Morgunblaðið - Sunnudagur - 03.11.2013, Blaðsíða 60

* Man. City 1 – 1 Blackburn – 11. september 2010Rauk af línunni, fékk boltann yfir sig og Nikola Kalinic skoraði.
* England 2 – 2 Sviss – 9. júní 2011Tranquillo Barnetta skoraði á nærstöng úr
aukaspyrnu. Ódýrt mark.
* Sunderland 1 – 0 Man. City – 26. des. 2012 Aftur mark á sig á nærstönginni frá Adam Johnson.
* Southampton 3 – 1 Man. City – 9. feb. 2013Fékk skot á sig sem hann missti einhvern veginn
í gegnum klofið á sér og Steven Davis skoraði í
autt markið.
* England 3 – 2 Skotland – 14. ágúst 2013James Morrison skoraði mark sem skrifast á Hart.
* Cardiff 3 – 2 Man. City – 25. ágúst 2013 Færði Cardiff sinn fyrsta sigur í ensku
úrvalsdeildinni.
* Aston Villa 3 – 2 Man. City – 28. sept. 2013Andreas Weimann skoraði heldur auðvelt mark.
* Man. City 1 – 3 Bayern Munich – 2. okt. 2013Tvö af mörkum FC Bayern skrifast á reikning Hart.
Boltinn
BENEDIKT BÓAS
benedikt@mbl.is
M
arkvörður Manchester City, Joe Hart, hefur verið mikið á milli
tannanna á fólki eftir að hafa fært Chelsea sigurinn um síðustu
helgi á silfurfati. Þá fór hann í glórulaust úthlaup og Fernando
Torres skoraði í autt markið. Úthlaup Hart var greinilega hljóð-
laust því Matija Nastasic hélt augljóslega að sinn maður væri á
línunni. Þetta er þó ekki fyrstu og einu mistök Hart það sem af er tímabilinu.
Enginn alvörumarkvörður er að keppa við Hart um markvarðarstöðuna hjá Man-
chester City sem flestum finnst ákaflega einkennilegt. Rúmeninn Costel Pantilimon
er þeirra maður númer tvö í rammanum og þar fer gríðarlega stór og mikill maður.
Hálfgerð körfuboltahæð á þeim ágæta manni en það sem menn hafa séð af Pantil-
imon segja að þar sé bara ágætis varaskeifa – ekkert meir. Ef City ætlar sér ein-
hverja hluti í vetur er risinn frá Rúmeníu ekki svarið. Pantilimon var í marki City í
vikunni en það var viðbúið. Um helgina, gegn Norwich, kemur í ljós hvort Hart
heldur stöðu sinni eða ekki.
Þá er spurning hvort Hart verði í marki Englands gegn Chile í næsta mánuði
eða Fraser Forster, markvörður Glasgow Celtic. Fjórum dögum eftir þann leik
mætir England Þjóðverjum og þar verður engin tilraunastarfsemi – bara
sterkasta liðið og ekkert kjaftæði. Verður Hart þá í markinu?
Var efnilegur í krikket
Joe Hart er búinn að spila hartnær 200 leiki með City-liðinu og hefur yf-
irleitt fengið mjög mjúka meðferð ensku blaðanna þrátt fyrir að gera ein
og ein mistök í leik. Það eru jú ekki allir fullkomnir.
Hart hefur fengið að gera sín mistök og komið sterkari til baka. Á
tímabili varði hann alveg eins og berserkur og loksins, loksins sögðu ensk-
ir; við höfum eignast góðan markvörð.
Hart er fæddur í Shrewsbury og þótti efnilegur krikketspilari en valdi
fótboltann frekar. 15 ára var hann kominn á bekkinn hjá félaginu en dag-
inn eftir að hann varð 17 ára var hann kominn í liðið. Tímabilið 2005-2006
var hann markvörður númer eitt hjá Shrewsbury, spilaði 46 leiki og fékk á
sig 55 mörk en fékk, þrátt fyrir að hafa fengið meira en mark á sig í leik,
mikið lof fyrir frammistöðuna og ljóst að Úrvalsdeildin enska væri handan
við hornið. Í maí 2006 samdi hann við City og keppti við Nicky Weaver og
Andreas Isaksson um markvarðarstöðuna. Eins og búist var við var Hart
sendur í lán til að öðlast reynslu en undir lok tímabilsins 2007-2008 ákvað
Svíinn Sven Göran Eriksson að Hart yrði sinn maður. Gerði hann að mark-
verði númer eitt hjá félaginu og Hart gerði nýjan fimm ára samning.
Skömmu síðar spilaði hann fyrsta landsleik sinn. 2008-2009 tók Hart sér
treyju númer eitt.
