Morgunblaðið - Sunnudagur - 24.11.2013, Blaðsíða 32
32 MORGUNBLAÐIÐ SUNNUDAGUR 24.11. 2013
Matur og drykkir
É
g hef alltaf haft gaman af mat-
argerð og bakstri og til gam-
ans má geta þess að þegar ég
var unglingur átti ég það til að
spyrja mömmu hvað væri í kvöldmat-
inn klukkan átta að morgni til. Það var
þó ekki fyrr en ég átti strákinn minn
fyrir fimm árum sem ég byrjaði að
dúlla mér við þetta fyrir alvöru og
baka eitthvað að ráði – í tengslum við
tilheyrandi skírnarveislur og barna-
afmæli,“ segir Thelma Þorbergsdóttir
sem bauð heim í kaffi og kökur eft-
irmiðdag einn í nóvember.
Thelma er að góðu kunn fyrir bakst-
ur sinn en fyrir nokkrum árum sigraði
hún til dæmis í bollakökukeppni sem
haldin var í tengslum við hátíðina Full
borg matar.
„Ég hef verið dugleg að þróa mínar
uppskriftir og prófa mig áfram og svo
er eiginmaðurinn settur í það að dæma
afraksturinn og gefa einkunn. Bolla-
kökur hafa svolítið verið mitt og áhug-
inn á þeim mikill en ég hef þó fært mig
yfir í alls konar bakstur og finnst gam-
an að prófa eitthvað nýtt og framandi í
bland við gamlar klassískar kökur.“
Thelma segir að þegar hún haldi
kökuboð reyni hún einmitt að passa
upp á slíka blöndu. Bakstur sem miðast
við að nota kókosbollur, lakkrís og ým-
iss konar sætindi – og baka í raun hálf-
gert sælgæti – hafi verið vinsæll síð-
ustu misserin. Slíkt góðgæti falli hins
vegar ekki öllum í geð sem vilji þá
frekar sígildar kökur á borð við epla-
köku. „Og það má ekki gleyma að
börnin vilja oft einfaldari bakstur en
við sem eldri erum.“
Bók eftir Thelmu, sem ber einfald-
lega heitið Freistingar Thelmu, er ný-
komin út en í henni má finna alls kyns
kökur og sætindi, ís og eftirrétti fyrir
boð af öllum stærðum og gerðum, með-
al annars þrjú barnaafmælisþemu en
Thelma segist auðveldlega missa sig
þegar hún er að undirbúa barnaafmæli.
Auk bókarskrifa er nóg að gera í lífi
og starfi Thelmu. „Ég starfa sem fé-
lagsráðgjafi hjá Fjölskylduþjónustu
Hafnarfjarðar, er matarbloggari hjá
Gott í matinn og svo á ég tvö lítil börn
svo að dagurinn er þéttpakkaður. Mér
finnst ágætt að slaka á í matargerð og
bakstri – því hann er svo skapandi og
alltaf hægt að gera eitthvað nýtt. Sem
sagt svolítið öðruvísi slökun.“
SÆTINDI AF ÖLLUM GERÐUM
Kökuboð í
Hafnarfirði
Móðir og systur húsfreyjunnar; Hildur Birki-
sdóttir fasteignasali og Pálína Kristín Pálsdóttir
sitja vinstra megin við borðið og í fangi Pálínu
er sonur hennar Anton Alexander 7 ára. Son-
ur Thelmu er þeim næstur, Kristófer Karl 4
ára, þá eiginmaður Thelmu, Kristinn Jónsson
lögfræðingur, Thelma sjálf og loks dóttir
þeirra, Hildur Emelía, 3 ára.
THELMA ÞORBERGSDÓTTIR BAUÐ HEIM Í KAFFI
OG MEÐ ÞVÍ EFTIRMIÐDAG EINN OG PASSAÐI
AÐ HAFA BAKSTUR VIÐ ALLRA HÆFI Í BOÐI.
Júlía Margrét Alexandersdóttir julia@mbl.is
UM 25 KÖKUR
120 g smjör, við stofuhita
130 g ljós púðursykur
1 stk. egg
1 tsk. vanilludropar
100 g hveiti
½ tsk. matarsódi
1 tsk. kanill
¼ tsk. Maldon-salt
125 g haframjöl
100 g dökkt súkkulaði, grófsax-
að
100 g H-berg rommrúsínur,
grófsaxaðar
50 g hvítt súkkulaði
Hitið ofninn í 180°C og setjið
smjörpappír á tvær bökunarplötur.
