Morgunblaðið - 04.11.2013, Qupperneq 4

4 FRÉTTIRInnlent
MORGUNBLAÐIÐ MÁNUDAGUR 4. NÓVEMBER 2013
Skógarhlíð 18 • sími 595 1000 • www.heimsferdir.is
ðréttinga á slíku. Ath. að verð getur breyst án fyrirvara.Birt með fyrirvara um prentvillu. Heimsferðir áskilja sér rétt til lei
2. janúar
Síðustu sætin til
Frá kr. 119.900 í 13 nætur
Kanarí
Verð frá 119.900
Netverð á mann m.v. 2 fullorðna í íbúð með einu svefnherbergi á Roque Nublo.
Sértilboð 2. janúar í 13 nætur.
Heimsferðir bjóða einstakt tilboð til Kanaríeyja.
Við bjóðum fjölbreytt úrval gististaða. Mikil dagskrá í boði
í fylgd reyndra fararstjóra.
Sigurður Bogi Sævarsson
sbs@mbl.is
„Kannanir hafa leitt í ljós að stærst-
ur hluti erlendra ferðamanna sem
sækja Íslands heim yfir vetrartím-
ann koma hingað til þess að sjá
norðurljósin. Hins vegar er ekki
alltaf á vísan að róa um hvort til
þeirra sjáist. Hins vegar er alltaf
hægt að bregða á loft innsetningum
þar sem ljósin eru í aðalhlutverki og
slíkt ætlum við einmitt að gera á
Vetrarhátíð,“ segir Einar Bárð-
arson, forstöðumaður Höfuðborg-
arstofu.
Gjörningar og geislar
Vetrarhátíð í Reykjavík 2014
verður dagana 6. til 15. febrúar á
næsta ári. Síðustu daga hafa verið
hér á landi listamenn sem einbeita
sér að ljósalist; það er gjörningum
þar sem ljósgeislar í ýmsum út-
færslum verða að list.
Átta erlendir listamenn voru á
landinu um helgina til þess að kynna
sér aðstæður til svona listsköpunar.
Hún ræðst eðli málsins samkvæmt
mikið af landi og staðháttum og því
var listamönnum mikilvægt að
skoða staðinn. Munu þeir nú í fram-
haldinu þróa verk sín og koma svo
aftur til landsins í febrúar þegar
Vetrarhátíð hefst – og verða þá með
listina í farteskinu.
Varpa ljósi á fegurð borga
„Ljósalistahátíðir eiga vinsældum
að fagna í dag. Slíkar eru í dag
haldnar til dæmis í Lyon í Frakk-
landi, Helsinki í Finnlandi og Sydn-
ey í Ástralíu. Í orðsins fyllstu merk-
ingu varpa þær ljósi á fegurð borga
og líklega hæfir svona hátíð hvergi
betur en í Reykjavík sem er í
myrkri allan veturinn og ljósið kær-
komið,“ segir Einar.
Rétt eins og Menningarnótt að
sumri byggist Vetrarhátíð upp á
þátttöku borgarbúa og annarra.
„Við reynum að virkja sem flesta
til samstarfs og þátttöku. Eins og
endranær verða Safnanótt og Sund-
lauganótt á dagskránni, en svo mun
fólk í lykilstofnunum borgarinnar,
til dæmis háskólunum, félagasam-
tökum, félagsmiðstöðvum og ein-
staka listamenn taka þátt í þessari
skemmtilegu hátíð og er fólk þar
hvatt til að þróa sín ljósalistaverk í
allskonar útfærslum.“
Morgunblaðið/Ómar
Ljósberar Listamennirnir sem taka þátt í Vetrarhátíð voru í Austurvelli í gær. Þeir eru Tine Bech, Inuk Silis Hø-
egh, Kitty Von-Sometime, Kristján Kristjánsson, Örvar Halldórsson, Ulf Pederson og Jakob Kvist.
