Morgunblaðið - 26.08.2013, Blaðsíða 10
10 DAGLEGT LÍF
MORGUNBLAÐIÐ MÁNUDAGUR 26. ÁGÚST 2013
falleg minning á fingur
www.jonogoskar.is Sími 5524910 / Laugavegi 61 / Kringlan / Smáralind
PI
PA
R\
TB
W
A
•
SÍ
A
•
12
16
6
6
Giftingarhringar
Signý Gunnarsdóttir
signy@mbl.is
Þ
ær Lilja Hermannsdóttir
og Hilde Hundstuen
hafa nýlokið rúmlega
400 kílómetra langri
hjólaferð yfir hálendi
Íslands. Þær hófu ferð sína frá
Hrauneyjum að kvöldi til og hjóluðu
fyrsta legginn í svarta myrkri. „Ég
hafði aldrei hjólað svona yfir nótt
áður en það var alveg rosalega gam-
an. Maður sér ekkert nema veginn,
horfir í geislann og hjólar,“ segir
Lilja.
Þær hjóluðu yfir í Nýjadal og
fengu þar inni yfir nótt. Næsta dag
hjóluðu þær Dyngjufjallaleið yfir í
Dreka og síðasta daginn að Kára-
hnjúkum og þaðan fóru þær á Eg-
ilsstaði. En hvernig dettur tveimur
konum í hug að fara út í svona leið-
angur. „Okkur finnst kannski ekki
skipta svo miklu máli að við séum
stelpur. Miklu frekar að við gerum
þetta á gamla og erfiða mátann og
nýtum okkur ekki trússbíl og öll
hugsanleg þægindi sem oftast eru í
svona ferðum. Þetta var í rauninni
persónuleg áskorun að fara bara
tvær og redda okkur. Þetta var
rosalega erfitt en líka alveg rosa-
lega gaman,“ segir Hilde.
Vilja fá fleiri stelpur í sportið
Þegar þær eru inntar eftir því
hvað hafi heillað þær mest á þessari
leið segja þær að hraunbreiðan á
milli Nýjadals og Dreka hafi verið
áhrifaríkust. „Það er algjörlega æv-
intýralegt að keyra þar yfir,“ segir
Lilja. „Maður er svo nátengdur
náttúrunni þegar maður hjólar og
kynnist landinu sínu svo vel,“ bætir
Hilde við. Þó að þær vilji ekki gera
mikið úr því að þær hafi farið tvær
konur saman viðurkenna þær að
ferð þeirra og framkvæmd geti ver-
ið mikil hvatning fyrir aðrar konur
sem deila áhugamáli þeirra. „Við
viljum auðvitað alltaf fá fleiri stelp-
ur í þetta sport. Fyrst þegar við
sögðum frá því sem við ætluðum að
Hjóluðu yfir há-
lendið án aðstoðar
Vinkonurnar Lilja Hermannsdóttir og Hilde Hundstuen kynntust í gegnum mót-
orhjólasportið fyrir þónokkru síðan. Hugmyndin að fara yfir hálendi Íslands á
Enduro-hjólum kviknaði hjá þeim í hversdagslegu spjalli. Tveimur dögum seinna
voru þær komnar með styrktaraðila og lagðar af stað.
Krefjandi Hilde og Lilja hófu ferð sína frá Hrauneyjum að kvöldi til.
Leiðin sem Hilde og Lilja hjóluðu
Egilsstaðir
Hrauneyjar
400
km
Undur náttúrunnar eru mörg hver
stórkostleg og margir meðvitaðir
um þann kraft og þá fegurð sem í
henni leynist. Hvort sem viðkom-
andi þekkir ekki fegurð náttúrunn-
ar eða hefur einstaklega gaman af
henni, þá mun öllum finnast
heimasíða National Geographic,
nationalgeographic.com, góð
skemmtun.
Þar er ekki einungis hægt að
lesa fræðandi greinar og dást að
fallegum ljósmyndum heldur er þar
ógrynni af frábærum myndböndum.
