Morgunblaðið - Sunnudagur - 24.11.2013, Blaðsíða 28

*Matur og drykkir Í dýrindis kökuboði í Hafnarfirði voru bæði klassískar og framandi kökur á boðstólum »32
M
atreiðslumaðurinn Matthías Emanúel Pétursson
hefur mikla ástríðu fyrir matargerð. Einnig fót-
bolta en hann er mikill KR-ingur enda fæddur
og uppalinn að mestu í Vesturbæ Reykjavíkur.
Hann starfar á veitingastaðnum Vegamótum og leggur sam-
hliða því lokahönd á meistaranám sitt í matreiðslu en grunn-
námið kláraði hann á veitingastaðnum Sjávarkjallaranum
sem þá var og hét.
Matthías segist geta borðað fisk í öll mál og er fiskur án
efa hans uppáhaldshráefni. Alla tíð hefur hann haft dálæti á
því að elda og byrjaði ungur. „Ég var alltaf rosalega mikið
með mömmu í eldhúsinu þegar ég var yngri og fékk mikinn
áhuga á eldamennskunni á þeim tíma,“ segir Matthías. „Ég
elska að elda og er líka duglegur að elda heima hjá mér.“
Konurnar í lífi hans fá því að njóta góðs af hæfileikum Matt-
híasar en hann á dótturina Gunnhildi með kærustu sinni
Helgu Einarsdóttur, margmiðlunarhönnuði.
„Það sem mér þykir mikilvægast að huga að í eldhúsinu er
hreinlæti, skipulag og nýting á hráefni.“
Hér gefur Matthías uppskrift að girnilegum þorskhnakka
með ýmsu blómkálsmeðlæti, hollt og gott.
Að loknu meistaranámi er draumurinn að fara erlendis og
prófa að starfa á flottum veitingastað. „Helga stefnir á að
fara í meira nám og þá væntanlega utan landsteina. Þá væri
nú gaman að fá reynslu hjá einhverjum flottum veit-
ingastað,“ segir KR-ingurinn að lokum.
Morgunblaðið/Árni Sæberg
GIRNILEGUR ÞORSKHNAKKI
Fiskur í öll mál
MATTHÍAS EMANÚEL LÝKUR SENN MEISTARANÁMI Í MATREIÐSLU. HANN STARFAR VIÐ
FAGIÐ Á VEGAMÓTUM OG ER EINNIG DUGLEGUR AÐ ELDA HEIMA HJÁ SÉR.
Gunnþórunn Jónsdóttir gunnthorunn@mbl.is
Matthías Emanúel byrjaði ungur að læra matreiðslu af móður
sinni og varð því snemma forfallinn matgæðingur.
UPPSKRIFT
FYRIR FJÓRA
1 kg þorskhnakki
2 blómkálshausar
10 perlulaukar
Hér skiptir miklu máli að
skipuleggja sig vel og deila
blómkálinu upp í þrjá hluta.
Takið fallegustu stykkin af
blómkálinu fyrir gratíneraða
hlutann.
Skerið einungis toppinn af
blómkálinu til að nota í kús-
kúsið, allir afgangar fara svo
í maukið.
Blómkálsmauk:
1⁄3 af blómkálinu settur í pott og
brúnaður vel, svo þakinn með
helming rjóma og helming mjólk.
Soðið vel og sigtað. Þá er það
unnið vel í matvinnsluvél. Smakk-
að til með salti og eplaediki.
Gratínerað blómkál:
Fallegir blómkálsbitar eru steiktir
á sjóðandi heitri pönnu í olíu.
Smjöri er bætt á pönnuna og
blómkálið saltað. Setjið blómkál-
ið á bakka og þekið með íslensk-
um osti (má vera hvaða ostur
sem er). Þá er það gratínerað í
ofni á 180°C í 5-10 mínútur.
Blómkáls-kúskús:
Toppnum af blómkálinu er bland-
að saman við einn smátt skorinn
skalottulauk, ferskar jurtir, olíu,
salt og eplaedik.
Pikklaður perlulaukur:
1 bolli vatn
1 bolli sykur
1 bolli edik
Allt soðið saman og hellt yfir
laukinn. Látið standa í um 30 mín.
Þorskur:
Þorskhnakkinn steiktur á rjúk-
andi heitri pönnu, saltaður og
smjörborinn.
Þorskhnakki og blómkál og meira blómkál!