Ljósið er kærkomið
og list brugðið á loft
 Vetrarhátíð í febrúar verður með nýstárlegu sniði
„Að fólkið í sóknunum hafi viljað
velja sér prest í almennum kosn-
ingum segir mér að safnaðarvit-
undin er sterk. Trúin og kirkjan
skiptir fólkið máli. Prestsins er svo
að sá í frjóan
svörðinn. Sum
fræin bera ávöxt
en önnur ekki –
og þannig er lífið
í hnotskurn,“
segir Páll Ágúst
Ólafsson guð-
fræðingur.
Páll Ágúst er
væntanlegur
sóknarprestur á
Staðarstað á
sunnanverðu Snæfellsnesi, en íbúar
í sex sóknum þar völdu sér prest í
almennum kosningum sl. laugar-
dag. Páll Ágúst fékk 62 atkvæði af
203 greiddum. Davíð Þór Jónsson
fékk 57 atkvæði og 22 studdu Arn-
ald Mána Finnsson. Aðrir fengu
færri atkvæði.
„Nei, ég hef engin tengsl á Snæ-
fellsnesið en heillaðist strax af
mannlífi og staðháttum þegar ég
fór vestur til kynna mér svæðið, þá
staðráðinn í að sækja um brauðið.
Mér hefur fundist mjög áhugavert
að fara um og spjalla við fólkið.
Gestrisnin er einstök; ég hef drukk-
ið kaffi á mörgum bæjum og borðað
kynstrin öll af kleinum,“ segir Páll
Ágúst. Hann lauk prófi í lögfræði
við Háskóla Íslands árið 2007. Í
framhaldinu fór hann í guðfræðina
og hefur síðustu árin starfað sem
framkvæmdastjóri Háteigskirkju.
„Að verða prestur úti á landi
finnst mér einstakt tækifæri og fjöl-
skyldan hlakkar til að fara vestur,“
segir Páll Ágústsson sem er kvænt-
ur Karen Lind Ólafsdóttur. Þau
eiga tvö börn og það þriðja er vænt-
anlegt með vorinu.
sbs@mbl.is
Svörður er frjór
og fræ bera ávöxt
 Páll Ágúst Ólafsson prestur á Stað-
arstað  Kleinur og drukkið kaffi
Morgunblaðið/Sigurður Bogi
Staðarstaður Alls eru átta kirkjur í
prestakallinu sem er mjög víðfeðmt.
Páll Ágúst
Ólafsson
Kjartan Kjartansson
kjartan@mbl.is
Nýtt umhverfismat þarf fyrir nýjan
Álftanesveg ef dómsmál sem náttúru-
verndarsamtök hafa höfðað vegna
framkvæmdanna í Gálgahrauni falla
þeim í vil. Þetta segir Skúli Bjarna-
son, lögmaður samtakanna.
Hann gagnrýnir orð Erlings Ás-
geirssonar, formanns bæjarráðs
Garðabæjar, í Morgunblaðinu á föstu-
dag þar sem hann sagði að baráttan
um framkvæmdina væri töpuð fyrir
náttúruverndarsamtökin og þó að þau
hefðu sigur fyrir dómi breytti það
engu um niðurstöðuna. Þau fjalli að-
eins um málsmeðferðina og ef niður-
staða dómstóla væri sú að henni væri
ábótavant þá yrði bætt úr því. Niður-
staðan yrði engu að síður sú sama.
Þetta segir Skúli vera fjarri sanni.
„Það er alveg rétt að dómsmálin
snúast fyrst og fremst um formhlið
málsins. Ef dómur fellur okkur í vil
þarf að gefa út framkvæmdaleyfi að
nýju og þar með þarf að fara yfir um-
hverfismatið aftur. Það er hvorki á
forræði Vegagerðarinnar né Garða-
bæjar,“ segir Skúli.
