Akureyri - 25.04.2013, Blaðsíða 4

4 25. apríl 2013
Steinsmiðja Akureyrar • Glerárgötu 36 • S: 466 2800 • sala@minnismerki.is • www.minnismerki.is
Opnunartímar: Mán. - fim. kl. 13:00-18:00, föst. kl. 13:00-17:00
Frábært úrval af minnismerkjum!
Fagmennska • Gæði • Gott verð • 25 ára reynsla
SKILORÐ FYR-
IR MANNDRÁP
AF GÁLEYSI
Héraðsdómur Norðurlands eystra
hefur dæmt ungan mann í átta
mánaða fangelsi skilorðbundið eft-
ir að hann varð ungri stúlku á Siglu-
firði að bana með gáleysislegum
akstri og slasaði aðrar tvær, þar af
aðra mjög alvarlega. Maðurinn var
sviptur ökurétti í tvö ár og dæmdur
til að greiða milljónir í bætur til for-
eldra stúlknanna sem eru ólögráða.
Ákæra hljóðaði m.a. upp
á manndráp af gáleysi, en 16.
október 2011 ók maðurinn bifreið
suður Snorragötu og Langeyrar-
veg á Siglufirði án nægilegrar að-
gæslu og tók fram úr skólabifreið
sem stöðvað hafði á Langeyrar-
vegi til að hleypa skólabörnum.
Afleiðing þess varð að hann ók á
þrjár stúlkur, sem voru að ganga
yfir götuna fyrir aftan skólabif-
reiðina. Ökumaðurinn, sem er
tvítugur, sagði að í hans huga væri
meginskýringin á umræddu slysi
óhappatilviljun.
Umræða um Byggðastofnun oft neikvæð
Segir stjórnarformaður Byggðastofnunar. Fagnar útspili formanns Samfylkingar um byggðamál, enda mikilvægt að setja
byggðamál á dagskrá
„Opinber umræða um lánastarfsemi
Byggðastofnunar er oft afar neikvæð
og hefur einkum snúist um gjald-
þrot stórra viðskiptavina, deilur
um sölu fullnustueigna og meinta
hagsmunaárekstra stjórnarmanna.
Þessi umræða veitir stofnuninni
mikilvægt aðhald og ég fagna því
að skattgreiðendur séu upplýstir
um slík mál. Það er hins vegar líka
mikilvægt að átta sig á jákvæðum
áhrifum þeirra opinberu fjármuna
sem lagðir eru til stofnunarinnar,“
segir Þóroddur Bjarnason, stjórnar-
formaður Byggðastofnunar.
Formaður Samfylkingarinnar,
Árni Páll Árnason, hefur í samtali
við Akureyri vikublað bent á að
pattstaða ríki hjá Byggðastofnun
og að það kunni að vera rétt að
skipta henni upp sem sjálfstæðri
stjórnsýslueiningu. Hann gagnrýnir
núverandi starfsemi Byggðastofn-
unar, telur hana ekki nógu sterka
til að sinna því sem sinna þurfi þar
sem stofnunina skorti að mestu út-
lánaheimildir. „Það má færa fyrir
því sterk rök að lán á hagstæðum
kjörum gegn veðum í fasteignum
og atvinnutækjum sé skynsamlegri,
sanngjarnari og ódýrari leið en beinir
styrkir til eflingar atvinnulífs. Það er
hins vegar útbreiddur misskilning-
ur að stofnunin sinni ekki hlutverki
sínu. Lán Byggðastofnunar til lítilla
og meðalstórra fyrirtækja um allt
land hafa gegnt lykilhlutverki í starf-
semi þeirra, sérstaklega á þeim fjöl-
mörgu svæðum sem njóta lítillar eða
engrar fyrirgreiðslu í bankakerfinu.
Slík lánastarfsemi krefst stuðnings
ríkisins, en sá stuðningur skilar sér
margfalt til baka í öflugra atvinnulífi
og skattgreiðslum fyrirtækja, starfs-
manna þeirra og afleiddrar starfsemi
um land allt,“ segir Þóroddur.
LÁN Á VARNARSVÆÐUM
ÁHÆTTUSÖM Í EÐLI
Hann segir mikilvægt að átta sig
á að lánastarfsemi á varnarsvæð-
um landsins sé í eðli sínu áhættu-
söm og vaxtagreiðslur fyrirtækja í
viðunandi rekstri geti ekki fyllilega
staðið undir útlánatapi vegna áfalla
annarra fyrirtækja. „Byggðastofn-
un getur ekki í senn lánað til þeirra
svæða sem verst eru stödd, boðið
hagstæða vexti til brothættra fyr-
irtækja og jafnframt varðveitt eigið
fé að fullu eins og áskilið er í lögum.“
Forsvarsmenn ríkisstofnana beri
ábyrgð á því að halda sig innan
ramma fjárlaga og því sé ekki skyn-
samlegt að skilgreina nauðsynlegan
stuðning við lánastarfsemi á veikum
svæðum sem rekstrartap stofnunar-
innar. Það sé óeðlilegt að forstjóri
og stjórnarformaður stofnunarinn-
ar þurfi reglulega að sækja slíkan
stuðning til stjórnvalda eftir að eigið
fé er gengið til þurrðar. „Miklu eðli-
legra væri að ríkið leggði stofnuninni
til fasta upphæð á hverju ári til að
mæta óhjákvæmilegum afföllum af
eigin fé og skilgreindu þannig fyrir-
fram þann stuðning sem ríkið væri
tilbúið veita þessari starfsemi. „
Önnur leið sem stundum hefur
verið rædd er að Byggðastofnun veiti
í auknum mæli ábyrgðir á lánum
almennra bankastofnana á starf-
svæði stofnunarinnar. Um það segir
Þóroddur: „Eflaust má velta fyrir
sér kostum og göllum þess að opin-
ber fjárfestingasjóður sinni landinu
öllu en augljóslega felst í því mikil
hætta á því að arðbærari verkefni
á höfuðborgarsvæðinu taki til sín
meginþorra fjárveitinga.“ a
Pólitískar deilur vegna íþróttablaðs
Kosningatitringur í hámarki eftir að Sjálfstæðisflokkurinn birti einn mynd í íþróttablaði –
ábyrgðarmaður segir málið misskilning
„Mér finnst þetta fyrst og fremst dapurlegt og aug-
ljóslega áfall fyrir UFA, þeir gefa út mjög flott
blað og í ungmennafélagsanda en svo birtist þessi
mismunun grímulaus, það er ekki hægt að skýra
þetta með misskilningi,“ segir Edward Huijbens
3. maður á lista VG fyrir þingkosningarnar í NA-
kjördæmi.
