Morgunblaðið - 23.04.2013, Blaðsíða 26

26 UMRÆÐANKosningar 2013
MORGUNBLAÐIÐ ÞRIÐJUDAGUR 23. APRÍL 2013
Frestur til að skila inn greinum er tengjast alþingiskosningunum rennur út á morgun, miðvikudaginn 24.
apríl. Hámarkslengd greina er 3.000 slög með bilum. Morgunblaðið áskilur sér rétt til að stytta greinar
sem berast eftir þann tíma og vísa í lengri útgáfu á vefnum, www.mbl.is/kosningar
Alþingiskosningar
Stutt er í alþingiskosningar og hafa
aldrei fleiri framboð boðið fram til þings.
Aldrei hefur fylgi kjósenda sveiflast meira
í könnunum. Og sjaldan hafa jafn margir
lofað jafn mörgum: Jafn miklu. Þegar
svona margir góðir kostir bjóða fram
krafta sína er von að menn spyrji: Til
hvers að kjósa Sjálfstæðisflokkinn? Svarið
við þessari spurningu er einfalt; hann er
eini flokkurinn sem er líklegur til að lækka
álögur á fólk og fyrirtæki, eina framboðið
sem er sannfærandi í að efla atvinnulífið
og eini aðilinn sem hefur lagt áherslu á aðhald í
rekstri „hins opinbera“.
Aukum arðbæra fjárfestingu
Fjárfesting er eins og útsæði. Án fjárfestingar
verður uppskeran minni. Án hennar verður lítið um
fjölgun starfa eða sjálfbæran hagvöxt. Fjárfesting
sem skilar útflutningsvörum er Íslandi gríðarmikil-
væg. Síðustu fjögur árin hafa afskriftir í hagkerfinu
verið hærri en fjárfesting. Þetta á við öll árin 2009-
2012. Með öðrum orðum; rýrnun hefur verið meiri en
fjárfesting og þar af leiðandi hefur fjármunamyndun
(útsæði) verið neikvæð. Þetta gerist við aðstæður
sem ættu að vera hagfelldar fyrir fjárfestingar. Ein
ástæða þess að þetta hefur ekki gengið eftir er sú að
skattahækkanir, breytingar og tafir á ákvörðunum
hafa sett farartálma í götu fjárfestinga. Þær hafa því
leitað annað. Þessu þarf að breyta og er enginn
stjórnmálaflokkur líklegri til að snúa þessu til betri
vegar en Sjálfstæðisflokkurinn.
Lækkum álögur á fólk og fyrirtæki
Hækkaðar álögur skila takmörkuðum tekjuauka í
ríkiskassann. Hærri fjármagnstekjuskattur hefur
leitt til lægri arðgreiðslna. Orkuskattur hefur fælt
burt nýfjárfestingar. Hækkun tekjuskatts dregur úr
hvata hjá launþegum. Auðlegðarskattur hefur leitt til
útlegðar. Neysluskattar hækka skuldir fólks. Háir
fyrirtækjaskattar (svo sem tryggingagjald)
valda atvinnuleysi. Skattar og gjöld eru
byrðar sem mega ekki sliga klárinn svo
hann haldi ekki áfram sinni för. Verkefni
hafa stöðvast vegna skatta á síðustu árum.
Fólk hefur farið til annarra landa vegna
minnkandi kaupmáttar. Gripið hefur verið
til sértækra aðgerða svo sem fyrir kvik-
myndagerð með endurgreiðslum og vegna
viðhaldsverka undir heitinu “Allir vinna“
sem og annarra ívilnana. Þó þessar aðgerð-
ir hafi einmitt sannað að lækkun skatta
eykur umsvif, störf og ríkistekjur eru þær
ekki besta lausnin. Réttast og sanngjarnast
er að hafa lágar álögur fyrir sem flesta. Enginn
flokkur boðar lækkun skatta eða leggur höfuðáherslu
á að lækka álögur nema Sjálfstæðisflokkurinn. At-
kvæði greitt D-listanum er vísasta leiðin til að snúið
verði af braut ofsköttunar.
