Morgunblaðið - Sunnudagur - 10.11.2013, Blaðsíða 13

mun meiri en hjá þeim sem
eldri eru. Við höfum reiknað
út frá neyslutölum og öðru að
það sé einn á móti þremur.“
Það er sláandi hátt hlutfall
og í þessu er mesti vandinn
fólginn hér á landi, að sögn
Þórarins.
Hann segir kannabisvímu
bæði trufla persónuþroska og
félagslegan þroska einstaklinga, sérstaklega
byrji þeir að neyta þess fyrir tvítugt. „Neyslan
hefur oftar en ekki í för með sér óljósa eða
jafnvel brotna sjálfsmynd sem er yfirleitt
grundvöllur að geðrænum vandamálum svo
sem kvíða, þunglyndi og almennri vanlíðan. Oft
er þetta ástand greint sem þunglyndi, kvíða-
röskun, ofvirkni eða athyglisbrestur en er í
raun bein afleiðing neyslunnar. Það er engin
tilviljun að helmingurinn af börnunum, sem
koma í meðferð hjá okkur á Vogi, sýnir greini-
lega þunglyndis- og streitueinkenni. Flest eru
óróleg og eiga erfitt með að einbeita sér. Það
er dæmigerð afleiðing kannabisreykinga.“
Þórarinn segir skaðann líffræðilegan þó að
kannabis skaði ekki taugavefinn varanlega
heldur séu þetta tímabundnar breytingar sem
gangi til baka ef menn hætta kannabisreyk-
ingum. „Það liggur hins vegar fyrir að þroskist
fólk ekki eðlilega á ákveðnu árabili, eins og
hættan er með unga kannabisneytendur, getur
það haft afleiðingar langt fram í lífið. Hugræn
geta er tengd æfingu og félagslegum tengslum,
þannig að það er alveg ljóst að reyki maður
kannabis til lengri tíma hefur það slæm áhrif.
Enda þótt fólk hætti að reykja getur tekið
langan tíma að ná aftur upp hugrænni getu. Í
sumum tilvikum tekst það aldrei.“
Félagsleg óvirkni
Kannabisfíkn lýsir sér fyrst og fremst með fé-
lagslegri óvirkni. Ungmennin taka minni og
minni þátt í samfélaginu og sækja aðallega í
sinn hóp, það er aðra fíkla. Sumir einangrast
algjörlega. Áhugamálum fækkar og ungmennin
fara að hreyfa sig minna, hætta oftar en ekki í
íþróttum, hafi þau lagt stund á þær. Þá eiga
kannabisfíklar iðulega í miklum erfiðleikum
með að vakna á morgnana. „Yfirleitt endar
þetta með því að krakkarnir hætta að mæta í
skóla eða vinnu og hætta að sinna fjöl-
skylduskyldum svo sem að mæta í jólaboð og
annað slíkt,“ segir Þórarinn.
Prófið að fara í bindindi!
80% ungmenna undir tvítugu sem leita sér að-
stoðar á Vogi gera það vegna kannabisfíknar.
Flestir hafa þá verið í daglegri neyslu í hálft
ár eða lengur sem Þórarinn segir mjög langan
tíma. Mörg hver eru þessi ungmenni komin í
þrot. Vanlíðan er mikil. Hann segir býsna al-
gengt að viðkomandi hafi lítið sem ekkert not-
að áfengi, jafnvel aldrei.
Þórarinn leggur áherslu á að áfengi geri eft-
ir sem áður mestan usla í röðum ungmenna.
Skaðinn sé hins vegar öðruvísi, miklu fleiri noti
áfengið og fólk verði örara og ágengara í
áfengisvímunni en „skakkt“ og fyrir vikið sé
það í meiri slysa- og áfallahættu undir áhrif-
um.
Í aldurshópnum tuttugu til þrjátíu ára lækk-
ar hlutfall kannabisfíkla niður í 60% sem er
samt sem áður mjög hátt enda um ólöglegt
fíkniefni að ræða. „Flestir leggja kannabis-
neyslu af eftir fertugt sem helgast fyrst og
fremst af því að efnið er ólöglegt. Fólk færist
þá yfir í lögleg vímuefni,“ segir Þórarinn.
Velkist fólk í einhverjum vafa um hvort það
sé orðið háð kannabis segir Þórarinn upplagt
prófa að fara í bindindi. „Gangi það ekki upp
ætti fólk að leita sér ráðgjafar – þegar í stað.“
Kannabisplantan er
svo sem ósköp sak-
leysisleg á að líta. Oft
er flagð undir fögru
skinni.
AFP
10.11. 2013 MORGUNBLAÐIÐ SUNNUDAGUR 13
Kannabisefni voru fyrstu ólöglegu vímu-
efnin sem flutt voru til landsins og not-
uð að einhverju marki. Neysla ólög-
legra vímuefna var óþekkt hér á landi
fyrir árið 1967. Dreifing, sala og neysla
kannabisefna skapaði ólöglegan markað
vímuefna á Íslandi á árunum 1970-75.
Þó að einhver brögð væru að því á
þessum árum að LSD gengi kaupum og
sölum má segja að kannabisefnin hafi
verið einu ólöglegu vímuefnin á mark-
aðnum fram til ársins 1983.
Hass var eina kannabisefnið sem not-
að var á Íslandi að einhverju marki
lengst framan af. Er það yfirleitt bland-
að saman við sígarettutóbak og reykt.
Á árunum fyrir 1980 var nokkuð um að
neytendur ræktuðu kannabisjurtina og
framleiddu marijúana. Þetta lagðist að
mestu af og marijúana var ekki á mark-
aði hér að neinu ráði fyrir en að nýju
eftir 1998 að innlend ræktun hefur aft-
ur aukist.
1980 óx innflutningur á kannabis-
efnum verulega og hélst stöðugur fram
til ársins 1988. Neyslan náði ákveðnu
hámarki á árunum 1985 til 1987. Með
minnkandi neyslu eftir 1988 dró úr inn-
flutningi allt fram til 1994. Árið 1995
jókst mjög innflutningur og neysla á
hassi og hefur neyslan aldrei verið
meiri en undanfarin 3 ár. Aukningin er
sérstaklega mikil meðal þeirra yngstu.
Íslendingar hafa aldrei notað eins mikið
af kannabisefnum og nú.
Upplýsingar af vef SÁÁ.
ALDREI NOTAÐ EINS MIKIÐ
Þórarinn
Tyrfingsson
Hjá Parka færðu flottar flísar í hæsta gæðaflokki frá þekktum ítölskum
framleiðendum. Komdu og skoðaðu allt það nýjasta í flísum í dag.
Bjóðum aðeins það besta fyrir þig!
Parki ehf. • Dalvegi 10-14 • 201 Kópavogi • www.parki.is • parki@parki.is • sími: 595 0570
Full búð af
flottum flísum
Full búð af
flottum flísum