Morgunblaðið - Sunnudagur - 24.11.2013, Side 19
24.11. 2013 MORGUNBLAÐIÐ SUNNUDAGUR 19
Á menningarárinu miðju var opnað í hjarta
Marseille nýtt safn, MuCEM, en það er fyrsta
franska þjóðarsafnið utan Parísar. Hingað til
hafa öll söfn utan höfuðborgarinnar verið
héraðs- og staðasöfn. Og allir virðast sam-
mála um að þetta nýja safn, sem helgað er
menningunni umhverfis Miðjarðarhafið, og
er fullt af haganlega völdum og vel fram sett-
um listgripum og sögulegum minjum, sé ein-
staklega vel lukkað. Fyrstu fjóra mánuðina
sem það hefur verið opið hefur um ein millj-
ón gesta skoðað safnið og hefur það dregið
fólk til borgarinnar, meira en nokkuð annað
sem bryddað hefur verið upp á á menning-
arborgarárinu.
MuCEM er þó ekki eina nýja menning-
arstofnunin sem hefur átt þátt í að glæða
miðborg Marseille nýju lífi. Því eins og al-
þekkt er dregur lifandi menning að sér gesti
og örvar alla aðra þjónustu á svæðinu. Við
hlið MuCEM er önnur sláandi áhrifamikil
bygging, Villa Méditerranrée, í laginu eins og
stórt P sem hefur fallið fram fyrir sig og er
reist fyrir tímabundnar sýningar og allra-
handa menningaruppákomur.
Nokkru vestar, handan við bryggjurnar þar
sem ferjur leggja upp til Alsír og Korsíku, er
J1, flennistór hafnarskemma, sambærileg við
Hafnarhúsið í Reykjavík, sem hefur verið
breytt í sýningarsali og vinnustofur lista-
manna. Þar er líka vönduð bókaverslun og
blómlegt kaffihús með góðu útsýni yfir mið-
borgina og hafnarsvæðið. Þá hefur nýtt sam-
tímalistasafn verið opnað í Marseille.
Hinar nýju menningarstofnanir, MuCEM og Villa Méditerranée, standa gegnt Saint-Jean-virkinu.
Rómað nýtt lista- og sögusafn
Um hin ólíku hverfi Marseille hlykkjast þröngar götur og sund sem forvitnilegt er að kanna.
Fljótlega eftir að gengið er frá hverfunum þar sem ferðamenn eru flestir, er komið út í íbúða-
hverfi með götumörkuðum, kaffihúsum, litlum veitingastöðum og krám sem sjálfsagt er að
setjast inn á og njóta. Þá er hægt að rölta upp á hæðirnar fyrir ofan höfnina, skoða virki og
kirkjur, og njóta útsýnis yfir byggðina eða út á hafið.
Sumir ferðalangar eru smeykir við að ganga um óþekkta borgarhluta en engin ástæða er að
óttast neitt, svo framarlega sem fólk fer varlega og sýnir aðgát sem sjálfsögð þykir hvar sem
er á byggðu bóli.
Fyrir göngugarpa má geta þess að í tengslum við menningarborgarverkefni Marseille og
Provence-héraðs, hefur verið merkt 365 km gönguleið, milli helstu byggðakjarna og merk-
ustu ferðamannastaðanna.
Ekki þarf að ganga langt frá hafnarsvæðinu í Marseille til að koma í áhugaverðar götur.
Mislangar gönguleiðir um borgina
Í gluggum MuCEM, hins nýja safns um menningu þjóðanna
við Miðjarðarhaf, speglast seglskip við nálæga bryggju.
Í gamla borgarhlutanum, fyrir neðan virki frá miðöldum, safnast fólk gjarnan saman og horfir vestur
yfir höfnina sem er full af skemmtibátum og á upplýstar byggingarnar handan hennar.
Götulistin er víða lífleg í gömlu borgarhlutunum í Marseille. Í tilefni menningarársins var gert átak í
að útrýma subbukroti og fá þess í stað frumlega og athyglisverða tengingu við mannlífið.