Morgunblaðið - Sunnudagur - 03.11.2013, Blaðsíða 15

mannvirki við Lónið þannig að
þau falla mjög vel inn í umhverf-
ið. Þetta gerir að verkum að þeir
sem koma í Bláa Lónið ganga inn
í sérstakan heim. Við höfum fjár-
fest mikið í uppbyggingu og erum
nú að njóta ávaxanna af henni.
Allt þarf að gerast í réttri röð.
Við fjárfestum í uppbyggingu og í
framhaldi af því gátum við hækk-
að verð og höfðum meiri tekjur af
hverjum gesti. Með þessum hætti
og með eflingu annarra vöru- og
þjónustuþátta varð fyrirtækið arð-
bært, en í því sambandi má ekki
gleyma þróun okkar á Blue Lago-
on húðvörum, sem seldar eru í
sérverslunum okkar hér á landi
og um allan heim á netinu. Þetta
er nú sterk tekjustoð í okkar
starfsemi. Það gerist svo sjálf-
krafa þegar fyrirtækið er orðið
jafn fjárhagslega sterkt og við er-
um nú orðin að þá er hægt að
bjóða betri laun, veita betri þjón-
ustu og efla þjónustu- og vöruþró-
un enn frekar.“
Þú sagðir fyrr í þessu viðtali að
Blue Lagoon væri vörumerki.
Hvernig vörumerki er það?
„Í mínum huga er Blue Lagoon
vörumerki sem stendur fyrir
ákveðin gildi, eins og öll önnur
vörumerki. Það sem kemur upp í
huga fólks þegar vörumerkið Blue
Lagoon er nefnt er einstök upp-
lifun, Ísland, hraun, jarðvarmi, en
fyrst og fremst jákvæðar tilfinn-
ingar sem snúa að vellíðan og
heilsu.“
Svört atvinnustarfsemi
versti bletturinn
Ef þú miðar við reynslu þína í
uppbyggingarstarfi í Bláa Lóninu,
hvað eru Íslendingar þá að gera
rangt í sambandi við ferða-
mennsku?
„Það er umhugsunarefni að
meðaltekjur af hverjum erlendum
ferðamanni nú í erlendri mynt
eru minni en fyrir hrun. Meðan
ferðamönnum fjölgar jafnmikið og
raun ber vitni þá er slæmt að við
séum ekki á sama tíma að fá
meiri tekjur af hverjum og einum.
Á Íslandi er einstök náttúra sem
hefur sterkt aðdráttarafl á fjölda
erlendra ferðamanna en við erum
ekki að verðleggja ferða-
mannaperlur okkar eins og við
ættum að gera. Að mínu mati er-
um við að undirverðleggja Ísland
hvað ferðamannaperlurnar varðar.
Ég tala af reynslu því árið 2008
var ég að undirverðleggja þá upp-
lifun að heimsækja Bláa Lónið.
Ég held reyndar að Ísland nú sé
Morgunblaðið/Kristinn
* Að mínu mati erum við að undirverðleggja Ísland hvaðferðamannaperlurnar varðar. Ég tala af reynslu því árið2008 var ég að undirverðleggja þá upplifun að heimsækja Bláa
Lónið. Ég held reyndar að Ísland nú sé í þessu efni í sömu stöðu
og Bláa Lónið var árið 2008.
í þessu efni í sömu stöðu og Bláa
Lónið var árið 2008. Við fórum þá
leið að hækka verðskrár okkar,
en við rekum fyrirtækið í evrum.
Á fimm árum höfum við tvöfaldað
grunnverð en á sama tíma hefur
gestum okkar fjölgað um 50 pró-
sent. Ég er ekki að segja að það
eigi að ráðast í að tvöfalda verð á
allri afþreyingu, sem boðin er hér
á landi en ég tel sóknarfærin
mikil ef við vöndum okkur.
