Morgunblaðið - Sunnudagur - 24.11.2013, Blaðsíða 23

Morgunblaðið - Sunnudagur - 24.11.2013, Blaðsíða 23
Bananar þroskast hratt við stofuhita og verða fljótt gráir í ísskáp. Best er að geyma þá í köldum kjallara eða kaldri geymslu en ekki búa allir við slíkar aðstæður. Til að lengja endingartíma þeirra er gott að pakka hverjum banana fyrir sig inn í pappír eða plast. Aukinn endingartími banana H reystimennið Annie Mist Þórisdóttir er eina konan í heiminum sem hefur unnið Crossfit- leikana tvisvar. Hún hefur því oft verið köll- uð ?hraustasta kona heims? og nýlega vann hún sigur á sterku hreystimóti í Dubai. Hún er hafsjór af vitneskju um heilbrigðan lífsstíl og er tilbúin til að gefa okkur góð ráð. Hvernig æfir þú? Ég æfi fimm til sex daga vikunar, yfirleitt tvisvar á dag. Ég vinn mjög mikið í tækni, síðan fylgi ég styrkt- arprógrammi og vinn í þoli þess á milli. Ég tek stuttar sem langar æfingar og reyni að passa upp á að vera ekki með neina veikleika. Henta slíkar æfingar fyrir alla? Algerlega, erum með krakka frá þriggja ára og full- orðna upp í sjötugt að æfa í Crossfit Reykjavik og hægt er að laga æfingar að getu hvers og eins. Hvernig er best fyrir nýliða að koma sér af stað? Fyrsta og stærsta skrefið er að mæta! Restin fylgir með. Við sjáum til þess að allir byrji á réttum hraða fyr- ir sig. Fyrst fara allir í gegnum byrjendanámskeið og síðan fá þeir að mæta í venjulega tíma þar sem þeim er fylgt eftir í upphitun, æfingum og teygjum. Hver er lykillinn að góðum árangri? Hafa gaman af því sem þú ert að gera og setja markmið. Hvað er það lengsta sem þú hefur hlaupið? Laugavegurinn, u.þ.b. 55 km. Hvað ráðleggurðu fólki sem vill hreyfa sig meira? Ég myndi mæla með að setja upp gott æfingaplan sem og markmið til að hægt sé að fylgjast með ár- angri. Hvernig væri líf án æfinga? Allt öðruvísi. Ég get ekki ímyndað mér það. Hvað borðarðu til að halda þér í formi? Ég reyni að borða eins hreint og ég get, sem þýðir eins lítið unnar matvörur og mögulegt er. Reyni að elda sem mest af þeim sjálf til að vita hvað er í þeim. Passa að borða nóg. Hvaða óhollustu ertu veik fyrir? Dökku súkkulaði. Hvað ráðleggurðu fólki sem vill bæta mataræðið? Prufa sig áfram. Mæli ekki með ein- hverjum rosalegum kúrum heldur breyt- ingu sem fólk getur viðhaldið í lífinu. Byrja á því að gera sér grein fyrir hvaða næringu það fær úr matnum sem það borðar. Prufa svo að taka út ákveðnar vörur og sjá hvort það finnur jákvæðan mun og vinna sig þannig áfram. Þetta er ekki spurning um að borða minna, þetta er spurning um að borða betra. Hvaða gildi hefur hreyfing og líkamsrækt fyrir þig? Það skiptir mig miklu máli að geta hreyft mig. Ég hef alltaf verið aktív, frá því ég var krakki. Hef alltaf haft gaman af því að hreyfa mig og það skiptir mig miklu máli að halda áfram að hafa gaman af því. Hver eru erfiðustu meiðsli sem þú hefur orðið fyrir? Útbungun á hryggjarlið í neðra baki. Ég meiddist í nóv- ember á seinasta ári þannig að það er næstum því kom- ið ár núna, er enn að vinna mig upp úr þeim meiðslum en þetta er allt að koma! Loksins! Hvað eru algeng mistök hjá fólki við æfingar? Byrja of hratt og gefast upp. Ég mæli með því að byrja vel, sem þýðir að æfa oftar en einu sinni í viku þannig að það séu ekki stanslausar harðsperrur en alls ekki alla daga vikunar. Líkaminn þarf sína hvíld líka. Hver er erfiðasti mótherjinn á ferlinum? Bandarísk stelpa að nafni Kristan Clever. Hún varð