Given sló út Hart – Hart sló út Given
Allt var í blóma en tímabilið hófst ekki alveg eins og menn bjuggust við og
Shay Given var keyptur til félagsins í janúarglugganum 2009 til að veita
unga piltinum frá Shrewsbury aðhald. Given var enginn aukvisi og sló Hart
út úr rammanum. Þrátt fyrir að verja oft vel var hann ekki að verja frábær-
lega. 2009-2010 spilaði hann sem lánsmaður í marki Birmingham og var val-
inn leikmaður tímabilsins af stuðningsmönnum og tilnefndur sem besti ungi
leikmaðurinn í deildinni ásamt þeim Wayne Rooney, Cesc Fábregas og James
Milner. Milner fékk verðlaunin en það var ljóst að City myndi kalla þennan
pilt aftur til sín.
Hart var látinn byrja og Given settur á bekkinn tímabilið 2010-2011. Þetta
tímabil var Hart frábær og varði og varði og varði og varði. Liðið vann FA
bikarinn og Hart fékk verðlaun fyrir að halda marki sínu oftast hreinu. Given
ákvað að fara til Aston villa og Hart var búinn að eigna sér stöðuna. Velgeng-
in hélt áfram og tímabilið 2011-2012 vann City deildina með lokaspyrnu
tímabilsins.
Mistök enskra markvarða
Frá því David Seaman lagði hanskana á hilluna marg-
frægu hafa margir markmenn verið prófaðir í marki Eng-
lands. David James, Robert Green og Paul Robinson
meðal annars. Saga enska landsliðsins hefur verið lengi
að þeir eigi ekki nógu góða markmenn.
Ensku blöðin hafa verið mjög grimm við enska mark-
menn í gegnum tíðina. Öll þessi grimmd byrjaði strax
1970 á HM þegar Gordon Banks fékk matareitrun
kvöldið fyrir leik gegn Þýskalandi. Inn kom Peter Bo-
netti frá Chelsea og átti hann sök á öllum mörkum
Þjóðverja. Enn þann dag í dag trúir fólk á samsær-
iskenningar um að Þjóðverjar hafi eitrað fyrir Banks.
Bonetti fékk það óþvegið frá bresku pressunni. Peter
Shilton fékk á baukinn hjá pressunni 1973 eftir að hafa
gert klaufamistök gegn Póllandi í undankeppni HM. Fyrir
vikið komst England ekki á HM. David Seamann fékk á sig
klaufalegt mark gegn Brössum 2002 þegar Ronaldinho skor-
aði úr aukaspyrnu langt utan að velli og fékk bágt fyrir. Svo
var það Paul Robinson þegar hann hitti ekki boltann þegar
Gary Neville sendi til baka á hann gegn Króatíu fyrir EM
2006. Í heimaleiknum gegn Króatíu fékk Scott Carson á sig
klaufamark og hver getur gleymt mistökum Roberts Green
gegn Bandaríkjunum á HM 2010 þegar boltinn lak undir hann á
óskiljanlegan hátt. Þar fór breska pressan hamförum í fyrir-
sögnum. Já, markmenn Englands hafa alltaf fengið á baukinn frá
bresku pressunni og kannski eru varamarkmenn City bara
fegnir að vera á bekknum.
Tveir menn hafa verið nefndir sem arftakar Hart í
marki Englands, Fraser Forster hjá Glasgow
Celtic og John Ruddy, markvörður Norwich.
Forster hefur fengið mikið lof fyrir sína
frammistöðu í marki Celtic í Meistara-
deildinni og fræg er frammistaðan
hans gegn Barcelona þegar Celtic
vann frækin 1:0 sigur. Þegar liðin
mættust aftur í ár var Forster
frábær enn á ný þrátt fyrir
tap Celtic. Hann
hefur fjórum
sinnum verið
valinn í
landsliðið
en ekki enn
spilað eina
sekúndu.
John Ruddy
spilar með Nor-
wich og spilar
TÍMABIL JOE HART HEFUR EKKI VERIÐ NEINN
DANS Á RÓSUM OG HAFA HVER MISTÖKIN
REKIÐ ÖNNUR HJÁ ÞESSUM 26 ÁRA MARK-
VERÐI MANCHESTER CITY. HART ER HÁLF-
GERT FÓRNARLAMB SINNAR EIGIN VEL-
GENGNI ÞVÍ HANN VAR FRÁBÆR ÞEGAR
CITY VANN ENSKU DEILDINA 2011-2012
OG NEFNDI HANN Í SÖMU ANDRÁ OG
BUFFON, CASSILLAS OG NAUER. EFTIR ÞAÐ
HEFUR FERILL HART LEGIÐ NIÐUR Á VIÐ.
Leggur
Hart að sér
AFP
Ein stærsta ástæðan fyrir
slæmri frammistöðu Hart
að margra mati, eins skrýtið
og það hljómar, er hans eigin
velgengni. Eða frá því þegar
Manchester City hampaði
Englandsmeistaratitlinum.
60 MORGUNBLAÐIÐ SUNNUDAGUR 3.11. 2013
* „Ég held að markverðir muni alltaf lenda í svona stöðu, rétteins og framherjar sem hafa ekki skorað í nokkurn tíma. Roy Hodgson landsliðsþjálfari Englands
HART Í BAK –
MISTÖK JOE HART