Bláa Lónið hafði forgöngu um
það ásamt Icelandair, Isavia og
Bílaleigu Akureyrar að fá Boston
Consulting Group til að gera út-
tekt á stöðu íslenskrar ferðaþjón-
ustu og sóknarfærum til fram-
tíðar. Niðurstöður þeirrar vinnu
voru kynntar á fjölmennum fundi
í Hörpu nú í byrjun september
síðastliðins. Í þessari skýrslu er
því spáð að eftir tíu ár muni ein
og hálf milljón ferðamanna heim-
sækja Ísland. Mér finnst sú spá
vera hófleg. Í ár munum við Ís-
lendingar taka á móti 800.000 er-
lendum ferðamönnum þannig að
verið er að spá tvöföldun á næstu
tíu árum.
Það er athyglisvert að það var
fyrst nú í ár sem ég fór að heyra
fólk tala með neikvæðum hætti
um erlenda ferðamenn. Maður
heyrir að ekki verði þverfótað
fyrir erlendum ferðamönnum og
það heyrast jafnvel fréttir af
slæmri umgengni þeirra. Mér
hrýs hugur við tilhugsunina um
að við fáum eina og hálfa milljón
gesta eftir tíu ár í það umhverfi
og við þær aðstæður sem við höf-
um í dag. Það væri skelfilegt,
bæði fyrir ferðaþjónustuna sem
atvinnugrein, þjóðina og landið
sjálft því margir okkar helstu
ferðamannastaðir þola vart
átroðninginn sem er á þeim nú
þegar yfir háannatímann. Það
þarf að huga að gjaldtöku af
ferðamannastöðum og um leið
tryggja að fjármagnið sem kemur
út úr þeirri gjaldtöku sé notað til
uppbyggingar á þessum stöðum.
Það er nauðsynlegt að dreifa
ferðamannafjöldanum betur yfir
árið og betur um landið, þannig
að um leið og við fáum meiri
tekjur af hverjum og einum ferða-
manni þá styrkjum við innviðina
og ferðamannastaðina. Þetta vinn-
ur allt saman.
Við verðum að standa rétt að
uppbyggingu ferðaþjónustunnar
og það er bent á í skýrslu BCG
að nauðsynlegt sé að einfalda
stjórnsýsluna í kringum ferða-
þjónustuna. Stjórnsýslan er barn
síns tíma og hefur ekki þróast í
samræmi við hraðan vöxt grein-
arinnar. Þar er margt úrelt og
þar eru margir aðilar að gera
sömu hlutina. Það verður að setja
skýran lagaramma og stýra vext-
inum í ferðaþjónustunni. Eins og
staðan er í dag getur hver sem er
stofnað bílaleigu og rekið hana úr
bílskúrnum og hver sem er getur
stofnað ferðaskrifstofu og rekið
hana af eldhúsborðinu og hver
sem er getur leigt út herbergi og
íbúðir á netinu án þess að borga
af því skatta og skyldur. Svört at-
vinnustarfsemi er að mínu mati
versti bletturinn á íslenskri ferða-
þjónustu nú um stundir. Meðan
slíkt gullgrafaraæði er við lýði þá
verður ekki sá þjóðhagslegi ávinn-
ingur af starfseminni, sem greinin
á að geta skapað. Hömlulausum
vexti fylgja léleg gæði og mistök
samanber það sem við sjáum í
fréttum. Erlendir ferðamenn lentu
fyrir ekki ýkja löngu í óhappi á
ótryggðum gömlum jeppa frá að-
ila sem var með tugi slíkra bíla í
rekstri og stjórnvöld höfðu engin
úrræði til að loka búllunni. Þetta
er vitaskuld fráleitt. Þá koma er-
lendir ferðamenn í einkabílum og
á rútum til landsins með Nor-
rænu, sem flytja með sér allan
matarkost og jafnvel bensínið á
bílana líka, til þess að njóta Ís-
lands án þess að borga neitt fyrir
það. Þetta gengur vitaskuld ekki.