heimsmeistari árið 2010 þegar ég varð í öðru sæti, en mér hefur tekist að sigra hana seinustu tvö ár. Hver er besti samherjinn? Frederik Ægidius, kærastinn minn, æf- ingafélagi og stuðningsmaður. Hver er fyrirmynd þín? Veit að þetta er klisja en verð að segja foreldrar mínir. Þau hafa alið mig upp í því að trúa því að allt sé hægt, það útheimti bara mis- mikla vinnu. Skemmtileg saga? Þegar ég var að keppa 2012 á heimsmeistaramótinu í crossfit. Við vorum nýbúin með sjósund- ið, ég var á skipti- stöðinni fyrir hjólið. Þá kom einn af skemmtilegri karakt- erunum í CF- heiminum úr sjónum, afklæddist alveg og byrjaði að þurrka sér vel og vandlega fyrir framan mig. Vissi ekki alveg hvert ég átti að horfa. Skilaboð að lokum? Aldrei að gefast upp! Allt er mögulegt! ÍÞRÓTTAKEMPA DAGSINS ANNIE MIST ÞÓRISDÓTTIR Veik fyrir dökku súkkulaði 24.11. 2013 MORGUNBLAÐIÐ SUNNUDAGUR 23 Fjöldi fólks hendir hlaupaskónum inn í geymslu um leið og vetur kon-ungur mætir til byggða. Það telur snjó, slapp og hálku vera rétt-mæta ástæðu fyrir hreyfingarleysi og einbeitir sér að öðru innan- dyra í staðinn. Að hlaupa í erfiðu vetrarfæri getur vissulega verið krefjandi en það er hins vegar ekki boðleg afsökun fyrir því að detta úr hlaupaformi. Með smáfyrirhyggu er auðvelt að ryðja slíkum hindrunum úr vegi. Mjög mikilvægt er að fara varlega í hálku og því er skynsamlegt að fjárfesta í sérhönnuðum gormum til að festa við hlaupaskóna. Slíkir gormar eru bæði öruggir og einfaldir í notkun og þeir fást víða. Einnig er hægt að notast við gömlu góðu broddana en þeir eru aðeins þyngri og gróf- ari. Þá bjóða einstaka skóframleiðendur upp á sérstaka hlaupaskó með innbyggðum nöglum. Endurskinsmerki eru einfaldlega lífs- nauðsynleg við vetrarhlaup af augljósum ástæðum. Margir notast við sér- stök vesti sem þakin eru endurskinsmerkjum og óhætt er að mæla með þeim. Hægt er að festa kaup á slíkum vestum í ýmsum íþróttavöruversl- unum. Þá er einnig hægt að kaupa ódýrari vesti á bensínstöðvum og í stórmörkuðum. Einstaka hlauparar ganga svo langt að notast við höf- uðljós til að sjá og sjást betur í myrkrinu en slíkt er ekki fyrir alla. Lykilatriðið varðandi fatnað er að klæða sig ekki of mikið. Um leið og líkaminn fer af stað framleiðir hann oftast nægilega orku til að halda á manni hita. Of mikið að fötum veldur of miklum hita um leið og líkaminn byrjar að svitna. Bómullarflíkur eru afleitur kostur við vetrarhlaup því um leið og bómullin blotnar missir hún einangrunargildi sitt. Æskilegra er að klæðast þunnum langerma ullarbolum og/eða sérhönnuðum flíkum sem anda og hrinda frá sér vatni. Ekki má gleyma að nota bæði húfu og vettlinga því hægt er að stjórna hitanum með því að taka af sér húfuna og vettlingana. Sé hugað að ofangreindum þáttum er ekkert sem stendur í vegi fyrir því að fólk nýti sér vetrartímann til að koma sér í virkilega gott hlaupa- form. Það er einnig virkilega skemmtilegt að takast á við vetur konung, hlæja upp í opið geðið á honum og leggja hann að velli. Morgunblaðið/G.Rúnar ÓFÆRÐ ER HUGARÁSTAND JÓN HEIÐAR GUNNARSSON Heilbrigt líf * ?Sá sem býr ekki yfir nægilegamiklu sjálfstrausti mun alltaffinna leiðir til að tapa.? Carl Lewis Morgunblaðið/Sigurgeir S.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið - Sunnudagur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið - Sunnudagur
https://timarit.is/publication/1078

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.