Forsendur breytast
Í viðtalinu í blaðinu á föstudag
sagði Erling að vilji væri til þess í
bæjarstjórn Garðabæjar að hætta við
að framlengja Vífilsstaðaveg og friða
stærri hluta af
hrauninu. Þetta
segir Skúli að
myndi einnig
kalla á að nýtt
umhverfismat
yrði gert vegna
vegarins og það
sé hluti af dóms-
máli náttúru-
verndarsamtak-
anna.
„Forsenda [núgildandi] umhverf-
ismatsins er að þessir vegir verði
lagðir samtímis. Nú eru menn farnir
að tala um hátt og í hljóði, bæði Vega-
gerðin og Garðabær, að það verði
hætt við framlengingu Vífilsstaða-
vegar. Þá segir það sig auðvitað sjálft
að forsendur Álftanesvegar eru allt
aðrar. Þetta er auðvitað reiknað út
saman, hvað varðar umferðarþunga,
dreifingu og fleira. Ef það er búið að
gera umhverfismat er það ekki fram-
kvæmdaaðila að ákveða hvað hann
tekur af því og hvað ekki. Það verður
að taka framkvæmdina í heild,“ segir
Skúli.
Með þessu sé hann ekki að segja að
náttúruverndarsamtökin vilji að Víf-
ilsstaðavegur verði framlengdur
heldur þýði þetta að forsendur nýs
Álftanesvegar séu orðnar allt aðrar.
„Ef það á að breyta og fella niður í
framkvæmdinni þá kallar það á nýtt
umhverfismat, ekki spurning.“
Niðurstaðan sé ekki ráðin
 Lögmaður náttúruverndarsamtaka gagnrýnir orð formanns bæjarráðs Garða-
bæjar um baráttuna um Gálgahraun  Dómsmál gætu kallað á nýtt umhverfismat
Skúli
Bjarnason
Vetrarhátíð í Reykjavík, sem verður dagana 6. til 15
febrúar á næsta ári og nær að þessu sinni yfir tvær
helgar, nefnist upp á ensku; Winter Lights Festival.
Hugmyndin nú er að gera hátíðina með nýjum
áherslum áhugaverðari fyrir erlenda gesti. „Við teljum
að hátíðin verði þegar fram líða stundir aðdráttarafl í
því að fá hingað erlenda ferðamenn yfir háveturinn,“
segir Einar.
Vetrarhátíð var fyrst 2002 og hefur unnið sér sess
á þeim tíma. Hún er hluti af sérstakri ferðamálastefnu
Reykjavíkurborgar sem gildir til 2020, en stoðir henn-
ar eru borg menningar, heilsu, ráðstefna og vetrar.
Þess má og geta að á Vetrarhátíð verður sérstakt til-
legg listamanna frá Detroit – og helgast það af samstarfi Vetrarborg-
arinnar við Icelandair sem fyrir nokkrum misserum hóf reglulegt áætl-
unarflug til borgarinnar bandarísku.
Nýjar áherslur séu aðdráttaafl
VETRARHÁTÍÐ Í REYKJAVÍK HALDIN FRÁ ÁRINU 2002
Einar
Bárðarson
Skúli gerir einnig athugasemd
við þau orð Erlings að málin hafi
farið í allt annan farveg með
kærum og málaferlum eftir að
Skúli hafi tekið við sem lögmað-
ur íbúa við Gálgahraun.
Þessu segist Skúli taka sem
hrósi, þó það sé vísast ekki
hugsað þannig. „Það hefur svo
sannarlega sýnt sig í þessari
baráttu að ekki hefur af veitt að
einhver liðsinni náttúruverndar-
sinnum á Íslandi og samtökum
þeirra með kröftugum hætti í
fjandsamlegu umhverfi þar sem
öllum ráðum er beitt til að
halda þeim utan girðingar.“
Tekur þeim
sem hrósi
UMMÆLI ERLINGS