Það má ekki gleyma því að það
steðja ytri ógnir að íslenskri
ferðaþjónustu eins og öðrum at-
vinnugreinum og verði ferðaþjón-
ustan fyrir skakkaföllum til dæm-
is vegna alþjóðlegra hryðjuverka
eða innlendra náttúruhamfara
skiptir miklu máli að innviðir
greinarinnar séu sem sterkastir.“
Þor til að fjárfesta
Ertu bjartsýnn á að það verði
viðsnúningur í þessum málum?
„Umræðan er hafin. Menn sjá
jákvæð áhrif ferðaþjónustunnar á
þjóðarbúskapinn en einnig mögu-
leg neikvæð áhrif hennar á nátt-
úru landsins. Til að hafa ávinning
af ferðaþjónustu á Íslandi verður
að stýra uppbyggingu hennar og
gæta þess að ferðamannaperlur
okkar og auðlindir skaðist ekki.
Um leið og menn sjá tækifærin
verða þeir að gera sér grein fyrir
hættunum, grípa í taumana og
stýra þróun mála í stað þess að
ana stjórnlaust áfram. Stjórnvöld
virðast gera sér góða grein fyrir
þessu og eru reiðubúin að vinna
að þessum málum í samvinnu og
samráði við ferðaþjónustuna og
því ber að fagna.“
Finnst þér að menn geti eitt-
hvað lært af uppbyggingu Bláa
Lónsins?
„Já, það tel ég. Það er mik-
ilvægt að menn hafi þor til að
fjárfesta í uppbyggingu og að-
stöðu og verðleggi þjónustuna í
samræmi við upplifun og gæði,
sem slík uppbygging býður upp á.
Á Íslandi eru einstakir staðir sem
eru allt öðru vísi en Bláa Lónið
og veita annars konar upplifun en
eru sérstæðir á sinn hátt. Bláa
Lónið er á margan hátt einstakt
fyrirbæri, en það eru klárlega
mörg sóknarfæri í öllum lands-
hlutum þar sem menn gætu beitt
sömu aðferðarfræði og beitt er í
Bláa Lóninu til þess að skapa
mikil verðmæti bæði staðbundið
og fyrir þjóðarbúið allt
Það er oft talað um að vandi
ferðaþjónustunnar sé sá að þar
séu ekki til arðbær fyrirtæki og
þar séu ekki borguð nógu góð
laun. Bláa Lónið hefur slegið
þessi gömlu ferðaþjónusturök út
af borðinu og er mjög arðbært
fyrirtæki og greiðir samkeppn-
ishæf laun. Ég segi: Búum til
fleiri fyrirtæki sem fjárfesta í
upplifun, verðleggja sig í sam-
ræmi við gæði þeirrar upplifunar,
veita mörg vel launuð störf, hagn-
ast, borga arð og greiða skatta.“
3.11. 2013 MORGUNBLAÐIÐ SUNNUDAGUR 15
faldaaflið
KomduámorgunverðarfundhjáFélagiatvinnurekenda
Skaðastóru
bankarnir samkeppni?
þriðjudaginn 5. nóvember kl. 8:30 í Nauthóli
Félag atvinnurekenda kallar eftir skýrari
takmörkun á eignarhaldi banka á fyrir-
tækjum,meðal annars í nýbirtum
tillögumumFalda aflið.
Dagskrá:
„Lögin umþað semer bannað“
- Páll RúnarM. Kristjánsson, lögmaður FA
„Endurskipulagning, atvinnulíf og snjóhengja“
- Sigurður Atli Jónsson, forstjóri MPbanka
„Seinni hálfleikur hrunsins - Atvinnulíf í beisli fjármála-
fyrirtækja“ - Þórður Snær Júlíusson, ritstjóri Kjarnans
Fundarstjóri: AlmarGuðmundsson, framkvæmdastjóri FA
Fundargjald: 1.500 kr. fyrir félagsmenn FA / 2.900 kr.- fyrir
aðra. Létturmorgunverður og kaffi innifalið.
Skráðuþignúnaávefnumáatvinnurekendur.is