Morgunblaðið - Sunnudagur - 03.11.2013, Blaðsíða 24
*Heimili og hönnunMæðgur búa í fallega innréttuðu einbýlishúsi sem gjarnan er líkt við félagsheimili »26
É
g er að sjá það æ betur að ákveðnir hópar í
þjóðfélaginu eru ekki að hætta sér til dæmis á
hönnunarsýningar eða ákveðna listviðburði. Við
erum svolítið í okkar hornum og höldum að við
eigum ekki heima einhvers staðar því við erum ekki
hönnuðir eða listamenn. Þess vegna vil ég bjóða íþrótta-
fólk, útgerðarmenn á Höfn, húsmæður alls staðar að og
alla aðra velkomin á opnunina og kynna fyrir þjóðinni
íslenska hönnun. Við þurfum öll að tala
meira saman,“ segir Linda Björg
Árnadóttir, fata- og textílhönnuður.
Linda hefur verið ákveðinn braut-
ryðjandi í textíliðnaðinum hérlendis en
ekki síður hefur hún tekið þátt í því að
færa umræðu um hönnun nær almenn-
ingi.
Linda er nú í óða önn að undirbúa
opnun á sýningu í Spark Design 21.
nóvember næstkomandi á glænýrri línu sandblásinna
spegla frá Scintilla. Speglarnir eru innblásnir af skreyti-
list Art Deco og póstmódernisma 9. áratugarins eins og
Memphis-listahópurinn var þekktur fyrir. Linda kallar
speglana póstmóderníska en ekki móderníska því meðan
sá síðarnefndi vilji gleyma fortíðinni sé hún í speglum
sínum einmitt að gera það sem gert er í póstmódern-
isma; minna á liðna tíma, í nýjum búningi að sjálfsögðu.
„Ég eignaðist eldgamlan vasa í anda Art Deco fyrir
nokkrum árum sem ég hef ekki getað hætt að skoða og
heillast af, hann er allur skorinn og þessi skreytilist er
svo skemmtileg. Speglar eru praktískir en öll skreytilist
hefur því miður verið fjarri speglagerð lengi, þeir hafa
verið ferkantaðir og skrautlausir og mig langaði að leika
mér með þetta. En speglar og Scintilla hafa verið sam-
ferða á einn eða annan hátt allt frá upphafi. Á fyrstu
sýningunni minni lagði ég til dæmis spegla á gólf sýn-
ingarrýmisins, undir vörurnar, og ég hef hannað rúm-
gafl með útskornum speglum.“
Þá segist Linda hafa orðið fyrir hugljómun á kúb-
verskum veitingastað á Miami fyrir um ári síðan. Stað-
urinn var þakinn speglum með skreytingum sem voru
gerðir með því að skafa málmfilmuna aftan af spegl-
unum.
Verkefnið er óvenjulegt á fleiri vegu. Safnað verður
fyrir framleiðslukostnaði í gegnum söfnunarsíðuna Kar-
olina Fund og með því móti er líka hægt að eignast
spegil en þetta er góð leið fyrir sprotafyrirtæki sem
Linda segir spennt fyrir að prófa.
„Ef fólk kaupir Scintilla-vörur í gegnum Karolina
Fund þá fær það vöruna á betra verði en hún er á úti í
búð og ef ekki tekst að safna upp í þá upphæð sem
stefnt er að að safna – fær fólk endurgreitt.“ Þeim sem
styðja Scintilla í gegnum Karolina Fund, á vefsíðunni
karolinafund.com, er boðið í sérstakan fordrykk á
laugardaginn, áður en sýningin sjálf verður opnuð.
Speglarnir hennar Lindu Bjargar Árnadóttur eru sandblásnir að framan og aftan en með því móti verður til mjög falleg þrívídd. Linda vildi færa spegla nær gamalli skreytilist Art Deco tímabilsins.
Morgunblaðið/Golli
Hönnuðurinn tekur sjálfsmynd í einum af speglinum. Þeir verða til sýnis og
sölu í Spark Design en Linda býður öllum á sýningaropnun um helgina.
Speglarnir koma í fimm mismunandi stærðum og eru auk sandblástursins
málaðir að aftan þannig að til verður þriggja laga mynstur.
NÝ SPEGLALÍNA FRÁ SCINTILLA
Ekki bara praktískir
SPEGLAR HAFA VERIÐ SKRAUTLAUSIR
HREINIR FLETIR UM ÁRABIL. HÖNNUÐUR-
INN LINDA BJÖRG ÁRNADÓTTIR FER
ÞAR NÝJAR LEIÐIR Í ANDA ART DECO.
Júlía Margrét Alexandersdóttir julia@mbl.is
Linda Björg
Árnadóttir