinvíginu en fjórða við-
ureign þeirra fer fram í Garðabænum
í kvöld og þar er Stjarnan með for-
ystu, 2:1. »2
Grindvíkingar komnir í
úrslit annað árið í röð
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Steinþór Guðbjartsson
steinthor@mbl.is
„Næsta skref er að ráða fyrirliða
og setja svo saman landslið fyrir
næstu ár,“ segir matreiðslumeist-
arinn Hákon Már Örvarsson sem
hefur verið ráðinn faglegur fram-
kvæmdastjóri kokkalandsliðsins.
Íslenskir matreiðslumenn hafa
staðið sig vel í alþjóðlegri keppni
undanfarin ár. Hákon Már hefur
mikla reynslu á því sviði og hefur
oft unnið til verðlauna frá því hann
útskrifaðist og var útnefndur nemi
ársins 1994. Undanfarin ár hefur
hann verið í fararbroddi við að
kynna íslenska matarmenningu
erlendis, meðal annars í tengslum
við verkefnið Iceland Naturally,
auk þess sem hann hefur séð um
veitingahlutann í veiðihúsinu við
Miðfjarðará undanfarin sumur.
„Ég hef verið með veiðibakteríu
síðan ég veiddi minn fyrsta lax á
bökkum Laxár í Aðaldal, þegar ég
var að kokka í húsinu þar 1997,“
segir hann.
Þeir bestu á hverju sviði
Í alþjóðlegri matreiðslukeppni
er matargerðinni skipt í keppni í
heitum og köldum mat. Sex manna
lið tekur þátt í keppni í heitum
mat en fjölmennari hópur í köld-
um. Byggt er á sama kjarna og
segir Hákon Már stefnuna að hafa
að minnsta kosti 10 manna hóp
tilbúinn í byrjun maí. Hann líkir
valinu við að velja fótboltalið. „Það
þýðir ekki að velja fjóra sentera
og skilja vörnina eftir
auða,“ segir hann og
vísar til þess að
hann leiti til fag-
fólks, þeirra
bestu á sínu sviði
í þeirri von að
búa til sem
sterkasta liðs-
heild. Eins sé
mikilvægt að þátttakendur geti
gefið sér tíma í undirbúning og
keppni.
Helstu alþjóðlegu mótin eru
heimsmeistarakeppnin, sem hefur
verið haldin í Lúxemborg fjórða
hvert ár og næst haustið 2014, og
Ólympíumótið, sem einnig er hald-
ið fjórða hvert ár, en í Þýskalandi,
og verður næst 2016. Hákon Már
segir að stefnan hafi verið tekin á
bæði mótin og verið sé að skoða
möguleika á að taka þátt í upphit-
unarmóti erlendis í haust. „Okkur
hefur gengið mjög vel í þessum
mótum og kokkalandsliðið var til
dæmis í 7. sæti á Ólympíumótinu
2008. Það er óhætt að segja að við
höfum náð mjög góðum árangri í
alþjóðlegri keppni.“
Matur er mannsins megin
Hákon Már
stefnir hátt með
kokkalandsliðið
Ljósmynd/Rafn Rafnsson
Stjóri Hákon Már Örvarsson er fjölhæfur matreiðslumaður og þykir gaman að elda úr íslensku hráefni.
Hákon Már Örvarsson var lengi yf-
irkokkur á veitingastaðnum Vox og
starfaði einnig á veitingastað Hót-
els Holts og Michelin-veit-
ingastaðnum Lea Linster í Lúx-
emborg. Hann hefur mikla
reynslu af þátttöku í mat-
reiðslukeppni, hefur oft
keppt fyrir hönd Íslands
og unnið til margra verð-
launa, var til dæmis
matreiðslumaður árs-
ins 1997 og 1998 og fékk brons-
verðlaun í Bocuse d’Or-keppninni í
Frakklandi 2001. „Það er með
meiri verðlaunum sem hægt er að
vinna í þessum heimi,“ segir hann
og bætir við að nú sé hlutverkið að
halda utan um liðið, styðja við
bakið á landsliðsmönnum og hafa
áhrif á hvað landsliðið ætlar að
gera. „Ég legg mína reynslu á vog-
arskálarnar og læt gott af mér
leiða.“
Landsliðið í góðum höndum
HÁKON MÁR ÖRVARSSON FAGLEGUR FRAMKVÆMDASTJÓRI