Fjallað er um náttúruna í heild
sinni hvort sem um spendýr,
plöntur, himingeiminn eða fellibylji
er að ræða. Vefsíðan er aðeins brot
af The National Geographic Soc-
iety en til þess telst meðal annars
sjónvarpsrás og tímarit. Þeir sem
virkir eru á fésbókinni geta einnig
fylgst með gangi mála þar.
Vefsíðan www.nationalgeographic.com
AFP
Fræðandi Finna má ýmislegt fróðlegt um alls konar dýr svo eitthvað sé nefnt.
Fræðandi ferðalag um náttúru
Skannaðu kóðann
til að fara inn á
vefsíðuna.
Áhverjum tíma kljást fjölmarg-ir Íslendingar við langvarandiog erfið veikindi. Misjöfn
veikindi í eðli og afleiðingum sem þó
öll hafa áhrif á líf og lífsgæði. Að baki
hverjum sjúklingi stendur fjölskylda,
maki og vinir sem allir upplifa að ein-
hverju marki áhrif veikindanna,
óvissuna og afleiðingarnar. Bakland
fólks er auðvitað misjafnt að stærð og
gæðum en það er ljóst að stuðningur
getur skipt sjúklinga sköpum og jafn-
vel svo að stór munur er á bata og
heilsu þeirra sem fá góðan stuðning
og þeirra sem búa við meiri einangr-
un eða takmarkaðri stuðning sinna
nánustu. Sjúklingar berjast nefnilega
ekki fyrir heilsu sinni í einangrun og
þeir eru ekki heldur þeir einu sem
þjást. Maki sjúklings er mikilvægur
hluti stuðningsnets sjúklingsins, en
það gleymist þó oft að makinn þarf
ekki bara að sinna sjálfum sér til þess
að geta sinnt stuðningshlutverki sínu
við sjúklinginn heldur einnig til að
geta sjálfur tekist á við það álag og
þær breytingar sem alvarlegum veik-
indum fylgja. Fyrir eigin heilsu og
fyrir eigin líf.
Margar rannsóknir sýna að óháð
eðli sjúkdómanna hafa makarnir það
oft jafnvel verra andlega en sjúkling-
arnir sjálfir. Þeir þurfa að taka að sér
aukna ábyrgð og ný hlutverk á heim-
ili, stunda og standa sig í vinnu eftir
sem áður, sinna börnum og nú jafnvel
sjúklingnum sjálfum ásamt því að
reyna að halda venjubundnu lífi eins
mikið gangandi og mögulegt er. Allt í
skugga áfalls, sem það sannarlega er
þegar maki manns, nánasti vinur og
helsti stuðningsaðili veikist. Þó að
makinn standi sterkur í bylnum og
láti ekki endilega mikið á bera, þá
mæðir á honum. Spurningarnar, efa-
semdirnar, óttinn og tilfinningarnar
sem bærast um eru erfiðar og mjög
margir makar eru kvíðnir og finna til
þunglyndis einmanaleika og vonleys-
is. Það er auðvitað eðlilegt að bregð-
ast við í svona óeðlilegum aðstæðum
en til lengri tíma getur streita og erf-
iðar tilfinningar haft áhrif á getu fólks
til að takast á við líf sitt og verkefni.
Líka það verkefni að eiga veikan
maka. Það er algert grundvallaratriði
að muna að þegar einn aðili hjóna-
bands eða sambands veikist þá þurfa
báðir aðilar stuðning. Ef þú átt veikan
maka og kannast við þessar erfiðu til-
finningar eða erfiðleikana við að ná
áttum í breyttum aðstæðum og lífs-
gæðum, íhugaðu þá að sækja aðstoð
sálfræðings. Það er hægt að fá hjálp
og það er styrkleiki að sækja hana og
taka þar með afstöðu um að taka
stjórn og bæta líðan sína og lífsgæði.
Veikindi maka
Heilsupistill
Mjöll Jónsdóttir
sálfræðingur
Morgunblaðið/Kristinn
Veikindi Mökum sjúklinga líður oft verr andlega en þeim veiku.
Heilsustöðin sálfræði- og ráðgjaf-
arþjónusta, Skeifunni 11a, 108
Reykjavík www.heilsustodin.is