Spörum í rekstri hins opinbera
Í allri umræðu framboðanna fer meira fyrir lof-
orðum um útgjöld og þátttöku ríkisins í lækkun
skulda einkaaðila. Minna fer fyrir umræðu um að
fara vel með skattfé. Sjálfstæðisflokkurinn hefur
engu að síður talað fyrir því að hemja vöxt ríkisins.
Dæmi um hagræðingu í rekstri er hjá Sveitarfélaginu
Árborg þar sem Sjálfstæðisflokkurinn er með meiri-
hluta bæjarfulltrúa, en þar var stjórnunarstöðum
fækkað um 50% og sameiginlegur kostnaður orðinn
einn sá allra lægsti á landinu. Gott samstarf og stór-
aukið samráð hefur verið með öllum bæjarfulltrúum
allra flokka í bæjarstjórn. Þar hefur sannast að unnt
er að spara, lækka skatta og skuldir og skila samt af-
gangi. Ánægja með þjónustu sveitarfélagsins hefur
engu að síður hækkað samkvæmt mælingum Gallup á
sama tíma. – Þetta er eitt allra mikilvægasta verk-
efnið. – Þetta er það sem þarf að gera í ríkisrekstr-
inum. – Engum flokki treysti ég betur til þess en
Sjálfstæðisflokknum.
Þess vegna kjósum
við Sjálfstæðisflokkinn
Eftir Eyþór Arnalds
Eyþór Arnalds
Höfundur er formaður bæjarráðs Sveitarfélagsins Árborgar.
Samkvæmt skoð-
anakönnun sem birt var
á Stöð 2 fyrir nokkrum
dögum mátti ráða að
Ögmundur Jónasson,
innanríkisráðherra,
væri fallinn af þingi.
Hann skipar fyrsta sæt-
ið hjá VG í Suðvest-
urkjördæmi sem er
Kópavogur, Hafn-
arfjörður, Garðabær, Álftanes og
Seltjarnarnes.
Ögmundur hefur staðið sig vel
sem innanríkisráðherra og sem
þingmaður í langan tíma. Og langar
mig til að beina þeirri spurningu til
kjósenda í ofangreindum bæjar-
félögum í Suðvesturkjördæmi hvort
þeir ætli að láta það gerast að hann
verði felldur í komandi kosningum.
Ég beini þessari spurningu til allra,
alveg sama í hvaða flokki þeir eru.
Það hreinlega má ekki gerast að
rödd Ögmundar Jónassonar verði
þögguð.
Það sem einkennir hann er að
vera sjálfum sér samkvæmur. Það
þekki ég af okkar samferð í BSRB
og af því sem ég hef séð til hans í
stjórnmálum.
Þegar hann talar um að jafna
kjörin þá byrjar hann á sjálfum sér.
Menn mæra þá sem börðust hart í
IceSave í Framsóknarflokki og
Sjálfstæðisflokki. En
hefðu Sigmundur Davíð og
Bjarni Ben. sagt af sér
ráðherraembætti vegna
þessa málstaðar? Það
gerði Ögmundur.
Hver er líklegastur til
að beita sér til varnar ís-
lenskum hagsmunum þeg-
ar kínverskir auðjöfrar
eða þess vegna annarra
þjóða auðjöfrar eða þá
auðjöfrar yfirleitt vilja
kaupa upp Ísland? Að
sjálfsögðu Ögmundur Jónasson.
Hver er líklegastur til að gæta
þeirra sem minnst mega sín? Sami
maður. Það þekki ég af eigin raun
þegar ég hef verið að afla stuðnings
til góðra málefna. Ögmundur er mik-
ill vinnuþjarkur og hugsjónamaður,
það þekki ég og veit líka að hann
þiggur ekki ráðherralaun heldur
þingfararkaup. Með því vill hann
standa nær því fólki sem hann hefur
ávallt verið í liði með og barist fyrir,
almennu launafólki, öryrkjum, eldri
borgurum og þeim sem minna mega
sín.
