Morgunblaðið - Sunnudagur - 24.11.2013, Qupperneq 30

30 MORGUNBLAÐIÐ SUNNUDAGUR 24.11. 2013
Þ
etta er góður rjómaís. Þvert á það sem margir halda er
nefnilega ekki auðvelt að finna góðan rjómaís úti í búð í
dag en þar allt meira og minna mjólkurís,“ segir Árni um
ísinn góða sem hann gefur hér uppskrift að. Uppástendur
hann að allir ættu að geta gert rúgbrauðsísinn heima hjá sér. En
hvernig bragðast rúgbrauðsís er manni spurn – varla getur hann
verið sætur eða svalandi?
„Hið hefðbundna íslenska
rúgbrauð er reyndar mjög
sætt,“ segir Árni. „Þegar
maður blandar því síðan sam-
an við þennan klassíska
rjómaís-grunn, fær maður út
ljúffengan ís með nokkurs
konar rúgbrauðskaramellu,“
bætir hann við.
Varðveisla uppskeru
og jólin í öndvegi
Það er ekki hægt að taka hús
á Árna án þess að spyrja
hann út í nýju þáttaröðina úr
Árdal, sem senn fer í loftið.
„Við verðum á svipuðum
nótum og í þáttaröðinni síðastliðið sumar, nema hvað með vetrar-
legum brag – blöndum saman sveitalífinu og því hvernig þetta er í
Árdal að vetri til, síðan blandast jólin auðvitað inn í,“ segir kokk-
urinn. Meðal annars er ráðist í flóknari ostagerð í vetrarþáttunum
en síðastliðið sumar, farið er á veiðar bæði á sjó og landi og af-
raksturinn eldaður, grænmeti súrsað og fleira. „Þráðurinn í gegn-
um þættina nú tekur mið af árstímanum, þ.e. hvernig maður varð-
veitir hráefnið og uppskeruna frá sumrinu – rétt eins og
bændurnir varðveita lambakjötið að hausti með því að ýmist salta
það, reykja eða setja í súr. Síðan blandast aðventan og jólabakst-
urinn inn í,“ bætir hann við.
Sem fyrr sér Árni um matseldina en Guðni Páll Sæmundsson
leikstýrir og er á bak við linsuna og Bryndís Geirsdóttir fram-
leiðir.
DVD „beint frá býli“
Auk þess að leggja lokahönd á nýju þættina, sem fara í sýningu
þann 1. desember næstkomandi, stefnir þríeykið einnig á útgáfu
fyrstu þáttaraðar Hins blómlega bús á DVD innan tíðar. Athygli
hefur vakið að þau nýta sér hópfjáröflunarvefsíðuna Karolina Fund
við fjármögnun verkefnisins. „Einn stofnenda Karolina Fund, hann
Ingi Rafn, er héðan úr sveitinni og hann benti okkur á þennan
möguleika. Auk þess þekkjum við fólk sem hefur farið þessa leið,
eins og til dæmis Jóhanna á Háafelli, sem fjármagnaði Geit-
fjársetrið að hluta til með þessum hætti. Okkur fannst tilvalið að
reyna þetta og kanna hvort fólk væri tilbúið til að leggja okkur
lið,“ segir Árni. Hefur þeim verið afar vel tekið þessar fyrstu viku
á söfnunarsíðunni og ríflega 90% fjárhæðarinnar þegar safnast.
„Þó við náum upp í 100% geta velunnarar okkar enn keypt disk-
inn í gegnum Karolina Fund til 9. desember. Þannig slá þeir tvær
flugur í einu höggi; þeir fá diskinn á mjög hagstæðum kjörum
„beint frá býli“ og styðja okkar litla framleiðslufyrirtæki milliliða-
laust í leiðinni,“ bætir hann við.
Varðandi hvað framtíðin beri í skauti sér, eftir að önnur þátta-
röð Búsins og DVD-útgáfan eru í höfn, segist Árni rólegur. „Ég
einbeiti mér að þessu verkefni í augnablikinu enda nóg að gera en
vonandi förum við í þriðju þáttaröðina næsta sumar,“ segir léttur í
bragði.
Rúgbrauðsísinn er alvöru
rjómaís og því tilvalinn
t.d. um hátíðirnar.