Mikill titringur er í framboðunum og sérhver
dálkmillimetri af útgefnu efni þaullesinn og gagn-
rýndur nú fyrir þingkosningarnar á laugardag.
Edward er í hópi þeirra sem gera athugasemdir
við að UFA, Ungmennafélag Akureyrar, hafi boðið
framboðum að kynna sig í nýjasta tölublaði fé-
lagsins en Sjálfstæðisflokkurinn hafi einn feng-
ið birta mynd af frambjóðendum. Sjálfur segir
Gunnar Gíslason, ábyrgðarmaður útgáfunnar, að
um misskilning sé að ræða.
GÆTUM FYLLSTA HLUTLEYSIS
Kynningin var framboðum að kostnaðarlausu
og Gunnar segir að Ungmennafélag Akureyrar
hafi fyrir margar undanfarnar kosningar gefið
út kosningablað á Akureyri. „Þetta hefur verið
liður í fjáröflun félagsins til að geta rekið starf-
semi þess. Ávallt hefur verið lögð áhersla á það
að gæta fyllsta hlutleysis. Þetta sjónarmið var að
sjálfsögðu haft að leiðarljósi nú sem fyrr.“
Um það að aðeins hafi birst mynd af sjálfstæð-
ismönnum í blaðinu segir Gunnar að hvergi hafi
komið fram í kynningartexta til framboðanna
að ekki mætti nota mynd „Það er að sjálfsögðu
afar leitt þegar umræða sem þessi fer á kreik og
það skiptir UFA mjög miklu máli að jafnræðis sé
gætt við gerð blaðs sem þessa. Það má draga þann
lærdóm af þessari uppákomu að annaðhvort eigi
að skilgreina mun betur hvernig framsetningin
skal vera, eða þá hitt að skerpa mun betur á því
að framboðin ráði því alfarið sjálf hvernig þau
nýta það pláss sem þau fá úthlutað í blaði sem
þessu,“ segir Gunnar.
Edward segist ekki sjá annað en að meðvitað
hafi verið dreginn taumur eins framboðs með
þeirri lokaframsetningu á blaðinu að aðeins
Sjálfstæðisflokkurinn hafi fengið birta mynd
af efstu frambjóðendum í UFA-blaðinu. VG
hafi aldrei staðið til boða að senda myndir og
hafi verið einhver misskilningur áferðinni hefði
átt að sjást á lokavinnslustigi að eitthvað væri
óeðlilegt við að aðeins eitt framboð fengi að
birta mynd.
SAMFYLKING VILL
AFSÖKUNARBEIÐNI
„Öll framboð fengu nákvæma útlistun á því hvern-
ig kynningu framboða skyldi háttað í blaði UFA.
Við fórum eftir þeim fyrirmælum, þar sem ein-
göngu var talað um að framboðin gætu sent inn
skrifaðan texta. Þetta gerðu að mér sýnist öll
framboð í góðri trú og héldu að eitt myndi yfir alla
ganga, en svo var greinilega ekki,“ segir Sveinn
Arnarson, kosningastjóri Samfylkingarinnar í
NA-kjördæmi.
„Það sem er hvað leiðinlegast við þetta mál er
að Ungmennafélag Akureyrar, sem er helst í barna-
og unglingastarfi, og ópólitískt með öllu, skuli vera
dregið á þennan hátt inn í argaþras pólitíkurinnar.
Það er leiðinlegt þegar menn njóta ekki jafnræðis,
ungmennafélögin hafa verið boðberar jafnræðis,
sangirnis og heiðarlegrar keppni, og þegar þetta er
skemmt í nafni ungmennafélagsins hlýtur pottur
að vera brotinn einhvers staðar. Menn ættu að sjá
sóma sinn í að verja heiður Ungmennafélagsins
með skýrari hætti en þessum. Stjórn Ungmenna-
félagsins hlýtur auðvitað að biðjast afsökunar
á því að hafa gefið einum flokki forskot á aðra,“
segir Sveinn. a
ÁRNI PÁLL ÁRNASON. ÞÓRODDUR BJARNASON