Þess vegna segi ég. Látum það
ekki gerast að Ögmundur Jónasson
verði felldur út af þingi í kosning-
unum laugardaginn 27. apríl. Ég
beini þessum orðum til fólks úr
öllum flokkum.
Látum ekki Ögmund
falla af þingi
Eftir André
Bachmann
André Bachmann
Höfundur er tónlistarmaður, vagn-
stjóri og stuðningsfulltrúi.
Margir eru þeirrar
skoðunar að þá hafi Al-
þingi lagst lægst þegar
naumur meirihluti þing-
manna samþykkti að
kæra Geir H. Haarde
fyrrverandi forsætis-
ráðherra fyrir lands-
dómi. Með þessari kæru
var sleginn nýr tónn í
samskiptum þingmanna
þegar reynt var að
klekkja á pólitískum andstæðingi
með málaferlum. Öllum er kunnugt
hver var niðurstaða þessara rætnu
málaferla; Geir sýknaður af öllu
sem máli skipti en áminntur af
meirihluta dómsins fyrir að hafa
ekki haldið nógu marga ráðherra-
fundi!
Þeir þingmenn sem stóðu að
þessari sneypuför komu úr Sam-
fylkingunni, Vinstri grænum,
Hreyfingunni og Framsókn-
arflokknum. Tveir þessara
framsóknarmanna áttu
sæti í nefndinni sem lagði
til ákæruna. Á flokksþingi
framsóknarmanna nýlega
voru þessir þingmenn,
Sigurður Ingi Jóhann-
esson og Eygló Harð-
ardóttir, kosin í tvær af
þremur æðstu stöðum
flokksins.
Þeir sem þekkja Geir H.
Haarde vita að hann er
gegnheill drengskap-
armaður. Ákæran á hend-
ur honum var óþverrabragð og öll-
um til ævarandi skammar sem að
henni stóðu. Ekki má svo gleyma
því að Geir mátti eyða tveimur ár-
um í að verjast þessari aðför með
ómældum kostnaði.
Ég hvet fólk til að hafna þeim
flokkum sem að þessari lúalegu
ákæru stóðu í komandi kosningum.
Höfnum lands-
dómsflokkunum
Eftir Guðjón
Guðmundsson
Guðjón
Guðmundsson
Höfundur er fyrrverandi alþing-
ismaður.
Aukning gagnsæis
ríkisins er vinsælt mál-
efni nú til dags og fagna
Píratar því, enda eitt af
helstu stefnumálum
okkar. Það þykir nefni-
lega frekar borðliggj-
andi að borgarar lands-
ins hafi rétt á að vita
hvernig yfirvöld vinni og
fari með gögn, hvernig
fjármagn sé nýtt og
hvernig verkferlar stjórnsýslunni
séu almennt.
Nú hefur ríkið um árabil bæði
keypt og þróað sérsniðinn hugbúnað
til þess að sinna ýmsum verkefnum,
svo sem skattheimtu, tolleftirliti og
fleiru. Engin krafa hefur hinsvegar
verið uppi um að sá hug-
búnaður sé opinn og gagn-
sær.
Gagnsæi þýðir ekki bara
að birta gögn heldur einnig
að gefa almenningi tæki-
færi til að rýna verkferla
og útfærslu reglugerða.
Þar sem hugbúnaður sér
um gagnavinnslu ríkisins í
sífellt meiri mæli, kallar
það óhjákvæmilega á
stefnu sem miðar að því að
sérsniðinn hugbúnaður
ríkisins verði opinn og
gagnsær rétt eins og reglugerðirnar
sem hann er skrifaður til að innleiða.
Áður en lengra er haldið er best að
útskýra fyrirbærið „kóði“. Kóði er
einskonar uppskrift sem tilgreinir
hvernig hugbúnaður virkar. Það er
þessi kóði sem forritarar skrifa þeg-
Gagnsæi og
opinn hugbúnaður
Eftir Helga Hrafn
Gunnarsson
Helgi Hrafn
Gunnarsson
Aukablað um bíla fylgir
Morgunblaðinu alla þriðjudaga
Aðeins þrjú verð:
690 kr.390 kr.290 kr.