MANHATTAN-KOKKURINN ÁFRAM Í ÁRDAL
Rúgbrauðsís
Hins blómlega bús
MARGIR FYLGDUST ÁHUGASAMIR MEÐ KOKKINUM ÁRNA ÓLAFI JÓNSSYNI RÆKTA OG ELDA ÝMISS KONAR
LJÚFMETI Í ÁRDAL Í BORGARFIRÐI SÍÐASTLIÐIÐ SUMAR, Í ÞÁTTUNUM HIÐ BLÓMLEGA BÚ. ÞESSA DAGANA ER
VERIÐ AÐ LEGGJA LOKAHÖND Á VETRARSERÍU BLÓMLEGA BÚSINS AUK ÞESS SEM TIL STENDUR AÐ GEFA ÞÁ
FYRRI ÚT Á DVD FYRIR JÓL. ÁRNI GEFUR HÉR UPPSKRIFT AÐ LJÚFFENGUM RÚGBRAUÐSÍS.
Gunnhildur Ásta Guðmundsdóttir gunnhildur@mbl.is
Árni Ólafur hefur undanfarið unnið
að framhaldsseríu Hins blómlega bús.
Venjulega eru eggjarauður notaðar
til að þykkja búðinga í ísgerð en oft
finnst mér þær gefa ísnum of mikið
eggjabragð. Í þessari uppskrift þykki
ég búðinginn með kartöflumjöli og
þannig fær rúgbrauðið að njóta sín.
Ástæðan fyrir rjómaostinum er sú
að í honum er mikið af kaseini sem
hjálpar til við að koma í veg fyrir ís-
kristallamyndun þegar ísinn er
frystur. Markmiðið er að ískristall-
arnir í ísnum verði eins fáir og litlir
og mögulegt er, svo ísinn verði al-
veg flauelsmjúkur.
RJÓMAÍS – UM 1 LÍTRI
500 ml mjólk
4 tsk. kartöflumjöl
250 ml rjómi
150 g púðursykur
¼ tsk. salt
3 msk. rjómaostur
RÚGBRAUÐSKARAMELLA
100 g rúgbrauð, mulið í 2 cm
bita
4 msk. púðursykur
25 g bráðið smjör
¼ tsk. kanill
¼ tsk. salt
1. Blandið saman 2 matskeiðum af
mjólkinni við kartöflumjölið í lítilli
skál og setjið til hliðar. Hrærið sam-
an restinni af mjólkinni við
rjómann, púðursykurinn og saltið í
miðlungsstórum potti. Hitið á
miðlungsháum hita og sjóðið í 5
mínútur. Hrærið stöðugt í pott-
inum og skrapið botninn svo mjólk-
in brenni ekki við eða sjóði upp úr.
2. Setjið rjómaostinn í stóra skál og
hrærið hann út með 4 matskeiðum
af heitri mjólkurblöndunni. Takið
pottinn af hitanum, hrærið í kart-
öflumjölinu og bætið því svo í pott-
inn. Setjið pottinn aftur á helluna,
hrærið stöðugt í og sjóðið blönd-
una í um 1 mínútu eða þar til hún
er byrjuð að þykkna og orðin að
búðingi. Hellið búðingnum í skálina
með rjómaostinum og blandið vel
saman. Leggið plastfilmu á yfirborð
búðingsins (til að koma í veg fyrir
að húð myndist) og kælið í klaka-
baði.
3. Gerið því næst rúgbrauðs-
karamelluna á meðan búðingurinn
kólnar. Forhitið ofninn í 180°C.
Hrærið saman rúgbrauði, púð-
ursykri, bráðnu smjöri, kanil og
salti í lítilli skál. Leggið smjörpappír
á bökunarplötu og dreifið rúg-
brauðinu jafnt um plötuna. Bakið í
8-10 mínútur, hrærið þá í og bakið
5 mínútum lengur. Takið rúg-
brauðskaramelluna úr ofninum,
kælið og hrærið í af og til.
4. Þegar búðingurinn er orðinn
ískaldur er hann frystur í ísvél eftir
leiðbeiningum framleiðanda. Ef ísvél
er ekki til staðar er hægt að frysta
búðinginn í eldföstu móti í 4 tíma
og mauka hann síðan í matvinnslu-
vél eða frysta hann í eldföstu formi
og hræra í blöndunni á 45 mínútna
fresti þar til hann er farinn að líkjast
mjúkum ís úr vél.
5. Setjið mjúkan ísinn í stóra skál og
blandið rúgbrauðskaramellunni
saman við. Flytjið ísinn yfir í það ílát
sem bera á hann fram í, leggið plast-
filmu þétt við yfirborðið og frystið í
að minnsta kosti 4 klukkustundir.
Rúgbrauðsís
Matur og drykkir