Hrærið smjör og púðursykur saman
þar til blandan verður létt og ljós.
Bætið eggi og vanilludropum við og
hrærið vel. Blandið hveiti, mat-
arsóda, kanil og salti saman við. Bæt-
ið því næst haframjöli saman við og
hrærið. Skerið súkkulaði og romm-
rúsínur gróft, blandið saman við
deigið og hrærið létt. Setjið deigið í
skál og kælið í 30 mínútur. Takið
deigið út og myndið kúlur úr því,
gott er að hafa hverja köku u.þ.b. 30
g eða rúmlega 1 matskeið að stærð.
Raðið kökunum á bökunarplötuna,
hafið gott bil á milli. Bakið í 12 mín-
útur. Kökurnar eru frekar linar þeg-
ar þær koma út en jafna sig á stutt-
um tíma. Kælið kökurnar alveg.
Bræðið hvítt súkkulaði yfir vatns-
baði og hrærið vel þar til súkkulaðið
hefur bráðnað alveg. Hellið u.þ.b. 1
tsk. af súkkulaði yfir hverja köku.
Rommrúsínukökur
með hvítu súkkulaði
12 KÖKUR
160 g hveiti
1 ½ tsk. engifer krydd
1 tsk. kanill
½ tsk. múskat
¼ tsk. salt
55 g smjör, við stofuhita
115 g sykur
130 g síróp
1 egg létthrært
110 ml sterkt heitt kaffi
1 tsk. matarsódi
Hitið ofninn í 180 C og raðið 12
bollakökuformum í eitt stórt
bollakökubökunarform.
Setjið hveiti, engifer, kanil, músk-
at og salt saman í skál og geymið til
hliðar. Hrærið saman smjör og
sykur þar til blandan verður létt og
ljós. Létthrærið eggið og blandið
því saman við ásamt sírópinu og
hrærið. Setjið matarsóda saman
við sterkt heitt kaffi og hrærið þar
til matarsódinn hefur leyst alveg
upp og hellið því saman við blönd-
una. Blandið síðan hveitinu saman
við og hrærið vel saman. Fyllið
bollakökuformin til hálfs og bakið í
20 mínútur eða þar til tannstöngull
kemur hreinn upp úr miðju kök-
unnar.
SÍTRÓNUKREM
250 g smjör við stofuhita
500 g flórsykur
2 msk. mjólk
1 tsk. sítrónudropar
Hrærið smjör og hveiti saman
og bætið flórsykrinum í smáum
skömmtum í einu varlega saman
við. Blandið mjólk saman við
ásamt sítrónudropunum og hrær-
ið vel saman eða þar til kremið er
orðið mjúkt og slétt. Setjið krem-
ið í sprautupoka með sprautustút
1M og sprautið því á kældar kök-
urnar. Skreytið með piparkökum.
Jólabollakökur
430 g hveiti
50 g kókosmjöl
1 msk. lyftiduft
1 tsk. matarsódi
1 tsk. maldonsalt
225 g smjör við stofuhita
170 g sykur
150 g púðursykur
4 egg
3 þroskaðir bananar
60 ml sterkt kaffi
60 ml mjólk
2 tsk. vanilla
Hitið ofninn í 180ºC og smyrj-
ið ferkantað eldfast mót.
Setjið hveiti, kókos, lyftiduft,
matarsóda og salt saman í skál
og geymið til hliðar. Hrærið
smjör, púðursykur og sykur
saman þar til blandan verður ljós
og létt. Bætið eggjunum saman
við, einu í einu, og hrærið á milli.
Stappið bananana og setjið þá
saman við ásamt kaffi og mjólk
og hrærið saman. Bætið þá
hveitiblöndunni smátt og smátt
saman við og hrærið þar til allt
hefur blandast vel saman. Setjið
deigið í eldfast mót og setjið
pekanhnetutoppinn ofan á. Bak-
ið í 35 mínútur eða þar til tann-
stöngull kemur hreinn upp úr
miðju kökunnar.
PEKANHNETUTOPPUR
45 g hveiti
50 g púðursykur
½ tsk. kanill
60 g kalt smjör
Bananakaka með
pekanhnetutoppi
og glassúr